الموضوع: حصلت معي مشكلة في باريس

السلام عليكم ورحمة الله في تاريخ 1 / 10 / 2012 ذهبت إلى باريس وكنت حاجز فندق من الفنادق الواقعه في الشانز
لمدة 20 يوم
عندما وصلت الفندق لضبط الميزانية عندي فقررت أدفع فلوس الفندق مسبقا عن طريق الفيزا
ودفعت تقريبا 3200 يورو تقريبا وخذيت الوصل بالدفع
بعد مرور الأيام جاني اتصال من بلدي يخبروني بأنه أبي أنتقل إلى رحمه الله
الله يرحم أموات المسلمين والمسلمات
في تاريخ 9 / 10 عملت جك أوت وقلته ابي فلوسي
تقريبا باقي 2000 يورو ( مبلغ كبير )
المهم قالي اليوم مستحيل لأنه صاحب الفندق مو موجود
بكرا يكون موجود !
وبكرا انا بالجو !
المهم اخذ رقم الفيزا واسمي وخذيت رقم تلفون وايميل الفندق
وعطاني فاتوره من الفندق تثبت انه انا خذيت منهم 9 أيام ودفعت مبلغ 3200 لعشرين يوم
وانا اللآن اتصل عليهم يرد علي صاحب الفندق يقولي موضوعك يبيله اسبوع 10 ايام !!
من تاريخ 9 _10 إلى الآن !!!!!
والله قاعد افكر اقرب طيارة واروح اتهاوش معاهم لأنهم ما احترمو ضروفي وشكلهم قاعدين يستغلوني والله اعلم
مادري هل أصبر ؟ ولا أحجز طيارة واروح بأقرب وقت ؟
علما بأن العاملين بالفندق وصاحب الفندق عرب
ياليت تساعدوني

مواضيع عشوائيه ممكن تكون تعجبك اخترناها لك:

• احتاج مساعدتكم ربي يسعدكم
• ومضة أخرى من باريس
• العربية للطيران المغرب تربط مونبلييه بــ مراكش المغرب في اكتوبر تشرين الاول
• ساعدوني ياجماعة أول مرة لباريس
• هل القطار يربط جميع دول اوروبا ببعضها ؟؟؟؟
• لأصحاب الخبرة الرجاء المساعده
• ساعدوني في رحلتي الي اوربا
• توكلنا على الله واخترنا مسار الرحلة التالي وش رائيكم هل هو مناسب
• ضريبة عمر السائق عند استئجار سيارة استفسار لاهنتوا
• اول مره اروح فرنسا فزعتكم
• للذهاب من مطار الى قريبا من الشانزلزيه
• الجو في نهاية شهر اكتوبر
• استفسار عن الاماكن الترفيهيه في باريس
• وين اسافر بعطلة عيد الاضحى؟
• لاهنتم مشورتكم و مساعدتكم تهمني ..
• مطعم بمدينه شامونيه الفرنسيه ؟
• طولون جنوب فرنسا
• التنقل مابين مدن اوروبا عن طريق الطيران الرجاء المساعده
• فرنسا شهر عسل
• اريد جدول 9 ايام في فرنسا

وعليكم السلام ورحمة الله وبركاته

عظم الله اجرك .. الله يرحمه ويسكنه فسيح جناته

يعتمد على حجزك هل كان المبلغ قابل للأسترداد ام لا ...

السلام عليكم ورحمة الله

أعظم الله أجركم أخي في وفاة والدكم

بالنسبة لموضوعك ... فأنا أنصحك بتهديدهم بأنك ستوكل محامي للتفاهم معهم في حال وجدت منهم تلاعب بخصوص إرجاع المبلغ ، خاصة إذا لديك ما يثبت بأ لديك حقوق وتستطيع استردادها منهم.

فقط مثل ما ذكر أخي العزيز باريس وبس... الخوف أن يكون حجزك مبلغ غير مسترد.

الله يسهل أمورك ، وترى القانون عندهم ما يرحم ، ولو لك شي بتاخذه كامل مكمل بإذن الله

تقبل مروري ،،،

وعليكم السلام
أعظم الله أجركم يا خوي، ربي يرحمه ويسكنه فسيح جناته
ويجعلها آخر الأحزان

أنا ما اروح ازيد ع كلام الأخوان لأنهم ما قصروا، والواضح يا خوي انك حاجز الفندق من النت فياريت اتشيك شروط الحجز وإن شاء الله ما يكون فيه شرط يمنع استرداد المبلغ لك، وإن شاء الله ربي ييسر لك واتخلص منهم وتحصل باقي المبلغ

دعواتنا لك بالتوفيق إن شاء الله

أخي الفاضل عظم الله اجركم

بالنسبه الحجز عن تجربتي في لندن طبعا اول شئ يعتمد على الحجز الفندق هل قابل الارجاع او لا

انا شخصيا اتعامل مع مكتب السفريات
مدام دفعت المبلغ مدفوع بالكامل اطلب من الفندق الاستقبال يختم لك على يوم المغادره انك طلعت من الفندق بالتاريخ

اهني تقدر تاخذ المبلغ المتبقي

اما اذا المبلغ غير مسترجع هذا راح عليك المبلغ

عظم الله اجرك اخوي
راجع سياسة الفندق وغالبا حجز المده الطويله تنطبق عليه شروط خاصه وكل فندق له سياسه معينه
اذا حاجز من بوكينق كلمهم افضل وبيساعدونك

الي شهر انتظره عادي

مشكورين يا اخواني على الردود
لكن ياريت تساعدوني الفندق اتصل عليهم تعاملهم معاي جدا قاسي وقليل أدب واقولهم راح اشتكي يقولي المسئول روح اشتكي !!

الفندق هو Hôtel Delarc على الشانز بس تعاملهم جدا جدا جدا قذر وكأني قاعد اطر منهم
والله العظيم اني مو محللهم وفلوسي حرام وزقوووم ابطنهم

ماني عارف وين اروح اشتكي وشسوي وشلون ارد فلوسي وحقي وحلالي منهم !
ياريت تساعدوني ماعرف احد غيركم

عظم الله اجركم ,,,
اخي نصيحة لاتفكر بالسفر لهم لأن المبلغ بحدود 2000 يورو اذا راح تسافر لهم احسب التذاكر والاقامة وو , انا انصحك ان تقدم عليهم شكوى مع ارفاق الاوراق المطلوبة لوزارة الخارجية وهم يقومون بالتواصل مع السفارة بباريس وايجاد حل مناسب بإذن الله

تحياتي

المشاركة الأصلية كتبت بواسطة kacber_h
http://www.arabtravelersforum.com/tr...1/#post7351461

ماني عارف وين اروح اشتكي وشسوي وشلون ارد فلوسي وحقي وحلالي منهم !
ياريت تساعدوني ماعرف احد غيركم




اخي الفاضل ممكن توضح لي هل نوع الحجز مسترجع او غير مسترجع ومن وين ماخذ الحجز من الفندق نفسه او عن طريق وكيل او النت

اولا عظم الله اجرك
انشب لهم صارت لي نفس الحركه بالاول قالوا لي الافطار محسوب لشخص واحد وصرنا يوميا ندفع الفطور شخص محسوب والثاني يوميا ندفعه وبالاخير طلع الغلط منهم لما سويت تشك اوت وقعدنا لهم لين رجعو اللي دفعنا بالاول تبريرات والبوس مش موجود وبالاخير خذينا فلوسنا خخخخ من الموبايل

المشاركة الأصلية كتبت بواسطة أبــوعبدالله
http://www.arabtravelersforum.com/tr...1/#post7351711

اخي الفاضل ممكن توضح لي هل نوع الحجز مسترجع او غير مسترجع ومن وين ماخذ الحجز من الفندق نفسه او عن طريق وكيل او النت



الحجز مسترجع عن طريق موقع بوكينق
ولمن سويت جك أوت عطاني فاتورة تثبت انه انا دافع مبلغ زيادة وأبي منهم 2000 يورو والفاتورة معاي
وكل مره أدق عليه يقولي عندنا مشكله مع الجهاز وننتظر البنك
واليوم اقوله ابي فلوسي حولهم لي عن طريق البنك والتحويل ما ياخذ وقت ! يقولي روح اشتكي !
والله كأني قاعد اشحت منهم والله عيب عليهم
الله يعين

تعامل مع بوكينق في الحاله ذي

إن شاء الله بكرا الصبح راح اتواصل مع بوكينق وإن شاء الله يسويلي شي
بس ياريت اقدر اسوي تحذير من تعامل هذا الفندق hotel delarc وانه ما يحترم الزبون وتعاملهم جدا غير محترم

عزيزي اكتب تقرير بالصور وضع الفواتير اللي تثبت وابشر ما احد يمنعك ما دام عندك دليل

عظم الله اجرك وان شاء الله اخر الاحزان

المشاركة الأصلية كتبت بواسطة MoOoG
http://www.arabtravelersforum.com/tr...3/#post7360343

عظم الله اجرك وان شاء الله اخر الاحزان



أجرنا وأجرك شكرا اخوي

حبيت اشكر الاخوان بالأخص الاخ فيصل إلي طلب مني اتواصل مع بوكينق
وفعلا موقع بوكينق جدا محترمين معاي بلأبعد الحدود
طبعا الفندق قاعد يماطل مع بوكينق
وبوكينق رد علي وقالي خلال فتره زمنية معينية اذا فشل الفندق في استرداد المبلغ راح يقوم بوكينق بالارسال المبلغ إلى الفيزا وبوكينق ياخذ الفلوس من الفندق
طبعا يا شباب فندق Hotel Delarc كنت اتصل عليهم قبل ( طبعا عرب ) بس اقول مرحبا يسمع صوتي يصكر السماعه بوجهي
هذا شي بسيط من التعامل الغير محترم معاي
تقريبا اتصلت 60 مره وصورة المكالمات بالأيفون وراح انزلها بموضوع وراح انزل الوثائق والفواتير في حال اذا بوكينق رجع الفلوس
عشان تشوفون كانت مدة المكالمه ثانيه او 3 ثواني بس يسمع صوتي علا طول يصكر السماعه
وعندي رد في موقع بوكينق باسمي hussain

عظم الله أجرك و الله يعوضك خير

الحمد الله رب العالمين شهاده حق يجب ان أقولها في حق booking
موقع بوكينق تعامل جدا راقي
وعندهم دقة في المواعيد
وبوكينق رجعت لي المبلغ كامل + 4% لفرق تحويل العمله


الحمد الله رب العالمين
ماضاع حق وراه مطالب

الحمدلله علي كل حال
اصبر يا أخي وأعرف اي جهه هي ممكن ترد حقك
بوكينق مش سهل صحيح انه مرات اغلي شويه بس بكل أمانه اكلمهم مرات يرقون لي غرف انت وحظك
موفق يا غالي