الموضوع: محتار ؟؟اكمل دراستي بكلية التقنية ؟؟ او اتركها عشان البعثه بشهادتي الثانوية؟

:smile:

السلام عليكم .....



اسعد الله ايامكم .... :101: منتدى رائع والأروع اعضاءه الحلوين :113: ......


اخواني انا طالب في كلية التقنية المستوى الأخير تخصص برمجيات قسم الحاسب الآلي ... (علماً ان الكلية اربع مستويات وثلاث شهور تطبيق في شركة(تدريب تعاوني) وبعدها تستلم شهادتكـ

نهاية شهر 4 الجاي راح اخلص دراسة ويبقى لي تدريب تعاوني ؟؟


طبعاُ في بعثات في نهاية شهر اربعه ودي اقدم عليها ... وانشاء الله متفاول خير ... لأن نسبتي 88 % والقدرات 70 % وغير كذا السنة ذي اكمل ثلاث سنوات متخرج من الثانوية العامة


المشكلة هي اني ابي احاول اني اخذ شهادتي نهاية شهر 4 او تقرير اني خلصت دراسة ومصدق من الكلية بس اذا ما اعطوني .....



هل اترك كلية التقنية ... واروح بعثه وكذا ادرس سنة لغة .... واربع سنوات تخصص حاسب آلي ؟؟؟

او اني اكمل وامسك ارضي .... علماً اني معدلي 4,45 من 5 ؟؟؟ ويقولون ان اذا كان معك شهادة التقنية تدرس سنتين بس وسنة لغة ... يعني 3 سنوات الدراسه فرق عن الثانوية العامه سنتين لو كنت احملها

وهل كلية التقنية معتمده .....................

او اني افكر اقدم اعتذار سنة كحد اقصى واحاول اني بر


علماُ اني انا اهتم بالحاسب بشكل كبير واعتبره حياتي ..... واقرأ واحاول استفيد بقدر ما يمكن بس اللي يوقفني اللغة .... وعدم وجود بكليتنا كفاءات عالية ....


وش رايكم ....؟؟؟:108:



اخوكم ناصر

مواضيع عشوائيه ممكن تكون تعجبك اخترناها لك:

• استفسار عن الينوس كاربونديل
• حلقات طاشصادوهوالكثير والكثير
• لا تقعد ساكت ،،،،
• عندي دبلوم من البحرين وحاب اكمل في بريطانيا ارجوكم مساعدتكم
• ما هي أفضل وكالات أسفار بسوريا من حيث الجودة و الثمن
• ساعدوني ابي كورس ترجمة
• برنامج تبادل الطلاب
• لمن يعرف معلومات عن ولاية اوريجن
• الموظف ايش يسوي؟ يستقيل علشان يطلع للبعثة
• أرجو الدخول
• ممكن مساعده يا اهل الخير
• ارجو مساعدتي انا في حيره
• هل استطيع الانضمام للبعثه؟؟؟؟
• ثلاثة أسأله ؟
• تحذير من ادارة الجمارك حتى لاتكون احد ضحايا السجون الامريكيه
• يا شباب ابحث عن دراسة ماجستير
• وأخيرااا المواعيد الكترونيا في سفارة الرياض
• شفوا رد السفارة علي عن الفيزا
• أنا مصرى مقيم فى إيطاليا الآن وأستفسار عن سفرى إلى لندن ضروى فى أقرب وقت
• مطلوب عائلة في مدينة يورك قريبه من السنتر مبتعث

انا اشوف تكمل تقنية وتطلع تكمل دراستك بالخارج ...

والله محتار زيك بس ماخاب من استشار

ولا ندم من استخاار ,,

شوف حبيب قلبي فيه ناس كثير زيك وفيه حدود اربعه معانا في الجامعه كلهم نفس وضعك طلعو من الكليه وأخذو معاهم الشهادات اللي درسوها في الكليه وعادلوها الجامعه لهم طبعاً مو كلها بس اغلبها يعني مثلاً ثلاثين ساعه أخذت الجامعه 24 ساعه يعني معادله مو سهله انا أقول توكل على الله وقدم بس واذا جيت لأمريكا قدم اوراقك وخليهم يعادلون لك اللي درسته..

تـــحـــيـــاتـــي..،،،

لا تترك كليتك

أنا متخرج كلية تقنية بس تخصص دعم فني بالحاسب طبعا قدمت بشهادة التقنية على التعليم العالي ومشت الأمور بكل يسر وسهولة مع الوزارة والجامعة فحرام تضيع التقنية علشان شيء غير مظمون كمل التقنية وقدم بها على الوزارة وخذ فكرة من الان علشان تكون مستعد للبعثة

وخليهم يعطونك الترانس بالانجليزي بالكلية

ووفقك الله

هلا شباب مشكورين على مروركم ... واقترحاتكم ....
اخوي ابن السعودية .... مشكور على نصحك ؟

انا دراستي اخلصها على بدايه التقديم بس تعرف يبقى لي التطبيق في شركة (تدريب تعاوني ) .... وكذا تروح علي البعثه لو طبقت .... لكن هل اخذ منهم تقرير اني انهيت الدراسه دبلوم مصدق باللغة الإنجليزية واقدمه مع اوراقي فيه ؟؟؟

مابي اخلص التدريب التعاوني وكذا البعثه راحت علي .... وانتظر السنة الجاية ...


ياخوكــ مافيني حيل انتظر ...

والله يالغلا انا متخرج ومعي شهاده التقنيه

بس لما راسلت الجامعه يبون الثانويه مو الكليه وقبلوني بالثانويه

وانا سمعت انهم مايعادلون لك برا يعني سنتين درستها بالكثير يعادلون لك ترم او ترمين بالكثير يعني توكل على الله بالثانويه يارجال بعدين تخصص حاسب دعم فني بالكليه برا مافيه تخصص معتمد بالوزاره دعم فني فيه هندسه حاسب ياليت اخوي تفكير بالشي ومصلحتك اهم...وراح تستفيد من البعثه اكثر من الكليه هذا حنا تخرجنا وعاطلين باطلين لين تجي البعثه ونروح نكمل او ناخذ تخصص ثاني..مع اني معدلي 4.12 من الكليه التقنيه لقيت وظايف 3000 و3500 خخخخ بعد التعب توكل الله وقدم بالثانويه وانت بكيفك طبعا

وبالتوفيق انشالله

والله شئ يحير
اتمنى من من له سابق تجربة يفيد اخونا

من شاف مصيبة غيره هانت مصيبتة ...

انا الان قاعد اطبق تدريب تعاوني وبقى علي 9 اسابيع بالضبط والبعثه شهر 4 يعني راح اخلص التدريب اخر شهر 4 ومتى تخلص الوثايق ومتى اقدم واراسل الجامعات ومتى ومتى ومتى .... ؟
والله هذي مشكلة جامعتنا العربية تمشي على نظام البيروقراطية
البيروقراطية :- يعني كل شيء يمشي بشكل دقيق وبهذله مافيه دراسة للأحوال على طول يعني مافيه تحديث للقرارات والانظمة واخيراً شيء واحد لو عندك واسطة صارت البيروقراطية ديموقراطية ....

هههههههههههههههههههه

الله يعينك ...
سو اللي انا راح اسوية خذ صورة شهادتك الثانوية مختومة بطبق الأصل وقدمها للوزارة وانتظر الين يجيك القبول ويعطونك الضمان المالي وبعدها راسل الجامعات واذا جاك i20 رح قدمه للسفارة واذا اعطوك الفيزا هذيك الساعه قدم على الكلية واعمل اخلاء طرف وخذ شهادتك الاصل وقدمها للوزارة علشان يعطونك قرار ابتعاث وبعها توكل على الله وسافر لأمريكا ..
الله يوفقنا واياك ..

ترى انا مريت الوزارة وسألت وقالوا لي انتظر الين تتخرج والبعثه ماراح تفوتني لأني انا قريب واتخرج بس مثل حالتك سو اللي انا قلت لك عليه وان شاء الله تأخذ البعثه ..

المهم ( طير باليد خير من مليار على الشجره ) ...

واللي كاتبة الله لك راح يجيك ... اخوك ابن بدر النهدي - تقنية مدنية

المشاركة الأصلية كتبت بواسطة red_haert


شوف حبيب قلبي فيه ناس كثير زيك وفيه حدود اربعه معانا في الجامعه كلهم نفس وضعك طلعو من الكليه وأخذو معاهم الشهادات اللي درسوها في الكليه وعادلوها الجامعه لهم طبعاً مو كلها بس اغلبها يعني مثلاً ثلاثين ساعه أخذت الجامعه 24 ساعه يعني معادله مو سهله انا أقول توكل على الله وقدم بس واذا جيت لأمريكا قدم اوراقك وخليهم يعادلون لك اللي درسته..
تـــحـــيـــاتـــي..،،،



عزيزي، كيف تقول 30 ساعة تعادل منها 24 ساعة؟


يعني شهادة دبلوم 76 يعادل منها 60 ساعة!!!

كلام غير صحيح


شكراً

فيه جامعات تعادل كل الساخة لكن نادر

فيه جامعات تعادل من نص الوقت الى 75 %

فيه جامعات ماتاخذ منه ربعه

في جامعات ما يقبلونه

وتختلف من جامعة الى اخرى

اناانصحك تكمل لان الابتعاث انشالله مستمر على اربع سنوات واذا ماحصلته ذي السنه السنه القادمه تحصله وانت مرتاح وتكون مخلص انشالله

اخوي فيه جامعه يَقال انها تعادل ساعات كلية التقنية وهي جامعه دينفر

لا تلتفت لا يمين ولا يسار وحتى لو ما عادلوا لك الدراسة

انا توقعت يعطوني سنيتن عطوني أربع

بس شهادتك الكلية اظمنها نصيحة لك يا اخوي نصيحة

لجميع الأخوان اللي ما بقي لهم كثير في الجامعات المحلية لا تتركون دراستكم من اجل بعثة ما تدرون وش يصير لكم فيها والله يوفقكم

اخوي SaSj انا ليش كل ماحطيت رقم انت تفهمونه غلط يالغالي ياناااااااااااااااااااااااااااااااااااااااااا اااس افهموني انت ماتعرفون تقرون زين اقرا الرد زين بعدين تعال قل كلام مو صحيح لا تقعد تفتي على كيفك

انت قريت الرد حقي زين قريت الكلمه اللي كاتبها قبل العدد ثلاثين (ابكتبه لك بالعدد عشان يمكن ماتعرف بالكتابه ((30)) انا قلت {مـــثـــلاً} يعني رقم عشوائي من عندي انا حاطه كمثال


ارجو من اللي يرد يكون متأكد من رده وفاهم وش مكتوب

المشاركة الأصلية كتبت بواسطة red_haert


اخوي SaSj انا ليش كل ماحطيت رقم انت تفهمونه غلط يالغالي ياناااااااااااااااااااااااااااااااااااااااااا اااس افهموني انت ماتعرفون تقرون زين اقرا الرد زين بعدين تعال قل كلام مو صحيح لا تقعد تفتي على كيفك
انت قريت الرد حقي زين قريت الكلمه اللي كاتبها قبل العدد ثلاثين (ابكتبه لك بالعدد عشان يمكن ماتعرف بالكتابه ((30)) انا قلت {مـــثـــلاً} يعني رقم عشوائي من عندي انا حاطه كمثال
ارجو من اللي يرد يكون متأكد من رده وفاهم وش مكتوب




أعتذر أخوي ريد هارت

لكن سبب تعليقي أني أدرس في جامعة FIT ورفضوا يعادلون لي، غير كيذا السجل الاكاديمي مهوب مطابق لوصف المواد وابتلشت بهالمشكلة

أعتذر مرة آخرى وشكراً

الأخ ناصر

كيف حالك وأمورك أن شاء الله تمام ... حبيبي أسمع من مجرب ودارس هنا وخارج المملكة

دائمآ بحياتك أشتغل على المضمون يعني خلص كليتك ماشاء الله معدل ممتاز ولا بقى لك شئ

وخلص تدريبك وبعدين على ما قالولك الأخوان بتلقى الأبتعاث وغيرة ... وأهم نصيحة أقولها لك

ولبقيت الشباب لا تسمع للي يكسرون المجاديف ( مافيه وظايف مافيه رواتب ...) هاذي أرزاق

وربك مقسمها أنت أعقلها وتوكل ... والله يقول أنا عند حسن ظن عبدي بي ... وفقك الله

لا عادي اخوي مافيه مشكله بس انا واحد من اخوياي في جامعه في انيدانا في مدينة ايفانزفل معه دبلوم اتصالات ماعادلو له شهاته الدبلوم فقدم على قبول ثاني في جامعة Fit وقالوا له تعال ونعادل شهادتك الدبلوم فعلى طول بينقل الحين يعني على وشك يخلص اوراقه هو بيسافر يمكن بعد اسبوع..

فأنا ماتكلمت من فراغ انا قلت الكلام من واقع تجربه يعني ضنك ابي اوهق الرجال..


تـــحـــيـــاتـــي..،،،

المشاركة الأصلية كتبت بواسطة red_haert


لا عادي اخوي مافيه مشكله بس انا واحد من اخوياي في جامعه في انيدانا في مدينة ايفانزفل معه دبلوم اتصالات ماعادلو له شهاته الدبلوم فقدم على قبول ثاني في جامعة Fit وقالوا له تعال ونعادل شهادتك الدبلوم فعلى طول بينقل الحين يعني على وشك يخلص اوراقه هو بيسافر يمكن بعد اسبوع..
فأنا ماتكلمت من فراغ انا قلت الكلام من واقع تجربه يعني ضنك ابي اوهق الرجال..
تـــحـــيـــاتـــي..،،،




تسلم يالغالي

وأعتذر مرة آخرى على ردي

أنا الصراحة جامعة FIT ماعطوني رد على المواد الي راح يعادلونها

بس إن شاء الله خير


تحياتي

وش يكسرون مجاديف وين حنا ببحر خخخ:109:
ياخوي والله هذا حنا معدلات ووممتازين ولاوظايف ولابطيخ ومعدلي امتياز
صح الحمدالله على كل حال بس اشتغل على المضمون وهي البعثه مو تجلس سنتين عاطل باطل بعد ماتخرج
تنتظر متى تحن الوزاره عليك وتفتح الابتعاث من جديد اذا فاتك هذا
وبالتوفيق يارب

لا أعتقد أن الهدف من طرح النقاش بهل هو مجدي الإبتعاث أو الإستمرار في الدراسة المحلية


الموضوع واضح


وشكراً للجميع

المهم يا اخواني انا مخلص دبلوم حاسب الي

قدم هناك بشهاده الثانوي احسن لك