الموضوع: اخيرا بعد شهور من المعاناة

بسم الله الرحمن الحيم

اخواني واخواتي رواد هذا المنتدى الرائع ...........
كثيرا ماتشاركنا الفرح والحزن والمعاناة في هذا المنتدى الجميل ولم اكن اجد مااشارك به لان جميع المعلومات موجوده الخاصه بانظمة الابتعاث واخر الاخبار الخاصه بها ......فأحببت ان اشارك ولو بشيء بسيط .
بحمد الله انجزت جميع اجراءات بعثتي الى الولايات المتحده الامريكيه .
وعرفت كل مايتعلق بامور الابتعاث صغيرها وكبيرها بعد معاناتنا الطويله مع الوزارة والسفاره ومكاتب الترجمه وحتى محلات التصوير وجميع الجهات التي لها علاقة مباشره او غير مباشره .
فرجائي الى كل عضو او ضيف ان لايبخل علي باالحصول على اجر الاجابه على استفساراته ....ورد الجميل لهذا المنتدى الرائع .

اخوكم, وشريككم في......... نظرتكم المتفائله للمستقبل .

مواضيع عشوائيه ممكن تكون تعجبك اخترناها لك:

• مطلوب مساعدة من اهل الاختصاص والعلم
• متى تبدا الدراسه في الجامعات وكم مدة اللغه
• ما هو افضل حي للسكن في بورمث؟؟ وما هو اسوء حي يجب الابتعاد عنه؟؟ ارجو الإفادة
• استفسار عن الدراسة في امريكا
• للخبراء دراسة زمالة طب اسنان تخصص تقويم
• اللي كد سافر لبريطانيا يدخل
• ايلز وكورس بريسشنال
• تجمـــع المتقدمين على بعثات المرحلـــه الخامســـه
• استفسار عن السفر ببريطانيا
• الي متطبق للشروط ولا نزل اسمه خبر حلو
• السعوديين في مدينة جريلي في كلورادو ارجو المساعدة ؟؟
• طلب مساعده عاجل بخصوص ولاية يوتا
• استفسار عن البعثات بعد الثانوي
• سؤااال افيدوني بالاجابة
• دراسة اللغه في سانتا مونيكا
• افضل مكان لدراسة اللغة بأمريكا
• هل تريد الدراسة في بريطانيا
• ممكن تفيدوني الدراسه الماجستير امركيا
• ارجو المساعده
• بعثات جامعة الأمير محمد بن فهد وش صار عليها ؟؟؟؟؟؟

مشاء الله تبارك الله اخوي الله يوفقك ويرزقك انشاء الله

ويعافيك ومحد مقصر مع الاعضاء باذن الله

اريد التقدم الى بعثه بس مادري الباب مفتوح للكل ولا فيه واسطة...............
ما بعد الضمان المالي والاشياء الاخرى يأتي القبول سريع ولا يتأخر
كيف اعرف ان تخصصي فيه ابتعاث
وجزاك الله خير
الله يوفقك في بعثتك............................................. ...........

turki.a.z طيب اخوي قدم بشهادتك للوزاره اذا فتحو باب الابتعاث وراسل الجامعه تعادل لك مواد
لكن اذا تبي تقدم بشهادة الثانويه لزم مايكون مضى عليها 3 سنوات

مهاجر راجع موقع الوزارة والبعثات بدون واسطات كمل اوراقك وانشاء الله تروح

بسم الله الرحمن الرحيم

اخوي تركي ..
في بداية البعثات الجديده بينزلون الابلكيشنات الجديده عبي الابليكيشن بالمعلومات الصحيحه وستحصل على الموافقه انشاء الله .
الخطوه التي بعدها انهم بنزلون لك الضمان المالي وتبدا تراسل فيه الجامعات وتجيب القبول (I20) وبعدها تاخذ انشاء الله خطاب السفاره وتجيب الفيزا وتاخذ القرار .
وعندي اقتراح بسيط مادام ماباقي لك بالكليه شي انا اقترح اكمال الكليه وعدم تضييع الجهد اللي فات والبعثات مستمره اكيد.
اتمنى لك التوفيق .

اخوي Mr.sa
الله يجزاك خير على دعواتك واعضاء احد منهم مقصر انا اللي مقصر بس احاول اني افيد الشباب
ومشاء الله عليك انت من الاسماء اللي في المنتدى اللي انا حافظ اسمهم لمساهماتك المتميزه .

يعني هل راح يقبلون بنسبة 75% لاني على ماسمعت انهم يقبلون من 80% وفوق وهل اذا وافقو اقدر اسوي معادله بالساعات اللي خلصتها ؟ واما حكاية الثاث سنوات فانا تعديت الثلاث سنوات على تخرجي من الثانوي . بس هل تتوقع راح يقبلون او بس حاطينه كشرط مو مهم ؟

الف شكر لك اخوي Mr.sa

والله اخوي ما ادري بيتجوزون عن شرط ثلاث سنوات او لا لكن مودي احطمك ما اتوقع يوافقون بس جرب

لكن اذا قبلوك لاتقول لهم انك تبي تعادل او شئ اذا راسلت الجامعة تطلب l-20

كلهم عن المعادلة واذا كنت في كلية وخلصت الدبلوم فقدم على البعثه بشهاده الدبلوم افضل

لك من الثانويه واضمن في القبول من الوزارة والجامعه

طيب سمعت انهم تقدر تقدم بشهادة الكلية حتى لو ماخلصت الكلية يعني تطلع عدد ساعات اللي خلصتها وتقدم فيها ابي اتاكد من هذا الموضوع صحيح او لا

ياليت احد من اللي عنده خلفيه عن الموضوع هذا يردعلي

يعطيكم العافيه

اضم صوتي الى فكرة لاخ Mr.sa

... أخوي / to be or not ..
ألف مبروك على إتمام إجراءات البعثة .. و باقي الأهم و هو الإهتمام بالدراسة .. وتذكر انها فرصة العمر فلا تضيعها ..
... و شكرا

معليش على الغثى هذا بس لازلت ماني فاهم السالفه

طيب هل اقدر اقدم بشهادة الكليه يعني بعدد الساعات اللي خلصتها او لازم اتخرج من الكليه وبعدين اقدم عليهم ؟

ارجو المساعده يا اخوان

ابي اعرف شئ الحين هل اقدر اقدم بشهاده اخذها من الكلية مع العلم اني لسى ماتخرجت بس اقد اطلع شهاده بعدد الساعات اللي خلصتها هل راح يقبلونها الوزاره او لا؟؟؟

ادري اني تعبتكم معاي بس تحملوني شوي ولكم مني خالص الدعاء لكم

جوليانو اتمنى منك الدعاء وكلامك عين الصواب.

turki.a.z ممكن تراسل الجامعه ويعادلون لك بعدد الساعات المنجزه وتقدم للوزاره اكمال مرحله ويعطونك المدة المتبقيه بس بعد قبول الجامعه.

سراب الله يبارك فيك وقبال الجميع انشاء الله .

اخوي To Be Or Not

ً مبروك الحصول على البعثة

والحمد لله انا ايضاً حصلت عليها وعندي استفسار !

ماذا عن النماذج التي اعبيها في الطائرة , ما هي؟

والله يجزاك خير؛؛؛؛؛؛؛؛؛؛؛؛؛

mh مبروك اخوي عليك البعثه والحمد لله اللي يسر لنا امورنا ..
بالنسبه لنموذج الطياره في هناك نموذجين تعبيهم واحد معلوماتك الشخصيه والثني بمعلومات الشنطه وفي موضوع من المواضيع موجود بالمنتدى جدا مميز تكلم عن الموضوع هذا بالتفصيل .
وهذا هو الرابط http://www.travel4arab.com/vb/showthread.php?t=47031

السلام عليكم ..

اولاً احب ابارك لك اخوي To be or not على القبول .. وعقبالنا ان شاء الله ..

اخوي انا حاب استفسر عن شي ..

انا نسبتي في الثانويه 73 %

وادرس في جامعة طيبه تخصص انجليزي .. ادرس دبلوم تحت الشرط ( اني لازم اجيب 3,50 عشان اكون طالب منتظم بالجامعه ) ( طبعاً على حسابي )

وحاب استفسر منكم ..

هل اقدم بشهادة الثانويه ..؟ ولا بشهادة الدبلوم ؟

وهل استطيع ان اقدم بالشهاده الثانويه في بداية التقديم للبعثات ؟ واقدم بشهادة الدبلوم مره اخرى اذا انتهت السنه هذي ان شاء الله ؟

علماً بأن معدل الترم الاول هو 3,50 ..

افيدوني ياقوم ..

مبروك عليك البعثه
وعقبالنا انشالله

Mr.STING الله يبارك فيك وعقبال الشباب كلهم انشاء الله والله يعوض التعب.........

خلني اقولك انا اللي سمعته بالنسبه لشباب الثانويه راح يغيرون النسب في الدفعات الجديده وراح تكون الشروط اشد من اول ( حسب ماسمعته من مصادر في الوزاره ) .
بس اذا كانت على الشروط القديمه ماعندك مشكله اذا ينطبق عليك شرط العمر وعدم تجاوز الشهادة الثانويه اكثر من ثلاث سنوات (النسبه مو مشددين عليها) تقدر تقدم بالثانويه وتراسل الجامعه علشان يعادلون لك موادك اللي درستها ....
فانتظر الشروط الجديده ويارب انهم مايغيرن شي علشان كل اللي يبي شهادة يقدر يحصل عليها

اتمنى اني اكون افدك .......

واتمنى لك التوفيق

اخي العزيز.........الشنكليش
ساجيب على اسئلتك بالترتيب......





السؤال الاول / ماهي التخصصات التي تنطبق على تخصصي (( الشرعي ))



جميع التخصصات الاداريه والغير علميه تنطبق عليك (يعني فيزياء كيمياء لا)والباقي اوكي






السؤال الثاني / وشرايك آخذ موعد من السفاره الحين عشان الفيزا



افضل شيء لانوا ماراح تحصل موعد قريب فمن الان حاول تاخذ موعد ووعلى مايجي تكون اوراقك جاهزه يبيلك شهرين اقل شي.






السؤال الثالث / اذا اخذت موعد من السفاره اكيد راح يعطوني موعد عشان المقابله
تتوقع يمديني اقدم على البعثه عن طريق الموقع ويصدر لي الضمان المالي واجيب
قبول من الجامعه على ما يجي موعدي مع السفاره عشان استخراج الفيزا



موضوع الوزارة بسيط جدا واجراءاتها اسهل من اجراءات السفاره بكثير (بس انتظر ظهور الشروط الجديده )






السؤال الرابع / انا ادرس حاليا بكلية التقنيه ومن شروط البعثه انك ماتكون طالب بكليه او جامعه :
طيب هم راح يدرون اني طالب بالكليه ولا لا (( يعني )) راح يبحثون هل انا طالب ولا لا



انتبه تترك الكليه والتذاكر ماهي بيدك (لانهم مايشيكون عليك الشرط انك اذا رحت تكون متفرغ تمام لاحظ اذا رحت يعني قبلها ماعليهم منك فاذا اخذت قرار الابتعاث انشاء الله وقصيت التذاكر ممكن تفكر بترك الكليه)

اتمنى اني اكون اجبت على استفساراتك ...
اخوك

مبرررررررررروك ياخوي To Be Or Not وعقبال الاخوان

الله يعطيك العافيه وما قصرت
وهذا يدل على طيبك
الله يسلمك يالغالي
والله انك ريحتني

مبروووووووك الف مبروك عليك البعثة يا اخوي To Be Or Not وبالتوفيق يا لغالي
وعقبال كل الشباب يارب ...

ملبورن...........

sahara.......

wewe2266.........

الله يبارك فيكم جميعا وعقبال كل المنتظرين.

الشنكليش.......الله يعافيك واتمنى اكون افدتك.

Mr.STING.........هذي التخصاات المطلوبه واللي مسجله في موقع الوزارة لكن في منها تخصصات دقيقه تكون تحت تخصصات عامه غير مذكوره

طيب يااخوي ..

اللي مثل حالتي ..

يبغى يكمل تخصص الانجليزي الثلاث سنين في امريكا ..

طبعاً انا ادرس دبلوم لغه انجليزيه ..

Mr.STING......ارجو توضيح وضعك اكثر لاني مافهمت وش تقصد

اخوي انا اقصد ..

اني انا ادرس سنه في جامعه سعوديه ... اللي هي هذي السنه ..

وبمعدل هالسنه اللي تعتبر دبلوم من كلية في جامعه سعوديه .. الذي يجب ان لايقل عن 3 من 5 ..

راح اقدم فيه افضل من اني اقدم بشهادة الثانويه ..

بما ان السنه هذي في تخصص اللغه الانجليزيه .. هل استطيع ان اكمل بقية الثلاث سنوات في نفس التخصص ؟ او اني لازم اختار تخصص اخر ؟