الموضوع: استفسار عن دراسة اللغه ؟

السلام عليكم ورحمة الله
اريد منكم مساعدتي لاني اريد ان ارسل ابني لدراسة اللغه ببريطانيا لمدة اربع اسابيع من 22 / 8 / 2011
اريد معهد ممتاز وبسعر مناسب ويسكن مع اسره ,
كم التكلفه تقريبا ؟ وكيف طريقة الحجز ؟ وهل اقدر اسوي كل الامور بالنت ؟ علما ان ابني يدرس بالكليه البحريه
ولكم مني جزيل الشكر

مواضيع عشوائيه ممكن تكون تعجبك اخترناها لك:

• سؤال لو تكرمت غزيز ملبورن
• استفسار عن شراء السيارات في امريكا؟؟؟ ارجو المساعدة
• وصلتني رساله من الوزارة اليوم عن موعد الملتقى
• هل استطيع دراسه الدكتوراه ببريطانيا؟
• الدراسة ب دولار يا أخوان
• استفسار بخصوص الدراسه في امريكا
• الاي توني
• مساعده فى دراسه الشبكات او النت ورك فى فى احد المعاهد
• استفسار عن الدراسه
• منو يعرف عن ولاية بنسيلفانيا
• ساعدوني الله يعافيكم
• أبحث عم معهد للغة الانجليزيه
• استفسارات متنوعة لدراسة ماستر علوم الحاسب الآلي لخبراء أمريكا والمختصين فيها
• بخصوص الحل الانسب لتعلم النجليزيه
• أسمعوا ما يقول زامل العثمان
• دراسة بكالوريوس المحاسبة
• تكفون ياشباب سعدوني الي في امريكا ولا في السعوديه
• ســــاعـــدوني
• سوأل عن معهد في بورمنث
• دعم التعليم العالي الأهلي عبر الإيفاد الداخلي و مبتعث في برنامج خادم الحرمين

وعليكم السلام ورحمة الله وبركاته

اربع اسابيع قليله لدراسة اللغه الا اذا كان ابنك متقدم في اللغه المعاهد بشكل عام كل ماكانت الفتره اطول كانت ارخص يعني خساره اللي تدفعه في شهرين يكون نفس سعر الشهر والاسعار تختلف من معهد لاخر تقدر تخلص امورك كلها بنفسك ادخل على موقع المعهد اللي بتختاره وادخل على التسجيل واذا استصعب عليك امر في التسجيل اون لاين ان شاء الله ماراح نقصر بالمساعده بالتوفيق لابنك بخصوص المعاهد ان شاء الله حد يفيدك باسماء المعاهد بس انت حدد المنطقه.

تسلمين اخت ام عزيز
ابني يدرس الحين بالكليه بالانجليزي ومدرسيتهم بريطانيين بس نبيه يتعلم اكثر ويكون عنده طلاقه باللغه
وشلون سعر الشهرين نفس سعر الشهر , سمعت ان السعر بمعاهد اللغه بالاسبوع ؟
كيف احدد المنطقه ؟ انا ارغب بالمكان الامن لابني والي سعره مناسب
والله يجزاك خير ع الاهتمام

مشاء الله ولاحول ولاقوة الا بالله الله يحفظه لكم سعر المعهد بالاسبوع صحيح بس كل ماكانت المده اطول ارخص يعني ممكن يطلع لك سعر 6 اسابيع بنفس سعر الاربع اسابيع طيب اخي الكريم خلي معلمينه يرشحون لكم اسم معهد ممتاز اذا ودك امهليني يوم ان شاء الله راح اشوف لك اسعارمعاهد ادرسوا فيها ناس من المعارف وارجع احطها لك .

تسلمين اختي الغاليه والله يحفظ لك غاليك
وانا بأنتظار ردك

تسلمين اخت ام عزيز
اذا امكن تعطيني عنوان المعهد لان السعر مناسب مره
ولك مني جزيل الشكر

تفضل العنوان http://www.esoe.co.uk/index/arabic

ما قصرتي اختي الغاليه الله يجزاك خير

اختي الغاليه دخلت موقع المعهد واخترت وكل شي تمام بس يوم وصلت لتاريخ بداية الدوره يطلع لي التاريخ 2010 بس وش الحل ؟

السلام عليكم

http://www.esoe.co.uk/index/datesandfees/

ادخل على الرابط اعلاه وحمل الفورمة
Booking Form 2011

وبعدها ارسلها لهم قبل كل شيء صلي استخاره وتوكل على الله وبالتوفيق لابنك وابنائي والمسلمين .

ملاحظه : فضلا لا أمرا ممكن تكتفي بقول اختي ام عزيز فكما افتى العديد من المشايخ بعدم جواز قول اختي الغاليه وغيرها من الكلمات وانا على يقين انك لاتقصد من ورائها اي شي ولكن حتى نكون ممن يستمعون القول فيتبعون أحسنه وجزاك الله كل خير .

بارك الله فيك اختي ام عزيز وجزاك الله على هذا الحرص وثبتك الله وايانا
وللمعلومه انا اختك ام خوله ( ام الطالب ) واسفه على الاحراج

اللهم آمين وحيا الله ام خوله كان قلتي من البدايه ناخذ راحتنا هههه ابد مافيه اي احراج واذا احتجتي اي شي لاتترددين بالسؤال دعواتك لابنائي ربي يوفقهم بالحصول على الايلز وبالتوفيق لعيالك يارب .

ياااحياااتي والله , تسلمين وربي , والله يوفقك وعيالك وجميع المسلمين ويثبتكم ويجزاكم خير
ودي اسال عن دراسة ابني لانها بتكون برمضان فهل المدينه الي اخترتيها تناسب للصيام ؟

الله يجزاك كل خير عالدعوه الطيبه ولك بالمثل يارب بخصوص سؤالك انتي تعرفين انه مافيه شي يربطهم في رمضان او بقية الشهور الأخرى نسأل الله العافيه والحمدلله على نعمة الاسلام ولكن وصي ابنك بغض البصر وعدم الذهاب من اساسه لاماكن الشبهات وعدم تجاوز الحدود ان كان بالمعهد طالبات ، المدينه اللي فيها المدرسه اغلب سكانها من العجايز حتى زوجي مسميها مدينة المتقاعدين وانتي في العايله بعد اكتبي لهم انك تبين عيله كبيره في السن ويفضل من غير عيال ويارب تجيه عايله تراعي تعاليم الاسلام فيه عائله مشاء الله انا تكلمت معاها كانت تعرف عن الاسلام وتعاليمه تعرف وشو الممنوع وشو الجايز ومحترمه طلابها الله يكتب لابنك بعيله مثلهم يارب .

اهلين اختي ام عزيز
ما قصرتي يالغاليه والله يجعله في ميزان حسناتك
اختي اذا تعرفين العائله الي تقولين عليها عطيني عنوانهم او كيف اطلبهم من المعهد
ادري طلباتي كثيره بس انتي كريمه ومن خوفي على وليدي
عذريني اختي

هلا اختي ام خوله كلمت العايله البارحه استفسر اذا فيه مجال قالت انه بيجيها طلاب ماتقدر بس انتي اكتبي في الملاحظات حق العايله اي شي تبينه واذا مثلا ولدك مارتاح للعايله عادي يكلم المعهد وهم يغيرونها له ولاتنسين الدعاء ربي يسخرله عيال الحلال ويبعد عنه عيال الحرام . ايه ام خوله شوفي استفسري منهم (المعهد )فيه عوايل باكستانيه عندهم على الاقل يكونون صايمين زيه عشان الفطور والسحور وفوق كل هذا مسلمين ويخافون الله وانا بسئللك بعد ان كان فيه ابشري .

الله لا يحرمك الاجر ويسعدك دنيا وآخره ويحقق لك ما تمنيتي واكثر
آميييييييييييييييييييين
انا بسوي مثل ما قلتي والله يوفق ولدي وجميع عيال المسلمين
وان لقيتي خبر ردي علي
الله يجزاك خير تعبتك معاي اعذريني يالغاليه

هلا ام خوله ربي يكتبلك اضعاف الدعوه اللي كتبتيها اسعدتني الدعوه حسيتها طالعه من قلبك مشكوره الغاليه والله اليوم بعد سألت لك اذا فيه عايله باكستانيه قالولي مافيه بس انتي مثل ماقتلك اكتبيلهم اي شي تبونه وهم يحترمون الخصوصيات موفق ولدك يارب وربي يبلغك فيه هو ويا اخوانه .

السلام عليكم ورحمة الله وبركاته

عذرا اختي ام خوله على الازعاج بس هذا عنوان عايله عن تجربه شخصيه ناس طيبين كبار في السن
Mrs Cumming

53 Cavendish Avenue
Eastbourne



باقي رقم الجوال حقهم اذا بغيتيه مافيه الاتكتبين لي متى تدخلين عشان اكون متواجده بنفس الوقت واكتبه لك وبعدين امسحه تدرين سياسة المنتدى ماتسمح وماعندك خاصيه الرسائل الخاصه . وانا كلمت العجوز قتلها عندي ولد صديقتي بيجي في شهر تسعه قالتلي احسن يطلبوني عن طريق المعهد يعني اذا ماعبتي البيانات اطلبوها بس اكررلك ام خوله قبل كل شي صلي استخاره وشوفي نفسك اذا مرتاحه لهم اولا وللامانه هي طيبه وزوجها بعد وخدوومه وحبوبين بالمره .

تسلمين يالغاليه تعبتك معاي , الله يكتب لك الاجر ولا تنسين ان الله في عون العبد ما دام العبد في عون اخيه
انا واثقه بأختيارك ان شاالله
اقدر ادخل بأي وقت تختارينه انتي وحسب ظروفك انتي
اختي انا امس عبيت النموذج وكتبت ابي عائله كبيره بالسن و يحترمون تعاليم الاسلام وما عندهم كلب
هل اعقب عليهم وارسل مره ثانيه واحدد العائله او انتظر لين يردون علي
الله لا يحرمك الاجر

هلا اختي ام خوله خلي الثقه بالله وحده ويارب اكون عند حسن ظنك ايه انطريهم يردون عليك وارسليلهم مره ثانيه واكتبليهم اخترتي هالعايله توصيه من تجربة طالب سكن معهم بس عشان موقف العايله شوفي اختي ام خوله اذا تأخروا عليكم بالرد تابعيهم بالتلفون اي شي تبينه لاتترددين اختك في الشوفه ومثل ماقلتي ان الله في عون العبد مادام العبد في عون اخيه وربي يوفق عيالنا لمايحبه ويرضاه قولي آمين طيب ابدخل اليوم 10 بالليل والا متأخر على 1 اذا مايناسبك ابد اكتبي الوقت اللي تبينه انا تحت امرك .

الله يجزاك خير خيتووو
نسيت اسألك الوقت الي بتحددينه على توقيت السعوديه ولا بتوقيتكم ببريطانيا ؟

السلام عليكم ورحمة الله وبركاته

خخخ يام خوله توقتينا وتوقيتكم واحد انا في قطر اترك لك تحديد الساعه وان شاء الله اكون متواجده بانتظارك يالغاليه .

ههههه انا فاهمه غلط هههههه
حيا الله قطر واهلها
خير خيتو بدخل اليوم الجمعه الساعه 11 بالليل
او بكرى الظهر الساعه 1
ان شاالله يناسبك الوقت
تسلمييييييين يالغلاااا

يسعد مساك ام خوله الرقم عشان امسحه لايخالفونا

الله يجزاك خير وما قصرتي ياعمري تعبتك معاي
اذا تبين اي خدمه امري يالغلااا
اخذت الرقم
بس ما رد علي المعهد للحين , كم يوم ويردون

لاتقولين كذا حنا خوات هم يتأخرون بالرد انتي تابعيهم حتى لو بالتلفون عادة ياخذون اسبوع او خمس ايام اذا ماردوا عليك اذا حبيتي اتابع لك الموضوع من عيوني بس تعطيني الاسم وبالتوفيق .

تسلمين خيتو بأنتظر كم يوم يردون او بكلمهم بالتلفون وان ما عرفت برجع لك
جزاك الله خير