الموضوع: تمت مقابلتي اليوم خذو الجواز وعطوني ورقة لونها؟؟

مساء الخير
اليوم الصباح تمت مقابلتي في السفارة الامريكية
الموضوع على بعضة ما اخذ 20 دقيقة من استلام الاوراق عند المكتب الخارجي الى اخر مقابلة
شغلهم سريع سريع صراحة ومريح والابتسامات تتوزع يمين ويسار
في المقابلة
اسئلة عادية اسم امك واسم ابوك ويطالع في جهازة
وين تشتغل
وش طبيعة شغلك
واي ولاية بتروح ؟
وسبب الزيارة ؟
واسم الشركة المقدمة للدعوة؟
وسوالف منا ومناك لدرجة جالس يوصف لي حالة الطقس في الوقت اللي بروح فية
وطقطق على جهازة وقال لي فيزتك ابرووووووووف
بعد اسبوعين بالكثير راح نرسلها لك
وعطاني ورقة صغيرة صفرا وقال عطها لمكتب فيدكس برا
ودفعت الرسوم للفيدكس ومشيت

سؤالي وش قصة الوان الاوراق اللي تحكون عنها في المنتدى ؟
اصفر وازرق ومدري ايش ؟
سويت بحث في النت وفهمت ان الورقة الصفرا معناتها اوراق ناقصة
والرجال يقول لي مبروك فيزتك برووف وبعد اسبويعن تجيك
وش هذا التناقض ؟
وهل يوم المقابلة لة علاقة بلون الورقة ؟
موعدي كان الاثنين
وشكرا

مواضيع عشوائيه ممكن تكون تعجبك اخترناها لك:

• انا وديزني بين نارين
• بخصوص ميامي ومواقف السيارات
• حاله الفيزا بعد التقديم
• أحد يبي شيء عن سان أنتونيو
• لله يا محسنين
• اطلب نصحكم في رحلتي الاولى انا والعائلة
• استفسار عاجل عن الفيزا السياحية
• تكفون يااخوان عندي علاج لبنتي بسنسناتي وأبي مساعدتكم
• اسئله عن لاس فيغاس والفنادق وموقع بوكينغ
• لمحة سريعة عن لوس انجليس ولاس فيجاس
• خبراء لوس انجلوس محتاجه مساعدتكم بليييز
• الجامعات الموقوف القبول من قبل الوزارة
• طالب سعودي في امريكا وبيسافر لكندا زيارة وعنده عدة اسئلة
• الى سكان فرانسيسكو واصحاب الخبره السابقه ؟
• اعطوني ورقه خضرا استفسار ممن لديه الخبره وخاصة الاخ امباكت لا هنتو اتمنى الرد
• خطاب العلاج ولكن
• كيفية استخراج الفيزا من الجزائر؟؟
• سؤال بخصوص في نموذج الفيزا
• الرجاء المساعدة الفورية بخصوص شيكاغو
• ابغا اسافر امريكا ايش اسوي

الالوان مالها دخل بشي
مادام عطاك كرت وقالك سلمه لفيدكس
مبروك الفيزا مقدما بمشيئه الله

وسفره موفقه

الف مبروك والاوان كما كتب لك عضونا مالها علاقة في الكروت

النواقص يعطى ورقة صفرة فيها النواقص الي لازم تجيبها مو كرت !!

ان شاء الله اسبوعين والفيزا عندك ,,

بالتوفيق

الف مبروووووك مقدما
و بلتوفيق ان شاء الله

شكرا يا اخوان وحقيقة من ناحية الوان الكروت ذكرتها لان كثير من الاعضاء اشوفهم يحكون عنها
توقعت عندي نواقص او شي لكن الحمد لله على كل حال

انا اليوم الثلاثاء مقابلتي ..
الحمد لله تياسير
الغريب انهم ماخذوا مني ولا شي
حتى الابلكيشن المطبوع ما خذوه و لا الصورة الفوتوغرافيه ولا كشف الحساب ولا الشهادات ولا التعريف ولا اي شي من طلباتهم
بس صورة من الاي توني
و الحمد لله قالو فيزتك مقبوله و توصلك بعد 3 اسابيع و عطوني كرت الفديكس !

الف مبروووووك مقدما
و بلتوفيق ان شاء الله