الموضوع: من اجلكم من أ إلى ي من اراد الفائده فاليتفضل

أسير .. شكرا على هذه البادره الطيبه .. التي تدل على طيب معدنك ..

المهم اني حاصل على ضمان مالي .. استطعت بواسطته الحصول على i-20 من جامعة سنترال فلوريدا بمدينة اورلاندو .. وصلني الخطاب قبل ثلاث ايام ... على ان الدراسه بتبدأ في اواخر اغسطس.


ارسلت اكثر من ايميل الى السفاره .. وما زلت انتظر .. والامل بالله كبير.


الشيء اللي محتاج اعرفه ..

1.هل فيه خطوات او خطابات يجب ان احصل عليها من الوزاره

بعد هذي الخطوه .. كأني فهمت ان فيه خطاب للسفاره .. او خطاب ابتعاث للسفاره؟؟

2. بالنسبه للسفاره .. اللي فهمته انهم بيدقون علي ويعطوني موعد ورقم .. هل بيحددون لي طلباتهم اللي

يبونها .. مثل عدد الصور وتعبئة الفورمات ؟؟

3. هل هناك خطاب معين موجه يصدر من الوزاره .. وعلي ان اخذه للسفاره ؟؟

4. لو افترضنا انه ماامداني الحق على بداية الدراسه بسبب عدم الحصول على الفيزا ..

هل بإمكاني التمديد للاي تونتي.. مثلا التأخر لشهر او شهرين ؟؟

5. ماهي الخطوه اللتي تلي الحصول على الفيزا ؟

6. تسديد السيفيز هل يشترط ان تكون عن طريق بطاقة فيزا او ماستر .. هل بالامكان الايداع بالبنك او الدفع نقدا؟

ارجوا الاجابه واسف للاطاله .. مع خالص الدعوات

اسير الله انا ارسلتك رساله على الخاص

وجزاك الله خير

المشاركة الأصلية كتبت بواسطة اوسكات


اسير الله انا ارسلتك رساله على الخاص
وجزاك الله خير



هلابك وان شاء الله أكون عند حسن ظنك

المشاركة الأصلية كتبت بواسطة الصحافه


مشكور على هاذه الخدمة



العفو اخوي والشكر لك على تواصلك

مشكــــــــــــــــــــــــور اخوي على المضوع

عندي سؤال الا وهو:

انا عندي الـi20 من شهر رمضان وعطيت الوزارة صورته وقالوا بيعطوني خطاب التوصية بعد العيد والى الان ماجاني .

والان انا حاب اروح للبعثة .

هل اقدر اراسل الجامعه اخليهم يقدمون دراستي الى السنة الدراسيه الجديده او لازم اجيب قبول جديد ؟؟

وهل مازالة الوزارة تعطي خطاب التوصية الى الان؟؟؟؟؟؟

وشكرا ...

وارجوا فاتدي باسرع وقت ممكن لكي ارتب نفسي......

هلابك اخوي M9DY وشكرا لك على الاطراء وتفضل اجابة اسئلتك واسمح لي على القصور:





المهم اني حاصل على ضمان مالي .. استطعت بواسطته الحصول على I-20 من جامعة سنترال فلوريدا بمدينة اورلاندو .. وصلني الخطاب قبل ثلاث ايام ... على ان الدراسه بتبدأ في اواخر اغسطس.
ارسلت اكثر من ايميل الى السفاره .. وما زلت انتظر .. والامل بالله كبير.
الشيء اللي محتاج اعرفه ..



الله يوفقك ان شاء الله





1.هل فيه خطوات او خطابات يجب ان احصل عليها من الوزاره
بعد هذي الخطوه .. كأني فهمت ان فيه خطاب للسفاره .. او خطاب ابتعاث للسفاره؟؟



انتبه للي بقولك بعد ما تأخذ خطاب الضمان المالي وتجيب القبول من الجامعه تروح للوزارة وتأخذ منهم خطاب الى السفاره هذا الخطاب مضمونه تسهيل مهمتك في اخذ الفيزا الامريكيه وهذا الخطاب مهم جداً





2. بالنسبه للسفاره .. اللي فهمته انهم بيدقون علي ويعطوني موعد ورقم .. هل بيحددون لي طلباتهم اللي
يبونها .. مثل عدد الصور وتعبئة الفورمات ؟؟



شوف انت تتبع خطوات اخذ الموعد وراح احطها لك في حالة انك اتصلت عليهم وردو عليك خلك مجهز صورة جوازك عندك عشان بياخذون منك معلوماتك كامله وبيعطونك الموعد في حالت انك ارسلت لهم صورة الجواز او ايميل فهم بيتصلون عليم وبيعطونك الموعد بس او يرسلون لك الموعد على الايميل
وطريقة حصولك على موعد بالسفاره هي كالتالي :
الاتصال على الهاتف 4881472 او 4887678 من الساعه السابعه صباحاً
وحتى الثانية عشر ظهراً وبالنسبه للفاكس ترسل من الساعه 5 م الى الساعه 7 م
وترسل صورة جوازك وتكتب عليه بخط اليد او طباعه رقم جوالك وايميلك على
الارقام التالية: 014887670 ،او، 014887275 ،او، 014887360
وبالنسبه للايميل :
الاول : mailto:[email protected]
الثاني : mailto:[email protected]





3. هل هناك خطاب معين موجه يصدر من الوزاره .. وعلي ان اخذه للسفاره ؟؟



جاونا السؤوال هذا





4. لو افترضنا انه ماامداني الحق على بداية الدراسه بسبب عدم الحصول على الفيزا ..
هل بإمكاني التمديد للاي تونتي.. مثلا التأخر لشهر او شهرين ؟؟



نعم وهذا عن طريق الجامعه الي اعطتك القبول تطلب منها التأجيل الى الوقت الي يناسبك





5. ماهي الخطوه اللتي تلي الحصول على الفيزا ؟



بعد ما تحصل على الفيزا تذهب الى الوزارة وتقدم لهم جميع اوراقك ويصدرون لك قرار الابتعاث النهائي وتاخذ امر الاركاب وبه تاخذ التذاكر وتسافر الى امريكا لدراسه ان شاء الله





6. تسديد السيفيز هل يشترط ان تكون عن طريق بطاقة فيزا او ماستر .. هل بالامكان الايداع بالبنك او الدفع نقدا؟



اذا رحت عشان تسوي المقابله في السفاره تدفع كاش 100 دولار او 380 ريال عندهم فيه محاسب تدفعله كاش الشئ الوحيد الي تدفعه بالفيزا ولا يقبل الا فيزا هو السيفيس بس

هلابك اخوي fer_carrillo وهذي اجابه على اسئلتك واسمح لي على القصور:





انا عندي الـi20 من شهر رمضان وعطيت الوزارة صورته وقالوا بيعطوني خطاب التوصية بعد العيد والى الان ماجاني .والان انا حاب اروح للبعثة.



يخوي وينك كل هالفترة ليش ما راجعت الوزارة بعد العيد والله يخوي راحت عليك لازم تنتظر الى ان يبدأ التقديم للمرحله الثانيه وتبدأ من جديد.





هل اقدر اراسل الجامعه اخليهم يقدمون دراستي الى السنة الدراسيه الجديده او لازم اجيب قبول جديد ؟؟



تقدر يا الغالي هذا الشئ انت تملكه بالتنسيق مع الجامعه تقدر تقدم الدراسه وتاخرها على الي انت تبيه





وهل مازالة الوزارة تعطي خطاب التوصية الى الان؟؟؟؟؟؟



لا الان متوقفه الى ان يبدأ التقديم للمره الثانيه

اخواني اي استفسار انا حاضر

يسعدلي مساءك يـ اسير^المحبه انا ودي ائل سؤال وهو الآن مع الشروط الجديدة متى يخرج لي ضمان مالي لأني بصراحة ماعاد ادري متى بالظبط ارجوك يااخي
الله يجزاك كل خير

مشكور على الرد ......

بس حاب اعرف في مكتب يسوي لي التاجيل ويراسل الجامعة لاني مو انا اللي مراسلهم ولا اعرف كيف.

وايش احتاج اذا قدمت مع الدفعات الجديدة مع الـi20 ؟؟؟

يا ناس انت عسل يا اسير الله يوفقك يا رب ويزوجك قول امين

حبيب الشعب انا الي عرفته انه تعطى الضمان المالي الكتروني اول ما تعبي الاستمارة ومن ثم بس وش رايك في ومن ثم ترى متعوب عليها اذا ارسلت لك ال i-20 ترجع للوزارة وتاخذ ضمان مالي باسم الجامعة والا وش رايك شكلي اشوفك في الوزارة لا تصير انت مدير البعثات انا والله الى الان ما طبيت الوزارة بس والله الي اسمعة عنهم كل خير والي امورة ماشيه والا فيه اي مشاكل يمشون معه زي الحلاوه والا وش رايك يا حبيب الشعب ؟

والله ما قصرت انا شكلي بسويلك ترقية وبخليك مدير البعثات على استراليا الله يوفقك يا رب

المشاركة الأصلية كتبت بواسطة smilewolf


يسعدلي مساءك يـ اسير^المحبه انا ودي ائل سؤال وهو الآن مع الشروط الجديدة متى يخرج لي ضمان مالي لأني بصراحة ماعاد ادري متى بالظبط ارجوك يااخي
الله يجزاك كل خير



اسف يا الغالي هذي المعلومه ما اعرفها يا ليتك تصبر كم يوم واجيبلك الخبر اليقين

شكرا على المشاركه واسمح لي على القصور

المشاركة الأصلية كتبت بواسطة fer_carrillo


مشكور على الرد ......
بس حاب اعرف في مكتب يسوي لي التاجيل ويراسل الجامعة لاني مو انا اللي مراسلهم ولا اعرف كيف.
وايش احتاج اذا قدمت مع الدفعات الجديدة مع الـi20 ؟؟؟

والله ما عندي خلفيه عن المكاتب

وبالنسبه للمطلوب في المرحله الثانيه في التقدين انتظر كم

يوم ان شاء الله كل التفاصيل توصلك باذن الله قريب في موضوع

مستقبل كل ما يتعلق بالتقديم الجديد

شكرا لك واسمح لي على القصور

اشكر الجميع على المشاركه وان شاء الله اني اكون عند حسن الظن

وكل من وعدته بشئ وتأخرت عليه يذكرني واسف للجميع على التقصير

اخوكم اسير^المحبه

السلام عليكم جزاك الله الف خير على جهودك
وانا اخوك انا جاني قبول من معهد في جامعة واشنطن يونيفيرسيتي اوف سياتل
واستخرجت الفيزا وبداية دراستي في 21 سبتمبر
اولا وش رايك في الجامعه
وش رايك في الولايه سياتل ماهو تقييمك لها ولاهلها واسعار السكن
متى تفضل يكون اقلاعي من الرياض يعني متى انسب تاريخ اكون فيه في سياتل
هل تفضل ان رحلتي تكون على الخطوط السعوديه
واذا كانت على خطوط اجنبيه فرضا البريطانيه هل فيها اشكال علما باني معاي فيزا على بريطانيا
بصراحه انا متخوف من المطارات وبالاخص نيو يورك :110: والتعقيدات اللي فيه ولا يهون واشنطن ابي شرح مفصل لهذا الموضوع
وبماذا تنصح سواء في المطارات او بعد وصولي الى سياتل
وشكرا لك