انا غلطت في الموضوع الاول عندي اخوان واحد بثالث واللى تحتة بثاني وانا خلاص في امريكا
القصــــــــــة
من الرياض بالطيارة الى باريس ترانزيت اربع ساعات ثم الى واشنطن وفي الطيارة جنبي صيني اعوذبالله:105: :105: قاعد يتكلم معي وانا ما اعرف انجليزي ساعة وانا اقولة اي دونت سبيك انقلش انا عاد جاي سهران ما نمت واطقها نومه جنب الصيني اللى يقرا كتاب من يوم طارة الطيارة لين وقعت ويوم وصلنا واشنطن ونزلنا من الطيارة وانا علمني الشايب قالي( اذا قالو باسورد يعني جواز
وبسألونك ليش جاي وين بتسكن) وبالفعل صار كذا وهو ماعطيني ورقه كاتب فيها كل شي ليش جاي ووين تسكن واعطيها الموظف وشوي عطاني الورقة وانا خايف اشوفه مكشر وجهه وشوي ابتسم وقال ولكم امريكا( اول كلمة افهمها) وفلت ثانكيوا وشوي جاء الجمارك ومعي لاب توب وخذوه ودخلوه غرفة واجلس على الكراسي 3 دقايق وجابوا الجهاز انا قلت صار شي وعطوني الجهاو وطلعت والقى قدامي وش تتوقعون؟؟؟؟؟؟؟؟؟؟؟؟؟؟؟؟؟
ما صدقت :110: :110: دموع الفرح انا جوعان مرة والله واطلب اشوف الصورة واقول نمبر 4 سوبر سايز بعدين قالت سبايسي ما ادري ايش سبايسي وقلت يس يوم جت الوجبة حمر وجهي :112: :112: :112: :112: فري هوتتتتتتتتتتتتتتتتتتتتتتتتتت وكلت نصها يوم خلصت واطلع والقى ناس من الملحقية واستقبلوني وودوني فندق من بكرة رحت المطار وركبت الكيارة ووصلت لويزيانا واركب تاكسي وألقاه مصري وعطيته العنوان وركبت معه واقعد اسولف معه يس للاسف مسيحي هذا الكلام الفجر ووصلنا بيت العائلة في حارة حلوة ونزل المصري العفش وما امداني انزل الا وهو حاط رجلة باقيلي 8 دولار وقلت بسلامتة واطق الباب ويطلعلي الشايب مغمصة عينة وقالي هاييي بصوت خشن والله وخفت وقاعد يكلمني ما ادري وش يقول وتذكرت ورقة عطانيها الشايب واعطية ويقرا ساعة ودخلني ووداني فوق وادخل غرفتي كبيرة فيها دورة مياة الله يكرمكم خاصة ومطبخ صغير وقالي قود نايت وادخل ملابسي في الدرج واشغل الانترنت والقى اخوي على الانترنت وعندهم الظهر ويحط الكامرا يعني مو واضح مرة والانترنت عندهم سريععععععععععععععع وشوي نمت وقمت على الظهر تقريبا وانزل والقى الغداء جاهز مكرونة وادق فيها وشوي طلعني الشايب ومشاني معه اسكاليد ووراني المعهد وبعد ثلاث ساعات رجعنا وطلعت اتمشى بالشارع والقى ستار بكس وادخل والقى عرب ما صدقت ولقيت واحد جالس لحاله تقريبا بنفس عمري وسلمت علية قلتلة معك اخوك عبدالرحمن من الرياض وقالي معك فيصل من الامارات وجلست شوي اسولف معة ومعة سيارة كابريس جديدة وعلمني الاماكن الرخيصة ويوم جاء الليل رجعني البيت وسلمت على الشايب بس العجوز ما ادري هي فيه هي ميتة والله مادري ورقيت بالغرفة وشغلت الانترنت ودخلت موقع العرب المسافرون واكتب القصة وانا الان اكتب لكم وانشالله اعلمكم بالحداث الجاية
وتصبحون على خير:106: :106: :106:مواضيع عشوائيه ممكن تكون تعجبك اخترناها لك:
- محتااااااااااااااااااار
- سؤال مهم للغايه أرجو الأفاده يا اخوان نداء خاص لبنت الصقور جزاها الله خير
- عاجل للرصاصي وللاخوة في امريكا
- إستفسار ملبورن و وتخصص
- عاجل وياليتكم تردون بسرعه
- فيزة طالب زائر سويسرا
- مين يفيدني عن الباص
- طلب ضروري جدا
- معهد وخط سير رحلتى
- مششششششششكلة ممكن احد يسااااعد ؟؟؟؟؟
- بخصوص الدراسة في جامعة فلوريدا
- ويسكنسون ملواكي من يعرف عنها شيء
- الي يعرف عائله في يساعدني
- باوصل واشنطن يوم فبراير محرم كم مكافأتي ؟
- الفزعة يا أخوان لإستفسارات دراسة اللغة لمدة شهور
- ادارة اعمال بين بريطانيا وامريكا
- يالييييييييييييل ماقصرك ؟؟
- الفزعه
- ساعدوني كيف احصل على سكن عند عائلة في امريكا الي يعرف يساعدني تكفون
- ضزووريمعهد ل اشهر
المفضلات