الموضوع: والله ياشباب تعبت وانا افكر محتار ياليت لو تتكرمون بأفادتي وتوجيهي نحو الطريق الصحيح

السلام عليكم ورحمة الله وبركاته

كيف حالكم ياشباب احترت ياشباب

انا طالب في احدى الجامعات السعودية وباقي لي عشان اخذ البكالوريو ثلاث سنوات ومعدلي الان 2.7

وقدمت على البعثه وجاني قبول وكل شي وسجلت في الجامعة وش رايكم ؟؟؟

اروح وابدي من جديد وتكون بدايه قويه انشاء الله لي

او اكمل هنا وخلص احسن لي ؟؟ افيدوووني ياوجيه الخير


والله ياشباب تعبت وانا افكر محتار ياليت لو تتكرمون بأفادتي وتوجيهي نحو الطريق الصحيح

ولكم مني خالص الشكر والموده

علما اني قبلت في تخصص الهندسة الكهربائيه

وانا في السعوديه ادرس هندسة كميائيه .

بنتظار ارائكم

اخوكم ابو عبدالعزيز

مواضيع عشوائيه ممكن تكون تعجبك اخترناها لك:

• خريج ثانوية يرغب بإكمال الدراسة بالخارج؟؟
• قبل ان تكتب موضوع ارجو الدخول هنا للاهمية
• وش تنصحوني يا جماعة الخير ؟؟
• بكـالوريـوس قــانون بريطانيا أرجو المساعده
• سؤال ياجماعة
• الدراسه في مدينة اوكسفورد
• أرجو المساعده الرصاصي
• السكن مع عائلة بـ تامبا الله يوفقكم ويسهل دربكم
• أبي أدرس الدكتوراه في أمريكا وعندي بعض الإستفسارات
• مسافر قريب وابي نصيحتكم مهم للكل
• لو كنت مبتعثا فأي دولة تختار امريكا استراليا كندا نيوزلندا؟ ولماذا؟
• لا استطيع الذهاب للدراسة الا بعد شهور هل يحق لي تأجيل البعثة؟
• تقرير رحلتي صيف لسوريا الحبيبة بالصور
• ارجوكم لا تبخلوا على بالاجابه
• سـؤال عن الرخصـه الـدوووليـه
• خط الاتصالات السعودية بسوريا
• احتاج مساعده عاجله
• دوام الوزارة في رمضان ؟
• مقيم في السعوديه
• من موقع الوزارهقوائم المقبولين في برنامج خادم الحرمين الشريفين الملك عبدالله للأبتعاث

حياك الله اخوي

أفضل شي تستخير الله
والطلب لغير الله مذله

اكيد الهندسة الكهربائية أقوى من الكيميائية في السعودية

إذا انت ناوي تبدى بداية قوية فليه لا ما تروح امريكا وخاصة إذا وجدت التخصص اللي تميل له

سؤال
2.7 من 4 ولا من 5

وموفق إن شاء الله

الاستخاره هي اقوى سلاح للمسلم

بس انت ترا معدلك طايح هنا اذا كانوا بيعادلون لك الساعات والا المواد رح ولاتفكر ترا فيه جامعات تعادل الساعات

رح وتوكل على الله حتى اذا رحت هناك بتجد لن ماعندك غير دراستك

وترا الواحد اذا حط بباله شئ يجيبه

موفق انشاء الله

تووووووووكل على الله وروح

وترى الشهادة من أمريكا احسن من السعووووووووووودية بكثير

روووووح امريكا وتووووووكل على الله

توكل على الله وعطنا راسك ... انا قد درست في جامعة الملك سعود تعبوني نفسيا الله لا يسامحهم

تحياتي

نصيحه اتوكل على الله ورووووووووووووووووووووووووح

رح يا رجال وتراها فرصه العمر
لاتضيعها وتندم بعدين

انا قد درست في جامعة الملك سعود تعبوني نفسيا الله لا يسامحهم

ترى ياخوي بلا هوية كل الجامعات في السعودية تجيب النفسية

ياخوي عبوودي توكل على الله وروح لامرررررررررريكا

توكل على الله وروح امريكا افضل من جميع النواحي وراحت سنه لى دراستك عادي جدا تاخذ شهادة من امريكا افضل بكثير لغه ومعرفه افضل وشهادة اقوى ويمكن اسهل من السعوديه جامعات في امريكا اسهل منها بكثير ، واخر شي لك الاختيار وحسب ظروف الشخص

فعلا منتدانا من افضل المنتديات العربيه
الامبراطور
يعيك العافيه اخوي بس اذا رفضو المعادله وش رايك
mr-sa
سلمت على ردك ياحبيبي

محمد 930
مشكور على رايك


بلاهويه
مشكور على ردك
وبعدين يالذيب انا مقلت اني في جامعة الملك سعود

ههههههههههههه لكني ادرس في جامعة الملك سعود
وفعلا اتعبوني
مشكور اخوي

شهاب مشكور
الشنكليش يعطيك العافيه
ملبورن
تسلم ياامير على مرورك

بس ياشباب ياليت لو تفيدوووني

يعني لو رحت عادي ابدي من جديد يعني راح اكون ضيعت 3 سنوات
والشي الثاني اخواااني
الدراسه في امريكا اسهل من جامعة الملك سعود
او اصعب
اتمنى المشاركه من الجميع

اخوكم ابو عبدالعزيز

[mark=FF0000]اعقلها وتوكل[/mark]

وين الاعــــــــــــــضاء الاخرين

شـــــــــــــــــــــــــــــاركونا الله يخليكم

... أخوي / عبوودي ..
أعقلها وتوكل زي ما قالوا الأخوان .. لو تعيد خمس سنوات و تبدأ من جديد .. تراها فرص العمر ..
احس ما فيك ان عندك لياقة دراسة هههه ... غيرك منقطع من اربع سنين نسى كيف يمسك القلم ... هههه
و بالتوفيق ...

طيب انت قدم على الوزاره بشهاده الثانويه حلو

وراسل الجامعه وخلهم يعادلون لك بعض المواد

add

توكل على الله وماجاك علي

السلام عليكم ..حياك الله اخوي عبوودي..
الامر ابسط مما تتوقع انشاء الله ولكن قبل ما تتخذ قرارك تذكر بعض الاشياء مثل:
اولا / ان اللي مكتوب لك تبي تحصله ،تبي تحصله ، عاجلا ام اجلا وخلك متيقن من الشي هذا لان هذا هو الايمان ،كما جاء في الحديث (لن تموت نفس حتى تستكمل رزقها واجلها ) ،اوكما قال عليه الصلاة والسلام فإذا تذكرت الحديث هذا ترتاح نفسيا ،وهذا يعطيك دفعه معنويه لتفادي القلق من المصير في حال انك سلكت اي من الطريقين (الذهاب لأمريكا او اكمال الدراسه هنا ) ، واللي مكتوب لك بيصيرلك ، لكن مو معنى هذا انك والله تقعد تتفرج وتتنح منت داري وش السالفه ، لا ،كمل اجراءاتك وطلع الفيزا وخلص اغراضك من الوزارة وذا قالو لك جب الاصل عشان تاخذ القرار ذاك الوقت تكون قدر بنيت فكرة كافية واتخذت القرارانه اما انك(تدز) لان اغراضك كاملة ، ولا انك تكمل دراستك وانت ما خسرت شي ماشي بدراستك والحمد لله ، افضل من انك تندم بعدين وما بيدك حيله ، ولا تنسى استخر وادع الله سبحانه انه يدبرك للأصلح ، ثم بعد ذللك استشر من تظن انه بيفيدك ويبيلك الخير وخاصه اصحاب التجارب والخبرة في هذا الخصوص (وانشاء الله انك بديت بهذى المنتدى ،فأخوانك هنا يبحثونللك عن كل خير ).
وبالنسبه لوجهة نظري ،انا اقول والله هذي فرصة العمر وبعض الفرص ما تتكرر ، ترجع ومعك شهادة من امريكا ( والظاهر هم ما يوزعون الشهادات بلاش ) فأنت بتكون انشاء الله مأهل لتبدع في عملك ،اما بالنسبه لدراستك بالسعوديه انك والله تروح عليك سنين على الفاضي ، فالحقيقة تقال (معدلك الان 2.7)وباقيلك على التخرج 6مستويات ،يعني تبي تتخرج بمعدل كم ؟؟؟؟؟...
انا اقول ما فيه شي مستحيل بس الواقع بعض الاحيان يفرض علينا غير اللي نبي وخاصه انك في جامعة الملك سعود ...،انا اقوللك كذا (اذا كنت ناوي تروح لأمريكا وتشد حيلك وتجد وتجتهد، وانه مايكون فيه ضرر على دينك وهذا هو الاهم ) وبالنسبه للساعات مثل ماقالو الشباب يعطيهم العافيه اطبع سجللك الاكاديمي وخذ نسخه انقليزية وروح هناك احتمال كبير يعادلوها لك... وبالتوفيييييييييق.
(يمكن تستغرب الرد الطويل هذا وليه قسينا عليك (انت ومعدلك )بس لاننا نتمنى للجميع الخير ، ويا اخوي عبوودي ترا الحال من بعضها ، انا طالب في جامعه الملك سعود وراحت علي نفس مدتك بالضبط بس معدلي احسن منك شوي ((2.8)) فرقت؟؟ وانا تخصصي هندســـة ، فما ادري يمكنك زميلي بالجامعه وانا ما ادري ؟؟؟؟؟؟؟؟؟؟)وانا مقدم على البعثة وناوي ادز انشاء الله و اخذ السجل الاكاديمي معي ان عادلولي فبها ونعمت واذا ما عادلولي فتكون كمراجعه لي (وسع صدرك )..
واتمنى الفائدة للجميع وبالتوفيييييييييييييييييييييييق لكل قارئ وكل عضو وكل مشرف في هذا المنتدى الرائع ...

أخـــــــوي والله حـــــــرام انت تعبت ثـــــــلاث ســـنـــــوات وخــــــلاص مابقى لك شيء

انا اعرف ناس جو لامريكا وماعادلو شهاداتهم

وبعدين انا هنا بامريكا وتمنيت اني ماجيت لها وانا ان شاء الله راجع السعوديه ابي اكمل بديرتي ازين لي

وتــــــــــــــرى افــــــــــضـــــــــل شـــــــــــي ءانك تـــــــســـــــخـــــــــيــــــــر وم استخار ماخاب

جــــــوليانو

سلمت على ردك المتواضع

mr-sa
مشكور اخوي انشاء الله براسل الجامعه يمكن يعادلون لي
sahara
فديتك على ردك الرائع
وبالنسبه لردك والله من افضل الردود
عشان الشخص توضح له الصوره

الصقر المغترب
مشكور اخوي على ردك ورغم انك اول شخص رايك خالف رأي الأعضاء هههههههههههه
ويعطيك العافيه

اين الأعضاء الاخرين
لاتحرمونا من ردودكم

اتمنى المـــــــــــــــــشاركه من الجميع

ايــــــــــــــــــــــــــــــــــــــــــــــــ ــــــــــن الاعــــــضاء

شـــــــــــــــــــــــــاركونا ولاتحرمونا من ارائــــــــــــــــــــــــــــــــــــــــــــــ ـــــــــكم

جـــــــــــــــــــــــــــــــــــــاري الأنــــــــــتظار

sami2000

وش تقول انت مافهمت عليك ؟؟؟

اخوي بدون تفكير

استخر رب العالمين وتوكل على الحي الذي لايموت

والله ياحبيبي مايبي لها تفكير وش جاب الجامعات الامريكية لجامعاتنا للاسف

ارجووووك لاتفوت الفرصة رح وصدقني ماراح تخسر شي انت بتعاني اول شهرين الى ثلاث شهور وصدقني بعدها امورك بتصير عال العال باذن الله
انا متخرج بكالوريوس من العلوم الادارية بالملك سعود طبعا بعد معاناة وظلم وقهر انشا الله اني على أجر
ومتحسف اني تخرجت منها وياليتني طعت ابوي ودرست بامريكا اول ماتخرجت لكن يالله مكتوب..

اختم كلامي بقصة وهي اني قابلت طالب سعودي بامريكا قبل 4 سنوات كان يقولي انه درس بالملك سعود ادارة اعمال سنة كاملة ومانجح الا في مادتين فقط !!!
وبعدها ارسله ابوه لامريكا وبنفس التخصص والحين مشا الله باقي له سنه ويخلص الماجستير وبتفوق ...
مسكين كان متخرج من الثانوية بنسبة 93% والولد شاطر وذكي بس في العلوم الادارية مافيه شي اسمه شاطر وذكي فيه ظلم واجحاف وشوفت نفس اجل يقوله دكتور ماراح اعطيك a+ لان الكمال لله !!!