الموضوع: وصلت لمقر دراستي واي سؤال انا حاضر

السلام عليكم ورحمه الله وبركاته

في هذا الموضوع حبيت اني اطرح لكم وش صار معي الين وصلت لمقر دراستي واسمحولي ولوكانت متاخره شوي بس بناء على طلب عضو معنا هنا حبيت انزلها واي واحد عنده استسفار انا حاضرمن عيوني

..
.....

نصيحه رح مبكر للمطار عشان ماتتوهق مثلي لانهم بيوزنون شنطك وشغلانه لاني انا تبهذلت في الوزن وشريت شنطه ثانيه وانا في المطار واقسها نصين المهم اول ماطلعنا للطياره تاكد ان كل المعلومات جاهزه معك اقصد قريبه منك لانك قبل لاتوصل واشنطن او نيويورك بتحتاجها لانهك بيوزعون عليك النماذج اللي تعبيها وخذ معك للاحتياط تاريخ ميلاد امك اوبوك مع انهم ماسالوني بس واحد قالي خذه معك للاحتياط المهم انا انصح الكل بانه مايروح على الخطوط السعوديه لانه لو راح عليها بيتبهذل بنيويورك اما الخطوط الاخرى فانك تنزل على واشنطن دايركت ومطار واشنطن احسن من مطار نيويورك المهم وقفنا في فرانكفورت حوالي ست ساعات والصراحه حلو مطاراهم كبير ووناسه وتطمن من ناحيه البوردنج اذا كنت رايح على نفس الخطوط تقصه من السعوديه حق فرانكفورت واشنطن مثلاً بس قبل كذا رح لمقر الشركه خذ بوردنج مؤقت ... في مطار فرانكفورت ماراح يسالونك الا عن الجواز ولااحد يسوي فيها يبي يطلع من المطار ترا مايصلح خلك بالمطار ويستحسن لاتبعد عن بوابتك وكل شوي طل على الشاشه لانك ماتدري وش يصير يمكن يبكرون الرحله والا ياخرونها المهم بعد ماطلعنا من مطار المانيا وصلنا لوشنطن بس جيتنا كانت بالليل الظاهر انهم ماهم رايقين خلصونا بسرعه لانا كنا واجدين طبعا اتخذ مسر اللي مو للامريكان لاتسوي وتمشي مع مسارهم وتحرج عمرك االمهم الموظف بياخذ منك الجواز والاي توني وبيسالك بعض الاسئله يمكن ويمكن لا انا بالنسبه لي ماسألني و لله الحمد المهم وبعدين بياخذلك صوره وبيختم على الاي توني وبيقولك تفضل ادخل واول ماتدخل بتلقى موظفين الملحقيه قدامك ... وهم بياخذونك على فندق هم متعاملين معه واذا تبي تريح عمرك احجز من قبل لاتروح لان الفندق اللي بيودنك له بعيد شوي فيبيلك ياره عشان تروح لهم فاحجز قريب من عندهم احسن وحتى لو سكنت بعيد عادي هم بيجونك بالباصات حقتهم الصبح وبياخذونك للملحقيه يعني تطمن بس اذا تبي تكون قريب عشان تنزلهم على رجولك المهم وبعد الملحقيه بيومين وترا يوم يكفي بس وش بيضرك يومين ازين المهم دقيت على تكسي وجاني بالفندق وطلعت انا وياه لمطار واشنطن مسلم سوداني الظاهر ويدخل معي للمطارويزين كل شئ لي المهم وبعدها اطلع على تفتيش وزحمه انتبه لاتنسى الحزام ماتفصخه لانه ماراح يقولك افصخه بتشوف العالم كلهم يفصخون كل شئ والاب توب طلعه من الشنطه وحطه والجزمه الله يكرمك افصخها كل شئ لاتنسى الحزام مثلي نسيته وتبهذلت شوي وبعدها بتروح لصالتك وبركب للطياره وبتنزل في مدينك انشالله سالم غانم .....

نصائح:


i-94تراه مهم مره انتبهوا له واذا مادبسه لكم الموظف اطلبوا منه ولايضيع تراه ماتقدر تطلع وتدخل مره ثانيه الا به والجواز مايحتاج اني اوصيكم عليه يعني مهم جدا جدا وخذ معك مبلغمن المال عشان احتياجاتك ...واهم شئ لاتخاف خلك واثق من نفسك وحتى لو ماتعرف انجليزي خلك واثق من عمرك تراها اهم شئ مو اي موظف بالمطار ترا خوفك بيوهقك فحط في بالك قبل لاتروح شئ الحين فيه ناس مايعرفون شئ بالانجليزي حتى الحروف مايعرفونها كامله ووصلوا لامريكا يعني انت ماراح تكون اقل منهم ....

واتمنى ان اكون افدكم جميعا واي واحد عنده استفسار انا حاضر ومن عيوني والله يقدرني اني ارد عليكم


::: ودمتم سالمين :::

مواضيع عشوائيه ممكن تكون تعجبك اخترناها لك:

• الرجاء المساعدة
• الفزعه ياهل المنتدى
• قبل ان تكتب موضوع ارجو الدخول هنا للاهمية
• لو سمحتم ممكن اصحاب الخبرات المساعده
• ما رأيكم بمدينة في ولاية
• للخبراء والدارسين في سكوتلندا هاااااام
• بروح ادرس في كليفلاند في اوهايو من عنده فكره عنها
• عجب من وزاره تطبق الحكومه الالكترونيه
• هل صحيح انة من ضمن الشروط الجديدة مقابلة ؟
• اريد التقديم بجامعة في واشنطن او نيويورك
• الملحقية تنشر أسماء الطلاب الحاصلين على قبول عن طريقها
• عاجل عندي مشكلة
• يـــاأهل السعودية الي بدنفـــــــــــر ارجوا الدخول؟؟
• في أحد يعرف سبب طلبهم لكشف الحساب
• السلام عليكم
• للمبتعثين فقط
• طلب مساعدة ماجستير ادارة الكوارث
• ياشباب ساعدوني رجاءًً؟؟؟؟
• استفسار بخصوص دبلوم الشركات
• إذا أردت البعثة فعلاً

تسلم يا الإمبراطور على هذى المعلومات و النصائح ، ما قصرت و يعطيك العافيه :x1:

بس يا ريت تعلمنا من لحظة وصولك لنبراسكا (المطار ، التوصيل ، السكن ، المدرسه) كيف كانت الترتيبات

و جزاك الله خير ،،،،،

عيطيك العافيه أخوي _الامبراطور_
ودي أسألك انا حجزي ع الخطوط السعودية وماقالوا لي انها بتوقف في نيويورك
قالولي بس بتوقف في جده 4 ساعات ودايركت بعدها على واشنطن
هل لازم أي رحله سعوديه توقف في نيويورك؟
تحياتي

ألــف حمـد للـه على السلامة يا أخوي

المشاركة الأصلية كتبت بواسطة بنت الصقور


تسلم يا الإمبراطور على هذى المعلومات و النصائح ، ما قصرت و يعطيك العافيه :x1:
بس يا ريت تعلمنا من لحظة وصولك لنبراسكا (المطار ، التوصيل ، السكن ، المدرسه) كيف كانت الترتيبات
و جزاك الله خير ،،،،،



لحظه وصولي لنبراسكا كان هناك اشخاص انا مرتب معهم واستقبلوني واللي مراسل الجامعه لايخاف تراهم بيستقبلونه لاني لقيت الجامعه اول ماوصلت فرحت معه وسكنت عنده يومين الين ماحصلت لي على سكن .. والدراسه كلها الجامعه يرتبونها لك من فتح حساب بالبنك وكل شئ

المشاركة الأصلية كتبت بواسطة هيبه ملك

عيطيك العافيه أخوي _الامبراطور_
ودي أسألك انا حجزي ع الخطوط السعودية وماقالوا لي انها بتوقف في نيويورك
قالولي بس بتوقف في جده 4 ساعات ودايركت بعدها على واشنطن
هل لازم أي رحله سعوديه توقف في نيويورك؟
تحياتي

لازم اي رحله على الخطوط السعوديه توقف وهم اصلن ماراح يقولون لك انت ناظر التذاكر زين وبتلقى فيها انك بتوقف في نيويورك وهذي انا متأكد منها واعرف ناس وقفوا في نيويورك

المشاركة الأصلية كتبت بواسطة جوليــانــو


ألــف حمـد للـه على السلامة يا أخوي



الله يسلمك وشكرا على مرورك

المشاركة الأصلية كتبت بواسطة fms


يعطيك الف عافيه لانك كتبت الموضوع
وشكرا على النصائح.
- كان سفرك على الخطوط السعودية الى واشنطن؟ ولا أكثر من خطوط؟
-كلمت الملحقية علشان يستقبلونك؟
- كم دفعت للفندق بالليلة؟ علشان الواحد يقرر يسكن فيه او لا؟ وياليت اسم الفندق و لو تعرف عنوانه.
لو سكنت في فندق ثاني الملحقية يودوني من المطار الي الفندق الحاجز فيه ولا اخذ تاكسي؟
وياليت تكتب تفاصيل أكثر من استقبلك في المدينة الي تدرس فيها وكيف استقبال الجامعه او المعهد وين سكنت؟



-سفري الى واشنطن كان على اللوفت هانزا الخطوط الالمانيه ومن واشنطن على اليونايتد
-ارسلت لهم فاكس وكلمتهم وقالوا ايه وصل ويوم وصلت لالمانيا قلت بكلمهم عشان اتاكد فمايردون بس يوم جيت لقيتهم ينتظرونا ..
-يمكن بالليله 77 دولار ولاتاف لوانت حاجز بفندق ثاني يودونك لاتشيل هم بس انصحك احجز في فندق جنب الملحقيه...وبالنسبه للعنوان والله مااعرفه وحتى اسمه ناسيه لان الملحقيه هم اللي مودينا ..
- التفاصيل ذكرتها في رد سابق والحين انا ساكن مع عائله والحمدلله الامور كلها ماشيه تمام

المشاركة الأصلية كتبت بواسطة godzila

يعطيك العافيه اخوي الامبراطور على هالنصايح الحللللللوه
:113:
ما قصرت
اي والله نبيك ترد تكفى باسرع وقت على اسئلة الاخوان وشكراً
تحياتي
:106:

الله يعافيك ويسلمك
انا رديت واي سؤال انا حاضر من عيوني

الاخ العزيز المبراطور الحمدلله على سلامتك واطلب من الله ان يوفقك في دراستك وترجع لنا سالم وظافر

اللي احب اشارك فيه هو الخوف من المطارات ليش حنا نخاف مسوين شي غلط علشان نخاف

واذا ردينا لبلدنا نتهاوش مع الموظفين ونزفهم على شنو مدري

اقولكم يبا لاحد يخاف وادخل بقلب جامد كلها شويه اسئله روتينيه وبعدها تمشي والتفتيش اذا عندك شي ممنوع تدخله من اكل ولا شراب ياخذونه وبس

قووا قلبكم وسافروا وانتم مطمئنين

صحيح كلامك عين العقل وشوله نخاف اصلن حنا ماطلعوا لنا الفيزا والا وهم سامحين لنا بالدخول يعني ليه الخوف بس لاتاخذ معك شئ ممنوع وتطمن اساله عاديه يبون يتحققون من المعلومات اللي عندهم وبس

الحمد لله على السلامة يالأمبراطرور،والله يوفقك انشاء الله.
حبيت اسألك كم شنطة اقدر اشيل معي وكم وزنها طول الله عمرك وهل اقدر اشيل معي شنطه داخلية في الطيارة، واهم شي الخطوط الأمريكية كم الوزن اللي تسمحه لنا ياالأمبراطور، الله يخليك باسرع وقت رد علي عشان رحلتي يوم 25، وهل تقترح اني اتصل على الملحقية وآخذ اسم اقرب فندق واعلمهم بجيتي حتى لوكنت على الخطوط السعودية.
وجزاك الله خير في كل الأحوال وماقصرت اول والا تالي والله يوفقك ويوفقنا واخواننا المسلمين.

اخوي الأمبراطور تعقيب بسيط الله يخليك ويوفقك انشاء الله هل تسال الجامعة اللي انت فيها عن هذا السؤال لاني باعرفه منه عده اشياء وخاصة ان مالي خيارات كثيرة وبعلمك انا خريك لغات وترجمة اسباني هل ممكن الجامعة تعطيني قبول ماجستير محاسبة عندي خبرة عمل اكثر من خمس سنوات بس هل يعطوني مواد اعداد عام خاصة لتغيير الإختصاص، ان كان ماعليك كلافة اخوي الأمبراطور ياليت تسالهم وترد لي خبر، والله ماكان يرد على مواضيعي الاانت وبنت الصقور يعطيكم الله العافية.
وننتظر اخبار تسرنا وتسر الجميع.
اخوك.

المشاركة الأصلية كتبت بواسطة fms


امبراطو يعطيك الف عافيه
بس نبي تقولنا الملحقية وش سويت فيها؟
وش الاوراق الي طلبوها منك؟ الصور "كم صوره طلبوا" وغيرها من تفاصيل؟
وكم يوم يكفي الملحقية؟
تمشيت في واشنطن او لا؟ لو تمشيت علمنا وش اعجبك فيها؟
بالنسبة للخطوط السعودية تقلع من جدة الى امريكا وتوقف في نيويورك تنزل بعض المسافرين وتكمل الى واشنطن الظاهر ما ينزلون الي يبون يكملون.
اخوي الامبراطوراحس نشاطك قل عن أول.
تحياتي لك



يطلبون منك صوره من بطاقه الاحوال وبيعطونك الاوراق اللي تعبيها وصوره من شهاده الثانوي واربع صور شخصيه وصوره من الجواز وصوره من الاي توني وخطاب القبول من الجامعه وصوره من الاي 94 (بالنسبه للشهاده ترا ماادري عن نظامهم الحين وانت اكيد سمعت بالشهادات الاصليه وماني عارف ايش)

-ويكفيك يوم واحد بس انصحك خذ يومين وش معجلك تخلصها على رواقه وانت مرتاح ..
-لا ينزلون كلهم ويسون تفتيش واجراءات الجوازات وبياخذون جوازك والا توني والنماذج وكل شئ منك اتوقع بتقعد اربع ساعات عندهم لان مطار نيويورك زحمه ومعقدين عشان كذا انصحك بمطار واشنطن بس الخطوط السعوديه لازم توقف في نيويورك اما الخطوط الاخرى مث اللوفت هانزا ماتوقف في نيويورك على طول على واشنطن ...

- وبالنسبه للنشاط والله مثلك عارف الدراسه ماتخلي احد وانا احاول اني ابذل جهدي باللي اقدر عليه وعلى فكره انا كل يوم ادخل بس مالقى مواضيع والا القى الاعضاء الله يجزاهم خير جاوبوا قبلي وكفورا عني ..

تقبل
تحياتي

المشاركة الأصلية كتبت بواسطة EL Hombre


الحمد لله على السلامة يالأمبراطرور،والله يوفقك انشاء الله.
حبيت اسألك كم شنطة اقدر اشيل معي وكم وزنها طول الله عمرك وهل اقدر اشيل معي شنطه داخلية في الطيارة، واهم شي الخطوط الأمريكية كم الوزن اللي تسمحه لنا ياالأمبراطور، الله يخليك باسرع وقت رد علي عشان رحلتي يوم 25، وهل تقترح اني اتصل على الملحقية وآخذ اسم اقرب فندق واعلمهم بجيتي حتى لوكنت على الخطوط السعودية.
وجزاك الله خير في كل الأحوال وماقصرت اول والا تالي والله يوفقك ويوفقنا واخواننا المسلمين.



الله يسلمك ويجزاك الخير.

بالنسبه للوزن يعتمد على الخطوط اللي انت طالع عليها ويصلح تاخذ معك شنطه داخل الطياره واكثرهم اشوفهم حاطين شناط داخل الطياره بس عاد مو كبيره مره والخطوط الامريكيه انا خذوا مني 50 دولار على كل شنطه 25 دولار لان الوزن زايد ....

والملحقيه ارسلهم فاكس بس حط فيه كل بياناتك وعلمهم ان ماعندك حجز واتصل عليهم واتاكد انهم استلموه والا لا واذا ماردوا عليك مالك الا تروح وانشالله بتحصلهم ... واهم شئ خذ معك عنوان الملحقيه وعنوان اقرب فندق لهم عشان اذا مالقيتهم تكون متجهز انك تروح بلموزين وبالنسبه لعنوان الملحقيه وعنوان اقرب فندق لهم تحصله على موقعهم http://www.sacm.org واتمنى ان اكون افدتك واي سؤال من عيوني

المشاركة الأصلية كتبت بواسطة EL Hombre


اخوي الأمبراطور تعقيب بسيط الله يخليك ويوفقك انشاء الله هل تسال الجامعة اللي انت فيها عن هذا السؤال لاني باعرفه منه عده اشياء وخاصة ان مالي خيارات كثيرة وبعلمك انا خريك لغات وترجمة اسباني هل ممكن الجامعة تعطيني قبول ماجستير محاسبة عندي خبرة عمل اكثر من خمس سنوات بس هل يعطوني مواد اعداد عام خاصة لتغيير الإختصاص، ان كان ماعليك كلافة اخوي الأمبراطور ياليت تسالهم وترد لي خبر، والله ماكان يرد على مواضيعي الاانت وبنت الصقور يعطيكم الله العافية.
وننتظر اخبار تسرنا وتسر الجميع.
اخوك.



من عيوين انشالله اسالك عنها بس انا انصحك انك تراسلهم وانا بحاول اسالهم لان لو تراسلهم بتتوضح الصوره لك مره واذا تبي موقع جامعتنا عشان تراسلهم اعطيك .... طيب عندك شهاده خبره بعدد السنين اللي اشتغلتهم ؟؟ http://www.unomaha.edu هذا موقع جامعتنا


تقبل
تحياتي

الله يعطيك العافية، والله كفيت ووفيت وكثر الله من امثالك ورجعك لأهلك سالم ورافع راسهم.




El Hombre

الامبراطور ... حمد لله هلى السلامة

والله يوفقك في دراستك ... تستاهل كل خير ...

كنت حابب اسئلك سؤالين اثنين :

1
أنا واحد قريبي طالع للدراسة هو وزوجته وعندهم طفلين أصغرهم عمره شهر واحد

ومواعيد دراستهم سوى ... وما هم عارفين فين يتركوا الاولاد ... ومتخوفين شوية من حكاية الدي كير والبيبي سيتر ... فلو عندك حل أو اقتراح خاصة لو حل يناسب ميزانيتهم اللي يتعطيهم هيه السفارة ...

2
كيف ممكن الواحد يرتب سكن مع العوائل هناك ... وهل العوائل هذه ممكن تستحمل صراخ وازعاج الاولاد في المساء ...

شكرا لك

يعطيك العافيه أخوي _الامبراطور_
ابشرك كلمت المكتب اللي فاوزاره وقلت لهم بألغي حجزي لأنه ما تأكد وعشان ماابغى امر على نيويورك
وقاللي خلاص تعال نسوي لك ع الخطوط الفرنسيه والا اللفت هانزا
انا بشغلك يا الامبراطور معاي
سؤالي
- انا بلشت باللسكن سكن الجامعه غالي وبالنسبه للعائله مالقيت في الاباما مدينه فلورنس اغلب المواقع مافيها فوش رايك هل اسكن فالجامعه ترم واحد وبعدين أشوفلي اذا وصلت؟
-فوشنطن بعد ماتخلص من الملحقيه فاليوم الأول فالليل وين تروح تتمشى؟ والا بلفندق تجلس ؟===ملقوف :109: لأني وودي اجلس فوشنطن يومين دامي وصلت لها
تحياتي
هيبه ملك

يعطيك لاعافيه اخوي الامبراطور

وحبيت اسألك عنi-94 وشو هذا

وحبيت اسألك عن السفاره السعوديه بواشنطن كيف طريقه استقبالهم ووهم الي يفتحون لك حساب والا كيف
وتشرحلي وش قالوا وش سوو

رحلتي الاربعاء الجاي الله لايهينك ياليت ترد بسرعه

المشاركة الأصلية كتبت بواسطة EL Hombre


الله يعطيك العافية، والله كفيت ووفيت وكثر الله من امثالك ورجعك لأهلك سالم ورافع راسهم.
El Hombre



اللله يعافيك ويسلمك انشالله

المشاركة الأصلية كتبت بواسطة ابن الفاروق


الامبراطور ... حمد لله هلى السلامة
والله يوفقك في دراستك ... تستاهل كل خير ...
كنت حابب اسئلك سؤالين اثنين :
1
أنا واحد قريبي طالع للدراسة هو وزوجته وعندهم طفلين أصغرهم عمره شهر واحد
ومواعيد دراستهم سوى ... وما هم عارفين فين يتركوا الاولاد ... ومتخوفين شوية من حكاية الدي كير والبيبي سيتر ... فلو عندك حل أو اقتراح خاصة لو حل يناسب ميزانيتهم اللي يتعطيهم هيه السفارة ...
2
كيف ممكن الواحد يرتب سكن مع العوائل هناك ... وهل العوائل هذه ممكن تستحمل صراخ وازعاج الاولاد في المساء ...
شكرا لك



الله يسلمك
بالنسبه للسؤال الاول انا ارى انهم يتركونهم في حضانه وهذا افضل وودي افيدك بس اتوقع ان مالهم الا كذا ....

كيف يتم الترتيب مع العوائل عن طريق المشرف حق المعهد هو يدبر غصب عليه او يحجزلكم فندق مؤقت الين تلقون طبعا على حسابك الاجار بس لاتخاف ماراح يخلونك الجامعه الا اذا كانوا زلايب مره والعوائل تفرقعن بعض من ناحيه تحمل الازعاج فمثلا انا اعرف واحد حاطينه العائله في البدوروم يعني ماخذ راحته على الاخار لو يسوي حفله مادروا عنه

واسف على التقصير بس اي استفسار انا حاضر من عيوني

المشاركة الأصلية كتبت بواسطة fms


يعطيك الف عافية



الله يعافيك واي استفسار انا حاضر من عيوني

المشاركة الأصلية كتبت بواسطة هيبه ملك

يعطيك العافيه أخوي _الامبراطور_
ابشرك كلمت المكتب اللي فاوزاره وقلت لهم بألغي حجزي لأنه ما تأكد وعشان ماابغى امر على نيويورك
وقاللي خلاص تعال نسوي لك ع الخطوط الفرنسيه والا اللفت هانزا
انا بشغلك يا الامبراطور معاي
سؤالي
- انا بلشت باللسكن سكن الجامعه غالي وبالنسبه للعائله مالقيت في الاباما مدينه فلورنس اغلب المواقع مافيها فوش رايك هل اسكن فالجامعه ترم واحد وبعدين أشوفلي اذا وصلت؟
-فوشنطن بعد ماتخلص من الملحقيه فاليوم الأول فالليل وين تروح تتمشى؟ والا بلفندق تجلس ؟===ملقوف :109: لأني وودي اجلس فوشنطن يومين دامي وصلت لها
تحياتي
هيبه ملك

انصحك اولا اطلع على اللوفت هانزا لان مطار باريس ماسمعت احد يمدحه برضو مو شين بس انا مجرب اللوفت هانزا مريحه مره وممتازه ....

انا اصحك تسكن بعائله لانها افضل ولكن سكن الجامعه برضو تراه ممتاز لتعلم اللغه وخصوصا اذا كان الرومويت حقك امريكي ولكن هناك بعض الشغلات السيئه في السكن الجامعه وهي انه يكون الحمام مشترك والمطبخ مشترك يعني الله يسلمك ماتاخذ راحتك بس اذا كانوا نضيفين اللي معك بترتاح راحه ماهي طبيعيه وبتتعلم بسرعه ...
طيب الجامعه ماكلمتهم بهالخصوص يعني يدورونلك بسرعه اسكن بفندق كم يوم الين يحصلون لك على عائله لان العوائل ازين مافيهم الراحه تحس انك في بيت ..يعني مو عزوبي..خخخخ

وبالنسبه لواشنطن الله يسلمك مايمدك تتمشى لان ماراح يكون عندك وقت لانك بتوصل اول يوم وبياخذون اوراقك وبيمرونكم بكره بالفندق وبيودونكم للملحقيه وبيخلصون كل شئ ومحاضرات وبتطلع على العصر يمكن وبتروح للفندق وتنام واليوم اللي بعده وانت طالع يعني ماعندك وقت ... وعلى فكره هذا برنامجي انا يومني بواشنطن وقعدت فيها يومين


واي استفسار انا حاضر من عيوني ولاتخاف مافيها تعب انا انبسط اذا خدمتكم مابي منكم الا الدعاء بس

المشاركة الأصلية كتبت بواسطة wewe2266


وحبيت اسألك عن السفاره السعوديه بواشنطن كيف طريقه استقبالهم ووهم الي يفتحون لك حساب والا كيف
وتشرحلي وش قالوا وش سوو
رحلتي الاربعاء الجاي الله لايهينك ياليت ترد بسرعه



السفاره ماراح يقصرون معك ومتعاونين مره والحساب انت اللي تفتحه في البنك المشور بولايتك واللي تشوف ان مكاينه منتشره مره افتح فيه لان لو تسحب من مكينه غير راح ياخذون منك عموله وغثى ريح راسك وافتح في البنك اللي في مدينتك ....

اهم شئ قبل لاتروح ارسلهم فاكس واتاكد انه وصلهم .. وخذ معك عنوانهم وعنوان اقرب فندق لهم عشان لاقدر الله لوماردوا على فاكساتك والا ماردوا عليك تروح لهم من نفسك ماتاجل رحلتك ...

وبالتوفيق انشالله

الحمد لله على السلامه اخي الغالي

الامبراطور ودي بطلب الله لا يهينك

ابي رقم السوداني الي وصلك المطار يا

ليت ترسله لي على الخاص

وتقبل تحياتي

المشاركة الأصلية كتبت بواسطة اسير^المحبه


الحمد لله على السلامه اخي الغالي
الامبراطور ودي بطلب الله لا يهينك
ابي رقم السوداني الي وصلك المطار يا
ليت ترسله لي على الخاص
وتقبل تحياتي



من عيوني الثنتين وتراني ارسلته لك واي خدمات تراني حاضر

السلام عليكم ورحمة الله وبركاتة
حبيت اسئلك سؤالين:
1-بغيت اسئلك عن موضوع التطعيمات هل عندك شي تفيدنى به لان الجامعة اللي بروح فيها طالبة مني اعبي ابلكيشن مطلوب فيه بعض التطعيمات
2-هل الوزارة تسوي تامين صحي لطلاب

شاكرك والله يوفقك

المشاركة الأصلية كتبت بواسطة تركي فيصل


مرحباااا اخوي انا ابي رقم الفاكس والتلفيون حق الملحقيه لاني دخلت على موقع وبصراحه ماعرفت
وشي ثاني الله لايهنيك ابي اعرف ايش اكتب بالفاكس ؟؟؟؟ وهل اكتب بالعربي او بانتقليزي وأسف على الازعاج
اخوووك تركي ...
اتمنى اني ما اكون ازعجتك او طولت عليك .... وألــــــف شكرررر



والله ناسي الرقم بس اجيبه لك اذا تحب وبالنسبه للي ترسله اكتب لهم وش تبي من ارسالك يعني زي الخطاب بالعربي وصور الشيك بعد ماتكتتب عليه ملغي وفي نفس الصفحه حقت الشيك اكتب المعلومات والخطاب وعنوانك الجديد اذا كنت غيرته لان فيه ناس يغيرون العنوان لانه يكون موجود على الشيك وحتى لو اكتب عنوانك ورقمك الطلابي وايميلك وتلفونك وبس

المشاركة الأصلية كتبت بواسطة ahmad51555


السلام عليكم ورحمة الله وبركاتة
حبيت اسئلك سؤالين:
1-بغيت اسئلك عن موضوع التطعيمات هل عندك شي تفيدنى به لان الجامعة اللي بروح فيها طالبة مني اعبي ابلكيشن مطلوب فيه بعض التطعيمات
2-هل الوزارة تسوي تامين صحي لطلاب
شاكرك والله يوفقك



عليكم السلام ورحمه الله وبركاته

بالنسب للتطعيمات انا بالنسبه لجامعتي يوم جيت عنجهم عطونا ابره وبس وخلونا نرجعلهم بعد كم يوم بيششكون مكان الابره الظاهر عشان الامراض


والملحقيه راح تسويلك تامين صحي اذا جيت عندهم

معليــــــــــــــــــــــــــش اخوي انت ما فهمت قصدي انا لسا ما رحت ابي اعرف وش اكتب بالفاكس عشان يستقبلوني ورقمه الفاكس والتلفون اذا امكن (واسف اسف على الازعاج) اخوووك تركي

يعطيك العافية يا الامبراطور

شاكرك على الرد

المشاركة الأصلية كتبت بواسطة تركي فيصل


معليــــــــــــــــــــــــــش اخوي انت ما فهمت قصدي انا لسا ما رحت ابي اعرف وش اكتب بالفاكس عشان يستقبلوني ورقمه الفاكس والتلفون اذا امكن (واسف اسف على الازعاج) اخوووك تركي



انا انصحك انك ترسل جوازك بعد الصفحه اكتب فيها وش تبي بالضبط منهم قلهم ابيكم تستقبلوني ومن هالكلام وحط رقم رحلتك والخطوط والساعه كم نبي توصل ورقم جوالك وايميلك بس هذا اذا ماكنت غلطان ...

اخوي تركي نسيت اقولك دق عليهم وتاكد انه وصلهم والا لا اهم شئ عشان تدري انهم بيستقبلونك والا لا

الف الف شكررر واسفين على الازعاج

المشاركة الأصلية كتبت بواسطة تركي فيصل


الف الف شكررر واسفين على الازعاج



ولو اخوي اذا ماخدمت عيال ديرتنا من راح اخدم انا ماحطيت الموضوع الا وابي الكل يشارك ويطرح سؤاله والله يقدرني اني ارد عليكم بالجواب الشافي

`·.¸¸.·´´¯`··._.·`·.¸¸.·´´¯`··._.·`·.¸¸. ·´´¯`··._.·`·.¸¸.·´´¯`··._.·`·.¸¸.·´´¯`· ·._.·`·.¸¸.·´´¯`··._.·`·.¸¸.·´´¯`··._.·` ·.¸¸.·´

الحمدلله على السلامة يا الامبراطور

`·.¸¸.·´´¯`··._.·`·.¸¸.·´´¯`··._.·`·.¸¸. ·´´¯`··._.·`·.¸¸.·´´¯`··._.·`·.¸¸.·´´¯`· ·._.·`·.¸¸.·´´¯`··._.·`·.¸¸.·´´¯`··._.·` ·.¸¸.·´

المشاركة الأصلية كتبت بواسطة Ahmad Al Talib


`·.¸¸.·´´¯`··._.·`·.¸¸.·´´¯`··._.·`·.¸¸. ·´´¯`··._.·`·.¸¸.·´´¯`··._.·`·.¸¸.·´´¯`· ·._.·`·.¸¸.·´´¯`··._.·`·.¸¸.·´´¯`··._.·` ·.¸¸.·´
الحمدلله على السلامة يا الامبراطور
`·.¸¸.·´´¯`··._.·`·.¸¸.·´´¯`··._.·`·.¸¸. ·´´¯`··._.·`·.¸¸.·´´¯`··._.·`·.¸¸.·´´¯`· ·._.·`·.¸¸.·´´¯`··._.·`·.¸¸.·´´¯`··._.·` ·.¸¸.·´



الله يسلمك والف شكر على مرورك ومشاركتك

يرفع لامكان وجودد احد عنده اسنفسار

حمدلله على السلامه


كان نفسي اعرف ايش الاشياء الي تعبتك لما بعدت عن اهلك وبلدك؟؟؟الله لا يجيبلك تعب ولا زعل؟؟

ومتى اقرب فرصه راح ترجع فيها لأهلك؟؟

وكيف قدرت تتأقلم مع الوضع الجديد؟

المشاركة الأصلية كتبت بواسطة jedddddah


حمدلله على السلامه
كان نفسي اعرف ايش الاشياء الي تعبتك لما بعدت عن اهلك وبلدك؟؟؟الله لا يجيبلك تعب ولا زعل؟؟
ومتى اقرب فرصه راح ترجع فيها لأهلك؟؟
وكيف قدرت تتأقلم مع الوضع الجديد؟



الله يسلمك وبعدين ترا الوضع عادي وبتتاقلم بسرعه بس انت حط في بالك انك رايح تدرس وبترجع وانشالله هذي تهون عليك واقرب فرصه مادري بالضبط بس اطول اجازه تبي ترجع للسعوديه وبعدين ترجع لامريكا
اهم شئ انك حط في بالك الشئ هذا انك جاي تدرس وبترجع وكذا بتتاقلم انشالله

اتمنى لك ايام سعيده ووقت ممتع ويارب واستفاده كبيره .....
حبيت اسألك عن ( خطاب القبول ) ايش المقصود فيه ؟ وهل يكفي ال i20

المشاركة الأصلية كتبت بواسطة اموت بالسفر


اتمنى لك ايام سعيده ووقت ممتع ويارب واستفاده كبيره .....
حبيت اسألك عن ( خطاب القبول ) ايش المقصود فيه ؟ وهل يكفي ال I20



مشكور اخوي

وبالنسبه لخطاب القبول هو اللي يعطونك الجامعه على انك اول ماتخلص اللغه وتجيب الدرجه للي هم يبونها تلتحق بالجامعه

اووووه طيب يعني اللي يبي يدرس انجليزي ويرجع مايصلح؟
ويعني لازم اقول للجامعة اني ابي ادرس ماجستير مثلا مو انجليزي بس ؟
يعني الخطاب يكون مكتوب فيه اني راح اكمل ماجستير ( مثلا ) ؟

مشكوووور حبيبي وماقصرت وانتبه لنفسك ...

المشاركة الأصلية كتبت بواسطة اموت بالسفر


مشكوووور حبيبي وماقصرت وانتبه لنفسك ...



تسلم وشكرا لمرورك وردك

اهلين اخوي الأمبراطور حبيت اسألك حبيبي عن :
بالنسبة للقبول من المعهد الأنجليزي هل لازم اقولهم المدة اللي راح ادرس فيها يعني سنة او ثمانية اشهر
لانه ممكن اغير المعهد
فلذالك هل يمكنني اني اختار شهر واحد اجربهم يعني اذا صلحوا او غيرت المعهد ...
لأن المدة يكتبونها في ال i20 فهل في هذا عائق بالنسبة للفيزا ( لاني سمعت ان الفيزه تكون مدتها مرتبطه بمدة الدراسة ) فأنا جبت القبول منهم على اساس اني راح ادرس معاهم شهر ( لكن اذا عجبوني راح اكمل واذا لا راح اغير ) يعني ماراح اجلس شهر واحد في امريكا راح اجلس سته اشهر او سنه ؟

ادري اني عقدت السؤال لكن اتمنى انك فهمتني ....

المشاركة الأصلية كتبت بواسطة اموت بالسفر


اهلين اخوي الأمبراطور حبيت اسألك حبيبي عن :
بالنسبة للقبول من المعهد الأنجليزي هل لازم اقولهم المدة اللي راح ادرس فيها يعني سنة او ثمانية اشهر
لانه ممكن اغير المعهد
فلذالك هل يمكنني اني اختار شهر واحد اجربهم يعني اذا صلحوا او غيرت المعهد ...
لأن المدة يكتبونها في ال I20 فهل في هذا عائق بالنسبة للفيزا ( لاني سمعت ان الفيزه تكون مدتها مرتبطه بمدة الدراسة ) فأنا جبت القبول منهم على اساس اني راح ادرس معاهم شهر ( لكن اذا عجبوني راح اكمل واذا لا راح اغير ) يعني ماراح اجلس شهر واحد في امريكا راح اجلس سته اشهر او سنه ؟
ادري اني عقدت السؤال لكن اتمنى انك فهمتني ....



فهمت سؤالك انت متك جلوسك في الولايات المتحده هي المده اللي في الاي توني يعني اول مايتخلص المده ترجع وبعدين انت اول ماتدرس بالمعهد ولايعجبك تقدر تغير بسهوله جدا بس اهم شئ يوافقون الوزاره وبالنسبه للجامعه تعطيهم خبر يبلغون دائره الهجره انك انتقلت من الجامعه ويعطونهم العنوان الجديد يعني يحدثون بيناتك وخلاص تنتقل للجامعه الثانيه وتتاكد منهم انهم بيناتك محدثه ووضعك تمام هذا اهم شئ وبعدها الله يسلمك اول ماتنتهي الفيزا تجددها من امريكا مو لازم ترجع السعوديه ويعطونك وحده على الولايه اللي انت تدرس فيها حتى لو كنت غيرت ولايتك القديمه...

ا
لله يعطيك العافية اخوي الامبراطور

في اي ولاية في امريكا تدرس ياخوي
هل توجد ياخوي في جامعتك معهد لغة وتخصص رياضيات او حاسب

ولايه نبراسكا مدينه اوماها

فيها معهد لغه وفيها تخصص حاسب ورياضيات

اللي يبي يجي ويبني اتابع معاملته اذا ارسل اوراقه واستعجلها له يبلغني

ابي اسالك وش حال البنات عندكم ؟؟؟؟؟؟؟
يعني حلوين ولا حلوين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مافهمت سؤالك

ياخوي الامبراطور وين موقع الولاية في امريكا

الولايه الله يسلمك في الوسط بالضبط يحدها من الشرق ايوا ومن الجنوب كنساس ومن الغرب كلورادو ومن الشمال ساوث داكوتا

الحمدلله على السلامه والله يوفقك

الله يعطيك العافية
شفتها في الخريطة
بس بسلك كيف البلد غالية ولا رخيصة كيف تعامل اهلها كيف طقسها على مدار السنة
سؤال اخير كيف راسلتها وليش اخترتها هل احد نصحئك بها
ودمتم على خير

ياخوي الامبراطور هل استطيع ان اراسل اكثر من جامعة في وقت واحد والى يعطيني قبول اقدم فيه على الوزارة