اخر مواضيع المنتدى


السياحة في اندونيسيا جزيرة بالي
موسوعه سياحيه انشطة سياحية اختبارات شخصية سياحية افضل فنادق عطلات وجهات سياحية
صلاله
+ الرد على الموضوع
النتائج 1 إلى 7 من 7

الموضوع: ساعدوني سفري الشهر الياي - المسافرون العرب

  1. #1
    عضو مسجل
    تاريخ التسجيل
    Dec 2014
    المشاركات
    1,962,828
    Post Thanks / Like

    افتراضي ساعدوني سفري الشهر الياي

    السلام عليكم ..
    انا اول مرة بزور باريس ان شاء الله
    بروح باريس باذن الله تاريخ 20-12 لين 23-12
    او يمكن امدد يوم زياده

    اول شي بروح لندن بتم فيها يومين ..
    بعدين بطلع من لندن بروح باريس بالقطار ..
    و بتم ف باريس 3 ايام و اليوم الرابع برجع لندن
    يعني بعد الغدا بطلع من باريس

    و انا ما عندي خبره ف باريس ابدا
    اهم شي عندي بس اني اروح برج ايفل و ديزني لاند

    وين تنصحوني اسكن .. عطوني اسامي فنادق
    ابغي فندق ف مكان حيوي .. جريب منه المطاعم
    يعني الليله ف حدود الف درهما تقريبا او الف و 200 درهم
    و يفضل لو يكون الفندق جريب من محطة المترو
    عسب اطلع من الفندق و على طول اروح ديزني

    ينفع اسكن ف الشانز؟


    انا بوصل باريس من هالمحطه
    Gare du Nord International

    كيف عقب بقدر اوصل للفندق .. تكسي و لا باص .. ؟؟؟ و لا كيف


    اممممممم و وين تنصحوني بعد اسير ف هال3 ايام ..
    انا مقرره يوم الوصول .. تقريبا بوصل باريس ع الساعه 10 الصبح تقريبا ان شاء الله .. ابغي هاليوم اروح برج ايفل .. و عقب ماعرف وين اسير ....اقترحوا علي

    و ثاني يوم بخصصه يوم كامل لدزني ..
    ثالث يوم ما عندي فكرة ماعرف وين اروح ..
    افكر ف متحف اللوفر .. ؟ بس بغيت اسأل هالمتحف شو فيه . يستاهل اروح له ؟
    و هل الجاليري لافييت جريب منه .


    انا اللي معقدني ف الموضوع طريقة التنقل .. كيف بقدر اوصل لهالاماكن اللي ابا اسير لها

    سوري ع الاطاله .. آخر سؤال .. اممم بيكفينا الف درهم نصرف يوميا و لا لا .. نصرف ع الاكل و تذاكر الدخول اي مكان ..
    و لا المبلغ شويه .. ؟

    للعلم نحن شخصين كبار و طفل عمره سنة و نص

    مواضيع عشوائيه ممكن تكون تعجبك اخترناها لك:


    facebook twitter youtube


    + إنشاء موضوع جديد


  2. #2
    عضو مسجل
    تاريخ التسجيل
    Dec 2014
    المشاركات
    1,962,828
    Post Thanks / Like

    افتراضي رد: ساعدوني سفري الشهر الياي

    من لندن انزلي في ديزني لاند يوم كامل وممكن تروحي للاوت لت
    في يوم الثاني روحي ايفل والشانز اجمل واهم معالم باريس ايفل تاور وقوص النصر
    في برج ايفل مانصحك بالطلعه حديد بحديد وزحمه وقلق لكن التجول حوله في ساحه مارس والتراكادور روعه ورحله نهريه بالنهار او بالمساء عشاء ع النهر تحت اضواء باريس
    الشانز يتفرع منه اهم شارعين جورج سانك والافينو مونتين شارع الماركات
    كيف توصلين لهم ركزي معي في شاره الشارع راح تشوفي لويفيتون وجنبه ع نفس الشارع مقهي الفوكيت بينهم شارع هذا هو شارع جورج سانك امشي لاخره شارع الافينو مونتين شارع الماركات
    اليوم الاخير من الصباح روحي للاوبرا فيها الغاليري لافييت تسوقي فيه من الصباح للساعه 4 او 3 باقي اليوم روحي لهضبه مونمارت مكان جميل تشوفي باريس كلها من فوق وفي محلات هدايا عن باريس كثير

    صراحه باريس اقل شي اسبوع عشان تنبسطي فيها صح يعني اللوفر ممتع والكنكورد وحديقه تويلري والمتاحف والحي اللاتيني والباستيل والشاتليه وجسر الاقفال والشعله والنهر ومتحف العطور اماكن كثيررر بباريس جميله
    اي سوال لاتترددي بالخدمه من الموبايل

    facebook twitter youtube


    + إنشاء موضوع جديد


  3. #3
    عضو مسجل
    تاريخ التسجيل
    Dec 2014
    المشاركات
    1,962,828
    Post Thanks / Like

    افتراضي رد: ساعدوني سفري الشهر الياي

    مشكورة اختي ع الرد و ما قصرتي
    ما ينفع على طول انزل ف ديزني لاند ..
    انا مب حاطه الاوتليت ف بالي مابغي اروح له ..
    انا مابغي اتشرا ف باريس لان الحمد لله كل شي موجود عدنا ف دبي من ماركات و غيره
    بس اذا في اشيا مثلا تخص باريس و غيرها حلو باخذه هدايا للاهل

    انا حابه استقر ف فندق واحد .. اذا انتي قصدج اني اول يوم اسكن ف فندق ف ديزني
    ما ينفع .. انا حابه استقر ف فندق واحد وسط باريس بحيث كل شي يكون جريب علي
    اما ديزني بيكون بعيد علي .. و انا مخصصتله يوم كامل


    و بالنبسبة للهضبه حظيتها ف بالي .. بروح لها ان شاء الله .. بس كيف اوصل لها ..
    على فرض اني سكنت ف فندق ف الشانز ؟

    باجي الاعضاء وين ما ردوا على موضوعي .. و على اسئلتي .. بخصوص الفندق و الميزانيه ..

    facebook twitter youtube


    + إنشاء موضوع جديد


  4. #4
    عضو مسجل
    تاريخ التسجيل
    Dec 2014
    المشاركات
    1,962,828
    Post Thanks / Like

    افتراضي رد: ساعدوني سفري الشهر الياي

    عندي سؤال ثاني توني تذكرته
    شو المناطق الثلجيه الجريبه من باريس .. ؟
    خااااااااااااااااااااااااااااااااااطري اشوف ثلج .. و ألعب به .. و اهم شي اتصور و انا ماسكه الثلج

    و كيف اقدر اوصل لهالمنطقه ..
    ما عندي مانع لو اتم يوم زياده ف باريس بس عشان الثلج ..

    facebook twitter youtube


    + إنشاء موضوع جديد


  5. #5
    عضو مسجل
    تاريخ التسجيل
    Dec 2014
    المشاركات
    1,962,828
    Post Thanks / Like

    افتراضي رد: ساعدوني سفري الشهر الياي

    ما قصرت خبيرتنا
    بخصوص اشيا ءمعينه شوفي هنا
    http://www.fragonard.com/

    الثلج اللي اعرفه شاموني يبيلها قطار او سياره وهي قريبه من جنيف
    وصولكم يوم خميس وجمعه وسبت واحد
    وبما وصولكم الخميس متأخر
    الجمعه بيكون لديزني لان باليوكند ديزني زحمه اصلا في غير ويكند فما بالك في ويكند
    الفندق ما قلتي كم شخص انتم
    فيه فنادق اقترحتها للاخ هنا شوفيها
    http://www.arabtravelersforum.com/travel780339/

    facebook twitter youtube


    + إنشاء موضوع جديد


  6. #6
    عضو مسجل
    تاريخ التسجيل
    Dec 2014
    المشاركات
    1,962,828
    Post Thanks / Like

    افتراضي رد: ساعدوني سفري الشهر الياي

    المشاركة الأصلية كتبت بواسطة bent_aj
    http://www.arabtravelersforum.com/tr...3/#post7408931

    مشكورة اختي ع الرد و ما قصرتي
    ما ينفع على طول انزل ف ديزني لاند ..
    انا مب حاطه الاوتليت ف بالي مابغي اروح له ..
    انا مابغي اتشرا ف باريس لان الحمد لله كل شي موجود عدنا ف دبي من ماركات و غيره
    بس اذا في اشيا مثلا تخص باريس و غيرها حلو باخذه هدايا للاهل

    انا حابه استقر ف فندق واحد .. اذا انتي قصدج اني اول يوم اسكن ف فندق ف ديزني
    ما ينفع .. انا حابه استقر ف فندق واحد وسط باريس بحيث كل شي يكون جريب علي
    اما ديزني بيكون بعيد علي .. و انا مخصصتله يوم كامل


    و بالنبسبة للهضبه حظيتها ف بالي .. بروح لها ان شاء الله .. بس كيف اوصل لها ..
    على فرض اني سكنت ف فندق ف الشانز ؟

    باجي الاعضاء وين ما ردوا على موضوعي .. و على اسئلتي .. بخصوص الفندق و الميزانيه ..



    تعليقي ع الشوبينج باوربا مختلف تماما عن الخليج وامتع واجمل وافضل لكن اذا ماودك بالشوبينج مو مشكله كنسلي الاوت لت اللي قريب من ديزني
    تقدرين تروحين وترجعين لديزني بنفس اليوم من باريس انا عن نفسي ديزني اعطيها يوم كامل وتكفي وزود الا اذا في اطفال حلو يستانسون يومين

    هضبه المونمارت اقرب محطه لها Anvers من الموبايل

    facebook twitter youtube


    + إنشاء موضوع جديد


  7. #7
    عضو مسجل
    تاريخ التسجيل
    Dec 2014
    المشاركات
    1,962,828
    Post Thanks / Like

    افتراضي رد: ساعدوني سفري الشهر الياي

    المشاركة الأصلية كتبت بواسطة bent_aj
    http://www.arabtravelersforum.com/tr...3/#post7408945

    عندي سؤال ثاني توني تذكرته
    شو المناطق الثلجيه الجريبه من باريس .. ؟
    خااااااااااااااااااااااااااااااااااطري اشوف ثلج .. و ألعب به .. و اهم شي اتصور و انا ماسكه الثلج

    و كيف اقدر اوصل لهالمنطقه ..
    ما عندي مانع لو اتم يوم زياده ف باريس بس عشان الثلج ..



    الثلوج في مونت بلانك وشيموني وهي اقرب من جنيف
    من باريس لجنيف 3 ساعات بالقطار والريف الفرنسي والجبال اقرب من جنيف نص ساعه وانتي فيها بالسياره او قطار من الموبايل

    facebook twitter youtube


    + إنشاء موضوع جديد


+ الرد على الموضوع

المواضيع المتشابهه

  1. تكفوون الشهر الجاي طيارتي فانكوفر
    بواسطة Robot في المنتدى بوابة السفر إلى كندا Canada
    مشاركات: 2
    آخر مشاركة: 02-04-2015, 01:32 PM
  2. ودي أروح لسويسرا الشهر الجاي وش رايكم ؟
    بواسطة Robot في المنتدى العرب المسافرون سويسرا
    مشاركات: 7
    آخر مشاركة: 02-03-2015, 12:20 PM
  3. مسافر الشهر الجاي ان شاء الله ومحتاج فزعتكم
    بواسطة Robot في المنتدى اندونيسيا المسافرون العرب | تقارير الاماكن سياحيه استفسارات
    مشاركات: 11
    آخر مشاركة: 02-03-2015, 02:43 AM
  4. شهر عسل الشهر الجاي ان شاء الله
    بواسطة Robot في المنتدى ماليزيا العرب المسافرون
    مشاركات: 10
    آخر مشاركة: 01-30-2015, 08:56 AM
  5. الشهر الجاي سياح لجدة من جميع انحاء العالم
    بواسطة Robot في المنتدى بوابة السفر إلى السعودية
    مشاركات: 12
    آخر مشاركة: 01-15-2015, 02:59 AM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
ماذا يقدم لكم منتديات المسافرون العرب ؟
منتديات المسافرون العرب منتدى سياحي من الاخوة العرب المسافرون يهتم في المقالات السياحيه و عرض تقارير مصورة صور و فيديو للسياحه الداخليه و الخارجيه و نقاشات في كل مايتعلق السياحة والسفر. كما يشمل موقع المسافرون العرب على اقسام متخصصه حول أهم الوجهات السياحية التي يقصدها المسافرون العرب.
تابعنا عالشبكات الاجتماعيه