الموضوع: استفسارات بسيطه يا أهل الكويتأرجوا انكم تتحملوني شوي

مرااحب جميعا

ان شاء الله انا مخطط اني اروح للكويت بكره خصوصا ان عندنا في الشركه لونج ويك اند

قلت منها تمشيه وتغير جو ولو ان الايام هذي حر

على العموم يا جماعه انا عندي بعض الاستفسارات البسيطه وياليت الي عنده اي معلومه يعلمني فيها

** اذا بغيت اشتري خريطه للكويت وين ممكن احصل عليها علشان تسهل علي اموري ولا ازعج خلق الله كل شوي موقف لي واحد وسائله

** اكوابارك والمسيله على مافهمته انهم اثنينهم العاب مائيه. لو بختار واحد فيهم وشو تنصحوني فيه ايهم ؟

**اوقات العروض للمركز العلمي ؟

** انا شفت الخريطه الي موجوده هنا بالمنتدى وشفت شي شدني وودي اجربه من زمان درايف ان سينما !! هل لازالت موجوده خصوصا ان الي كان حاط الخريطه يقول انها قديما وعمرها 12 سنه
واذا هي موجوده تستاهل؟؟!!

** من ضمن الاماكن الي كانت معروضه بالخريطه النافوره الموسيقيه هل تسوا اني اروحلها ومتى وقت تشغيلها؟

ادري طولتها معاكم بس معليه

شاكر لكم مساعدتكم مسبقا :113:

مواضيع عشوائيه ممكن تكون تعجبك اخترناها لك:

• فندق كويت كونتننتال و شقق ارينزا رايكم لو تكرمتو
• اول زيارة لي للكويت
• بليز عندي استفسار عن العيد في الكويت
• اهل الكويت الحبايب
• فندق ساس الجديد
• عدة أستفسارات محتجه ردودكم
• فتج باب القبول في دار القران الكويت
• اعيش فى ايطاليا و نفسى ازور الكويت ولا اعلم كيف ؟
• جريدة الأن
• استفسارات بخصوص زيارة الكويت
• ممكن معلومات عن متحف شركة نفط الكويت ؟
• جو الكوووووووووويت
• انا بزور الكويت فبراير لمدة يومين
• كم المسافه بين السالميه والكويت
• الفزعة يأهل الكويت
• هل من مساعدة؟
• صباح بحري حار وكان الأطفاء جولتها
• ممكن طلب
• مطعم شعبي
• وينكم يا بنات الكويت

عزيزي اهلا وسهلا فيك في بلدك الثاني

اولا خريطة الكويت من اي مكتبه ممكن اتلاقي خريطه .. واغلب الفنادق عندها خريطه للكويت

ثانيا .. اذا انت ناوي اتزور الابراج اكوابارك افضل لك تأخذهم بمشوار واحد لكن المسيله حجمها اكبر شوي من اكوابارك واحدث ...

ثالثا .. اوقات العروض للمركز العلمي ....

مواعيد دخول مرافق المركز العلمي
الأكواريوم - قاعة الإستكشاف - سينما آي ماكس - محل الهدايا
من السبت الى الخميس 9:30 صباحا- 09:30 مساءً
الجمعة
2:00 ظهرا - 09:30 مساءً

رابعا .. بالنسبه للدرايف ان سينما كانت في الكويت اثنتان واحده يتم بناء مشروع ترفيهي ضخم مكانها الان وهو (360 مول) والاخرى في جنوب الصباحيه وهي مغلقه الان لكي يتم بناء مشروع ترفيهي اخر مكانها وهو ( الكويت مول ) .... الدرايف ان سينما تجربه جميله لكنها غير مربحه تجاريا اضافه لا استخدامها مساحه كبيره يمكن استغلالها استغلال تجاري اخر .... وهذا ما جعلها تنقرض ...


خامسا النافوره الموسيقيه منتزه قديم وخدماته قديمه اذا كنت تريد شيء مقارب توجد نافوره متطوره وحديثه وذات عروض ضوئيه وموسيقيه في مجمع الكوت بالفحيحيل وتحيط بها مطاعم وكافيهات وداخل مول لذلك تكون مكتملة الخدمات ...


واهلا وسهلا فيك مره اخرى ورحله ممتعه ان شاء الله

ولأي استفسار حاضرين ....

أخوي أذا عندك وقت أدخل على موقع وزارة السياحة الكويتية بالنت وتجد غايتك بأذن الله

ماشالله اخونا kuwait 2 world ماقصر وياك لكن انا بجاوبك على الالعاب المائيه
بالنسبه لي المسيله اكبر واحللى واحدث من الاكوابارك لكن يبيلها مشوار بسيط
وانت اذا رحت الابراج راح تشوف الاكوابارك اذا اهي زينه او لا

انشالله رحله موفقه تقضيها بالكويت وتستانس فيها
واذا عندك اسئله نحن في الخدمه

المشاركة الأصلية كتبت بواسطة saher00


أخوي أذا عندك وقت أدخل على موقع وزارة السياحة الكويتية بالنت وتجد غايتك بأذن الله




ممكن الرابط لو سمحت

المشاركة الأصلية كتبت بواسطة kuwait2world


عزيزي اهلا وسهلا فيك في بلدك الثاني
اولا خريطة الكويت من اي مكتبه ممكن اتلاقي خريطه .. واغلب الفنادق عندها خريطه للكويت
ثانيا .. اذا انت ناوي اتزور الابراج اكوابارك افضل لك تأخذهم بمشوار واحد لكن المسيله حجمها اكبر شوي من اكوابارك واحدث ...
ثالثا .. اوقات العروض للمركز العلمي ....
مواعيد دخول مرافق المركز العلمي
الأكواريوم - قاعة الإستكشاف - سينما آي ماكس - محل الهدايا
من السبت الى الخميس 9:30 صباحا- 09:30 مساءً
الجمعة
2:00 ظهرا - 09:30 مساءً
رابعا .. بالنسبه للدرايف ان سينما كانت في الكويت اثنتان واحده يتم بناء مشروع ترفيهي ضخم مكانها الان وهو (360 مول) والاخرى في جنوب الصباحيه وهي مغلقه الان لكي يتم بناء مشروع ترفيهي اخر مكانها وهو ( الكويت مول ) .... الدرايف ان سينما تجربه جميله لكنها غير مربحه تجاريا اضافه لا استخدامها مساحه كبيره يمكن استغلالها استغلال تجاري اخر .... وهذا ما جعلها تنقرض ...
خامسا النافوره الموسيقيه منتزه قديم وخدماته قديمه اذا كنت تريد شيء مقارب توجد نافوره متطوره وحديثه وذات عروض ضوئيه وموسيقيه في مجمع الكوت بالفحيحيل وتحيط بها مطاعم وكافيهات وداخل مول لذلك تكون مكتملة الخدمات ...
واهلا وسهلا فيك مره اخرى ورحله ممتعه ان شاء الله
ولأي استفسار حاضرين ....




يعطيك ربي الف عافيه يالغالي

ما شاءالله عليك ماخليت شي الا وجاوبتني عليه كذا تطمعني فيك :114: :109:
تسلم والله يالغالي مره ثانيه

لكن عندي سؤال اذا تقدر تجاوبني فيه او اي واحد من الاخوه فندق الكويت كونتيننتال الي على شارع الاستقلال شلونه جيد والا مو لهناك

يسلموووووووووو

المشاركة الأصلية كتبت بواسطة saher00


أخوي أذا عندك وقت أدخل على موقع وزارة السياحة الكويتية بالنت وتجد غايتك بأذن الله



تسلم يالغالي على مرورك
من ناحيه الموقع فأنا زرته وفريت فيه زين :24: استفدت منه شغلات كثير
لكن كانت ناقصتي بعض الشغلات وماقصروا الأعضاء نورونا

المشاركة الأصلية كتبت بواسطة Gl0wing_giRl


ماشالله اخونا kuwait 2 world ماقصر وياك لكن انا بجاوبك على الالعاب المائيه
بالنسبه لي المسيله اكبر واحللى واحدث من الاكوابارك لكن يبيلها مشوار بسيط
وانت اذا رحت الابراج راح تشوف الاكوابارك اذا اهي زينه او لا
انشالله رحله موفقه تقضيها بالكويت وتستانس فيها
واذا عندك اسئله نحن في الخدمه




تسلمين اختي على الملعومه
انا مايهمني المشوار قريب والا بعيد ماعندي اي مشكله اهم شي الواحد يستانس ويوسع صدره
خلاص استقريت على المسيله ان شاءالله
بس اذا تقرين تقولين لي اختي وشو افضل وقت ممكن اروح للمسيله فيه؟؟


ويعطيك الف عافيه اختي

شوف أخوي واقعي أنا الحقيقة أختلف مع الإخة حول أفضلية شاطئ المسيلة عن الأكوابارك بالعكس الأكوابارك ألعابها جميلة وأشرح ولكن المسيلة تتميز بلعبة للاطفال غير موجودة بالأكوابارك وهو ربما ما يحبب الناس بها (خاصة من يكون هدفه تسلية أطفاله) .
بالنسبة للكويت كنتينينتال : انا سكنت فيه سنة 2004 وهو ثلاث نجوم ،الحقيقة توجد فنادق افضل منه وبنفس السعر (اثاثه قديم جدا)ومطاعمه عاديه(مطعم هندي وانترناشيونال بوفيه)
انا أفضل فندق الكورنيش بجانب مجمع المارينا مول أوبودل للشقق الفندقية (خدمة فندقية متميزة) وكذلك شقق المارينا وشقق النوري جميعهم بنفس السعر تقريبا.

المشاركة الأصلية كتبت بواسطة فهد الأحمد


شوف أخوي واقعي أنا الحقيقة أختلف مع الإخة حول أفضلية شاطئ المسيلة عن الأكوابارك بالعكس الأكوابارك ألعابها جميلة وأشرح ولكن المسيلة تتميز بلعبة للاطفال غير موجودة بالأكوابارك وهو ربما ما يحبب الناس بها (خاصة من يكون هدفه تسلية أطفاله) .
بالنسبة للكويت كنتينينتال : انا سكنت فيه سنة 2004 وهو ثلاث نجوم ،الحقيقة توجد فنادق افضل منه وبنفس السعر (اثاثه قديم جدا)ومطاعمه عاديه(مطعم هندي وانترناشيونال بوفيه)
انا أفضل فندق الكورنيش بجانب مجمع المارينا مول أوبودل للشقق الفندقية (خدمة فندقية متميزة) وكذلك شقق المارينا وشقق النوري جميعهم بنفس السعر تقريبا.



تسلم اخوي فهد على المعلومه

انا رايح للكويت ان شاء الله مع حرمنا المصون الله يخليها لي :101: :24: ولا عندنا أطفال

اما من ناحيه فندق الكويت كونتيننتال شلته من بالي وشكلي بمر على فندق الكورنيش اشوفه

يسلمووووو مره ثانيه يالغالي

هلا بك اخوي
سفره ممتعه ...
اذا على جوها بهالحزة فهو حار وموت ولواهيب وشي يضيق الصدر
حتى النظاره الشمسيه تحسها بذوب في وجهك من شدة الحر
توي جايه والله من كم يوم ...

اذا تبي اوتيلات ... انصحك بـ جي دبليو ماريوت
ما اسكن غيره شي يوسع الصدر ويفتح النفس والخدمه من تقول ( آ ... ) على طول عندك
وفيه مرافق كويسه ...

واذا تبي شاليهات عندك
1- هيلتون
2- فلامنجو تشيك

لكن الهيلتون حبيته اكثر ..

بالنسبه للنادي العلمي .. انصحك تزوره ... وتزور الاكواريوم .. من جد فنتاستك ..
خصوصا حوض / سمك القرش ... يجنن شي خيالي ...
لدرجة اني تنحت عنده ...والي معي طلعوا وانا مازلت متسمره هههههههههه

اتمنى لك رحله موفقه يارب ..
ماوصيك ابي منك طلبين
1- جب لنا معك " درابيل "
2- تغدوا

لو سمحتوا النادي اللمي في اي منطقه موجود وبكم دخول الشخص

المشاركة الأصلية كتبت بواسطة السولدير


هلا بك اخوي
سفره ممتعه ...
اذا على جوها بهالحزة فهو حار وموت ولواهيب وشي يضيق الصدر
حتى النظاره الشمسيه تحسها بذوب في وجهك من شدة الحر
توي جايه والله من كم يوم ...
اذا تبي اوتيلات ... انصحك بـ جي دبليو ماريوت
ما اسكن غيره شي يوسع الصدر ويفتح النفس والخدمه من تقول ( آ ... ) على طول عندك
وفيه مرافق كويسه ...
واذا تبي شاليهات عندك
1- هيلتون
2- فلامنجو تشيك
لكن الهيلتون حبيته اكثر ..
بالنسبه للنادي العلمي .. انصحك تزوره ... وتزور الاكواريوم .. من جد فنتاستك ..
خصوصا حوض / سمك القرش ... يجنن شي خيالي ...
لدرجة اني تنحت عنده ...والي معي طلعوا وانا مازلت متسمره هههههههههه
اتمنى لك رحله موفقه يارب ..
ماوصيك ابي منك طلبين
1- جب لنا معك " درابيل "
2- تغدوا



مرااحب

من ناحيه حر والله حر لدرجه السياره تقدر تطبخ فيها الظهر :109:

لكن بالليل الجو ولا ارووووع صراااحه

السكن انا سكنت بفندق الكورنيش موقعه حلو مره وقريب حيل من مارينا مول (تمشي له مشي) وسعره معقول

وعلى فكره مسوين عروض مره حلوه بالصيف

لقيت الماريوت ب 39 دينار
وانا سكنت بالكورنيش مرررره نظيف صراحه ب 40 دينار لكن عيب الكورنيش ان كل شي صغير عندهم من ناحيه المسبح او المطعم بس الغرف روعه

وعندي تنبيه الي يبي يسكن فيه اليومين هذي انصحه انه ينبههم انه يسكنونه بالجهه الشرقيه من الفندق لأن الجهه الغربيه في عماره قاعد تنبني وانوااااااااااع الازعاج من الصبح :110:

على فكره الدرابيل جبت معاي كفايه للي يبي

يسلموو مره ثانيه

المشاركة الأصلية كتبت بواسطة daloolh


لو سمحتوا النادي اللمي في اي منطقه موجود وبكم دخول الشخص



هلا اختي دلوله

النادي العلمي على شارع الخليج تقريبا اخره واذا ماكنت غلطان فهو في السالمية

وبالنسبه للدخول على حسب الي تبين تدخلين له

فيه ال آي ماكس
وفيه الاكواريوم
وفيه شي ثالث خاص بالاطفال والله نسيت شنو اسم القسم

انا اخذت تذكره لل آي ماكس والاكواريوم بـ 13 دينار لي انا وزوجتي يعني الواحد بـ 6.5

الحمدلله على السلامه اخي الواقعي .. وان شاء الله كانت رحله موفقه واستمتعت في بلدك الثاني الكويت

عزيزي ننتظر تقريرك مع ذكر الايجابيات والسلبيات ان امكن ... وشاكرين لك ..

الحمد الله على السلامة اخوي وان شاء الله استانست

هو صج حر عندنا بس الواحد يغير الروتين اللى عايشه

وعلى قولك باليل الجو زين والحمدلله

يالله وين التقارير بسسسسسسسسسسسسسسسسسسسرعه

غريبة جي دبليو ماريوت السويت بـ 39 دينار ؟@@
ياخي انا اخذه باليوم الواحد بحول الـ 80 دينار الا شوي
اخذ سويت / رجال الاعمال
مع الخدمات .. وممكن يوصل للـ 100 بعض الاحيان
علمني عن ابو 39 دينار وش سنعه

أخوي السولدير أحب اوضح لك أن سعر 39 دينار هو للغرف (ستاندرد روم) في جي دبليو ماريوت وعموما اغلب فنادق الكويت توحد اسعارها بالصيف من 15/6 إلى 31/8 (تقريبا كلهم بسعر 39 دينار للغرفة ) والفنادق مثل ماريوت كورت يارد وساس وشيراتون وفور بوينتس وغيرها

هلا بك اخوي فهد الاحمد ..
ما ادري بصراحه عن الاسعار ..بين الفنادق
لاني من كم سنه وانا اتعامل مع الـ جي دبليو ماريوت
ومن قبله ومن سنة جدي وانا اتعامل مع / المرديان
شكل المبنى عاجبني ههههههه
كنت اروح للمرديان وبعد ماتحول الى الماريوت ضليت معهم
في دولة الكويت ...


بالنسبه للشاليهات عندكم الـ فلامينغو تشيك ... ثلاث ايام بـ 300 دينار ..
وماعجبني العرض لاني كنت ابيه ليوم واحد ... والمكان كان ضيق وصغير
ورحت للـ هيلتون ... واخذناه يوم واحد بـ 360 دينار
بس كان فيلا شاليه واسعه وشرحهه بـ اربع غرف + برايفت سويمنق بول
ومكان يشرح الصدر يالله الجنه

هلا أخوي السولدير شيك فلامنجو مليت من كثر ما اروحله والسبب قربه من منطقة سكني تقريبا 10 دقائق الحقيقة كأني عند البيت مافيه ميزة (يفترض إنك تأخذ مكان بعيد عن محل السكن) علاوة على ذلك ليس به أي عناصر للترفيه فقط بحر ومطعم واحد لبناني (مستوى متوسط) و2 سويمنج بول وصالة هيلثي كلوب صغيرة (أحسن شي السويمنج بول) ، أما بالنسبة للهلتون شي ثاني بصراحة أولا يعطيك جو السفر حتى لو كنت من أهل الكويت كونه بعيد عن العاصمة بالإضافة للخدمة الجميلة والمتميزة