رحلتي الى النمسامرحبا يااحلى اعضاء فكرت احط صور بعدين قلت انا ماراح اجيب شي جديد لان صوري نفس صور الاعضاء ونفس الاماكن وماحب التكرار بقولكم عن ملاحظاتي والمواقف اللي صارت لي علشان افيدكم
العرب المسافرون
السفر الى النمسا يحتاج فيزا ؟
النمسا عضو في اتفاقية الشنغن، ولذلك فهي تمنح تاشيرات شنغن التي تخولك لدخول بقية الدول الداخلة في الاتفاقية ما لم يستثن أي منها في التأشيرة.
ملاحظاتي من زيارتي للنمسا
1) اهم نقطه قد ماتقدرون لاحد يسكن في زيلامسي السكن في كابرون افضل بمليوووون مره اول سبب الازعاااااااج اقولكم ماكنت انام كنت اصيح عند زوجي اقوله مقدر انام ازعاج اصوات الناس والسيارات والشاحنات شي ماتتخيلونه لان مثل ماتعرفون زيلامسي مافيها مكيفات ولازم الدريشه اتكون مفتوحه خذو عاد اصوات الناس والذبان والنحل وصوتهم ازززززززززززززززززز شي مقزز
واحنا سكنا في هذا الفندق
http://www.booking.com/hotel/at/appa...ml?aid=1329869
عيبه انه نظام دورين وبصراحه طول الوقت كنت خايفه احس المكان مسكون مرعب اذا رحت فوق اخاف انزل تحت والعكس يخوووف
اعتبره نظيف بس ازعااااااج مش طبيعي مكانه واحنا طالعين دفعتنا مبلغ محترم علشان ينظفون ورانا اول مره نسمع كذا نظام والحلو ان فيه جاكوزي وغرفة سونا
2) المطعم اللي اسمه انطونيو الهندي نصيحه لحد ياكل فيه اكله ابدا مش حلو ماحبيته كنت احاول اسد الجوع ومع هذا ماقدرت اكل مع اني كنت ميته جوع
3) المطعم التركي اللي تشتغل فيه التركيه اللي عند محطة القطار صاحبته جدا طيبه ومحترمه خلتنا نسهر عندها علشان نتسحر وتمت فاتحه لين 4 الفجر انسانه جدا طيبه ومحترمه واكلها لذيذ خصوصا الفلافل انصحكم اتجربونه وسعرها رخييييص مايكلف شي
4)صارلنا موقف قسم يقهر في ملاهي برتر تخيلوا زوجي كان يلعب لعبة فيها رمايه يحطون له مثل الطباشير وهو يرمي ومشاءالله عليه مع انه اول مره الاانه بدع وكل شوي صاحب الكشك يحط له رصاص زياده وزوجي يضرب ويقول حق زوجي انت مبدع وحبيبي تحمس وقام يضرب زياده المهم انه صوبهم كلهم
في الاخير قاله ادفع 500 ريال سعودي قاله ليييش قال سعر الرصاصه الوحده يورو قاله ليه ماقلت من الاول سكت قسم بالله قهرني انا قلت حق زوجي خله يولي لاتدفع له لانه نصاب ماتكلم من البدايه
قام قال اذا انت مادفعت مديري بيدفعني من حسابي انا في هاذي اللحظه صرت شريره ماحب حد يلعب علينا بس زوجي فديته طيب قال مستحيل بعطيه 500 ولايكون في شي بذمتي وارح له وعطاه
5) ونصيحه خصوصا للي عنده اطفال لحد يطلع اخر الليل خصوصا في الويكند لانه ممكن يشوف اشياء مقززه من السكرانين
6) في شريحه حدها رخييييييصه من قلب خذناها بعد مافقدنا الامل ان نحصل شريحه تشغل البي بي لان البي بي عندهم مايفتح الا اذا كان عندكم خط نمساوي والشريحه اسمها Victon عالميه والله كنت كل يوم اكلم امي اسال عن اعيالي وزوجي يتصل يوميا ولايخلص ابدا حتى ردينا وفيها اكثر من 50 ريال سعودي مع انه انواع الاتصالات ونطول بعد
7) سالت التركيه اللي في المطعم اذا في زيلامسي مراقبه على الاكل من البلديه قالت لااااا محد يلاحظ او يشيك الامره كل كم سنه واي كلام بعد مايشوفون عدل يعني خذو الحذر ونصيحه خلوا معاكم ملاعق بلاستك اذا حسيتو النظافه مش اووكي
8) قالت لي التركيه ان مطعم علاء الدين يغير اسمه في الشتاء وفي الصيف علشان العرب يخليه علاء الدين والكل يقول انه مش اووكي وماستاهل ابدا
9) واللي لاحظته ان اهل زيلامسي يترقبون جيتكم من قلللب لان محد مربحها الا هل الخليج والكل يحبهم ومايصير حياه في المكان وماينتعش الا بجيتكم حتى صار في مجله عربيه خاصه لعيووونكم وحتى يسمعون عن منتدى العرب المسافرون ويدرون ان احنا نعلم بعض عن الاماكن الزينه واللي مش اووكي
وهاذي صورة المجله اللي عطونا ياها
10
) في مطعم في فيينا رهيب في شارع المشاه اسمه سبابا صاحبه اذربيجاني سندويشاته خياااااليه بصراحه اكثر واحد عجبني الباقي الله يعز النعمه كنت بس اسد الجوع وهاذي هي صورته
وهاذي صورة المصري اللي يشتغل فيه انسان محترم وخدوم
11) في فيينا سكنا في هذا الفندق
http://www.booking.com/hotel/at/mypl...ml?aid=1329869
هاذي ثاني مره نسكن فيه بصراحه رهيب من كل النواحي وموقعه يجنن والفندق حده نظيف وتطور كثير عن اول مره سكنا فيه
واهم نصيحه لكل مسافر اقتصدو في كل شي الا السكن لاتختارون الا فندق عدل ويكون راقي لان هو اهم شي في الرحله لان اذا الفندق اي كلام صدقوني بيعكر مزاجكم
اتمنى ان تجربتي تكون مفيده لكم واذا تذكرت شي راح ارجع اكتبه وربي يوفقكم جميعا ويكتب لكم احلى سفراااات
أختكم بنت أوروبامواضيع عشوائيه ممكن تكون تعجبك اخترناها لك:
- ابغي وجهات سياحيه لكل منطقه الي عارف يدخل
- بطاقة زيلامسي وكابرون اتمنى منكم المساعدة
- طلبتكم ياهل الخبره
- استفسار عن تغيير الفنادق بعد استخراج تأشيرة الشنغن
- اول مره اسافر النمسا وابي منكم النصحية
- النمسا وسويسرا اواخر سبتمبر
- المساعدة من المسافرون الخبراء في إنجاح أول زيارة لأوروبا
- هيلتون تخطط لتوسع سريع في جميع أنحاء الشرق الأوسط
- رحلتي من الرياض إلى القريات إلى مضايا
- سالفدين زل ام سيكابرونفيديو وصورتقرير؟
- الخط النهائي بإذن الله فهل من خطأ ؟؟
- الاماكن الجميلة بالنمسا وزلامسي خاصة العائلية
- صلو على النبي وادخلو عطوني حل بليز
- المنذرية في الأراضي الأوربية
- ابي رايكم وفزعتكم في ميزانية سفرتي مع المدام ان شاء الله
- عاااجل لخبراء زيلامسي
- مساعده بسرررعه
- استفسارات عن شهر عسل بالنمسا ا
- الى خبراء فيينا
- للاهل الخبراء
المفضلات