الموضوع: خــبــر رائــع لـمـن فـاتـه الـتـقـديـم عـلـى الـبـعـثـات سـابـقـاً

بالامس الاحد 29/01/2006م كنت في وزارة التعليم العالي وحصلت على معلومه اكيده
بانه سوف يتم فتح باب التقديم على البعثات بداية شهر اربعه هجري (ش.4 /1427هـ)
فعلى من فاته التقديم سابقاً متابعة موقع الوزارة بداية شهر اربعه لكي لا يفوته مره اخرى
اتمنى التوفيق للجميع
اخوكم
اسير^المحبه

مواضيع عشوائيه ممكن تكون تعجبك اخترناها لك:

• إلى اهل الخبرة في الجامعات الأمريكية
• مساعدة يأخوان
• كم تبعد برايتون عن لندن
• استفسارات عن ويمبلدون
• استفسَار
• تحقيق صحفي لراغبي الدراسة بأستراليا لقاءات مع طلاب ماجستير ودكتوراه
• نداء عاجل الي جميع الاعظاء
• تعلم
• اخيراً اخذت موعد في السفارة بس
• ممكن القى فصول نسائية لغة إنجليزية
• الملحقية الثقافية تُقدّم الدليل الاجرائي للمبتعث والدارس في المملكة المتحدة لعام
• ايش رايكم ؟
• إستفسارات حول دراسة الطب في بريطانيا
• محتارة بين سياتل و جورج ماسون و
• رجااااائا ساعدووووووووني
• المساااعده
• ابغى ريكم ومشورتكم ياهل الخير
• كم سؤالواتمنى من اهل الخبرة الاجابة
• تكفون أحباب قلبي أبي مساعدة بمعهد ببورمث لغه
• جامعة جنوب كاليفورنيا؟؟ ساعدوني

مشكور اخوي ويعطيك العافيه على المعلومه ..


لكن اخاف يرفعون النسب .. ويغيرون الشرووط


الله يستر بس ..


الا اقول لو اروحلهم الايام ذي ما يصدرون لي ضمان مالي ؟

العفو يا الغالي

لو تروح لهم الان ما راح يصدرون لك ولا شئ

تحياتي

اسير المحبة :113: :113: :113: :113: :113:

السلام عليكم


لي سؤال اخواني الحين الضمان المالي يعطونك اياه لما تجيك الموافقة على البعثة صح ؟؟
طيب سؤال ثاني الحين هم ايش يضمنهم انه لو ارسلوا الضمان المالي يبطل المبتعث ومايطلب الموافقة ؟ يعني يبطل من البعثة وتروح فلوسهم؟
اعذروني ودي افهم
الحين لما كلمنا الوزراة قالوا لو جاتكم الموافقة من عندنا على الاستمارة الالكترونية بنرسل لكم ضمان مالي علشان تراسلوا الجامعة وهذا الكلام على بعثات بريطانيا
ممكن احد يفهمني

اختكم في الله يسر

البعثات إلى امريكا فقط اخي العزيز

[b][color="Purple"]اختي يسر ماراح يعطونك ولا ريال قبل ماتوصلين يعني ماراح يروح عليهم شي


طيب شباب اختكم في الله

هلابك اختي يسر





س/الحين الضمان المالي يعطونك اياه لما تجيك الموافقة على البعثة صح ؟؟



تحصلين على الضمان المالي بعد تعبئة النموذج الالكتروني من موقع الوزارة ويأتيك الرد مباشره يعني
تجيك رساله فوراً انا ( لقد تم اصدار الضمان المالي الخاص بك ويمكنك طباعته من هذا الرابط )
او ( لا تنطبق عليك الشروط ولا يمكن اصدار ضمان مالي لك )





س/الحين هم ايش يضمنهم انه لو ارسلوا الضمان المالي يبطل المبتعث ومايطلب الموافقة ؟ يعني يبطل من البعثة وتروح فلوسهم؟



الضمان المالي مجرد وقرة التزام فقط وليس مبلغ مالي اذا انت جاده على السفره المبالغ راح تستلمينه
في الملحقيه في واشنطن





س/الحين لما كلمنا الوزراة قالوا لو جاتكم الموافقة من عندنا على الاستمارة الالكترونية بنرسل لكم ضمان مالي علشان تراسلوا الجامعة وهذا الكلام على بعثات بريطانيا؟



حسب علمي ان البعثات الى بريطانيا مقفله حتى الان ولكن على العموم عند استلامك الضمان المالي
يمكنك ان تخاطبي اي جامعه في بريطانيا لو افترضنا ان باب الابتعاث مفتوح لهذه الدوله وتكون معترف بها لدى وزارة التعليم العالي للحصول على موافقه لدراسه ( i-20 )

المشاركة الأصلية كتبت بواسطة mode


اسير المحبة :113: :113: :113: :113: :113:




الف شكر يا الغالي على مرورك

هلابك اختي احلى قمر






س/احد جرب ياخذ القبول عن طريق المكاتب حقت المساعده على القبول؟
كيف طريقتهم ؟ ووش الافضل ؟ اراسل الجامعات بنفسي والا اترك كل شي عليهم واتوكل على الله؟



انا بقولك بكل اختصار هذه الوكالات اقل ما يقال عنها هو انها وكالات غسيل جيوب

عشان يقوم بكل ما تريدين يدفعك مالا يطاق لكن انتي تابعي التقديم على موقع وزارة التعليم العالي

واذا فتحو الموقع وقدمتي انا في الخدمه اذا تبين اي مساعده بالاضافه الى الاخوان ما راح يقصرون

واحفضي فلوسك لشئ افضل ترى وراك مصاريف :115:

تحياتي

يعطيك العافية اخوي اسير
بالنسبة للمنحات تبع جامعة اكسفورد مفتوحة الآن وأخر موعد لقبول الطلبات بيكون يوم 4/1/1427 بحول الله على موقع وزارة التعليم العالي

وجزاك الله خير على التوضيح

المشاركة الأصلية كتبت بواسطة يسر


يعطيك العافية اخوي اسير
بالنسبة للمنحات تبع جامعة اكسفورد مفتوحة الآن وأخر موعد لقبول الطلبات بيكون يوم 4/1/1427 بحول الله على موقع وزارة التعليم العالي
وجزاك الله خير على التوضيح




هلابك يا الغاليه وشكرا على مرورك وتوضيحك

هل هناك اجراءات أستطيع القيام بها الان حتى اوفر الوقت لحين التقديم على البعثة،سمعت انه يجب تصديق الشهادة من وزارة الخارجية. وهل يجب علي الحصول على قبول من احدى الجامعات أو من معهد لغة انجليزية فقط. علما بأني ارغب بدراسة اللغة الإنجليزية والماجستير لي ولزوجتي لغة إنجليزية فقط.

بارك الله فيكم ووفقكم.

المشاركة الأصلية كتبت بواسطة engyass


هل هناك اجراءات أستطيع القيام بها الان حتى اوفر الوقت لحين التقديم على البعثة،سمعت انه يجب تصديق الشهادة من وزارة الخارجية. وهل يجب علي الحصول على قبول من احدى الجامعات أو من معهد لغة انجليزية فقط. علما بأني ارغب بدراسة اللغة الإنجليزية والماجستير لي ولزوجتي لغة إنجليزية فقط.
بارك الله فيكم ووفقكم.




اهلا وسهلا بك يا الغالي

ممكن انك تطلب من السفاره موعد يكون افضل لانهم

تعدو شهر ابريل (4) في المواعيد عشان كذا انت خذ موعد لك ولزوجتك

والطريقه موجوده في توقيعي تحت وبعدين اذا فتحت الوزارة المجال في التقديم

قدم وخذ الضمان المالي وخاطب الجامعه في امريكا على طول يجيك القبول (I-20)

قدمه للوزارة وخذ خطاب للسفاره وقتها يكون موعدك قري ببإذن الله وبعدين قدم لك

ولزوجتك لدراسة الماجستير لان الماجستير فيه سنه لغه وسنتين ماجستير اما في حالة

ان زوجتك تبي لغه فقط لا تقدم لها لدراسه قدم لها كمرافقه بس واذا راحت هناك تبي تتعلم

لانك في حالة استخدمة طرق التحايل الي سواها ناس قبلك بانهم قدموا لاهلهم ولهم للماستر

وبعدين انسحبة زوجته بعد ما اخذت اللغه وطلب تحويلها الى مرافقه رفض طلبه فانتبه من النقطه هذي

تحياتي لك واي خدمه انا جاهز

بارك الله فيك أخي ماقصرت
أعتقد اني ما وضحت في سؤالي بالنسبة لزوجتي فهي قد تخرجت من الثانوية فقط ولأن مدة دراسة البكالوريوس اطول فليجب علي انتظارها لمدة لا تقل عن سنتين وانا لا أرغب في هذا، فهل دراسة اللغة الإنجليزية ستغطيها الوزارة أم انها ستكون على حسابي.
وبالنسبة لي هل يكفي القبو(i-20) من معهد اللغة ومن هناك اقدم على الجامعة أم لا. وهل استطيع الحصول على الفيزا من جدة أم يجب علي الذهاب الى الرياض.

وجزاك الله الف خير

المشاركة الأصلية كتبت بواسطة engyass


بارك الله فيك أخي ماقصرت
أعتقد اني ما وضحت في سؤالي بالنسبة لزوجتي فهي قد تخرجت من الثانوية فقط ولأن مدة دراسة البكالوريوس اطول فليجب علي انتظارها لمدة لا تقل عن سنتين وانا لا أرغب في هذا، فهل دراسة اللغة الإنجليزية ستغطيها الوزارة أم انها ستكون على حسابي.
وبالنسبة لي هل يكفي القبو(i-20) من معهد اللغة ومن هناك اقدم على الجامعة أم لا. وهل استطيع الحصول على الفيزا من جدة أم يجب علي الذهاب الى الرياض.
وجزاك الله الف خير



هلابك اخي الكريم
اخي الكريم بالنسبه لوزارة التعليم العالي لا تعطي ابتعاث لدراسة اللغه فقط
لذلك فان حبيت ان زوجتك تدرس اللغه فقط فهذا سيكون على حسابك.
اما بخصوص (I-20) هل يكفي من معهد بس نعم يكفي واذا رحت هناك قدم في شهر
يناير لان النقديم في هذا الشهر فقط لدراسة الماستر ومن فاته هذا الشهر الان لن يستطيع
الالتحاق بالماستر حتى يناير الذي يليه .
اما بالنسبه لسفارة جده الي انا اعرفه انها مغلقه والتقديم في الرياض فقط
وفي يوم المقابله الي انا سويتها كان معي واحد من جده جاي لان السفاره هناك مغلقه.
وتقبل تحياتي واي استفسار انا جاهز

... حبيبي .. أسير المحبة ...

بالضبط متى تفتح البعثات .. التاريخ شكله غلط .. يمكن أخر بيع الثاني .. أول يونيو 2006 ...؟؟؟

يا خوان يمكن احد يوضحلي بالتفصيل الممل ماهي شروط الوزارة للابتعاث يعني ايش يطلبون نسبة في الثانوية العامة ونسبة في اختبار القياس وهل صحيح على قد ماسمعنا انهم لايقبلون من اعاد ثالثة ثانوي اكثر من مرة او من حصل عليها من قرية اومدرسة خاصة والرجاء ذكر الشروط التي يجب فعلها من قبول في الجامعة والحصول على الفيزة ومن ثم التقديم على الوزارة وانتم تقولون التقديم يبدا شهر اربعة هجري طيب كيف المتخرجين هذة السنة يقدمون عليه وهم اصلا يتخرجون في شهر خمسة هجري اتمنى التوضيح من الاخوان وشكرا لكم

المشاركة الأصلية كتبت بواسطة جوليــانــو


... حبيبي .. أسير المحبة ...
بالضبط متى تفتح البعثات .. التاريخ شكله غلط .. يمكن أخر بيع الثاني .. أول يونيو 2006 ...؟؟؟



بإذن الله يوم السبت

01/04/1427هـ

الموافق 29/04/2006م

المشاركة الأصلية كتبت بواسطة اسير^المحبه

بإذن الله يوم السبت
01/04/1427هـ
الموافق 29/04/2006م

شكرا على المعلومة القيمة ........:113:

ياخوان ايش يقصدون باختبار السات

المشاركة الأصلية كتبت بواسطة ملبورن


يا خوان يمكن احد يوضحلي بالتفصيل الممل ماهي شروط الوزارة للابتعاث يعني ايش يطلبون نسبة في الثانوية العامة ونسبة في اختبار القياس وهل صحيح على قد ماسمعنا انهم لايقبلون من اعاد ثالثة ثانوي اكثر من مرة او من حصل عليها من قرية اومدرسة خاصة والرجاء ذكر الشروط التي يجب فعلها من قبول في الجامعة والحصول على الفيزة ومن ثم التقديم على الوزارة وانتم تقولون التقديم يبدا شهر اربعة هجري طيب كيف المتخرجين هذة السنة يقدمون عليه وهم اصلا يتخرجون في شهر خمسة هجري اتمنى التوضيح من الاخوان وشكرا لكم



الثانويه العامه فوق 85%
اختبار القدرات اكثر من 70
لا اخوي يقبلون من اعاد الثالثه ثانوي
وكذالك اخوي يقبلون من قريه او من مدرسة خاصه وما تفرق

وعلى باقي امور الوزاره ممكن تنزل بموضوع ومايقصرون الاخوان

الله يعطيك مليون الف عافية اخوي Mr.sa فرحتني يعني يقبلون من عاد ثالثة ثانوي اوحصل على الثانوية من مدرسة خاصة او قرية

ملبورن دوم انشاء الله الفرحه وانا متاكد انهم يقبلون من اعاد ثالث ثانوي ومن جاء من مدرسه خاصه
او من قريه وحتى لو هجره بس معترف بها من وزاره
وتقدر تستفسر من باقي الاخوان اكثر في اجرءات قبول وعلى ما ذكر اخوي
اسير المحبة انه بينزل موضوع بتفصيل عن طريقه قبول