الموضوع: الفزعه ياأهل الكويت القنيط محتاجكم

السلام عليكم ورحمة الله وبركاته

اخوكم القنيط من بوابة الأندومي محتاج لمساعدتكم اخواني وحبايبي رواد بوابة الكويت..

انا ماشي غدا الأحد للكويت مع الأهل وبغيت استفسر عن بعض المحلات واتمنى اني مااثقل عليكم..

1- افضل الأسواق للأقمشه النسائيه:106:
2- افضل الأسواق للجلابيات النسائيه:106:
3-سوق الملابس المتوسطة الأسعار ( نسائيه برضو )
4- محلات الجنز والتيشرتتات الرجالبه( مقاسات كبيره) :109:

اخيرا..دلوني على سكن يكون موقعه مناسب وقريب من الأسواق والمراكز التجاريه:24:

الله يعطيكم العافيه

مواضيع عشوائيه ممكن تكون تعجبك اخترناها لك:

• عيودتنا في الكويت
• بعد ما شاب ودوه الكتاب
• نور
• استفسارات عن الكويت ضروري بسااافر
• ايش رايكم في فندق ومنتجع الموفينبيك في البدع مساعدة مستعجلة
• مطعم عائلي
• ودي بخطوط ارخص من السعوديه سؤال هل العربيه تودي للكويت
• منتزه السالمية الجديد
• وين احصل المقاهي الرياضية ؟
• هل يوجد فندق في مجمع المهلب
• صور من النوراي للشقق الفندقية بالسالمية
• استفسار يعطيكم العافية
• ممكن وصف منطقة البلوكات
• ممكن ارقام بعض الشقق الفندقيه
• اول مره أسافر الكويت ياليت تساعدونا وتفيدونا
• اهل الكويت استفسار هام
• بخصوص مسرحية بخيت وبخيته
• مطعم رايس في الافنيوز
• سؤال عن نادي الرماية
• ترانزيت ساعة

أخوي بالنسبة للأقمشة عليك بالبلوكات (سوق أقمشة متكامل) بالعاصة إسأل عنه فقط وستصل قرب سوق المباركية
وبالنسبة للجلابيات هناك عدة أماكن لكن أرشح لك مجمع الحمرا مول بالفروانية ستجد جلابيات ذات مستوى متوسط وجلابيات راقية وأسعارها مرتفة وأيضا تجد به ملابس نسائية مختلفة وكذلك مجمع الأيوب ومجمع السندس (الإثنان بمنطقة حولي تخصص ملابس نسائية جميلة وأسعارها جيدة) لا تفوتك وأما ملابس الجينز الرجالية فتجدها بأغلب المجمعات والمولات بالكويت ، لكن أذا كنت تقصد الجينزات ذات الأسعار الرخصة والمتوسطة ستجدها في مجمع العدساني بمنطقة حولي بضاعة متنوعة وحلوة وكذلك المخازن الكبرى بالعاصة بالقرب من مجمع المثنى
وأما السكن فالافضل السكن بالشقق الفندقية الجديدة الواقعة بمنطقة السالمية حيث أن أسعارها جيدة مثل النوري وريتز السالمية وقصر الثريا وجمايكا ان 1+2 والكورنيش وشقق المارينا وغيرها .

بيض الله وجهك اخ فهد وماقصرت






أذا كنت تقصد الجينزات ذات الأسعار الرخصة والمتوسطة ستجدها في مجمع العدساني بمنطقة حولي بضاعة متنوعة وحلوة وكذلك المخازن الكبرى بالعاصة بالقرب من مجمع المثنى



ماقصدت الرخيص ياخوي..اقصد المقاسات لأني من الوزن الثقيل وصعب القى مقاس بسهوله-- xxl& xxxl

لاتنسى مجمع الاوقاف للجلابيات (بالديره) وخياطين العربيد خلف جمعية ( الفروانيه )احلى الدراريع والافكار الجديده
ومحلات كيت كات للجنزات والتيشرتات وراح تلقى اكبر المقاسات في الكويت فيه (السالميه )
مجمع النقره الشمالي والجنوبي ملابس نسائية متوسطة الاسعار ( حولي )
والسكن ماعندي فكره
اختك غدير:106:

1- افضل الأسواق للأقمشه النسائيه
في بالعربيد+سوق دبي اللي عالبحر+البلوكات
2- افضل الأسواق للجلابيات النسائيه
العربيد+مجمع الاوقاف(غالي)
3-سوق الملابس المتوسطة الأسعار
الحمرا مول+العربيد بلازا(بالفروانيه)
4- محلات الجنز والتيشرتتات الرجالبه( مقاسات كبيره)
والله يا اخوي زوجي نفسك..السنه اللي طافت دخنا وما لقينا اللي يعجبه من المقاسات الكبيره..بس اخر شي اكتشفنا مجمع فيه محلات ملابس واااااااااجد للمقاسات الكبيرة ...بضاعتهم روعه لكن غاليين شوي
المجمع بالفروانيه(بجانب او مقابل) سوق أولادنا(للاسف نسيت اسم المجمع..
انت روح عند اولادنا ودور بالمجمعات اللي حواليه..
انا اذكر انه بالطابق اللي فوق
اخيرا..دلوني على سكن يكون موقعه مناسب وقريب من الأسواق والمراكز التجاريه

للاسف ما اعرف...لاني ولا مره سكنت بفنادق الكويت
و حياك الله بالكويت

اهلا اخي الكريم

عندك المباركيه كمان عنده اشياء مرتبه

مثل لبس للبيت واشياء مرتبه بس يبيله تدوير

اما بالنسبه للسكن

انا متعوده اسكن بفندق خطير

اسمه كورت يارد ماريوت

حلو هالفندق

ويشعرك شعور بالهدوء

اما الشقق

انصحك بشقق

ماقد سكنتهم لكن من كلام الاعضاء عنهم والتقارير المصوره عنهم

عندك مارينا سويت

وعندك حصه موتيل

الصراحه هم انسب اثنين من جميع النواحي

واتمنى لك طيب الاقامه في بلدي الثاني

وتحياتي

اولا احييك في بلدك الكويت ويااهلا وسهلا فيك


ثانيا بالنسبة للملابس النسائية عندك مثل ماقالوا الاخوان عندك (البلوكات ) مجمع تجاري ضخم يجمع جميع الاقمشة الرجالية والنسائية وخامات الاثاث ايضا

ثالثا بالنسبة للملابس الرجالية المقاسات الكبيرة عندك في شارع سالم المبارك مجمع كبير اسمة (كيت كات)وهو متخصص للملابس الرجالية للمقاسات الكبيرة وايضا عندك مجمع المخازن في الديرة بجانب البلدية وهو مجمع تجد فية كل مايخطر لك من ملابس


اتمني اني اكون ساعدتك

ورحلة سعيدة

الله يعطيكم مليون عافيه نفر نفر..ونفره نفره

مشكووورين وماقصرتوا وادعولي بسلامة السفر..


جايك ياالكويت

تجي بالسلامه

حيياااااك الله في بلدك الثاني :106:

حياك الله يالدب خخخخخخخخخخخخ


أنا مثلك زائر ولا نستغني عن مساعدة أخواننا بالكويت




لكن خفف الأكل ولا تروح ميس الغانم لأن أكله جدا راااااااااااااااائع




أتمنى لك إقامة سعيدة




المختار