الموضوع: حاليا انا بنيويورك

السلام عليكم ورحمة الله وبركاته

انا اشكر ادارة المنتدى على مجهوداتهم الجباره

لخدمت اخوانهم المسافرين الى امريكا

واخص بالشكر الاخ امباكت ولجميع الاعضاء اللي ساعدوني

لااتمام وتسهيل رحلتي الى امريكا

انا كنت عايش بدوامه وين بسكن وين بروح اشلون الخ

انا بحاول اساعد باللي اعرفه بمنهاتن نيويورك

هاذا بعد اذن ادارة المنتدى اي سؤال تبون تستفسرون اي اشي

اخوكم ابن عون بالشوفه باللي يقدر عليه

ولكم تحياااااااااااااتي

مواضيع عشوائيه ممكن تكون تعجبك اخترناها لك:

• استفسار عن الموعد المناسب لسفارة؟
• رحلة عائلية اول مرة اقتراحاتكم؟
• طبيب وارجو المساعده
• تجديد الفيزة أرجوو الافادة
• ممكن تساعدوني
• كنساس سيتي ميسوري هل من أحد هناك هل من معلومات عنهاالرجاء المساعدة؟
• السفر من العاصمة واشنطن لبوسطن برا أم جوا ؟
• تغيير فيزا طالب لسياحية
• للي يعرف في ميامي
• البريطانيه الى بوسطن ؟؟؟
• مدينة سان فرانسيسكو
• مساعدتكم أخواني سؤال مهم عن الفيزا
• مساعده في ترتيب الرحله لاهل الخبرة
• استفسار عن الامن والامان في امريكا
• نيويورك في فبراير
• نموذج دخول المطار؟
• استفســار بخصوص تذاكر آمريـــكا
• ● أفضَلْ ولايَة فِي ●
• ياربي كتبت اسم ولدي بزيادة حرف عن اسمه في الجواز في طلب الأشيره؟كيف اصحح الخطأ؟
• مساعدة في ترتيب رحلة تغير جو الى نيويورك

الحمد لله وتسلم ياغالي على مشاركتك ,,

ياريت تشاركنا تجربتك وان شاء الله الجميع يستفيد ,,

بالتوفيق

حمد الله على سلامتك , , ,

شكرا اخوي ابن عون
انا رايح نيويورك وراح اسكن بفندق هلمسي منهاتن لمده 3 ايام لانه مقابل المستشفى وقريب حيل منه
ياليت تفيدني بطريقة البحث عن شقه استديو قريبه من المنطقه اللي فيها المستشفى وتكون بحدود 2000$ بالشهر
جزاك الله خير

الله يجزاك خير ياابن عون

بس سلم على هاني

حمد الله على سلامتك

ورحله موفقه

الله معك

المشاركة الأصلية كتبت بواسطة ku913
http://www.arabtravelersforum.com/tr...1/#post3737691

شكرا اخوي ابن عون
انا رايح نيويورك وراح اسكن بفندق هلمسي منهاتن لمده 3 ايام لانه مقابل المستشفى وقريب حيل منه
ياليت تفيدني بطريقة البحث عن شقه استديو قريبه من المنطقه اللي فيها المستشفى وتكون بحدود 2000$ بالشهر
جزاك الله خير



اخي انصحك بالتنسيق مع المستشفى المكتب الخاص بالمرضى الدوليين
لديهم اماكن تعطي تخفيضات للمرضى وذويهم وفي الغالب هم موثقين وايضا قارن بين اسعارهم والاسعار الاخرى
السكن غالي شوي بنيويورك
او ادخل على موقع اكسبيديا وابحث عن غرف الساعات الاخيره المخفضه وبيكون فيها تخفيض يصل الى 60%
ولكن يجب ان تعرف انه لايمكن استرجاع المبلغ بعد تأكيد الحجز معهم
تحياتي للجميع

مشكوووووووور أخوي على الموضوع
وان شاء الله تفيد الشباب ( الشابات )
تحياتي : الحياه فرنكدوس

بارك الله فيك اخوي ,, ودي اسألك بخصوص السكن ,, حنا عائلة من اربع اشخاص منهم (طفلين),, بنزور نيويورك اول رحلتنا لامريكا 5 ليالي في التايم سكوير** وفي العودة بنريح فيها ليلتين ودي في هالفترة نسكن في منطقة حلوة تكون قريبة من الاسواق المخفضة ( وخاص الاوت لت) فياليت تعطينا رايك في الامر** يعني المنطقة اللي نسكن فيها(تكون آمنة) واي فندق ترشح لنا ويكون سعره معقول,,, طولنا عليك وابلشناك ,,
** شكرا لجهدك وجعله الله في ميزان حسناتك **

الحمد لله وتسلم ياغالي على مشاركتك ,,

ياريت تشاركنا تجربتك وان شاء الله الجميع يستفيد ,,

بالتوفيق



اخوي امباكت الله يسلمك شرفني مرورك

اخوي وليد الله يسلمك

وشكرا على المرور

وكله من بركاتكم

وبركاااااااات توجيهاتكم

ku913

حياك الله اخوي لاتحاتي بااي شي

شوف مكان الفندق اللي انت حجزت فيه ممتاز وقريب على المستشفى

وبالنسبه للموقع اللي عند المستشفى حيل ممتاز وهادي لاكن اغلب الكويتين

اللي اهنيه بالتايم سكوير وانا بعماره اسمها امباير بلازا اللي فيها عوائل كويتين

اغلبهم علاج وعنوانها شارع 51 على 7افنيو وراح احطلك ويب سايت حقهم

يعني انت اذا ركبت تاكسي تقوله فيفتي ون سفن افينيو يعني شارع 51 على تقاطع 7افينيو

وبالنسبه للسكن هنيه الاستيديو تقريبا2500 طبعا ياخذون منك تامين شهر والغرفه وصاله3400 وهم

تامين شهر اوكي موقع المكتب اللي ياجر الشقق اول ماتدخل العماره تساهم وين الاونر اوابرتمنت

يعلمونك السكيورتي اللي هناك ويمكن بعد اتواجه احد من الكويتين اللي هناك خوش شباب ويساعدونك

وبالنسبه للشقق تعتبر شقق فندقيه وراقيه ومن المستشفى للعماره ماياخذالتكسي اكثر من 10دولار ويمكن اقل

بعد ويمك كل شي التايم سكوير يعتبر انت بوسطه يعني مشي 2دقيقه انت فيه وكل شي متوفر وهناك لاتثقل على عمرك

وترى التفتيش بالمطار ولا اروع بس انت اول ماتجي عند الجوازات ورهم موعدك عند الطبيب وفاوشرالفندق اللي بتسكن فيه

وترى امورك انشالله سهله انا والله ماقعدت من نزلت الطياره لما طلعت بره المطار اكثر من ربع ساعه فلاتحاتي

وبعد شنو تبي تسئال انا حاضر لاكن اسمحلي يمكن اتاخر بالردود لاني اشوي عندي مرجعات بالمستشفى بس انشالله

بحاول اشوف ردودك وانا مريت بنفس المرحله اللي انت فيها ترى الامور كلها سهله والله يوصلكم بالسلامه

مستر كويت الله يرحم والديك

ويوصل انشاء الله سلامك

اسف نسيت احطلك الويب سايت حقهم

http://www.esp-ny.com/

طلال جزاااك الله خير

وشكرا على المرور

االحياه فرندكوس

شكراا على المرور

هلا اختي محبة كندا انا بقولج من واقع تجربه

انا اولماوصلت نيويورك سكنت بفندق هيلتون على 6افينو شارع 53 الغرف ولا اروع

والموقع ممتاز بالنسبه للتسوق عندج شارع الفيفث افينيو دقيقه وهاذا قمة التسوق وبالنسبه

للماركات يصير بشارع57 تدوخين من بالشارع هاذا من شارع ماديسون الى شارع 6افينو كله ماركات خيال

ثاني شي التايم سكوير على شارع تقاطع7افينو شارع47يعني 5دقايق مشي والسنترال بارك 5دقايق مشي

يعني بالعربي رااااااااح تدعيلي على الفندق من نظافه وهم موقع هذا بالنسبه للفندق الاوت لت فيه ناس لابسين

لبس احمر اللي ويدون الناس بالباس حق الاماكن السياحيه في منهاتن وهم بعد يودونكم حق الاوت لت

باص ثاني انتم تحجزون منهم وتروحون حق شارع42 على تقاطع8افينو حق محطة الباصات في مبني ثلاث ادوار تدخلون

داخل المبنى ومعاكم حجزكم اللي ماخذينه من اللي لابسين احمر بالتايم سكوير ويدلونكم وين رقم باصكم وانصحكم

تروحون بدري في باص تسع الاربع الصبح على شان يمديكم تدورون بالاوت لت وشي ثاني كل نص ساعه يطلع باص للاوت لت

وهم بالعوده كل نص ساعه يرجع منهاتن وهذا اللي اقدر افيدج فيه واي شي تبينه سئلي وانا حاضر باللي اقدر علىه

حجي لاتحاتي انت لما توصل المستشفى في مكتب اسمه
الانترناشونال هاذا اللي فيه المترجمين العرب انت لما توصل تبي تشوف
مواعيدك اطلب منهم اورقه عندهم مطبوعه فيها عناوين التسوق وهم فيها عنوان الجمعيه
الرخيصه اللي فيها يبيعون لحم حلال وهم سمج وربيان وكل شي بهارات كشمش
كل شي لاتحاتي ومشوارها بالتكسي ياخذمنكك تقريبااقل من عشرين دولار بالمشوار
للمنطقه وهي اسمها استوريا يجيل عربانه فل ماتعدا 150دولار واما بالنسبه للحم
انا اشك فيه في هالجمعيه بس الكويتين يشترون منه انا اشترى اللحم من واحد بنقالي
طليان صغار وفرش تاخذ كيلو او نص خروف على كيفك انت وهاذا يكون عند الجمعيه نفسها قريب من الجمعيه اللي قلت لك عنها وانت طالع من باب الجمعيه لف يسااار تلاقي اشاره محل البنقالي بعد الاشاره على طول ثالث محل على اليسار ودش داخل المحل تلاقي اخر المحل قداااااااام فيها قصاب في ثلاجه عوده فيها دجاج وخرفان وانت تنقا اللي يعجبك

واي شي تبي تسئال انا حاضر لك تحياتي

اخوي ان اسف نسي اكتب لك عن السكن في نيوجيرسي

لازم تكون عندك سياره على شان تروح مواعيدك بالمسشتفى ولازم تطلع من البيت قبلها بساعه ونص

لانه الجسر اللي بين نيوجيرسي ونيويورك زحمه واخا تتاخر على مواعيدك انت خلك بالسليم بالبدايه وبعدين

شوف الوضع وانت براحتك وين تبي تسكن وهم في السابوي بس انا مااستخدمه وبعدين المواعيد بالبدايه

تحاليل وفحوصات ولما تبلش علاج المره يوميا قبل الساعه 8الصبح لمدة اسبوعين ورا بعض اتكون بالمستشفى

تحاليل وانت براحتك وشوف شون تبي وانا هم اسئلك بالنسبه للسكن بنيوجيرسي واي شي تبي انا حاضر

بيض الله وجهك اخوي ابن عون ,,, ماقصرت ,,, وفيت وكفيت ,,, شاكرة لك ,,, (ألبسك الله لباس الصحة والعافية
ورزقك من واسع فضله ),,,,,,,,,,,,,,,,,,,,,,

شكرا أخوي ابن عون وشلون طبيعه المراجعات يوميا وجم ساعه اقعد بالمستشفى وبالنسبه للتحاليل لازم يعيدونها لاني مسوي التحاليل كلها بالكويت

اخوي ابن عون مساء الخير
اخوي انا رح أكون بنهاية الشهر في نيويورك شهر عسل تقريباً 27/4 ، وشلون الجو هل هو بارد وبعدين شلون اجراءات التفتيش بنيويورك ، وألف شكر يالغالي ...
تحياتي لك ،،،

اختي محبة كندا جزاك الله خير على هالدعوه

وماقصرررررررررررررررتي

ku913

شوف بالنسبه للمواعيد تختلف من حاله الى حاله

واعتقد الله العالم انه هو لازم يسويلك فحوصات

وانا اقولك اخذكل فحوصات اللي بالكويت لاتخلي شي

اخذ وهم يمكن يبي يقارن بين فحوصات الكوويت واهنيه باامريكا

ولاتحااااااااااااااااااااااااااااااااااااااااااااا ااااااااااااااااااااتي اي شي

مساء كل شي حلو اخوي جنتل ماااااااااااااااااااااان

واااااااااااااااااااااااااااااالف مبروك مقدما وبالرفاء والبنين

الجوو الحين غايه بالروعه ملكي برااااااااد ولاكن بعض الايام

يقلب برررررررررد والشباب اللي موجودين من العام يقولون ان الجو شهر 5

غايه بالجمال ولا اروع وبعدين بالنسبه للتفتيش انا من الطياره الى باب الخروج قعدت اقل 20دقيقه

والله معاي6جنات ولابتوبات ومال التفتيش شافني محملهم بالعربا الكبيره شافني وقالي ولكم نيويورك

وعطيته الورقه الزرقا مالت التفتيش وبس ماقعد عنده ثانيه تعاملهم كان حيل ممتاز ولاتحاتي ياعريس

يعطيك العافيه اخوي .. بس حبيت اسأل عن اسم الجمعيه اذا ممكن و عنوانها بالانجليزي ما عليك امر .. شكرا

هلا اختي بنت الكويت حاضر العنوان كالاتي لما تركبين التاكسي تقولين

استوريا الافينيو العرض والطول الشارع يعني تقولين ابي استوريا 30افينيو على30 ستريد

واسم الجمعيه trade fair

واي شي تبين حاضر

مشكووووور اخوي ما قصرت والله .. اي خلاص عرفت وين ..و دخلت على السايت مالهم و احلى شي انه فاتح 24 ساعة !! و عندهم توصيل .

الله يحفظك انت و زوجتك و يرزقكم بالذريه الصالحه و ترجعون بالسلامه ان شاء الله

يعطيك العافية اخوي


حبيت اسالك هل يوجد سوبر ماركات يبيع نفس الاشياء اللي موجودة بالخليج


وايش ارخص سوق ممكن الواحد يتقضى منة


وافضل مكان للسكن لان احنا بنجلس 4 سنوات من ناحية السعر والامن والنظافة


واسفة عل اطالة


رحلة ممتعة

اخوي ابن عون صباح الخير
والله يبارك فيك وألف شكر يالغالي ...
تحياتي ،،،

هلا أخوي ابن عون ياليت تشوف بالافينيو 1 الى 3 مجمع لتاجير الشقق لان فيه واحد من الربع نصحني ما ابعد عن الافينيو 3