الموضوع: دبلوم و بكمل محتاجكم

السلام عليكم


صبحكم / مساكم الله بالخير

اخواني انا من الكويت و هالكورس انشالله خريج من المعهد التجاري تخصص قانون ( دبلوم )

و اليوم طلعت نتيجة الايلتز يبت 5,5

انا سالت عن جامعة مانشستر متربوليتان يبون 6,5 و يعادلون لي شهادتي ادش سنه ثانيه على طول

الحين اقدر ادش فاونديشن سنه بعدها على سنه ثانيه ؟
و شنو الجامعات اللي تعادلي شهادتي الدبلوم ؟
و ابيكم تعطوني معلومات عن جامعه مانشستر متروبوليتان اذا احد فيها
او تنصحوني بجامعه تكون سهله في هالتخصص و الامور فيها ماشيه


الشي الثاني انا ليما الحين ما خلصت من الكليه شلون اقدر اقدم على الجامعات و اراسلهم عشان احصل قبول

اقدر ادز لهم تقرير المواد مثلا والا لازم اتخرج و انطر الشهاده عشان اقدر اقدم او على الاقل اشوفهم يعادلون والا لا
لانه معدلي حده حده نقطتين

و اذا احد يدرس بكالوريوس قانون بأي جامعة ببريطانيا اتمنى يتواصل معاي عندي اساله اذا تسمحون

لحد يبخل علي بأي معلومه يا اخوان اخوكم محتاج مساعدتكم

و بنطركم بالمنتدى ما راح اطلع الا لما احد يرد علي عشان اعرف راسي من ريولي

مواضيع عشوائيه ممكن تكون تعجبك اخترناها لك:

• موعد السفارة الجديد
• دشوووا بسرررعهركضضضض
• بغيت اعرف
• استشارة وابي فزعتكم ضروري
• كيف اراسل المعهد
• مساعدة يا اخوان
• الضمان المالي مدته فقط ثلاثة شهور
• «التعليم العالي» تؤجل إعلان أسماء المبتعثين
• استفسار لمن عندهم خبره
• لا يعقل هذا الكلام
• ساعدوني والي عايز يدرس في امريكا
• ماجستير تربية خاصة
• شرايكم في هذا البرنامجياليت من الاخوان اصحاب الخبرة يعطوني رايهم
• كيف الحياة بأمريكا يا شباب
• النسبة الطلوبه ؟
• استفسار عن إمريكا
• كيف ستكون الــمـــقـابـلـة الــشـــخــصـــيــة ؟
• متى بنعرف اذا جانا قبول؟
• دبلن ،
• طلب مساعدة

يا اخوان ما زلت ناطركم


الناس للناس

الشباب والشابات الان في وقت اختبارات فمن الصعب ان تجدي الردود بسرعة

بصراحة اغلب اسئلتك ما اقدر اجاوبها لآن ما عندي جواب لكن بالنسبة لمراسلة الجامعات فاقول

اولا : حددي الجامعة التي تناسبك و تناسب تخصصك ثم قومي بمراسلة الجامعة وشرح ما معك من شهادات تخصص وايلتس وغيره .

لما تدخلين على اي جامعة تلقين ايقونات خاصة بالتسجيل ،،،

بالنسبة للتسجيل اظن انه يجب ان ترسلي الشهادة حتى يبنوا عليها ،،، الامر بالنسبة للمعدل ليس مهم لشهادتك فالمهم هو اختبار الايلتس ،،، اغلب الجامعات لا تقبل إلا من 6 وهي اقل نسبة لأغلب الجامعات وبعضها لا يقبل إلا 6،5 وهي اغلب الجامعات وهناك جامعات لا تقبل إلا 7 وهناك 7،5 .

إذا كان معدلك 5،5 فيجب عليك الدراسة تأهيلية تحددها الجامعة التي سوف تنتسبين إليها .

اعرف اني لم اضف الكثير لكن لما شفت حماسك ورد ،،، قلت اشارك وبالتوفيق

بارك الله فيك

اخوك فهد من الكويت


و الله يسهل امركم و امتحاناتكم


و اناطر باجي الاخوان و الاخوات كلهم خير و بركه

الحمد لله عدد خلقه ورضا نفسه وزنة عرشه ومداد كلماته

المشاركة الأصلية كتبت بواسطة FahadQ8i
http://www.arabtravelersforum.com/tr...6/#post5439832

السلام عليكم


صبحكم / مساكم الله بالخير

وعليكم السلام ورحمه الله وبركاته ومساك الله بالخير ..

اخواني انا من الكويت و هالكورس انشالله خريج من المعهد التجاري تخصص قانون ( دبلوم )

و اليوم طلعت نتيجة الايلتز يبت 5,5

وبالتوفيج ومبروك النتيجه ..

انا سالت عن جامعة مانشستر متربوليتان يبون 6,5 و يعادلون لي شهادتي ادش سنه ثانيه على طول

الحين اقدر ادش فاونديشن سنه بعدها على سنه ثانيه ؟

يعني تدرس سنه فاونديشن وسنتين دراسه يعني توتال 3 سنوات ..

و شنو الجامعات اللي تعادلي شهادتي الدبلوم ؟

عندك :

uni of greenwich
uni of bradford
uni of glamorgan

و ابيكم تعطوني معلومات عن جامعه مانشستر متروبوليتان اذا احد فيها
او تنصحوني بجامعه تكون سهله في هالتخصص و الامور فيها ماشيه

جامعتك اللي مختارها من نفس الجامعات اللي حطيتهم لك ودراستهم سهله على كلام اللي ادرسوا فيها من زملائي خصوصا bradford ..


الشي الثاني انا ليما الحين ما خلصت من الكليه شلون اقدر اقدم على الجامعات و اراسلهم عشان احصل قبول

لازم اتخلص بالاول لان يطلبون منك لمن يهمه الامر من دكاترتك اللي درسوك في المعهد يعني يكتبون عنك ويمدحونك ويحتاجون شهادتك واتعبي الفورك وتدفع رسوم التسجيل وبعدها ان شاء الله يدزون لك القبول ..

اقدر ادز لهم تقرير المواد مثلا والا لازم اتخرج و انطر الشهاده عشان اقدر اقدم او على الاقل اشوفهم يعادلون والا لا
لانه معدلي حده حده نقطتين

تقدر اتراسلهم international students وتقولهم انك خريج هالكورس وتوضح لهم جم وحده مخلص وكل شي تكتبه وقولهم اشكثر اتعادلون لي .. هذيل الجامعات مو وايد يدققون على المعدل بس انت اذكر لهم بعد احسن ..

و اذا احد يدرس بكالوريوس قانون بأي جامعة ببريطانيا اتمنى يتواصل معاي عندي اساله اذا تسمحون

انا زملائي كانوا يدرسون وتخرجوا بس اقدر اسألهم لك ان شاء الله ان بغيت شي ..

لحد يبخل علي بأي معلومه يا اخوان اخوكم محتاج مساعدتكم

و بنطركم بالمنتدى ما راح اطلع الا لما احد يرد علي عشان اعرف راسي من ريولي



ان شاء الله مانبخل عليك ولا على غيرك .. وهذيل المعلومات اللي عندي بالنسبه للمعادله والجامعات تقريبا هذيل اسهل تعامل معاهم وتقدر اتمشي امورك وخصوصا bradford مثل ماقلتلك .. بس ترا bradford ماجنك في بريطانيا تحس نفسك في باكستان من كثرهم ..
لوووووووووول ان شاء الله الحين عرفت من راسك لي ريولك

يعطيج العافيه كويتيه ما قصرتي والله

وايد كنت محتاج هالمعلومات بس الجامعات اللي نصحتيني فيهم

uni of greenwich
uni of bradford
uni of glamorgan

الأولى بلندن ما تنفع لي .. بطلع على حسابي مو حلوه انام على الرصيف
الثانيه مو معترف فيها بالقانون على حجي التعليم العالي
الثالثه سالت عنها يقولون بقريه او شي جذي ؟؟ مادري اذا تقدرين تفيديني بمكانها و اذا تنفع للسكن


جذي صفينا على الجامعة اللي قلت لج عنها مانشستر متروبوليتان

بعدين شنو سالفة الرسايل اللي من الدكاتره محد قالي عنها من مكاتب التسجيل اللي مريتهم
تقدرين تشرحين لي تفاصيلها

و اختي كويتيه اذا تعرفين احد درس بكالوريوس قانون ببريطانيا عندي له اساله عن التخصص
اذا امكن تعطيني ايميلاتهم


اذيتج ماعليه تحملينا شوي

والله يوفقج على الجهد الطيب و نفعج لاخوانج بالمنتدى

المشاركة الأصلية كتبت بواسطة fahadq8i
http://www.arabtravelersforum.com/tr...6/#post5460596

يعطيج العافيه كويتيه ما قصرتي والله

وايد كنت محتاج هالمعلومات بس الجامعات اللي نصحتيني فيهم

uni of greenwich
uni of bradford
uni of glamorgan

الأولى بلندن ما تنفع لي .. بطلع على حسابي مو حلوه انام على الرصيف

لوووول لا ان شاء الله ماتنام على الرصيف .. خلاص شيلها ..

الثانيه مو معترف فيها بالقانون على حجي التعليم العالي

امم حسافه ..

الثالثه سالت عنها يقولون بقريه او شي جذي ؟؟ مادري اذا تقدرين تفيديني بمكانها و اذا تنفع للسكن

هذي في ويلز تسكن في كارديف وتروح لها بالقطار تقريبا 20 دقيقه بس زينه وسهالات كل الطلبه اللي يدرسون فيها جذي يسون ..


جذي صفينا على الجامعة اللي قلت لج عنها مانشستر متروبوليتان

وبعد بضيف لك وحده نسيتها coventry uni

بعدين شنو سالفة الرسايل اللي من الدكاتره محد قالي عنها من مكاتب التسجيل اللي مريتهم
تقدرين تشرحين لي تفاصيلها

تروح حق 3 من دكاترتك اللي اتمون عليهم ويكتبون لمن يهمه الامر بالانجليزي عنك وعن حضورك في الكلاس يعني كلام طيب وحلو عنك يمدحونك وبس .. عليها ختم وتوقيع الدكتور

و اختي كويتيه اذا تعرفين احد درس بكالوريوس قانون ببريطانيا عندي له اساله عن التخصص
اذا امكن تعطيني ايميلاتهم

ان شاء الله اشوفلك منو دارس حقوق واقولك ..


اذيتج ماعليه تحملينا شوي

والله يوفقج على الجهد الطيب و نفعج لاخوانج بالمنتدى



لا عادي مافيها اذيه .. اجمعيين ان شاء الله