خلال اجازة هذا العام لم اكن متحمسا لتوجه شرقا ولكن لم اجد من يتجه معي غربا فضطررت ان اكون مع اسراب المتجهين شرقا حاولت ان ارتب (على غير العادة) مقدما للرحلة لاني مرتبط مع الاخ سالم ماغيره (ذاته) وواحد من الزملاء بنسافر للفلبين ومتفق مع شلة العام انا نسافر للعمة
كان موعد رحلة الفلبين يوم الاربعاء الموافق 27/7/2005 طبعا محاكيكم يحب العمل كنت في الدوام وعند الساعة 2 الظهر رحت للخطوط السعودية عشان اخذ1 كرت الصعود وقلت بالمرة ادق على سالم اشوف اخباره ورد علي ابو الشباب تقول كنه مبسووووط وهو يقول ترى ما اقدر اسافر معكم بصراحة ما صدقته وبيني وبينكم كنت مصدع وتعبان واخذت الكرت واروح للبيت وانام حتى ما تغديت واصحى قبيل المغرب والقي سالم متصل مرتين وانا اقوم واكل لي لقمة وابدل ريقي واتصل عليه والقى الرجال صدق ما يبي يسافر ويقول مالقي اجازة وخويي الثاني بيجي بالمطار الساعة 9 وكان الترتيب ان سالم يطلع له المطار وانا احصلهم متأخر اشوي لاني بجلس مع شلة اندنيوسيا طبعا سالم لخبط برنامجي كله واروح بعد المغرب اطلع ملابسي واحلق وصار الوقت يجري بسرعة وخويي بالمطار والشباب بالاستراحة وارجع البيت واخذ لي دش سريع حتى ما عاد تعشيت واطلع اوقف تكسي واروح ادور تمر وبعدين ادور حافضات للتمر وبعدين اتصلت على الشباب بالاستراحة وقلت لهم جهزوا العشى بروح اجيب خويي ونتعشى عندكم واتصل على خويي لكنه رفض الامر جملة وتفصيلا وقال تعال نتعشى ب كودو المطار عاد انا قلت له تم وارجع اتصل على ابو يعقوب واعتذ1ر منهم واروح للمطار واول شي اشحن الشنطة وانزل ادور لخويي وما لقيته اثاري ابو الشباب طاق التكميلة السعودية وانا ادور على واحد لابس بدلة ويوم دقت عليه وهو يلتفت قال بيطلع الجوال وانا اعرف خشته عاد سلمنا على بعض وتعشينا ونطلع فوق ونصرف اللي معنا من قريشات وندش للصالة الداخلية استعدادا لركوب الطائرة
قبل الرحلة بكم يوم وانا اشيك على الخطوط السعودية واشوف المقاعد الشاغرة والاقيها تمام وكثير يعني محسب على 3 او 4 كراسي ونومة تمام وقبل نطلع الطائرة اقول لخويي اذا لقيت كراسي فاضية بالاولى بأستدعيك واذا مافيه برجع انام عندك لكن كانت المفاجأة ان الطائرة صارت فل المهم امر على خويي واقله الوعد المطار
وطبعا الرحلة تأجلة لمدة يوم نظريا وساعتين عمليا بحيث تم تغيير الموعد من الحادية عشرة والنص مساء الاربعاء الى الواحدة والنص من صباح الخميس والاخوان في السعودية لم يتصلوا ولم يبلغوني ولكن عرفت عن طريق احد المكاتب
نرجع لموضوعنا المهم عصر الخميس وطائرتنا تحط في مطار مانيلا
من المطار اخذنا تاكسي وعلى ماكاتي وفندق ريجنس تحديدا وكانت المفجأة ان الفندق فل وطبعا انا اعتبر عميل معروف لديهم ( اظنهم يقولون هذا احسن عميل يجي ينام لا ازعاج ولا شي)
ويقولون ليه ما اتصلت ولا سويت حجز عاد انا قلت ( قدها وزت) واقول لخويي اقضب ارضك وريح وانا بروح اشوف غيرهم واروح لسيتي قاردن قالوا فيه غرفة استاندر ب 3300 طبعا سعر خيالي قبل كذا انا ماخذ عندهم الديلوكس الدبل ب 2400 وارتركهم وارجع لخويي قال مايهمك انا الحين اروح القى لك فندق ويروح ابو الشباب وشوي وهو راجع قال لقيت الغندق وتنروح لفندق قريت ويست ( اظن اسمه كذا ونتاخذ غرفتين كل غرفة بدور وب 1400 لكل غرفة ونريح واهم حاجة ننام وفي الليل اتصل على سالم واخذ منه اسماء بعض الشقق وطبعا ما ودنا بعيد كل الي قالهم بشارع برقص مثل مكاتي بلس والشقق اللي بجنبه وبعدين قبلنا واحد فلبيني واعطانا عنوان سومرست ديلاكوستا وشقق اخرى ما عرف التاكسي يروح لها المهم غيرنا الى سومرست صح ان السعر غالي ب 120 دولار لغرفة وصالة ومطبخ ودورتين مياه ونجلس بها اسبوع وحاولنا نحصل على سعر اقل عشان انا بنطول قالوا مالكم امل لازم شهر عشان نسوي تخفيض قلنا ماهي مشكلة تستاهلون الخير
وفي احد الايام قررنا اننا نسافر الى بوركاي وبالفعل ذهبنا لاحد المكاتب السياحية والموظفة تقول اختاروا المطار اللي تحبون تنزلون فيه ويصير لي مثل اللي بأفلام الكرتون فيه عصفور يدور حوالين رأسي ويزءزء واحاول اتذكر اللي كان كاتبه كبيان ان فيه واحد قريب وبعبارة والاخر نسيت كيف طريقته ونأجل الحجز واتصل على واحد فلبيني قال يعني استشيرة والرجال ما صدق خبر ويقلب تفكيري اني اروح لباجيو بدلا من بوركاي وقال انا اجيكم للفندق وارتب لكم الرحلة ونطلع من المكتب اللي قريب من مكتب الخطوط الفلبينة ونروح للسوق القريب ما ادري شنو اسمه ويروح خويي ويشتري لي مويه وله كابتشينو ( اناني خويي عشان قلت له انا ما ابي شي طنشني) وشوي وتمطر السماء ونبقى بالسوق حوالي الساعة وبعدها نأخذ تاكسي الى ديلاكوستا ونجلس بالفندق ويجينا الفلبيني ويتصل على مكاتب تأجير السيارات عاد حنا زودناها شوي وقلنا نبي فان هم يقولوا بان ويطلع الاجار للتوصيلة فقط ب 8000 بيسو والاخر او يبقى معنا الفان وتكون الاجرة 4000 يوميا ونتحمل سكن واكل السائق والبترول وكل الخيارين ما نسبنا عاد قلنا ننام وعين من الله خير والصباح رباح وفي اليوم التالي ( الاثنين صحينا مبكرين حوالي 10 ونروح لمكتب الخطوط السعودية ونخلي حجز خويي الجمعة مانيلا الرياض واغير التذكرة بدل مانيلا الرياض اخليها جاكرتا الرياض وادفع الفرق 43 دولار امريكي وبعدها نروح للمكتب قلنا نبي باجيوا احسن شي مطار واحد ما احد يتلخبط قالوا الرحلة اليوم الساعة 12 ما يمديكم تحصلوها ومافيه رحلة الا الاربعاء والعودة الجمعة قلت تدري ماهي مشكلة لكن دور لي حجز على جاكرتا يوم الجمعة قال (ولا) طيب امتى قال الخميس نظرت الى صديقي بنظرة فيها شي من الشفقة والسخرية وقلت لهم تم قالوا تبي على الخطوط الفلبينة او السنقافورية واخترت الاولى لان الفرق 20 دولار وبعد ما حسبوا التكلفة طلعت التذكرة ب 354 دولار واخذ التذكرة ونرجع لمكاتي ونروح لمطعم القدس ونفطر بعد الظهر ونرجع للفندق ( المدة اللي راحت كنا نطبخ اكلنا بأنفسنا والصراحة خويي اللي يطبخ لاني طبخت يوم وحرقت الكبسة لكن اللي ما احترق طلع شي :8888: )
ونقضي باقي ايامنا بمانيلا رحنا لسوق روبنسون وسوق SM ورحنا لمبيني ندور البقالة العربية وما دليناها وتعشينا بمطعم القدس ورحنا لشارع روهاورس على البحر والصراحة كان البحر هائج قليلا وطلعت بلاوي على المسار اغلبها صراصير واوساخ وبدا الجو يغيم ورجعنا للفندق
ويوم الخميس صحيت من بدري واروح اصرف وافطر واشتري لخويي فطور وارجع اضف اغراضي وللمطار ومن مطار مانيلا لسنقافورة وانتظرنا بالمطار قرابة الساعة واحسن شي انهم نزلونا بالمطار ما حبسونا بالطائرة وبعدين واصلنا رحلتنا الى مطار جاكرتا
لم استخدم الكاميرا الا عند المغادرة
مانيلا من خلال الغيوم
وهنا الغيوم فوق مانيلا :101:
وهذي بعض الجزر في الطريق
وهنا وصلنا سنغافورة
وهنا الهبوط بالمطار السنغافوري
ومن سنغافورة واصلنل لاراضي العمة
قبل النهاية
كان تخطيطنا بالرحلة انها تكون تمشية ونزور مدن اخرى غير مانيلا لكن الداتا كلها كانت مع سالم :112:
إن شاء الله لي زيارة قريبة للبلد وراح تكون مختلفة لاني ناوي اروح اتمشى وان شاء الله يكون التقرير احلى من ها التقريرمواضيع عشوائيه ممكن تكون تعجبك اخترناها لك:
- السفارة السعوديه في الفلبين
- مسافر للوردة يوم فبراير وعتب محب
- ممكن مساعده
- استفسارات عن فندق في الفلبين و أنتظر نصائحكم
- ماهو حال مسلمي الفلبين
- دلوووني على اسواق رخييييصه مانيلا
- أفضل ما رأيت و أسوأ ما شاهدت في الفلبين
- تفاصيل رحلة للوردة للمرة الثانية
- استفسار
- استفسارات لرحلتي
- سفري قريب وابي فزعتكم الله يجزاكم خير
- سقادا التوابيت المعلقه
- سوق السمك والخضار بعد
- السفر مانيلا ارجو المساعده
- فندق سكنت فية ممتاز بمكاتي
- من اجمل البلاد
- الاماكن السياحيه في مانيـــــــــــلا
- باكولد يااخوان
- سلام أرجوا الإفادة
- المناطق القريبه من مانيلا بالصور
رد مع اقتباس
المشاركة الأصلية كتبت بواسطة بوسالم
المشاركة الأصلية كتبت بواسطة Big Boss B
المشاركة الأصلية كتبت بواسطة سالم ماغيره
المفضلات