الموضوع: اللي صار لي في مانيلا

السلام عليكم

عندي نصيحه لكل من يسافر الى الفلبين وهذي من واقع تجربه حصلت لي مع الشرطه. دائما احمل معك اثبات والأ فضل بطاقة عملك.

في احدى سفراتي للفلبين كنت راجع من مكاتي لأرميتا وسائق التاكسي قطع الأشاره ووقفته سيارة الشرطه. طبعا الشرطي ما كلم السواق على طول جاني وقال لي انزل ولما نزلت سألني وين جوازك قلت له في الفندق قال لي ليش ماشلته معاك وكيف اعرف كيف دخلت البلد. طبعا انا فهمت انه يبتزني. سألته وش المطلوب مني قال تجي معنا مركز الشرطه سالته وش التهمه قال اجنبي من غير اثبات هويه.

طبعا اخرجت المحفظه اللي مافيها اللا اقل من 500 بيسو وطلعت له بطاقة العمل واعطيتها له وقلت له انا ماني مجنون عشان اشيل الجواز في جيبي في مانيلا. وهذي بطاقتي خذها وانا ساكن في الفندق الفلاني ولاني رايح معك مركز الشرطه الا بحضور محامي واطلع الجوال وكنت ناوي اتصل على الفندق واقول لهم اني في مشكله مع الشرطه.
تصدقون يا أخوان على طول قال لي

Sir

لا تكلم المحامي انا مصدقك وبعدين انت موظف في شركه كبيره ومعروفه وانا اسف وخذ بطاقتك وبنسامح السواق. في اليوم التالي كلمت مدير الفندق وقال لي تصرفت صح واعطاني كرته الخاص وقال لي اذا حصل معك اي موقف زي هذا قول لهم بكلم المحامي واتصل علي.

اللي احب اقوله لأخواني في هذا المنتدى
دائما احمل معك اثبات
استفسر من ادارة الفندق كيف تتصرف في هذي الحالات
السكن مهم. اسكن في مكان راقي حتى لو كان غالي
اكثر الفنادق في الفلبين لها محامي خاص
الشرطي من يسمع كلمة محامي يذل


في الختام اخواني سامحوني على الاطاله واسلوب التعبير الردئ جدا واتمنا لكم رحلات سعيده

مواضيع عشوائيه ممكن تكون تعجبك اخترناها لك:

• اين يقع فندق بيل اير سوهو
• مسافر جديد الي مانيلا الفلبين
• يا قوم كيف ؟
• ஹஇ ஹஇ ஹஇ دليلك السياحي للفلبين برنامج سياحي இஹ இஹ இஹ
• الفلبين وردة بشوكة قاتلة حكاية سلبى بالقوة
• ابي احجز تذكره لشغالتي من مانيلا للدمام مساعده
• الفلبين او تايلند او ماليزيا ؟؟؟
• فيزا كوافيرة
• الطبخ في بوراكاي وبالوان ؟
• فندق أكاسيا مانيلا
• لمرضى الكلى هام
• فنادق جزيرة بوراكاي
• آول زيارة للوردهـ وياليت تساعدوني
• سؤال عن مفتاح الفلبين
• هل فندق شانغرالا فية انترنت في الغرف دي اس ال
• عاجل استفسار لمن سبق له زيارة الفلبين وخاصة باجيو
• أنشطة بوراكاي و أسعارها
• اريد برنامج يوم
• عروض مغرية لشهر ديسمبر بالفلبين
• بخصوص للي أول مره يروح للفلبين ومابراسه لغه

أولا حمدلله أنه عدى الموضوع على خير
وثانيا أعتقد صورة من الجواز وعليها ختم الفندق تكفي .

تقبل تحياتي

السلام عليكم

الحمدلله على السلامه اخوي

ثانيا بالنسبه للتصرف اعتقد انك وقعت بشرطي جبان شويه او نصاب صغير

لو ما كنت ثابت في كلامك او اهتزيت و بالمقابل كان الشرطي خبره بالنصب كان أستغل الموقف لصالحه

لكن ليش نعطيهم مجال يستغلونا؟ أمشي بالسليم و أحمل صورة من جوازك عليها ختم الفندق و يكتبون لك الفندق على الصوره موعد وصولك لهم ..

و الحمدلله على سلامتك مره ثانيه

نعم تحصل واخاصة في اخر الليل يكون نقظة تفتيش او قد يكون صاحب الاجرة مخالف كما حصل لصاحب الموضوع ,,
في السفارة يقمون بتصوير الجواز وختمة وتقدر تجعلها معك احتياطاً!!!
بارك الله فيك لنقلك تجربه قد يستفيد منها الكثير من اخواننا المسافرين!!!
تحياتي لك
رجنت

تصرف سليم بعدين ياجماعه المفروض تاخذ معاك صورة للجواز تكون صغيره وفيها ختم الدخول بالتارخ من لمطار

talaga, basel 8182, رجنت

يا هلا وغلا واشكركم على الملاحظات بس حبيت انقل لكم خبرة 27 سنه سفر للورده. ايام ماكانت الورده ورده والسوق الحره للسائح في الفنادق

استفدنا من الموضوع والردود ودرب السلامه للجميع

ولنا زياره للفلبين في يوم ما

حمل صورة من الجواز الصفحة الأولى وتلصق بها الفيزا شئ ضرورى ...ما يخيف شرطه مانيلا ليس المحامى بل بمجرد أن الشرطى يلف ويدور قاصدا الأبتزاز قل له سوف أتصل بعمدة مانيلا alfredo lim وشوفه شلون يطلق ساقيه للريح !! أما عمدة مكاتى الحالى Jejomar Erwin Binay Jr أبن العمدة السابق فهو جديد بمنصبه ...أما الشرطة فى المدن والأقاليم الأخرى فهم ودودين بشكل عام فلا خوف منهم ....بالفعل احيانا كرت الفندق يفيد فقد تعرضت للأحتجاز بنقطة تفتيش بالعاصمة الأندونسية جاكرتا 1999ولم اكن أحمل صورة للجواز وللصدفه أننى كنت أحمل كرت الفندق ومفتاح الغرفة فأفرج عنى ....

والله موضوع مهم انا كل سفراتي لفلبيين ماعمري شلت لا جواز ولا صورته يعني بدون اثبات . وهذا غلط طبعا
بس انا حاب اسال يكفي اذا اخذت صوره من الصفحه الاولى للجواز و مختومه من السفاره ؟

بارك الله فيك , موضوع مهم.

الحمدلله ع السلامه اخي
وانا عن نفسي صورة الجواز دائما معي مختم من السفاره
وانصح اي مسافر ان ياخذ صورة الجواز مختم من سفارة بلدة
ولكم تحياتي

انازرت الفلبين سنة 93 و94 3 مرات وكنت اتمشى لين الفجر والحمد لله لم اصادف اي مشكله هل تغيرت الاوضاع الحين ولا شلون ....

مساء المانجا... كما ذكر حبيبنا أبوطلال صورة الجواز المعتمدة هي تلك المختومة بختم السفارة فقط ومن واقع تجربة شخصية صورة الجواز المختومة من الفندق غير معتبرة وممكن تكون سبب في طمع الشرطي فيك إذا تنيب له أنك ساكن في فندق فخم.
ثانياً: كن حكيماً دائماً وأعلم أن الشرطي (راعي ديرة) فمع احترامي للأخ تلقا فالشخص المعني هو الأقدر على تقييم الموقف والحكمة قد تقتضي أحياناً أن تدفع لتلافي الـتأخير أو التحقيق أو ربما التوقيف والريال يعز راعيه في الفلبين.
تحياتي للجميع