الموضوع: آراؤكم أعزائي في خطتي لشهر العسل الاوروبية

السلام عليكم و رحمة الله و بركاته ..

اشكر القائمين على هذا الصرح الرائع .. فقد اطلعت على مواضيع كثيرة و استفدت الشيء الكثير .. فلا حرمكم الله الاجر اخواني و اخواتي الاعزاء

زواجي بيكون بعد العيد ان شاء الله

و بعد اطلاعي على كثير من التقارير بدأت بتخطيط سفرة لشهر العسل والتي ستكون من 23 اغسطس الى 10 سبتمبر بمشيئة الله ..

ولكن بالعامية كل يوم اعدل فيها و احتار اكثر من اليوم اللي قبله .. واخاف اني فالاخير اكنسلها واروح لدبي بسبب الحيرة الزايدة ..ساعدوني بآرائكم و تعديلاتكم اذا لزم الامر ..

المخطط :

المدن بالترتيب / باريس - جنيف - انترلاكن - زيلامسي - ميونيخ

الايام :
18 يوم

التفصيل :

بعد الاطلاع ع الخريطة حاولت ارتب المدن حسب مواقعها و مسافاتها عن بعض و انتهيت بالآتي :

الوصول الى باريس

باريس 4 ايام - من ثم الى جنيف بالقطار
جنيف 3 ايام .. مع زيارة آنسي اوشاموني - واخر يوم استئجار سيارة والتوجه الى انترلاكن
انترلاكن 4 ايام - بالسيارة الى زيلامسي
زيلامسي 5 ايام - بالسيارة الى ميونيخ
ميونيخ يومين وتسليم السيارة هناك .. و من ثم العودة للرياض

فوش رأيكم بالخطه ؟ مابيها تكون متعبة جدا و فنفس الوقت ابيها تكون متنوعه و غير ممله ..

و اذا عندكم نصايح للسكن يسعدني اكيد بس ما حبيت اقولها فالبداية عشان ما اثقل عليكم

شكككككرا مقدما اعزائي .. بانتظاركم

مواضيع عشوائيه ممكن تكون تعجبك اخترناها لك:

• استتئجار سيارة
• سويسرا
• ساعدوني في تحقيق حلمي للسفر الى اوروبا
• خبراء سويسرا انترلاكنضروري الله يساعدكم
• ارجوا من خبراء المسافرون العرب الرد على هذا الإستفسار عن الخطة السياحية والسويس هاف
• استفسار مهم رجااااء
• رجاءا من عنده اجابة موثوقة وأكيده تسوق الراجحي
• بقى على السفر يوم في امس الحاجة لكم
• خبراء سويسرا محتاجتكم سفره عائليه
• استفسار بخصوص سياره من شركة
• أختكم تبي مساعدتكم لاتقصرون معي
• اول سفرة لأوروبا كيف ارتب جدولي
• حجز عن طريق فيينا والعودة من زيورخ
• مساعده في جنيف
• ماعرفت ارتب برنامجي
• سويسرا في ابريل من ميلانو
• انا مسافر ان الى سويسرا وراح اقضي اجازتي كلها فيها استفسار مهم جدا جدا
• هل سعر سويس هاف عند الوكيل معقول ؟ وايهما الانسب ؟
• الاسعار المخفضة لقمة جنيفر
• كرماً المساعدة في جدول لرحلة شهر عسل لعدة دول أوربيه

هلا بالعريس بارك الله لكما وجمع بينكما بخير ماشاء الله مخططك حلو لكن يحتاج بعض اللمسات والنصائح ان صلحت لك خذها بالنسبه للمسافه بين انترلاكن وزل امسي طويله 6 ساعات والمشكله انك تقطع افضل المناطق وتمرها مرور الكرام وترهق نفسك بطريق طووويل وتعبت وانا انصح بهالخصوص وانتم شخصين خفيفين يعني تعدد المحطات لن يتعبكم لذلك انصحك وبشده بالتوقف في منطقة وسط وجميله ولتكن منطقة بحيرة كونستانس على ضفتها الاخرى والاقرب الى زل امسي وهي منطقة جميلة ورائعه شلال الراين بقربها اقل من ساعه وزيورخ اقل من ساعه واليورب بارك ساعتين طبعا بتقول عرسان وما نبي الهجوله اقولك هذي اوروبا مو لانكاوي او جنتنق ما فيها الا شارعين خل التكيات اذا رجعت للرياض منها تكيه مع العروس ومنها نحشه من الشمس والغبار اما اوروبا فاستمتع وعيش لحظات عمرك واماكن تسجل في ذكرياتك الحلوه خصوصا ان تحت تصرفك سيارتك الله يمتعك بخيرها ويكفيك شرها بأذن الله

الشيء الثاني ليش تجلس في منطقه جنيف بدون سياره ؟؟؟ خصوصا انك ناوي تطلع لانسي وهي بالقطار الوصول لها متعب والباص كذلك استخدم السياره بمنطقة جنيف وتنقل وخلها تسهل سفرك بأذن الله و فتصبح المسافه الى انسي 40 دقيقه هذا مثال لتسهيل التنقل وكذلك تعطيك خيارات اوسع لاختيار مكان السكن والاستفاده من بعض العروض التي تقدمها فنادق راقيه لكنها بعيده عن سنتر المدينه




اقتراح ممكن يضيق صدرك شوي لو تنتقل من باريس على ستراسبورغ الفرنسيه بمنطقة روست على حدود المانيا بالقطار اقل من ساعتين ونصف حيث بادن بادن واليورب بارك والغابات السوداء والهدف من ذلك بالاضافه الى انها منطقة رائعه يقصدها السياح ويضربون لها مشوار من انترلاكن وميونخ وجنيف رغم بعدها الا انها اصبحت قريبه اليك واقول بالاضافه الى اهميتها فانت ستسفيد من استئجار السياره من ضاحية kehl الالمانيه 10 كم من ستراسبورغ وراح توفر في قيمه السياره اكثر من 2000 ريال (اعتبرها عانيتي لك وانت تستاهل )


وبعد قضاء ليلتين تنتقل الى انترلاكن ساعتين ونصف وما يحتاج تسوي محطه خاصة بجنيف بصراحه باريس وميونخ راح تغنيك عنها والمناطق الرائعه اللي راح تشوفها راح تخلي منطقة جنيف اي كلام في نظرك وانسي سوف تغنيك عنها ستراسبورغ


طبعا من انترلاكن الانتقال الى زل امسي حسب برنامجك وارجع واقول اضف محطة بالوسط بكذا برنامجك بيكون تمام التما م بأذن الله تحيااااتي

واحد يبغى يمشي اقتراحه بالقوه هذي بعض التقارير من الخبير ابو عزيز عن المنطقة التي اقترحتها لك

بادن بادن
http://www.aboaziz.net/blog/?p=746


ستراسبورغ
http://www.aboaziz.net/blog/?p=717


اليورب بارك
http://www.aboaziz.net/blog/?p=691

الغابات السوداء
http://www.aboaziz.net/blog/?p=683

الف الف الف الف شكر اخوي الغالي ع اهتمامك .. احرجتني والله ربي يسعدك و يوفقك لكل خير
استفدت من اقتراحاتك جددددا و اقتنعت تمام الاقتناع و راح الغي زيلامسي و ميونيخ ..
بيني و بينك كان خاطري اضيف يوروب بارك و بلاك فورست بس ما عرفت انسق لها وجا تعديلك ع الجرررح

بس بالنسبة للمحطات .. و خصوصا الثالثة و الرابعة ..
قصدك اسكن فمدينة وحده وازور بقية المدن من خلالها كزيارة صح ؟
بس وين اسكن بكل محطة .. يعني المحطة الثالثة اسكن بزيوريخ افضل ؟
و الرابعة وش افضل يكون السكن في روست او ستراسبيرغ ؟

اختلط علي الموضوع شوي في هذه النقطه والا الباقي مية مية يا باشا

بانتظارك عشان احط لك الخطة النهائية اللي هي بإشرافك طبعا

الله يجزاك الف خير

و بالمرة .. خذت جولة في الفنادق .. و كانت انترلاكن مأساه من ناحية توفر الغرف ..حجزت مبدأيا في Seeburg Hotel غرفة مع بلكونة ع البحيره .. بخمس الاف و مية لخمس ليالي
كويس والا اشوف غيره ؟؟