الموضوع: سكاي دبي والملاهي المائيه والنقاب؟

السلام عليكم
انا بزور دبي بعد عشر ايام وانشاء الله بزور الملاهي المائيه لفندق اتلانتس وحابه اعرف كيف ممكن اللعب وانبسط وانا البس عبايه ونقاب
وكمان حابه اسل هل في فندق اتلانتس جليسه للاطفالوكمان عن الحضانه الموجوده في مول الامارات كيف مستواها لان عندي طفلين 5و1 وابغى اطمن عليهم .وشاكره لمن يرد تساولاتي

مواضيع عشوائيه ممكن تكون تعجبك اخترناها لك:

• استفسار عن سكن اسواق جملة سالك
• ممكن هيــلب خاصه هل دبي
• سؤالي عن دبي مول
• ابغى مشورتكم جزاكم الله خيرا
• صور مدينة العين الامارت
• دبي ترتدي حلة من الأضواء إيذاناً بانطلاق مهرجانها للتسوق
• سؤال عن اسيا اير لو تكرمتو في ابوظبي
• أكثر من شركة سياحية أوروبية تبدي اهتماما بالمنتج السياحي في الشارقة
• استفسارات عاجلة عن دبي
• لم تعد دبي تروق لي
• حديقة مائية جديدة في الإمارات جزيرة ياس
• سوق نايف اوسوق شعبي
• ممكن استفسار ضروري ؟؟
• سفرتي لدبي الاربعا وللحين ماحجزت فندق ابي مسااااااعده
• بعد بكره بسافر لدبي ساعدوني
• العمله كيف أحسبها
• رأيكم
• معلومات حول تأشيرات الامارات
• غداً الاثنين معرض أبوظبي الدولي للساعات والمجوهرات
• اهل دبي دانة الدنيا حياكم عندي استفسارات

لن يكون حجابك عائقاً أبداً بإذن الله

وعليكم السلام


مرحبابج عزيزتي




**بالنسبة لسكي دبي .... تقدرين تدخلين بالعبايا والنقاب ....فقط يعطونج وار كوت اسود طويل ، لبرودة الجو داخل لسكي .


بس بطاقة دخول الألعاب سعرها يفرق عن دخول لسكي فقط (الحديقة الثلجية)


وكلهم نفس المكان .













** بالنسبة للأكوافنشر (الألعاب المائيه) في اتلانتس ... مادري إذا الوضع يسمح لأنه مختلط .





بس تقدرين تروحين الوايلد وادي (الألعاب المائيه)بالقرب من برج العرب ..... يوم الخميس (للنساء فقط) الألعاب حلوه وممتعه.



من الساعه 8مساءً - لغاية 12 منتصف الليل


من اليوم لغاية آخر اكتوبر .








**و حديقة شاطئ جميرا
يوم الأثنين للنساء فقط .... فيها شاطئ إذا حابين تسبحون، حتى العاملات فالحديقة نساء.
سعر الدخول بالسيارة بحدود 30 درهم

السلام عليكم

الوايلد وادي أنصحك ما تزورينها إلا باليوم المخصص للنساء.

بأيام الأسبوع الباقية ما تصلح للعوائل المحافظة أبدًا ..

بالتوفيق

السلام عليكم
أختي العباية والنقاب والله مو مشكلة لو تسوين اللي تسوينه عادي خذي راحتك واللعبي وانبسطي فيها واتلانتيس اشوف كثير بنقاباتهم يسبحون وعادي حتى الأجانب يتعجبون من انها مامنعتنا عن ساعة الصدر
أتمنى لك سفر هادئ وكله فرح وسرور

انا بصراحه شفت ناس سبحوا بالعبايه والنقاب بس الافضل لك زي ماقالوا لك تروحين وقت مايكون مخصص للنساء تاخذين راحتك
وسكاي دبي عادي جدا التزلج واللعب فيه

أنا توي جاي من أتلانتس

وأشوف إن السباحة بالعباية أو النقاب غير لائق مع شديد الإحترام للجميع

وأنصحك بإتباع نصائح الأخوات هنا بالذهاب للوايلد وايدي في اليوم المخصص للنساء

أبداً مافي مشكلهـ ،،

مع النقاب وانا مجربهـ ،،

بالعكس تحسين انك مميزهـ بالنقاب ،،

عن غيرهم ،،

اسعد الله مسائك اختي....


بخصوص المدن المائيه :

الاكوافينتشر

لا يوجد وقت مخصص للنساء والعبائه والنقاب مافيها مشكله بالدخول ولكن عند اللعب ممنوع اللعب بالعبايه لما مافيه من الخطوره.

وهي مختطله رجالا ونساء

سعر التذكره للشخص 200 درهم

الوايلد وادي

يوجد بها وقت مخصص للنساء الا وهو كل يوم خميس من الساعه 8 مساء الى الساعه 12 مساء
حيث يكون الطاقم كله نسائي من منقذات ومشرفات امن وعاملات...

بخصوص الدخول بالعبائه والنقاب مسموح الدخول بها ولكن ممنوع اللعب بها ويباع

زي اسلامي مخصص للسباحه حيث يستر المرأه ويحشمها ويستر شعرها...

سعره تقريبا 350 درهم من الوايلد وادي وتلقينه ارخص بكثير برى...

وسعر التذكره للدخول للوايلد وادي 165 درهم

وهذا من واقع تجربه شخصيه...


تحياتي لك واتمنى اني اكون افدتك

ههههههههه
الله يرج عدوكم كيف تسبحون بالعبايه والنقاب جالس اتخيلها والله ماتجي ههههههههههه
المشكله الكبيره اذا خلصتي راح تكون العبايه ملاصقه للجسم العبايه للحشمه وتغطيه الجسم بشكل كامل ..

لا والا اذا سبحوا النساء بالنقاب كيف بيغطسون هههههههههه
الله يصلح الحال
واتمنى من المشاركين مايزعلون على الرد اذا ضايق احد فيكم
ولكم فائق التقدير والاحترام

بالنسبه لحديقة الثلجيه اعتقد انه مافي اي مشكله,

وبالنسبه للالعاب المائية اعتقد انها غير مناسبه لكن زوجت اخي لعبت بعض الالعاب في اتلانتس بنقابها

وبصراحة زوجتي لم تتحمل الجلوس فيها لنصف ساعة لكثرة العري فيها

اختي
تقدرين تتسبحين وتلعبين في الويلد وادي في الوقت المخصص للحريم ومب شرط يعني تلبسين مايوه ممكن تلبسين تي شيرت طويل وليقنز ..احس في اتلانتس حتى لو بتسبحين بالعباه والنقاب بس المكان مختلط ومابتنفعج لا العباه ولا النقاب لان بيلصق عالجسم
وفي سكاي دبي والاماكن السياحيه الثانيه عادي

شكرا لكم جميعا ويعطيكم العافيه

ياأختي ماتجي (سباحه بعبايه ونقاب) والله غلط حتى مافيها احترام للحجاب ! لان بتكون الالعاب مليانه رجال
والعبايه بتلزق بجسمك والشكل بيكون تحفه
انا كم مره اروح الوود وادي مع زوجي واولادي ماعمري فكرت اني اسبح نهائي
بس يوم دريت انه فيه يوم خاص للنساء رحنا انا وبنتي وتسبحنا على كيفنا

ما ادري عجزت استوعب انك بتسبحين بالعبايه
ماله داعي
تقدرين تستمتعييين باشياء كثيره مو لازم الحديقه المائيه
وسكاي دبي العبايه ماراح تعيقك
بالعكس وناسه مررره خاصه اذا معك اطفالك وزوجك

سكي دبي ، عادي بنقابج ومافي اي مضره

اما الحدائق المائيه مثل أتلانتس ما انصحج بالنقاب ..

الشكل ما يركب غير هذا انه الكل بيتم حاط عينه عليج سواء من شكل و فتنه

والشيء الأخر المضر بتواجهين صعوبه فالتنفس لأن الحجاب بيتم لاصق فيج

مثل ما قالوا الأعضاء .. من الأفضل اختيار الوايلد وادي يوم الخميس المخصص للنساء

بتاخذين راحتج و بتنبسطين أكثر

مساء الخير.انتو فاهميني غلط ماقصدي اسبح بالعبايه والنقاب؟ لان فيه ملاهي ممكن الواحد يلعب فيها حتي لو كانت مائيه.زي ملاهي مائيه في ماليزيا كان فيها تلفيريك مفتوح وفيها لعبه مائيه جلست فيها انا ولدي كان عمره 9 شهور وفي قارب بلاستيكي يمر في مجرى مائي يلف علي الحديقه كلها بدون ماتبلل الملابس وماكان فيها عري فيقدر الواحد يدخل وينبسط وحبيت اقارن بس.

بالنسبه للحديقة الثلجيه اعتقد انه مافي اي مشكله,

وبالنسبه للالعاب المائية اللي مافيها غطس بالموية مافيه مشكله مثل النوافير او القارب والجندول

الله يوفقك