الموضوع: اللي قدم على بعثة امريكا بوزارة التعليم العالي يدخل

تسلم أخوي ...وترى تركت لك رسالة في علبة البريد الوارد الخاص بك في هذا الموقع

باركولي شباب

جاني قبول من جامعة Eastern Michigan University

تمنياتي للجميع بالتوفيق

:113: :113: :113:

ماشاء الله ألف ألف مبروك dr.fadi

وعقبال التخرج ان شاء الله

بس مادري وش الجامعة هذي هل هي معروفة وكويسة ولا لا .. وايش تخصصك .. وكيف راسلتهم عن طريق مكتب ولا أنت بنفسك ..

وبالتوفيق ان شاء الله

عن طريق الملحقية

ونفس الجامعه راسلتهم بنفسي

وكذلك عن طريق مكتب بعثة اللي موجود بالرياض


والله يبارك فيكم

اخوي فادي عندي سؤال لو سمحت

بس ابي اعرف من متا وانت راسل اوراقك للملحقيه
يعني ابي اعرف الفتره بين ما ارسلت الاوراق اللين ماجاك القبول كم اخذ وقت

لاني مثلك ارسلت اوراقي وانتظر الرد

شاكر لك

انا الحمد لله له اسبوع وصلني الI 20 من جامعة California State University Northridge

ياخوان انا الآن راسلت بعض الجامعات عن طريق الوزارة و أحد المكاتب ... باقي الملحقية ماراسلتها!

كيف أراسلها ؟ هل عن طريق الفاكس (ياليت واحد يعطيني رقمه )أسرع و أوفر ولا بالبريد و أيش الأشياء اللي أرسلها لهم وهل أحدد لهم جامعات معينة ولا لا ؟!!!!



ألف مبروك لكل من حصل على قبول ....

الله يوفقكم يااااااااااارب

ودعولي تواااااااااااااااااااااااافق الوزارة على طلبي

اخوي فهد انا ارسلت اوراقي لهم قبل تقريبا شهر

بالفيد كس اسرع

مايحتاج تحدد جامعة

هم يختارون لك

وشوف عنوان الملحقيه في موقع السفارة السعودية

هذا رقمهم0012022988821

مشكور أخوي:

في موقعهم يقولون أرسل الأوراق الأصلية !!

هل يعني أرسل الثانوية و الضمان الأصلي و لا يكفي صور مصدقة ؟!!

صورها صور طبق الاصل

شكراً لك على سرعة الرد

وشكراً على الرسالة الخاصة

انا تحت الخدمه اخوي

اي استفسار لا تتردد

عندك الرقم

او بالرسائل الخاصه

هلا فادي

زين زين بشرتني اجل انا راسل اوراقي من مده طويله تقريبا اسبوعين ونص الى ثلاث اسابيع وانتظر الرد

ياشباب الاوراق المطلوبه للملحقيه هي ..

1. صورة من الضمان المالي
2. صورة من جواز السفر
3. صورة من كشف درجات الثانوية العامه ( يفضل نسخه عربي ونسخه انجليزي )
4. صورة من شهادة حسين السيرة والسلوك ( يفضل نسخه عربي ونسخه انجليزي )
5. سيره ذاتيه او ( c.v ) تراها مهمه يعني تكلم فيها عنك اسمك وجنسيتك وشهاداتك بشكل نقاط ولا تنسى تحط عناوينك من تلفون وايميل وفاكس ولو عندك بيجر حطه
6. موضوع مكون من 250 الى 500 كلمه تتكلم فيها عن طموحك وليش اخترت هالتخصص وليت اخترت امريكا ووش ناوي تشتغل بالمستقبل ( تراها جدا جدا جدا مهمه ياشباب ويعتبر ملفك من النواقص اذا ماجبتها )
7. يفضل انك تختب خطاب صغير بخط يدك موجه للملحقيه تقولهم ياليت تساعدوني بحصول على قبول واذا فيه جامعه محدده اكتبها ( اختياري هالشي بس انا اقول للاحتياط يعني لان لا تتوقع انهم يدقون عليك ويقولون لك وش تبي جامعه طال عمرك )
8. اذا عندك نسخ من شهادة الاول والثاني ثنوي مترجمه يفضل انك ترسلها من باب الاحتياط

ان شالله ما اكون نسيت شي .. هاذي الاوراق رتبها وظبطها وارسلها بالفيدكس لانه ياخذ من 24 الى 48 ساعه ويوصل واشنطن ان شالله على هذا العنوان



قيمة الشحن بحدود 290 ريال غالي شوي بس يستاهل ان شالله

تابع الشحن بموقع الفيدكس اذا قالك انه وصل واشنطن كلم الملحقيه وقلهم وصلتكم الاوراق ولا لا

عشان يبدون يشتغلون باوراقك

وهذا رقمهم 0012022988821

تحياتي المستلج

الواجب على الوزارة ترتيب الدراسة للطالب الى ان يجلس على مقعده

هكذا ضياع في ضياع... والضحية الطالب خاصة وان المال المقدم له قليل لايكفي للسكن فكيف المصاريف الباقية

الله يوفقكم ياشباب

المنتصر بالله

هذي افضل طريقة اللي تعلم الواحد كيف يحتك بالناس والمسؤولين

وطرق التعامل معهم

من هنا يبدا تعلم وتطبيق مبدا الاعتماد على النفس

والله انه لموقف محزن ان ترى شاب عمره قرابة 22 سنة وجاي يقدم على البعثه

ومعه والده او احد اعمامه الكبار لكي يتكلم عنه ويراجع بكل اوراقه

ماذا ترك هؤولاء للنساء من حياء وخجل

كيف سوف يتصرف اذا ذهب الى هناك وهو لا يعرف احد

تمنياتي للجميع بالتوفيق

المستلج و فادي
عندي سؤال هل ال c.v اساسي ولا مفضله
واذا كانت اساسي بالانقليزي
وحسن السيرة والسلوك لازم اترجمها بعد وارسلها لا في متطلباتهم ماطلبوا لا سيرة الذاتيه ولا حسن السيرة والسلوك؟؟؟؟؟؟؟؟؟ :110: :110:

أخ فادي..فعلا موقف مخجل

لكن أنا أقصد غير ذلك وهي الجهة المسؤولة عن الأبتعاث
ان تتدخل في تيسير المعاملة.. لأن قد تضيع سنة دراسية وهو لم يرتاح لنظام او مكان الدراسة

ابتعاث العسكريين مثل الحلاوة.. سلس جدا


تحياتي لك ..مجرد رأي عابر

أنا ما أعطوني الضمان المالي لحد الان بس أفكر أسجل في الجامعة الان
:في موقع الوزارة مكتوب يمكن التجاوز عن معدل القدرات عند إحضار قبول صريح أو مشروط من أحد الجامعات المعترف بها : تنصحوني أسجل بنفسي للجامعات أو أنتظر....و على حد علمي ان الجامعات ماتطلب الضمان المالي الا بعد القبول
ومثل ماعرفت ان الاخوان(المستلج) و(dr.fadi) سجلتو عند الجامعات ياليت تفدوني ؟؟؟

النسبه للـ c.v اختياري للملحقيه ولكن مهم للمكتب الوزارة وانا اقول الـ c.v جدا مهم لان فرضا جاك القبول ؟؟ شلون يبون يعرفون عنوان وايميلك واغلب الجامعات ترسل القبول على الايميل ترا !! يعني الC.V مهم صدقوني

حسن السيره والسلوك برضو يعتبر مهم جدا جدا واذا كنت من سكان الرياض طريق الملك عبدالله تقاطع شارع التخصصي فيه محلات ترجمه معتمدة

وان الى الان ماجاني قبول وادعولنا بالتوفيق

الله يوفقكم ويعطيكم العافيه على المعلومات

السلام عليكم.... نتمنى لكم التوفيق جميعا
أحد الأصدقاء عازم على مواصلة دراسته للحصول على ماجستير في الحاسب الآلي
ولكن المشكلة التي يواجهها هو معدله الجامعي مقبووووووول
هل توجد جامعات لاتشترط حد أدنى للمعدل؟؟؟؟؟؟؟؟؟؟
علما انه سوف يدرس على حسابه الخاص وليس عن طريق البعثة

الله يعطيكم ألف عافيه جميعا


حبيت أسأل عن التخصصات

أنا تخصصت ( تجاره ألكترونيه )


1/هل هذا التخصص مرغوب ..

2/ وكيف يمكن أحصل على قبول

3/ وهل له متطلبات غير شهادة الثانوي

وشكرا

الاخ vbmad

السلام عليكم

بالنسبة للمعدل لا يشيل هم ...

قله توكل على الله وادع لنا ...

انا اعرف واحد الحين يكمل دراسته في الخارج وتقديرة مقبول ...

عندهم شي اسمه PreMaster يعني قبل الماجستير ...

يدرس له كم مقرر يرفع فيها معدلة ثم يقبل لدراسة الماجستير ...

اتمنا اني اكون افدتك ...

لك التحية والتقدير ...

عليكم السلام أخي الوشيقري
شكرا على ردك الكريم، وآمل اذا أمكن أن تعطيني عنوان جامعة معينة تعمل بهذا النظام حتى يتسنى له مراسلتها سريعا

تحياتي

السلام عليكم

الحمد لله تيسر ت الأمور وأرسلت الأوراق للملحقية على العنوان اللي عطيتوني اياه بالسابق ..

ورحت لم فيديكس وقالو ان شاء الله راح تكون في الملحقية صبحية الاثنين وعطوني رقم وقالو تابع أوراقك على الموقع !!

مادري كيف أستخدم هالرقم ياليت اللي يعرف طريقته يخبرنا .... وشكري للجميع

هلا اخوي فهد

ادخل هذا العنوان

http://www.fedex.com/Tracking?cntry_code=sa

وحط الرقم الموجود بالورقه وبيقولك بالتفصيل اوراقك وين تروح وبيقولك انها وصلت ولا لا

انا حطيت اوراقي عندهم يوم الاحد بالليل يعني طلعت الاثنين وقالي الموظف يوم الاربعاء الصباح 10 ونص توصل

بعد المتابعه لقيتها واصله يوم الثلاثاء الساعه ال9 صباحا بتوقيتهم يعني قبل الموعد اللي قالي عنه الموظف بـ 24 ساعه

تحياتي

تسلم يابعدهم انت ......

وكتبت الرقم بالمربع الموجود وخبرني انه مافيه اي معلومات حتى الآن ... يمكن الى الآن ماسجلوها وأخشى انهم ماأرسلوها خصوصا اني جيتهم بوقت مت أخر من أمس ... واليوم مايفتح


الله يستر ................ ومشكور

اخواني اذا اوراقك سلمتها للمكتب قبل المغرب اقصد مكتب فيدكس

تطلع بنفس اليوم اما اذا سلمتها بعد المغرب تطلع من بكرى

لان السياره تجي قبل المغرب

بسم الله الرحمن الرحيم

انا ولله الحمد حصلت على الضمان المالي بعد تقديم اوراقي بحوالي 3 اسابيع وانا مقدم اساسا على مرحلة الماجستير وانا حاجز للرياض ان شاء الله يوم الاثنين لانهم قالو تعال عشان نساعدك على القبول واريد الاستفسار عن الفنادق القريبة من وزارة التعليم العالي حتى يسهل الوصول اليها ( هل فندق انتركونتينينتال قريب من الوزارة ولا لأ) واريد ايضا وصف للطريق من المطار الى الوزارة ومن الفنادق القريبة ايضا الى الوزارة وجزاكم الله خير الجزاء واذا عنكم اي توجيهات لا تبخلو علي

المشاركة الأصلية كتبت بواسطة النمر السائح


بسم الله الرحمن الرحيم

انا ولله الحمد حصلت على الضمان المالي بعد تقديم اوراقي بحوالي 3 اسابيع وانا مقدم اساسا على مرحلة الماجستير وانا حاجز للرياض ان شاء الله يوم الاثنين لانهم قالو تعال عشان نساعدك على القبول واريد الاستفسار عن الفنادق القريبة من وزارة التعليم العالي حتى يسهل الوصول اليها ( هل فندق انتركونتينينتال قريب من الوزارة ولا لأ) واريد ايضا وصف للطريق من المطار الى الوزارة ومن الفنادق القريبة ايضا الى الوزارة وجزاكم الله خير الجزاء واذا عنكم اي توجيهات لا تبخلو علي



هلا اخوي

اول شي توصل بالسلامه وعشان ماتضيع وقت من راي تجيب كل اوراقك المطلوبه والي موب مطلوبه ماتدري وش يقولون لك هالوزارة بعد
فندق الانتركونتيننتال جدا جدا قريب من موقع الوزارة ولو تروحله مشي يمديك بعد لانه جدا قريب وهاذيك المنطقه شوي تكون هاديه بالليل لان فيها مدرستين وفيها الفندق فتشوفها هاديه

اول ماتوصل اذا بتاخذ تكسي قله بس وزارة التعليم العالي اذا ماعرف قله ودني تقاطع التخصصي مع المعذر يعني موقع الوزارة جاي بشارع المعذر وبشارع التخصصي بنفس الوقت

دوام الوزارة بالنسبة للبعثات من 5 قبل صلاة المغرب بساعه لين الساعه 10

توصل بالسلامه تحياتي

ياشباب:هل ممكن أحد يعطيني فكرة عن مدى الخدمة المقدمة من الوزارة في مراسلة الجامعات وهل هي أفضل من المكاتب (لمن جرب المكاتب)

وينضم ال Cnn الى القائمة

اليوم حصلت على الضمان المالي بلا واسطة
الحمد لله رب العالمين

بالتوفيق للجميع

انا وصلني ال i 20 ولله الحمد ويوم الاثنين تطلع الفيزا خلال يومين فقط لانه عندي فيزا قبل حقت سائح
بالتوفيييييييييييييييييييق للجميع

ماشاء الله ......... ألف ألف مبروك وليف الروح

وعقبالنا ................. ياليت توضح طريقة استخراج الفيزا

وهل فيها تعقيد ولا لا

:113: :113: :113:

السلام عليكم ،،،

يااااااااااا شباب فزعتكم تكفووووووووووووووووووووووووووون والله اني مدري وش اسوي :110:

انا مقدم على البعثة .. وكل شي تماااااااااااااااام ... والضمان المالي موجود .....

ابي اراسل الجامعات .... ومدري كيف ابدأ ..... طبعت حوالي 9 ابلكيشن جامعات معترف فيها وكويسه وفيها تخصصي ..... و كلهم يشترطون شهادة التوفل ولا يرفضون الطلب ......

طيب وش الحل .. مع العلم ان كل ابلكيشن عليه رسوم من 25دولار الى 300 دولار .... ولا ودي ارسل وادفع وانا متاكد انهم راح يرفضون الطلب لان ما معي شهادة توفل ....

اراسلهم واكتب في ورقه اني بدرس عندكم اللغه بعد ما احصل على القبول من الجامعه عشان تمشي اوراقي في الوزاره ولا اراسل المعهد الي في الجامعه .... مع العلم اني استفسرت في الوزاره قالوا لو بتجيب قبول من معهد لغه راح تطلع بعثتك على اللغه بس ؟؟؟؟؟؟؟؟؟!!!!!

دلوني يا شباااااااااااب وش السواااااااااااااات الله يجزاكم خير وييسر اموركم ...

تحياتي ،،،

جزاك الله خير اخي المستلج وكثر الله من امثالك وأريد معرفة المكاتب في جدة التي تساعدك على اخذ قبول من جامعات امريكا ونا عندي نفس مشكلة الاخ جس هو (احزر من) وهي امتحان التوفل وال جي ار اي

[align=center]اخوي فهد انا الفيزا حقت الدراسة بتخلص بعد بكرة لاني لي ملف عندهم من اول علشان عندي فيزا سياحة اخذتها بداية الصيف والابليكيشن والله الوالد عنده ناس خلصولي اياها والله يوفقك :107:

اخوي Guess_Who انت راسل الجامعة وقولهم ابي قبول مشروط يعني تدرس عندهم لغة ولما تخلص تدرس عندهم بالجامعة او تقدر تغير بس الحين اطلب من اي جامعة قبول مشروط والله يوفقك :107:
تحياتي للجميع :x1: [/align]

جزاك الله خير وبارك الله فيك بس عندي سؤال وهو هل المتطلبات التي ذكرتها هي نفسها لمرحلة الدراسات العليا ام ان هناك اختلاف.

ارجو الاجابة سريعا لاني قادم غدا الى الرياض ان شاء الله

يا اخوان ،،، للعلم فقط ،،،

احب اقول لكم ان التسجيل في الجامعات سهل سهل ان شالله بشكل كبير وماودي تستصعبونه وراح اعطيكم افضل طريقة ان شاء الله للحصول على قبول وهذي الطريقة للطلاب اللي صدر لهم ضمان مالي، وانا متبعها واموري ماشيه تمام

تسأل عن الجامعات في امريكا وتسأل الي قدر راحوا وبعد ماتستخير واهم شي الاستخاره وتعزم على جامعه معينه
رح الله لايهينك وماعليك الا تحط اسمها (جوجل) وتجيب لك اطرف واحد تعرفه يعرف انجليزي اذا كنت ماتعرف وراح
تلقون اكيد تحت (Contact us) ايميل للجامعه، ارسل وقل انا طالب من السعودية وحصلت على بعثه وابي اكمل في
جامعتكم،، 10000% راح يردون عليك باسرع وقت ويعلمونك وش تسوي وبعضهم بيقولك اذا انت مستعجل هذا رابط
الابلكيشن ادخل واطبعه وعبه بوضوح وارفقه مع :

شهادة الثانوية مترجمة
شهادة السيره والسلوك لو تبي مع ان قليل من يطلبها
شيك 40 دولار غالبا ، رسوم تسجيل
شيك 40 دولار غالبا، عشان يردون عليك بسرعه
شهادة التوفل ان كانك جايبها، مهوب ضروري، اذا جيت هناك بيختبرونك
خطاب الضمان المالي من الوزاره

واعتقد هذا كل شي ان شالله وماله داعي خطاب من 200 حرف ومدري ايش ، عب الابلكيشن وارفق معه هالاشياء
اللي بيطلبونها منك وارسلها بفيدكس او ارامكس لعنوان الجامعه وترقب منهم ايميل على الايميل اللي انت حاطه في الابلكيشن...

وصدقوني كلها مسالة وقت بسيطه ويجيك بريد منهم بالقبول مع الـ I20 والحمد لله ، ماله داعي تروح لمصري ولاغيره

والله الموفق ان شا الله

فارس المسافرين :113: كلامك صح


يا شباب أنا راسلت جامعات كثيرة وما أرسلت لهم الخطاب الي أنتم تقولون عنه ( 500 كلمة )

الأشياء الي أرسلتها

1-الشهادة مترجمة ( مو لازم مصدقة من التعليم او الخارجية) بس لازم تكون مصدقة من المكتب الي ترجمت منه وترى مو لازم ترسل شهادة أول ثانوي وثاني ثانوي

2-الضمان المالي

3- صورة من رد الي أرسلته الجامعة لك على الإيميل

4- فلوس التسجيل 50$

يا شباب هذا هي المتطلبات


راسلت 10 جامعات

وردوا علي خلال أسبوع وأرسلوا الاوراق على طول على الفيدكس

و i20 عندي الحين

لا تصعبون الامور تراها سهله

المراسله شخصياً توفر عليكم الوقت


لكم خالص الشكر

nono18
انا سويت نفسك بالضبط. والحين قاعد استنى الرد حقهم؟؟؟
تتوقع يطول ولا لا؟؟
كم اخذ معك من وقت علشان ارسلولك الاي 20؟؟؟

بسم الله الرحمن الرحيم

بالنسبة لموضوع الرسالة ام 500 كلمة هي للمقدمين على الدراسات العليا وليس البكالوريوس وانا راسلت تقريبا 100 جامعة يالايميل واغلبهم يريد هذ الرسالة اللي توضح هدفك من الدراسة وطموحاتك وما الى ذلك.

اي شهادة مو مترجمة لازم تترجمها،،

وبالنسبة لمعادلة الساعات هذا يختلف من جامعه لجامعه، وياناس ياناس ياناس ياشباب ياحلوين

صدقوني هذولا مو عرب والله مو عرب، يعني الاختراع اللي اسمه ايميل راح يردون عليه بأسرع وقت

وبالتفصيل وبأسلوب يفتح النفس،،

ياخي اذا كنت تعرف انجليزي او عندك احديعرف ويقدر يكتب عنك، وش تحتري ارسل من هالايميلات لين تدوخ

لكل جامعه واشرح لهم ظروفك وقل لهم انا ابي معادلة مثلا او قلهم ابي ارسلكم ترانسكربت فاكس او ايميل وابي

اعرف كم راح تعادلون، واذا كنت ثانوي امورك تمام لامعادله ولا شي، قل لهم هالكملة هذي وبس لايميل الجامعة:

Hi, I am Ahmed from Saudi Arabia and I have completed my secondary school and I already get a scholarship from government for the BS degree so I am looking to join your university, please what is the steps I need to do for that.

Thank you

وبس ،، وانتظر الرد وصدقني زي ماقلتلك راح يجيك في ظرف يوم ان شالله،، واهم شي ياشباب الدعاء والاستخاره في كل شي

nono18
ممكن تفيدنا وش الجامعات الي اقبلتك
لاني راسلت 5 جامعات بنفس طريقتك وما ردت علي الا جامعه وحده
وردت علي بالايميل
وصار لي اسبوعين او اكثر راسلها

وشكرا

SwiSS ChoColaTe

تقريبا بيرسلون i20 لك بعد أسبوعين على الاقل

والله كل كلامك يا(فارس المسافرين) 100%
بس كيف؟؟ أكتب لهم أني أبي قبول مشروط يعني (أدرس عندهم إنجليزي في البداية بعدين أبتدأ بالبكالوريس)
ياليت تكتب نموذج بالانجليزي نفس اللي فوق وشكراًلك

اكتب هالكلام بعد قبل ماتكتب ثانكيو

Moreover, I need to apply for an English language program before I start my BS degree program and that is to improve my English skills, if that needs any more steps please inform me about it.

جزاك الله خير يا(فارس المسافرين)وكثر الله من أمثالك :smile:

وشدعوا ؟؟ ماسوينا الا الواجب اخوي واخر شي ابي احرصكم عليه هو:

الاستخارة
الاستخارة
الاستخارة
الاستخارة
الاستخارة
الاستخارة

وشكرا

سلام عليكم ,, اخوي فارس ماقصر ياشباب وكلامه كله صحيح

وردي اللي فوق عن طريقة المراسله تراها كلها اوراق مطلوبه 100% بالنسبه للملحقيه والمكتب اللي بالوزارة

ولكن بالنسبه للاوراق اللي تطلبها الجامعه انتبهو ترا كل جامعه لها متطلبات خاصه

صدقوني لازم تسالون عن هالنقطه لان يعتبر ملفك فيه نواقص ولازم تكمل كل اوراق كامله عشان يجيك القبول بسرعه

جامعات تكتفي بالضمان المالي و شهادة الثنوي والاهم رسوم الابلكيشن

وجامعات تهتم بجميع اللي ذكرته فوق وكل هاللي قلته فوق اختياري ومن باب الحرص فقط ..

اهم شي دقو الحديد وهو حامي وعن نفسي راسلت 10 جامعات تعتطي قبول مشروط وانتظر ردهم

اي سؤال او استفسار عن البعثه وطريقة الحصول على قبول هنا

تحياتي

شبااااب انا جاني ضمان مالي وابي اراسل الجامعات ماادري كيف هل لابد عن طريق الوزاره او كيف ؟؟؟
اللي يعرف طريقه المراسله والخطوات والاوراق اللازمه لارسالها يقول للضروره ويعطيكم الف عافيه ؟

اخوي Mya

الله لايهينك ياحبيبي معليش تكلف نفسك شوي وتقرا الردود اللي فوق تراها توضح كل شي

بس لحظظظظظظظظظظظظظظظظظظظظظظظظظظة
ياأخي (المستلج) تقول إنك راسلت جامعات تعطي قبول مشروط إذ يمكن تذكرها ؟؟؟؟
وعندي سؤال ثاني ؟؟
شهادة حسن السيرة والسلوك عند مين أترجمها؟؟؟؟
وتشكر... mooda

مبرووووووووووووووووووووووووك لينا وليكم
الحمد لله طلع لي ضمان مالي

ولكن

اللي ظهر لي في الصفحة هو التالي:

تم إستلام الطلب
المستنمدات المطلوبة كاملة


ثم مباشرة

عزيزي مقدم الطلب:
تم إصدار الضمان المالي الخاص بكم و عليكم إتباع الخطوات التالية:
1 - طباعة الضمان المالي و مراسله الجامعات الموصى بها من قبل الوزارة للحصول على قبول من إحدى الجامعات الموصى بها ضمن التخصصات المطلوبة للإبتعاث.

يعني ماطلع لي مثل ماكتب الأخوان: طلبك قيد الدراسة أو تم اعتماد طلبك أو تم اعتماد طلبك من الوزارة
؟؟؟؟؟؟؟؟؟؟؟؟؟

لدي سؤالان:
هل أحد منكم حصل له مثل هذا؟
كيف ومن أين أطبع ذلك الضمان المالي؟؟

اللي طلعله الظمان المالي يقدر ياخذ نسخه منه من الموقع
لازم يكون عندك برنامج اللي يقرا ملفات الـ pdf لانة صيغة الضمان المالي

اطبعه وابدا راسل الجامعات

الترجمه فيه محلات بشارع الملك عبدالله تقاطع التخصصي خدمات الطالب الجامعي
عدة محلات حول بعض فيها ترجمه معتمده ..


زي ماقال الاخ فارس ياليت اللي يبي يعرف طريقة المراسله يقرا ردودي وردود الشباب فوق وان شالله يستفيد

تحياتي لكم

في وين في الموقع وأنا ما أشوف لينك أصلا ياريت تساعدني أخوي بسررررررعة

بس أخوي(المستلج) عطنا أسماء الجامعات اللي تعطي قبول مشروط(ممكن؟؟؟؟) :114:

http://www.mohe.gov.sa/usa/StudentLogin.aspx

المشاركة الأصلية كتبت بواسطة vbmad


مبرووووووووووووووووووووووووك لينا وليكم
الحمد لله طلع لي ضمان مالي

ولكن

اللي ظهر لي في الصفحة هو التالي:

تم إستلام الطلب
المستنمدات المطلوبة كاملة


ثم مباشرة

عزيزي مقدم الطلب:
تم إصدار الضمان المالي الخاص بكم و عليكم إتباع الخطوات التالية:
1 - طباعة الضمان المالي و مراسله الجامعات الموصى بها من قبل الوزارة للحصول على قبول من إحدى الجامعات الموصى بها ضمن التخصصات المطلوبة للإبتعاث.

يعني ماطلع لي مثل ماكتب الأخوان: طلبك قيد الدراسة أو تم اعتماد طلبك أو تم اعتماد طلبك من الوزارة
؟؟؟؟؟؟؟؟؟؟؟؟؟

لدي سؤالان:
هل أحد منكم حصل له مثل هذا؟
كيف ومن أين أطبع ذلك الضمان المالي؟؟



[align=center]
1000 مبروك وتمنياتي لجميع الطلاب المبتعثين بالتوفيق والحصول على قبول جامعي ....

اخيراً طلع الضمان المالي لي ....... وانضم الى القائمة

كمان انا ايضاً ودي اعرف من وين اطبع الضمان المالي .... لاني رحت ولا حصلت لينك للضمان ...ارجو

التوضيح اكثر ..... وفقكم الله

تقبلوا فائق التحية من اخوكم....[/align]