الموضوع: اخذت موعد ولكن محتاجه مساعدتكم

لقيت موعد الحمدلله وطبعت التأكيد بس عندي شوي استفسارات لاهنتو

1- تعريف العمل اترجمه في مكتب ولاشلون ؟؟ ولازم تصديق من ادارة التعليم ولا اكتفي بختم المدرسه؟
2- كشف الحساب افضل اسويه كم شهر؟؟ ومثل مافهمت انه لازم بالانجليزي صح؟؟
3- اخوي واختي طلاب وابوي راح يتكفل بمصاريفهم كامله وش المطلوب منهم من اوراق ؟؟
4- الوالد متقاعد شلون يجيب تعريف من العمل والراتب؟؟ يكفي خطاب مصدق من الغرفه التجاريه مثلا
بما انه رجل اعمال ؟؟ وكشف حسابه؟
5- اقدر اعدل في الابليكيشن؟؟ يحتاج اطبعه من جديد؟ يتغير الموعد ولا لا؟
6- الموعد لنا كلنا ومكتوب في ورقة الموعد لازم اقارب من الدرجه الاولى (زوج زوجه ابن ابنه ) عادي هالشئ
7- جوازي باقي له سنتين تقريبا وينتهي هل هالشئ يأثر على منح الفيزا ومدتها؟؟ انا ابي خمس سنوات طماعه
8- المقابله ندخل سوا ولا كل واحد لحاله؟؟ لان اخوي صغير واخاف يتوهق بالاجابات وهل صحيح ان مقابلة
البنات مافيها تدقيق ويمشونهم بسرعه؟؟؟
9- يحتاج اسوي مخطط للرحله ولا ماله داعي ؟؟
10- اخوي يدرس هناك وحطيت عنوانه بس مااتوقع نروح عنده لو سألوني وش اجاوب؟

السموحه على كثرة الاستفسارات ياليت اجابات شافيه عشان مااتعنى للرياض واسافر واخرتها تطلع اوراقنا ناقصه
دعواتكم انها تتيسر وناخذ الفيز على خير

مواضيع عشوائيه ممكن تكون تعجبك اخترناها لك:

• حصل معي موقف بايخ جدااااا ارجوا النصيحة منكم
• حجزت في Sheraton Vistana Resort Villas في اورلاندو
• اختي بنت الصقور بالنسبه لـ كشف الحساب
• الى الخبراء وعلى راسهم الاخ امباكت
• استفسار عن
• مساعده يا اخوان ضروريه كيفية حجوزات حدائق لوس انجلس
• وين تقترحون علي اتسوق في امريكا؟؟
• إستفسار عن إمكانية تمديد صلاحية الفيزا
• سؤال بخصوص حمل السوائل بمطارات امريكا الامتعه الشخصيه ضروري ادخلو رحلتي بكره
• ممكن اسعار الفنادق و الشقق في كليفلاند
• طلب نصائح من
• منطقة وست وود
• شهر عسل في ربوع فلوريدا
• استفار بخصوص مقاعد السيارة
• العرب المسلمين فى الولايات المتحدة
• ودي اروح امريكا انا وزوجتي بس
• استفسارات عن الفيزا بالكويت للذين استخرجوا الفيزا مؤخرا
• خبراء سان فرانسسكوالرجاء الدخول؟
• أورلانــــــــــــــــــــــ ـــــــــــــــدو
• طالب سعودي في امريكا وبيسافر لكندا زيارة وعنده عدة اسئلة

1-تعريف العمل يكفي فيه الراتب بس؟؟ ولازم تصديق من ادارة التعليم بما اني مدرسه؟

نعم يكفى فيه الراتب وتاريخ بدايه العمل والتصديق من اداره التعليم افضل ولكن ليس ضروري المهم يكون موقع ومختوم والتصديق افضل



2- كشف الحساب افضل اسويه كم شهر؟؟ ومثل مافهمت انه لازم بالانجليزي صح؟؟

افضل شي تسوي كشف الحساب ستة شهور ويكون باللغه الانجليزيه

3- اخوي واختي طلاب وابوي راح يتكفل بمصاريفهم كامله وش المطلوب منهم من اوراق ؟؟

مطلوب منهم خطاب من ابوك انه يتحمل مصاريف الرحله ومصاريفهم

4- الوالد متقاعد شلون يجيب تعريف من العمل والراتب؟؟ يكفي خطاب مصدق من الغرفه التجاريه مثلا
بما انه رجل اعمال ؟؟ وكشف حسابه؟

يقدر يجيب مايثبت انه متقاعد وخطاب من التامينات براتبه او يسوى له خطاب من اي شركه ويصدقها بالغرفه التجاريه
اذا كان رجل اعمال والتصديق غير ضروري ولكنه افضل بكثير من الخطاب الغير مصدق

5- رسوم السفاره لازم اروح البنك ولا عادي اونلاين؟؟ وهل الايصال يكفي اطبعه واخذه

تقدرين الاثنين وشخصياً افضل التسديد بالبنك افضل

6- الموعد لنا كلنا ومكتوب في ورقة الموعد لازم اقارب من الدرجه الاولى (زوج زوجه ابن ابنه ) عادي هالشئ

اتوقع مافيه مشكله ولكن ماني متاكد من هالنقطه ارجو تستفسري عنها

7- جوازي باقي له سنتين تقريبا وينتهي هل هالشئ يأثر على منح الفيزا ومدتها؟؟ انا ابي خمس سنوات طماعه

ماياثر ابدا ويعطونك خمس سنين ان شاء الله اذا وافقو على طلبك بغض النظر عن المتبقى بجوازك

8- المقابله ندخل سوا ولا كل واحد لحاله؟؟ لان اخوي صغير واخاف يتوهق بالاجابات وهل صحيح ان مقابلة
البنات مافيها تدقيق ويمشونهم بسرعه؟؟؟

الدخول مع بعض لجميع المتقدمين بموعد واحد وبنفس اللحظه

9- يحتاج اسوي مخطط للرحله ولا ماله داعي ؟؟

ماله داعي واذا سويته مايضرك ويفيدك
10- اخوي يدرس هناك وحطيت عنوانه بس مااتوقع نروح عنده لو سألوني وش اجاوب؟
قولي لهم الحقيقه ان اخوك يدرس هناك وماهو معقول تقولي اخوي بامريكا ويمكن ماازوره بامريكا ههههههههه خليك منطقيه شوي



والله يسهل لك واهم شي خذي معك كل شي ويمكن مايطلبون منك الا طلبات بسيطه ولكن عدم توفرها ممكن يكون سبب لرفضك لاقدر الله

والله يسهل لك وباقي عليكم تدعو لنا

موبويلي

مشكوور وماتقصر بس فيه شئ ابي اتأكد منه بالابليكيشن حطيت في سؤال الوظيفه
computer science اللي هو تخصص التدريس ولم اختر التعليم .. هل هناك مشاكل ولازم اغيره ولا عادي؟؟؟
والتعريف يحتاج اوديه مكتب ترجمه ولا انا اترجمه ولا اخليه بالعربي؟؟ احترت والله

وييييييييييييييييييييييييييين باقي الاعضاء والمشرف ؟؟؟
والله محتاره ومو عارفه وش اسوي محتاجه مساعدتكم وخبرتكم

اختي هالاخطاء عاديه تقدري تقولي لهم هناك
اهم شي الاوراق كلها تكون مطابقه

وللرفع لافادتك اكثر من الاخوان عن السوال

وبعد استغرب البعض يستخسر قضيه التعديل في النموذج اتعبو شوي ولا تجلسون تقولون بعدين ياليت وياليت ( مجرد نصيحه)

والله يسهل لك اختي وللجميع

مو مسألة الاعاده بالعكس سهله الشغله خاصه اني حافظه النموذج عندي وبس بعدل عليه واطبع التأكيد
بس عادي يتغير البار كود ؟؟؟ ويصير اختلاف بينه وبين الباركود اللي بالموعد؟؟؟؟
هل الدعوى تحتاج تعديل ولا اوضحلهم وخلاص؟؟؟
تعريف الراتب يكفي ختم المدرسه ؟ ولا لازم تصديق خاصه اني انا اللي بترجمه
ومشكورين مقدما

وشدعوى مافي ولارد؟؟؟
عادي يتغير الباركود لاعدلت على النموذج؟؟؟؟ ولااخلي بياناتي مثل ماهي وابلغهم لارحت؟

ما يحتاج تعديل الباركود الي في الموعد !!

بالتوفيق

يعطيك العافيه مشرفنا يعني افهم من كلامك انه عادي يكون فيه اختلاف بين باركود الموعد
والباركود اللي انا بطبعه بعد مااعدل على النموذج؟؟ هل تشوف التعديل ضروري؟؟
ترجمت التعريف من مكتب ترجمه وختمته بختم المدرسه هل هذا يكفي ؟؟ والعذر على الاسئله الكثيره

نعم صحيح ,,