الموضوع: ونعم المقابلات قررت اشطب السفره

السلام عليكم .. وعلى احلى منتدى وتحية طيبه وبعد ..
جاي وكلي قهر وكلي ثوران مش بركان ايسلندا لا اكثر شوي ... نعم قررت اشطب السفر إلى امريكا !! وكل هذا بسبب مقابلة اليوم احكي لكم اللي صار معاي من البداية ..
طبعا انا اخذت موعد بتاريخ اليوم 21 ابريل 2010, وضبطت حالي وكنت كامل والكامل الله . بفضل تعليمات المنتدى احضرت معاي كشف حساب + صوره من بطاقة Credit Card + كشف حساب الاهل كمساعده ثالثه , علما كشف الحسابي يوجد فيه 2500 دينار بحريني للسفره, ومع احضار الفورمات المطلوبه + شهاده من العمل توضح العمل + حجوزات الفنادق والطائرات,
يعني مو مخلي شي والحمدالله , رحت السفاره من بدري قلت عشان ادخل حسب الموعد من الاوائل وماتاخر,
طبعا دخلت البوابه وبعد التفتيش خبرني السكيورتي بالانتظار لحين قرب وقت الموعد, حتى كانت باقي نصف ساعده على الموعد دخلت,
تقدمت على الكونتر رقم 1 - اعطيتها كل الاوراق + دفعت الرسوم اخذت رقم وانتظرت
كونتر رقم 2 بكل روح وابتسامه وطيب لعمل البصمات ,
يوجد بعدها كونترين لعمل المقابلات وحده بنت والثاني ولد , البنت يالله بسم الله على البشوشه لالي فيها والله لو ترفضني اهون من الولد اللي كان معصب وكانه مغصوب على الشغل, "ماكان كلامي بس حتى كلام المتواجدين"
انتظرت حتى طلع اسمي وكان الولد هو اللي نادا على اسمي طلعت وكان حوار المقابله :
الموظف: صباح الخير
انا : صباح الخير
الموظف : منذ متى تعمل لدى الوزارة؟
انا : مايقارب سنتين
الموظف يتصفح كشف الحساب
الموظف: لماذا تودع بحسابك مبلغ كاش 500 و 1000 دينار من اين لك ؟
انا: بشتغل شغله اضافيه بوقت الفراغ
الموظف: اي تعمل ؟
انا : XXXXXXXXX
الموظف يتصفح باقي الاوراق
انا: كذلك كشف حسابي الاهل كمساعد لي ممكن يكون
الموظف: إلى اين تنوي الذهاب ؟
انا: ميامي, فلوريدا
الموظف: لوحدك ام مع احد ؟
انا: مع اصدقائي
الموظف: متى تنوي الذهاب؟
انا: 13 يوليو 2010
انا: وقد حجزنا التذاكر والفندق
الموظف: شي جميل لدينا الوقت الكافي إذا
الموظف: حسننا استلم جميع اوراقك مع الجواز وسوف نراجع الوزاره ونكون على اتصال بك في حال الموافقه سوف ياخذ الوضع مايقارب اسبوعين إلى شهرين
الموظف: واخذ هذه الورقه ايضن
عطاني ورقه بيضاء مكتوب فيها , تم ارسال الاوراق لعمل الاجراءات الادارية, وقد يطول استخراج الفيزا, سوف يتم الاتصال بك لإحضار الجواز حين نكون على إستعداد لإصدارها لك.
بعدها خرجت زعلان ولا ابي فيزا ولا ابقي اسافر امريكا للسياحه ولا شي بغير الدوله اروح اوروبا او شرق اسيا ممكن اسهل الفيزا خاصه معضهم الدول ماتحتاج ولو على الشنغن موضوعها اسهل من هذي.
وشاكرين لكم واسف على الاطاله.

مواضيع عشوائيه ممكن تكون تعجبك اخترناها لك:

• حامت كبدي
• عقد عمل من شركة توجد بدولة غرب الولايات المتحدة الأمريكية هل ممكن الحصول على العقد
• ارجوكم
• عائلتي لن ترافقني في نفس الوقت
• اجازة لمدة يوم
• مخططي لكالفورنيا
• رحلة بحرية من ميامي غلى اورلاندوا
• ساعه ترانزيت بهيثرو ترمينال شسوي ؟
• وين نسكن في سانتا مونيكا
• الله يخليكم قولولي شو أرخص شركة للشحن الجوي من امريكا الى الامارات
• بنت الصقور و واللي يقدر يساعدني
• افيدوني عن المقابلة في الرياض
• ليلة راس السنة
• استفسار بخصوص الفيزا السياحية
• صيغة تغير موعد الدراسه
• استفسار بسيط
• انتهى الفيزا
• تخفيض ارامكو والشركات السعوديه بامريكا
• ما لقيت الـ لتجديد جواز أمريكي
• نيويورك في شهر

حاسس أنه صرفك بطريقة لطيفة , لست خبير و أنا على وشك التقديم على الفيزة لأول مره ولاكن أعتقد والله أعلم أنه لم يقتنع بموضوع عملك الاضافي وشك في كشف الحساب

عموما إبقينا على إطلاع في حال كان هناك مستجدات

مودتي

ياغايل عادي لا تكدر نفسك !!

الموضوع وما فيه شافك شاب توك صغير في السن ولك فقط سنتين متوظف وعندك ماللغ تودعها في حسابك وماكان يدري من وين ,,

هو ما رفضك لاكن فقط اجراءات ادارية لحين صدور الموافقة النهائية وبيكلموك لترسل الجواز !!

هونها وان شاء الله تطلع الفيزا وتروح وتستانس !!

اتمنى لك التوفيق

اخوي ترى كثيير الي صار لهم نفسك الموضوع ابسط مما تتوقع واجراء روتيني صارت لناس كثير اعرفهم

وبيتصلون فيك اكيد هو مجرد احتياط ومثل ماقالو اكيد استغرب من دخول الاموال لحسابك وفقط بيرسلون اوراقك لواشنطن وانا اقولك لو مر اكثر من ثلاث اساببيع ماتصلو فيك توقع انهم بيرفضونها واعتقد انهم يقولون لاتتصل فيهم هم بيتصلون

اتوقع بيدقون عليك بعد اسبوعين بالضبط

إحنا مقابلتنا كانت في شهر يناير وقابلنا شخص ملامحه بصراحه هنديه بس لكنته أمريكيه وكان وااايد حبوب وقعد يتغشمر مع بنتي إنها بتروح دزني غريبه وين ياي هاي إلي تقول عنه معصب...عالعموم وسع الصدر إن شاء الله ما هي إلا إجراءات روتينية بس عشان يتأكدون من المبالغ إلي مدخله وبيتصلون فيك إن شاء الله...بس إنت طول بالك وإتركها على الله

الاجراءات كلها بدول الخليج اعتقد نفسها عادي هذا شي روتيني وعرفناه

ولاتحمل هم وسع صدرك

وتوكل على الله

المشاركة الأصلية كتبت بواسطة sarah24_76
http://www.arabtravelersforum.com/tr...4/#post3771914

إحنا مقابلتنا كانت في شهر يناير وقابلنا شخص ملامحه بصراحه هنديه بس لكنته أمريكيه وكان وااايد حبوب وقعد يتغشمر مع بنتي إنها بتروح دزني غريبه وين ياي هاي إلي تقول عنه معصب...عالعموم وسع الصدر إن شاء الله ما هي إلا إجراءات روتينية بس عشان يتأكدون من المبالغ إلي مدخله وبيتصلون فيك إن شاء الله...بس إنت طول بالك وإتركها على الله



صح بالضبط هذا هو نفس الشخص هندي ولكنته امريكية انا توقعته راح يكسر بالكلام بس كانت صايد اللهجه هههههههه .. اهو بالبدايه كان حاب التعامل بس مره وحده عقب مادري حسيته تغير صار شرير , بس يالله انشاءالله الامور تمشي تمام بس الحين لو سحبت من الملبغ 100 او 200 دينار وبعد فتره رجعتهم عادي لو فيها مشكله ؟؟

الف شكر على مرورج الطيب





المشاركة الأصلية كتبت بواسطة kazoze
http://www.arabtravelersforum.com/tr...9/#post3771939

الاجراءات كلها بدول الخليج اعتقد نفسها عادي هذا شي روتيني وعرفناه

ولاتحمل هم وسع صدرك

وتوكل على الله




اي والله وانت الصاج اهم شي وسعة الصدر , وخل كل شي على الله , "لايكلف الله نفسا إلا وسعها" .. وانا صراحه سويت اللي اقدر عليه وانشاءالله الامور تمام ونستانس..
تحياتي لك الغالي

اخي السفارة الامريكية ليس لديها اي مجاملات اذا كان تم رفض طلبك فانهم سوف يقولولك على طول انه تم الرفض
بالتوفيق

أتمنى في أخبار جديده وحلوة

المشاركة الأصلية كتبت بواسطة nemoor1
http://www.arabtravelersforum.com/tr...8/#post3788348

اخي السفارة الامريكية ليس لديها اي مجاملات اذا كان تم رفض طلبك فانهم سوف يقولولك على طول انه تم الرفض
بالتوفيق



صحيح الكلام وانا معاك بهل نقطه واتمنى الامور تمشي على مايرام





المشاركة الأصلية كتبت بواسطة sarah24_76
http://www.arabtravelersforum.com/tr...1/#post3790311

أتمنى في أخبار جديده وحلوة



والله ياساره صار انه باقي الشباب 2 اللي ناوين يروحون معاي بالسفر دخلوا المقابله وصار انه واحد والحمدالله تم قبوله ولكن الثاني مع الاسف انه صار بنفس مشكلتي قالوله انتظر من اسبوعين إلى شهرين ... وانا الحين صار لي اسبوع من وقت المقابله ولا حس ولا خبر ...
انا بعرف شخص بالسفاره الامريكية امريكي طبعا - ومادري انا راح اكلمه , قلت بس اهو ماله بالفيزا السياحيه شغله يختلف شي ثاني بس مادري هل ممكن يفيدني لو كلمته يساعدني بخصوص الفيزا ؟؟ محتار شوي
والله بصراحه حاب السياحه في امريكا وشاري لي كاميرا Nikon D5000 مع عدسات وشغل عدل وبعد كاميرا ثانيه Sony T300 - 13megapixel مع كيس تحت الماي للألعاب المائية ومضبط حالي صح والفلوس زدتها بعد وخطه ولا اروع بس نصيب
لكن من اول مايطلع خبر او تطورات راح ابشركم وبعزمكم بعد خخخخخخخخخ

جربت تحاول ترسل ايميل للسفارة وتشوف ايش صار................. او خويك الي في السفارة ممكن يساعدك
بالتوفيق

المشاركة الأصلية كتبت بواسطة nemoor1
http://www.arabtravelersforum.com/tr...5/#post3790695

جربت تحاول ترسل ايميل للسفارة وتشوف ايش صار................. او خويك الي في السفارة ممكن يساعدك
بالتوفيق



*اشكرت على المتابعه والمبادره الحلوه هي معلومه طيبه صح فكره ارسل ايميل بس خلني انتظر بعد اسبوع ثاني حتو اكون قضى وقت وعطيتهم فرصه وبعد اسبوع ببتدي اتحرك والله يسهل :‏)‏

مراحب اخوي ،،

انا طلعو عيني 3 مرات على الفيزا ،، والمره الثالثه يدي على قلبي لاني عارفه ان ردوني معناتها مرفوضه ،،
بس الحمدلله عدت على خير ،،
اول مره استماره ناقصه ثاني مره خطأ من السفاره نفسهم ، انهم نسو يطلبون مني مقابله ،
واعتذرولي شخصيا ففي الثالثه عدت ولله الحمد ،، هم طيبين وبشوشين وايد ، بس الحظ له دور كبير !!
اخوي، موضوعك اشوفه عادي، خاصه انهم يدرون متى حجزك ،،
هي مجرد اجراءات روتينيه، بس نصيحه شخصيه ، ضل تابع وياهم كل اسبوع ، بالتلفون ويفضل زياره،
كلم الاخ نفسه اذا تعرفه ، " ها وش صار على موضوعي" ؟ وطرش لهم ايميلات بين فتره وفتره ،
ولله انا - بتوفيق من الله اولا واخيرا - ما مشى موضوعي الاخير الا بالالحاح ه ذا !!
بس يوم استلمت الفيزا 5 سنين ناقص 6 شهور فتره محاولات استخراجها 3 مرات ، بس الحمد لله ..
وبالتوفيق اخوي ، لا تفقد الامل ،، وبشرنا ان مشت امورك ...
لك تحياتي ..

سبحان الله اخوي بحريني السهالات من رب العالمين
احنا مقابلتنا كانت الاثنين والتعامل كان راقي من الموظفين وخلصت بسرعة و يوم الاربعاء العصر تفاجأت بإتصال الــDHLl .. إن الجوازين جاهزين عندهم و التوصيل يوم الخميس الصبح للبيت.
طبعا ماكنت امصدقه لاني سمعت من وايد ناس انهم اقل شي ممكن يتأخرون ثلاث اسابيع وممكن يعطلون فيز العوايل اللي تتشابه عوايلهم بمحتجزي غوانتينامو !
لكن الحمدلله رب العالمين تم كلشي بمنتهى السهولة واليسر .
وإنت اخوي بحريني لاتيأس من أول محاولة وحاول مرة ثانية والله يسهل أمورك .

المشاركة الأصلية كتبت بواسطة همس الليل
http://www.arabtravelersforum.com/tr...7/#post3791797

مراحب اخوي ،،

انا طلعو عيني 3 مرات على الفيزا ،، والمره الثالثه يدي على قلبي لاني عارفه ان ردوني معناتها مرفوضه ،،
بس الحمدلله عدت على خير ،،
اول مره استماره ناقصه ثاني مره خطأ من السفاره نفسهم ، انهم نسو يطلبون مني مقابله ،
واعتذرولي شخصيا ففي الثالثه عدت ولله الحمد ،، هم طيبين وبشوشين وايد ، بس الحظ له دور كبير !!
اخوي، موضوعك اشوفه عادي، خاصه انهم يدرون متى حجزك ،،
هي مجرد اجراءات روتينيه، بس نصيحه شخصيه ، ضل تابع وياهم كل اسبوع ، بالتلفون ويفضل زياره،
كلم الاخ نفسه اذا تعرفه ، " ها وش صار على موضوعي" ؟ وطرش لهم ايميلات بين فتره وفتره ،
ولله انا - بتوفيق من الله اولا واخيرا - ما مشى موضوعي الاخير الا بالالحاح ه ذا !!
بس يوم استلمت الفيزا 5 سنين ناقص 6 شهور فتره محاولات استخراجها 3 مرات ، بس الحمد لله ..
وبالتوفيق اخوي ، لا تفقد الامل ،، وبشرنا ان مشت امورك ...
لك تحياتي ..



مشكوره اختي همس الليل .. وفكرتج بالالحاح طيبه صراحه وانا فكرت ابتدي قصف اتصالات من نهاية هذا الاسبوع لين يعطوني هههههههه بدون رحمه وانشالله نعين من الله خير ومتفائل والحمدالله ... تحياتي لج





المشاركة الأصلية كتبت بواسطة nemoor1
http://www.arabtravelersforum.com/tr...9/#post3791859

يلا ان شاء الله لمن تطلع تجي تبشرنا بالتوفيق



اكيد الغالي من تطلع راح ابشرك ... وانزل موضوع عن البرنامج السياحي اللي مسويه على مدار اسبوعين





المشاركة الأصلية كتبت بواسطة خالدة خالد
http://www.arabtravelersforum.com/tr...5/#post3792165

سبحان الله اخوي بحريني السهالات من رب العالمين
احنا مقابلتنا كانت الاثنين والتعامل كان راقي من الموظفين وخلصت بسرعة و يوم الاربعاء العصر تفاجأت بإتصال الــdhll .. إن الجوازين جاهزين عندهم و التوصيل يوم الخميس الصبح للبيت.
طبعا ماكنت امصدقه لاني سمعت من وايد ناس انهم اقل شي ممكن يتأخرون ثلاث اسابيع وممكن يعطلون فيز العوايل اللي تتشابه عوايلهم بمحتجزي غوانتينامو !
لكن الحمدلله رب العالمين تم كلشي بمنتهى السهولة واليسر .
وإنت اخوي بحريني لاتيأس من أول محاولة وحاول مرة ثانية والله يسهل أمورك .



صحيح توفيق من رب العالمين والحمدالله .. بعض الاحيان مثل اللي صار مع صاحبي سؤالين بس ويعطونك ,, لكن بعض الاحيان تطول نفس موضوعي ولكن والحمدالله عائلتنا لا فيها محتجزين غوانتينامو ولا محتجزين بغيرها ههههههههه وانا اتمنى يكون الموضوع سهل نفس ما الجميع اشاد فيه ,, وانشاءالله سهالات تكون ,, والف شكر خالده على مرورج الطيب