الموضوع: دلوني على مكان هذي الاشياء

السلام عليكم..

انا ابي اسال اهل الكويت وين القى محلات الاثاث

اقمشة الستائر

الكنبات الفخمه.

التحف

الاكسوارات المنزليه..

اطقم الحمامات (علبه صابون+علبه كلنكس+زباله(وانتم بكرامه)+ستاره+فوط+دواسات++++)

اطقم الكنبات الجاهزه بشرط انها تكون فخمه جداا

وشكرا

مواضيع عشوائيه ممكن تكون تعجبك اخترناها لك:

• احبائي ابى فزعتكم نازل الكويت الاسبوع القادم
• استفسار عن الدشداشة الكويتية
• إلى جميع الأعضاء بالمنتدى وضيوفه
• وكالات السفر في الكويت
• عاجل مساعدة من اخواني الكوييتين
• محلات ملابس
• استفسار عن المسرحيات وكيفية الحجز
• استفسار بسيط طار عمركم
• سؤال للكويتين فقط
• الكويت الجميلة الكويت الكويت الكويت
• صور الخطوط الجوية الكويتية
• شقق مفروشهشيبشيبشيب
• الف مبرك فوز المنتخب الكويتي بكأس الخليج
• ممكن اعرف وين موقع بيت ديسكون
• تقرير مصور لرحلتي السريعه الى الكويت هـ
• يشارك الكويت باحتفالاتها الوطنية
• احسن رهش بالكويت
• المساعدة يااهل الكويت
• كيفية استخراج البطاقة المدنية يا أهل الكويت الله يجزاكم خير
• مطاعم لذوي الدخل المحدود

وعليكم السلام:

حياك الله اخي شمروخ

بالنسبه للاماكن الاثاث من تحف واكسسوارات منزلية تجدها في منطقة ( الضجيج سمية بهذا الاسم لكثرة مرور الطائرات فوقها)وهي قرب الفروانية وقرب مطار الكويت الدولي وكل ما تحتاج في هذه المنطقة ما عليك سوى ان تقف السيارة وتبدأ الجولة على القدمين.

تحياتي

الاخ الغالي شمروخ
أكثر ماكثر الله محلات الاثاث بالكويت بس علشان ماضيعك بأسماء المحلات واماكن تواجدها راح انصحك
بمكان واحد علشان ماتتعب وانت تدور على المحلات اللي هو وحسب علمي اكبر مكان في اللكويت ويمكن الخليج كله حيث تقام معارض متتخصصه بتأثيث المنازل من الالف الي الياء وتقام على ارض مساحتها4كم مربع وهذا المكان يقع جنوب الفروانيه ويسمى ارض المعارض( الضجيج) وراح تلاقي فيه جميع ماتبحث عنه من انواع الاثاث من صالونات وبرديات واكسسوارات وجميع انواع الورود المجففه والصناعيه ، الحقيقه راح تحتار شنهو تختار من الصناعه الكويتيه و الاوروبيه والامريكيه والاسيويه وبالاسعار اللي تناسبك بس تبيلك اسبوع علشان تقدر تمر على كل المجمعات لان كل مجمع يبيله نص يوم 0 اكيد راح تتعجب من كلامي لكن لما تشوف بعينك راح تقول اني قصرت بالوصف , فوق هذا اذا صادف وكنت بالكويت يوم الجمعه لايطوفك سوق الجمعه في منطقة الشويخ شي عجيب مع العلم ان هذا السوق يفتح من يوم الخميس

فعلا نفس ما قالوا الاخوان
بالضجيج
في محلات كثيره لكن الضجيج حلوه
وممكن تشوفين ميداس و.....محلات كثيره ما اذكر اسمه ..

افخم شي بالسن سيتي بالشويخ (تلاقي كل المحلات الراقيه)

اما الضجيج فلا انصحك فيه

شكرا لــــــــــــــــــكم

وهم عندج منطقةالشويخ هناك فيه مجمع اسمه سن ستي وهم مجمع اسمه واره في شارع البيبسي هذيل الأثاث فيهم حيييييييييل راقي وغاااااااالي بس ما يمنع انج تاخذين فكرة.