الموضوع: استفسار عن صرف اليورو

مساء الخير بصراحة احترت هل اصرف جميع المبالغ من هنا او اوزعها مابين صرافه وكاش ولا ادري افضل مكان للصرف اليورو وين بالرياض ياليت تساعدوني مابقى على سفرتي غير ايام معدوده يالله الحق

مواضيع عشوائيه ممكن تكون تعجبك اخترناها لك:

• عروض خطوط الطيران
• السفر من مارسيليا إلى برشلونة بالقطار
• أرجو مساعدتي في ترتيب الرحلة
• مساعدتكم
• يا أهل الخبرة رأيكم في طيران عمان ؟
• استفسار مهم عن لاديفانس ارجو مساعدتي
• ارجو المساعده
• الرجاء المساعدة
• رجاء مشاهدة مخططي وفنادقي
• إستفسارات بسيطه عن باريس
• اخواني الرجاء الرد الان بسافر بعد ساعة
• لأصحاب الخبرة الرجاء المساعده
• مسافر الى باريس بعد العيد وعندي استفسارات
• احتاج اسمااء فنادق قريبه من الشانزلزيه
• طلب ترتيب رحلة من باريس الى فرانكفورت
• محتاااااااااااااااااار
• رحلة بنت الصقور لمدينة الفرنسيه
• سؤال عن الطيران من الرياض الى فرنسا
• استفسار عن حجوزات الانترنت لـ برج ايفل ديزني اللوفر
• زيارة فرنسا

مساء النور
اذا معاك فيزا خل الفيزا للمشتريات والمطاعم
كاش للمصروف اليومي
اصرف من الرياض البطحاء اذا المبلغ كبير ولا ما راح يفرق معاك بالبنوك كثير
ابتعد عن فئه 500 يورو خذ ميه او خمسين افضل لك
الكاش لا تاخذه معك خله بالسوفتي بوكس
خذ لك بطاقه صراف الي وخل فيها مبالغ قليله احتياط
وموفق

بس الفيزا لاحضت فيها مشكله انها تحول من الريال الى الدولا الى اليورو يعني لو اخليها الفلوس بالفيزا باكون خسران والكاش صعبه احطه في السفتي بوكس يمكن مو امان بصراحه محتار

من قال مو امان
يعني تتوقع كل المسافرين يأخذون فلوسهم معهم
وانا اخوك أمان

يعني برايك اقسم الفلوس بين صرافه وكاش واخليه بالسفتي بوكس حق الفندق

هذه طريقتي
فيزا للفنادق والسياره والمطاعم
مصروف يومي يكون محدد مسبقا اخذ كل طلعه مبلغ
صراف الي احتياط بشرط ما يكون الفيزا معاي
اذا اعجبني شيء وفلوسي ما تكفي ارجع له
قبل كذا تكون عارف وين تروح مصاريفك للمشاوير من مزارات وغيره

تسلم يافيصل تعبتك معي لاخلا ولاعدم ان شاء الله

ابد يا غالي ما هنا تعب
اي سؤال تفضل الكل مو مقصر جزاهم الله خير

يالبى قلبك يا فيصل ... اللي مايرد على جواله ...

حبيبنا فيصل رد الرد الكافي والوافي بس ابي اقولك والله اني اخذها كاش معي..


بس اهم شيء التوكل على الله .. اولا .. ثانيا لا تطلع محفظتك وفيها فلوس واجد.. والامور طيبه يعني لا تلفت النظر في اللي معك والامور طيبه يالغالي والله يوفقك

تاخذها كاش كلها يا سلام عليك
تراني رجالن تغير نومي 8ونص نايم وصاحي قبل الفجر
بس ابشرك هالاسبوع القادم بيتغير لان الشباب كلهم راجعين من اجازاتهم وكلن بيغطي عن الثاني

شغل غطي واغطي لك ... انا اللي نومي اعوذ بالله .. ساعتين واقوم 6 ساعات .. مقطع ..الله يعين

كم سعر الصرف .؟؟