الموضوع: ابشركم وصلت عند العائلة

المعهد:els lang center
في فيلادلفيا ولاية بن سلفانيا

الجامعه : Louisiana Tech University
مدينه روستون ولاية لوزيانا
التخصص: هندسة كهربائيه حاليا والمطلوب هندسة الكترونيه:113: :113: :113:

والسكن عند عائلة شايب وعجوز وعندهم عيال كبار متزوجين ولي غرفة ودورة مياه الله يكرمكم ومطبخ صغير
انا قريت عن لويزيانا في نادي الملحقية انها فيها اعاصير وكتبت موضوع عن الاعاصير
وقالوا الشباب ان الخبر قديم وانشالله ما فيه الا الخير واي سؤال احنا حاضرين

مواضيع عشوائيه ممكن تكون تعجبك اخترناها لك:

• لندن يا ملبرونساعدوني
• دبلوم موارد بشرية ، تكفون
• بليييز ابي المساعده
• استفسار قوي 😱 مهم
• هام جدا جدا لكل من يعلم عن بريطانيا
• سفرتي السريعه والعجيبه الى سوريا الحبيبه
• مساعده عاجله وضروريه جدا من مبتعثي دالاس تكساس
• المدرسة السعودية بمانشستر؟؟؟؟؟؟؟؟؟؟؟
• اللي استلم قرار الابتعاث يدخل عاجل
• خدمه لو تكرمتوا عن معاهد بريطانيا
• تكفون ياحبايبنا تفيدووونني ضروري
• أمـنــيــتــي؟
• دراسة اللغة والعمل فيما بعد للحصول على خبرة
• استفسارات يا اخواني المشرفين
• بليز اللي عنده فكره عن الهندسه المعماريه
• خطابات السفارة موقفة وش الحل؟
• ولاية فلوريدا مدينة اورلاندو
• ابي ادرس في بريطانيا
• احتاج لمساعدتكم
• الحكم على حميدان التركي عاما مدى الحياة

الحمدلله على سلامتك اخوي

والله يوفقك انشالله ولا تخاف انشالله مافيه الا العافيه

( قل لن يصيبنا الا ما كتبه الله لنا ) توكل على الله وشد حيلك ولا تفكر بالهسوالف

وانشالله ما راح تلقى الا كل خير :101:

بس قولنا كيف المدينه الي انت فيها ؟ وشصار معاك اول ما وصلت واشنطن ؟

خلنا نستفيد منك :113:

انت مو كأنه من الاول قلت انك بثاني ثانوي ومره قلت انا بثالث اخوي بثاني

والحين بامريكا كيف؟ :114:

حمد الله على السلامه والله يوفقك

انا غلطت في الموضوع الاول عندي اخوان واحد بثالث واللى تحتة بثاني وانا خلاص في امريكا

[blink] القصــــــــــة[/blink]


من الرياض بالطيارة الى باريس ترانزيت اربع ساعات ثم الى واشنطن وفي الطيارة جنبي صيني اعوذبالله قاعد يتكلم معي وانا ما اعرف انجليزي ساعة وانا اقولة اي دونت سبيك انقلش انا عاد جاي سهران ما نمت واطقها نومه جنب الصيني اللى يقرا كتاب من يوم طارة الطيارة لين وقعت ويوم وصلنا واشنطن ونزلنا من الطيارة وانا علمني الشايب قالي( اذا قالو باسورد يعني جواز
وبسألونك ليش جاي وين بتسكن) وبالفعل صار كذا وهو ماعطيني ورقه كاتب فيها كل شي ليش جاي ووين تسكن واعطيها الموظف وشوي عطاني الورقة وانا خايف اشوفه مكشر وجهه وشوي ابتسم وقال ولكم امريكا( اول كلمة افهمها) وفلت ثانكيوا وشوي جاء الجمارك ومعي لاب توب وخذوه ودخلوه غرفة واجلس على الكراسي 3 دقايق وجابوا الجهاز انا قلت صار شي وعطوني الجهاو وطلعت والقى قدامي وش تتوقعون؟؟؟؟؟؟؟؟؟؟؟؟؟؟؟؟؟

















ما صدقت انا جوعان مرة والله واطلب اشوف الصورة واقول نمبر 4 سوبر سايز بعدين قالت سبايسي ما ادري ايش سبايسي وقلت يس يوم جت الوجبة حمر وجهي فري هوتتتتتتتتتتتتتتتتتتتتتتتتتت وكلت نصها يوم خلصت واطلع والقى ناس من الملحقية واستقبلوني وودوني فندق من بكرة رحت المطار وركبت الكيارة ووصلت لويزيانا واركب تاكسي وألقاه مصري وعطيته العنوان وركبت معه واقعد اسولف معه يس للاسف مسيحي هذا الكلام الفجر ووصلنا بيت العائلة في حارة حلوة ونزل المصري العفش وما امداني انزل الا وهو حاط رجلة باقيلي 8 دولار وقلت بسلامتة واطق الباب ويطلعلي الشايب مغمصة عينة وقالي هاييي بصوت خشن والله وخفت وقاعد يكلمني ما ادري وش يقول وتذكرت ورقة عطانيها الشايب واعطية ويقرا ساعة ودخلني ووداني فوق وادخل غرفتي كبيرة فيها دورة مياة الله يكرمكم خاصة ومطبخ صغير وقالي قود نايت وادخل ملابسي في الدرج واشغل الانترنت والقى اخوي على الانترنت وعندهم الظهر ويحط الكامرا يعني مو واضح مرة والانترنت عندهم سريععععععععععععععع وشوي نمت وقمت على الظهر تقريبا وانزل والقى الغداء جاهز مكرونة وادق فيها وشوي طلعني الشايب ومشاني معه اسكاليد ووراني المعهد وبعد ثلاث ساعات رجعنا وطلعت اتمشى بالشارع والقى ستار بكس وادخل والقى عرب ما صدقت ولقيت واحد جالس لحاله تقريبا بنفس عمري وسلمت علية قلتلة معك اخوك عبدالرحمن من الرياض وقالي معك فيصل من الامارات وجلست شوي اسولف معة ومعة سيارة كابريس جديدة وعلمني الاماكن الرخيصة ويوم جاء الليل رجعني البيت وسلمت على الشايب بس العجوز ما ادري هي فيه هي ميتة والله مادري ورقيت بالغرفة وشغلت الانترنت ودخلت موقع العرب المسافرون واكتب القصة وانا الان اكتب لكم وانشالله اعلمكم بالحداث الجاية


وتصبحون على خير

انا كتبت موضوع برا فيه القصة وما قصرتوا والله يسلمكم

مبروك والحمدلله على السلامه...والله وتستاهل يابوداحم...

شفت انك ممكن توصل بسهوله وحتى بدون الانجليزي ..وانا متاكد انها كانت تجربه حلوه..

على فكره انا درست في هاذي الجامعه بعد الثانويه ...

الجامعه جدا جميله...والمدينه هادئه واهلها مسالمين...واعتقد انه اختيار موفق...

ويمكن حوالي 400 كيلو من دالاس حيث يوجد بقالات عربيه...

بس لا تسالني عن شئ لان هذا كان من فتره طويله...بس اتذكر ان المطار اللي كنا نستخدمه اسمه مونرو...

عموما مبروك وعقبال الباقيين.......................................... ................تحياتي

حمد الله عالسلامه اخوي
وبالتوفيق
تحياتي

الحمد لله على السلامه وبالتوفيق ان شاء الله

الحمد لله على السلامه .......نورت أمريكا :101:

أخي الحبيب

على البركة والله يوفقك في دراستك هناك

عندي سؤال وهو :

كيف يسوي اللي يبغى يسكن مع عائلة هناك في امريكا

مين يكلم وكيف يرتب للموضوع ...

لأني أسأل لواحد متزوج ولديه طفلين

ترتب انت والسفارة وهم يفهمونك كل شي


والله يسلمكم

الحمد لله عالسلامه والله يوفقك
تحياتي

يواد ابو دحييييييييم

بطلت من الهلتون ؟ افا ولا تقلنا

على العموم مبروك عليك العيله نشووووووف \ك على خير