ابي اسأل اذا ممكن اروح للسفاره ومعاي اخوي يدخلونه ولا لا لان هو ماراح يسوي مقابله بس انا الوحدي ولا ابي ادخل بالحال
لازم يكون اخوك ماخذ موعد معك لانو ما فيه احد يدخل السفاره وهو ما سجل اسمه عندهم مهما كان وضعه ما عندهم شئ اسمه محرم انتي تجين وتدخلين لحالك اما في حالة جيتي ومعك اخوك وهو مسجل معك مرافق للمقابله فهذا الشئ يقبلونه ويدخلون اخوك لانه مسجل عندهم اما انك تأخذين الموعد وتجين مع اخوك وتبينه يدخل وهو ما سجل اسمه فهذا ما حدث لاكثر من وحده واضطرت تدخل لحالها وبعدين في حالة انك دخلتي لحالك الوضع ان شاء الله ميسر وعادي لا تأخذين الموقف انه صعب عادي جداً
واي ابليكيشن اعبي
انا ابسافر مرافقه يعني ماراح ادرس ومعاي بناتي وحده سنه ونص والثانيه 3 سنوات اعبي لهم بعد
تعبين النموذج رقم 57 و 58 بس وتأخذين النماذج من هنا
http://www.travel4arab.com/vb/showth...E4%E3%C7%D0%CC
اما بالنسبه لبناتك الله يخليهم لك ترى مولازم تأخذينهم معك للمقابله ولا تعبين لهم شئ لان الابلكيشن الي انتي بتكتبينه راح تكتبين فيه الابناء
وهل اخذ كشف احساب معاي
ومادري اي الضمان المالي لازم لي او لا
وايش الاوراق اللي اخذها معاي يوم المقابله
لا تأخذين معاك كشف حساب خذي صورة الفيزا الي طلعت لزوجك
وصوره من الضمان المالي الي صدر له طبعاً الضمان المالي الي صدر لزوجك
يشمله هو وانتي وعيالكم لانو الضمن المالي انواع اذا كان زوجك الضمان المالي
الي معاه ما يشملك انتي وعيالك لازم تصدرين ضمان مالي جديد من وزراة التعليم العالي
تطلبن انكم تلحقون لزوجك في الضمان المالي وهذا سهل
اما بالنسبه للاوراق الي تأخينها معاك :
1. صوره من جواز سفرك مع الاصل للمطابقه وبناتك اكيد مرفقين معك اذا ما كانوا مرفقين ارفقيهم قبل المقابله ( واذا ما هو الاول خذي الي قبله معاك لانهم راح يسألونك عنه )
2.النماذج بعد ما تعبينها طبعاً
3.صوره من الفيزا الي صدرة لزوجك
4.صوره او الاصل اذا امكن من الضمان المالي الخاص بزوجك وارفراد اسرته
5.صوره لك مكشوفة الوجه 5*5 خلفيه بيضاء ولبناتك انا طبعا ما ادري هو الصوره لك ولبناتك مع بعض او انك انتي لحالك وكل بنيه لحالها ماني متأكد لكن الحرص واجب سويها كلها ما راح تكلفك شئ خلي وااحد من خوالهم الله لا يهينك يصوركم
6. لا للكذب في المقابله كوني هادئه وعلى طبيعتك لا تنسين شئ مهم حافظي اختي الكريمه على حجابك وتذكري انهم راح يطلبون منك نزعه لتطبيق صورتك الي في الجواز
هذا كل شئ واذا انا تذكرة شئ راح اضيفه او يضيفه لك احد الاخون الاعضاء
اتمنى لك التوفيق والله يخليلك بناتك وتلحقون بوالدكم
تقبلي تحياتي
رد مع اقتباس
المشاركة الأصلية كتبت بواسطة انااا
المشاركة الأصلية كتبت بواسطة انااا
المفضلات