الموضوع: موعدي يوم السبت ممكن احد يوصف لي موقع السفارة ؟؟

السلام عليكم ورحمة الله وبركاته

موعدي يوم السبت الله ييسر الامور

ممكن توصفون لي موقع السفارة بالرياض لأني ما أدله ..

وكم تستغرق الشغلة كلها من مقابلة واجراءات اخرى.. هل ستستغرق وقت طويل ؟؟ يعني آخذ إجازة يوم من العمل أو ما تستاهل ؟؟

أرجوا ان يفيدونا الاخوان الذين أجروا المقابلة .. وعن الأشياء المهمة فيها .


تحياتي للجميع

مواضيع عشوائيه ممكن تكون تعجبك اخترناها لك:

• ارجو مساعدتكم
• ابغا غائله في بورمث
• محتارة لدراسة اللغة في امريكا وبريطانيا ونيوزلاند
• دراسة لمدة عشر اسابيع بامريكا والسعر بالداخل هل بالامكان الافادة ولكم الدعاء؟؟
• طلب ضروري جدا
• كيف اصل الى الجامعة ؟
• ساعدوني ارجوكم
• خط الاتصالات السعودية بسوريا
• دراسة الطب فى لندن
• هـل هذه التكاليف مبالغ فيها أم لا علماً بأنها لغة
• موضوع خطيررررررر للنقاش يهم المبتعثين وبالأخص طلاب أمريكا قبل الذهاب إلى الوزارة
• هل اقدر أحصل حالياُ من الجامعات الامريكيةما اتوقع
• اللي دخلو على مكتب عبدالله المعجل ممكن شوي
• استشارة وين ادرس في بريطانيا
• مبروووك فقط على مكتمل ستنشر الأسماء النهائية يوم الجمعة
• قائمة بأفضل الجامعات في بريطانيا
• أدخل هذا الموقع قبل اختيار ولايتك الدراسية في أمريكا
• تخصص بكالوريس غير الماسترز
• ياشباب ابتعاث المرحلة الثالثة
• كامب أو معهد

وعليكم السلام اخوي سلطان

موقع السفاره لمن تدخل الى السفارات عن طريق الملك خالد الي من جهة ام الحمام امش قدام راح يجيك دوار اتركه والثاني اتركه الثالث لف يمين.

امش قدام تلاقي دوار امش قدام وبعدين على يمين راح تلاقي مبنى الامم المتحده و قبل ما توصل الى نهاية الشارع راح تلاقي لفة صغيره تدخلك الى مواقف كبيرة ادخل فيها.

وقف قدام على اليسار جنب جنب غرفه مؤقته ناسي وش يسمونها.

الحين انزل من السياره وامش كانك رايح للغرفه راح تلاقي صبات و حديد ما عدا اخر شيء فيه طريق تمشي منه و راح توصل الى الشارع اول ما توصل الى الشارع تلف يمين راح تلاقي السفاره على يدك اليمين والناس صافين ينتظرون.

"احس شرحي حوسه بس ان شاء الله ما تضيع وان ما كان واضح ولا في احد وضح لك ارسلي رسالة ويكون بينا اتصال"

كل ما جيت بدري و اوراقك جاهزة تخلص بدري لان الناس تبدا تصف تقريبا من الساعه 7 و السفاره ما تستقبل احد قبل 8 بشوي.
لو دخلت من 10 الاوائل يمكن تخلص الساعه 9 ونص او الساعه 10 بالكثير بس تكون اوراقك جاهزة.

السلام عليكم

مرحبا أخوي fms

مشكور اخوي على الوصف .. ما قصرت

رحت اليوم ، وصلت الساعة السابعة والربع تقريبا وطلعت من السفارة الساعة الحادية عشر .

طلع عندي نقص في الـ I-20 ، الصفحة رقم ثلاثة ؟
قال لي راسل الجامعة وجب الورقه الناقصة .

الحقيقة انا لما استقبلت الأي توني كان عبارة عن صفحتين وحاطين ملاحظة مرفقة في ورقة صغيرة مع الصفحة الثانية مكتوب فيها ان الصفحة رقم 3 لم ترسل لك لأنك لن تحتاجها إلى اذا اردت السفر خارج امريكا لأي بلد والعودة .. واذا احتجتها ذاك الوقت تاخذها من عندنا .

انا اسقبلت منهم الأي توني مرتين .. لأن الموعد الأول فات وكلها كانت بدون صفحة 3 .. لكن أنا ما انتبهت لهذا الشيء ولم اعطه اي اهتمام .

هل احد منكم استقبل I-20 بدون الصفحة رقم 3 ؟؟

علما أن الجامعي هي
Kansas state univirsity




تحياتي

شوف اخوي سلطان مدام هم طلبوا منك خلاص سو الي يبونه علشان ما تتأخر انت. ارسل للجامعه قولهم السفاره الامريكيه في السعودية طلبت مني الصفحة الثالثه خصوصا انهم قالوا لو تبيه علمنا ونرسله لك.

حتى لو احد مشوه بدون صفحة ثالثه او حتى بدون اي توني. يعني بتروح تقولهم مشيتوا فلان ليه ما تمشوني ؟


الله يوفقك ان شاء الله وتطلع لك الفيزة

راجع المنتدى
تم طرح الموضوع سابقا

بيســألونك عن:

ليش بتروح امريكا؟

كيف عرفت عن البعثات؟

اسم الولايه اللي بتروح لها واسم الجامعه؟؟

ليش اخترت الولايه هذي او الجامعه؟؟

سيق وان سافرت سوريا او ايران او العراق؟؟

سبق وان سافرت امريكا؟؟

تقريبا هذي هي الاسئله اللي سألوها اغلب اللي راحو للسفاره بس

وبالتوفيـــــــــق يالغلا...

ملك المشاعر شكرا يا زوووووق الله يجزاك خير

غريييييييييييييييييييييبه انا جيتهم اليوم الي هو يوم السبت قالو لي انهم ماعندهم دوام






والله يوفقك ويسر لك امرك ان شاء الله