السلام عليكم اخواني وخواتي الاعزاء اعضاء منتدانا الرائع
اول قولو ما شاءالله
في يوم عزيز على قلبنا و لظروف ووجود الوالدة والخالة بالمستشفى وبعد رجوعي من المستشفى
قررنا نروح نتعشى ولتغيير جو بس المهم طلعنا باتجاه الفنطاس وقلنا نقرر اي مطعم نتعشى بالطريق
ولان ابو العيال يفضل المطاعم العربية وعند تقاطع المجمعات في العقيلة شفت لوحة على السوق لمطعم تنورين
فقلت لابوحسين اشرايك نشوف المطعم اذا نظيف بنقعد وقفنا بالمواقف
هذه المواقف من الامام احنا وقفنا بالخلف بعدين اقول لكم ليش انا مصورة هني
https://s.yimg.com/qn/up/travel/0/9/...2ff308c777.jpg
ونزلنل ودخلنا من جهة السوق ولما صعدنا للمطعم والا ريحة شيشة قلت لا ريحة شيشة ما احبها ولا يقول الجرسون تعالوا في قسم للعوائل
واعتقد بعد في كباين المهم لقينا المطعم فاضي جهة العوائل قلت لابو حسين اشرايك نطلب قال نطلب
وطلبنا والحمدلله كان وصول الطلبات سريع وخدمة حلوة
خل نشوف الصور ونشوف شنو طلباتنا
المقبلات وصلت
https://s.yimg.com/qn/up/travel/d/4/...1ac69b7b4f.jpg
ورق العنب والحمص
https://s.yimg.com/qn/up/travel/4/4/...6d51b66ae4.jpg
خيار وطماط وزيتون وجزر ومخلل
https://s.yimg.com/qn/up/travel/1/6/...ce140620e8.jpg
الخبز الساخن
https://s.yimg.com/qn/up/travel/5/4/...2ce86d2de7.jpg
طبق الخشخاش لابو العيال
https://s.yimg.com/qn/up/travel/8/3/...d3ce96f3d4.jpg
وطبقي عرايس بالجبنه
https://s.yimg.com/qn/up/travel/8/d/...606afb254a.jpg
كتشب ومايونيز
https://s.yimg.com/qn/up/travel/1/b/...f2e83591e7.jpg
طبقي مع سيد سيدهم البيبسي
https://s.yimg.com/qn/up/travel/8/9/...06910e18b2.jpg
جانب من الجلسات علشان تشوفون المكان
https://s.yimg.com/qn/up/travel/f/8/...5aa3d2ba3c.jpg
وهذا حاجز من الحواجز الموجودة بالمطعم
https://s.yimg.com/qn/up/travel/4/8/...c36067ec7a.jpg
المهم الأكل كان جدا لذيذ وفريش طازج
واعطيه 10 على 10 .........يمكن لاننا كنا جواعه حييل ومن زمان مو طالعين عجبني المطعم
بس لولا الشيشة مع ان ما شمينا ريحتها واحنا بمكانا ابداا
السعر طلع تقريبا 13 دينار
لحظة ما خلصت .........
الحين نبي نطلع من المطعم نزلنا من نفس المصعد اللي صعدنا فيه
نزلنا على السوق والا كل الانوار والمحلات مسكرة ولا محل فاتح
رحنا جهة الباب والا الباب ما يفتح مقفول ....رحنا الباب الثاني بابا صغير تحت درج راح ابو العيال شافه لقاه نفس الشي مقفول
لفينا يمين شمال ما في ابواب
قررنا نصعد المصعد ونرجع المطعم لان فيه العمال وبعض الناس
صعدنا المصعد والا بعد ضغطة الزر الا يوقف المصعد فينا
بس الحمدلله اشتغل بسرعه وصعدنا وسالنا هناك عن باب الخروج والا ياخذنا العامل لمصعد اخر خاص بالمطعم
طلعنا منه للجهة الثانية من السوق وطلعنا نبي نرجع لسيارتنا بالخلف والا ما في بابا من العمارة والا العمارات الثانية يفتح للجهة الثانية ولا ممر
يعني لازم تلف العمارات كلها وتروح لسيارتك
وطبعا ام الحلوين عندها لياقة كبيرة..........قلت له ما اقدر امشي تعبانه اصلا قال اوقفي هني وانا رايح
وانا وقفت والمواقف ما فيها احد وايد يعني الا من بعض العمال والبائعين ينظفون محلاتهم
وانا اصور يعني اعتقد الريايل بيقولون اشفيها هذه بنص الليل واقفة بهالمكان وتصور خخخخخخخخ
ان بعض الظن اثم يا جماعة
المهم هذه الصور لمواقف البيرق الخلفية امام مطعم تنورين والاسواق الشعبية
https://s.yimg.com/qn/up/travel/4/9/...b252cf00fa.jpg
https://s.yimg.com/qn/up/travel/0/c/...9221aa4313.jpg
وهذه تجربة حلوة لي ولابو العيال والحمدلله على كل سنة قضيناها مع بعض على الحلوة والحلوة ان شاءالله مافي مر
يعطيكم العافية وان شاءالله
https://s.yimg.com/qn/up/travel/b/4/...1d562176a3.gifمواضيع عشوائيه ممكن تكون تعجبك اخترناها لك:
- الثوب الكويتيفزعتكم
- باجر او بعده رايحة الكويت ارجو الرد و الافادة بليييز
- هل تصلح الكويت لتكون مركزا ماليا وتجاريا ؟
- هل تبحث عن شقة او فندق بدولة الكويت ؟
- أسعار قرص اللغة الانجليزية في المعهد البريطاني و الامديست في الكويت؟
- زيارتي لدولة الكويت الشقيقة
- سياجة في الكويت وعدى استفسارات بخصوص السكن
- أول تجربة لي الى الكويت وطالب الفزعة ؟
- مارينا ، موفنبيك ، هيلتون ، ميسوري ،ماريوت ، شيراتون أي فندق ترشحون
- سنوات لإنجاز المشروع ليغطي كامل الكويت في بكلفة مليار دولار
- فزعتكم يالنشامى؟؟؟؟؟؟؟؟؟
- يا أهل الكويت وش احسن محل يفصل ثياب كويتية؟
- اخوانـــــــ ارجو المساعدة ـي
- عاجل مطلوب شقة مفروشة لمدة أشهر بالسالمية والعمولة جاهزة
- مبرووووووك إجازة العيد أيام
- حقائق ومعلومات عن برج التحرير رابع اعلي برج بالعالم
- يخــــــوت الكـــــــوت
- الخطوط الوطنية تضع قدمها في أوروبا بثلاث رحلات أسبوعية إلى روما
- برنامج لمدة أربعة أيام
- موقع مطعم زهرتك المفضلة
المفضلات