المشاركة الأصلية كتبت بواسطة ملح ومملوحة
http://www.arabtravelersforum.com/tr...5/#post6750369
السلام عليكم ورحمة الله وبركاته
بإذن الله جاية ل دانة الخليج من مغرم الجمعة الى عصر الاحد يعني تقريباً يومين 
وعندي كم استفسار طلبتكم
وعليكم السلام ورحمة الله وبركاته تنور الكويت فيكم
انتي تامرين امر
لاتردوني : 
كيف الجو الان عندكم :بآرد، ربيعي، حار
الجو ربيعي ومايل للحار بالظهر
1- المواصلات : التاكسي سمعت ان فيه تاكسي تحت الطلب ممكن ارقامهم حتى لما نحتاجهم نطلبهم 
اكيد بتحصلين بالفندق اسماء شركات التاكسي او بالجرايد كلهم اسعار وحدة
2- صيدلية بوتس وبالأخص منتجات سب ان قلوري اين متوفرة ب اسواق الكويت او حتى تكون الصيدلية لوحدها
بوتس موجودة بأغلب المولات بالافنيوز فرعين واكيد بتحصلين فيها المنتجات وفي فرع لهم بالمطار بعد
3- سوق الجمعة هو سوق شعبي وتنصحوني به ام بسوق المباركية ؟
سوق المباركية افضل من سوق الجمعه
4- وابغى سوق من ظمن الاسواق اللي بقولها لكم يحتوي على ماركات عالمية ك باربري و كوتش وجفينشي والخ : الافينوز ، سوق شرق ، مجمع 360 ، مجمع الراية .
الافنيوز ...مجمع 360....الراية
5- تنصحوني ب الافينوز او مجمع الراية ؟
الافنيوز تلاقين فيه الماركات اللي ذكرتيها وتلاقين الماركات الاعتيادية
الراية فيه ماركات بس محدودة وهادي جدا
6- ابغى مكان تزلج نساء ورجال تنصحوني به بس مو التزلج اللي بزلاجات لا اللي ب القوارب الددائرية ، اتمنى فهمتوني ؟
الزلاجات ما اعتقد موجودة اللي قصدج نفس اللي تستخدم على الثلوج لا
مثل هذه ما عندنا
اذا كان قصدج هذه تلاقينها بالمدينة الترفيهية
وسعرها دينار للشخص غير سعر التذكرة الشاملة
7- ابغى مدينة ترفيهية تنصحوني بها للنساء ورجال ؟
الجين افضل مدينة ترفيهية هي حديقة الشعب واحنا دايما مفتوحة للعوايل نساء مع ازواجهم قريبة من السالمية ومجددة
وعندك المدينة الترفيهية بمنطقة الدوحة بعيدة شوي ويمكن تشوفون فيها العاب مقفلة
وعندك بعد مرح لاند بمنطقة الاحمدي
8- الاكواريم موجود في ابراج الكويت ام فقط في المركز العلمي ؟
فقط في المركز العلمي
9- السينما الموجودة في المركز العلمي سينما افلام وهكذا ام سينما ثقافة وزيادة معلومات ؟
افلام ثقافية
المولات تحصلين فيها دور السينما للافلام العربية والاجنبية
10- فيه مسرحيات في هذا الوقت واذا فيه متى وايش المكان
ما اعتقد في مسرحيات
11- + اماكن تنصحوني بزيارتها ؟
وقتج ضيق.. روحي الابراج ..مجمع ديسكفري اذا معك اطفال ....اولمبيا مول بالسالمية
مجمع الكوت بالفحيحيل.....ممكن تفطرون بمركز سلطان على شارع الخليج وقريب عنده رحلات بالقارب في البحر لمدة نص ساعه وتقدرين تصورين الديرة من البحر حلوووة السعر اعتقد دينار
اذا تحبون مطاعم رايقة روحو مجمع المطاعم سبوونز بالمهبولة
وشكراً لكم قلباً وقالباً 
وجزاكم الله خيراً
العفوووووو حبيبتي وما سوينا الا الواجب والكويت تنور فيكم
وجزاكم الله خيراً
رد مع اقتباس
المفضلات