الموضوع: طلب مساعدة من الخبراء جدول لشهر العسل

السلام عليكم ورحمة الله

اكتب استفساري هنا بعد ما قريت تقريبا اغلب المواضيع في قسم استفسارات فرنسا .. شكرا لكل الاعضاء والمشرفين ... خصوصا الاخ فيصل والاخت لندنية. حقيقة شفت ناس هنا تحاول تساعد بكل اللي تقدر عليه .. الله لايحرمكم الاجر يارب


مابطول عليكم .. انا بإذن الله مخطط لرحلة شهر عسل الى فرنسا شهر يونيو القادم .. استفساراتي كالآتي


1- انا شريت تذاكر غير مرتجعة للسفر من جدة الى باريس ذهاب وعودة ( الذهاب يوم 20 يونيو والعودة يوم 8 يوليو ) الحجز كان فرصة سعر التذكرتين كان 4800 ريال ولكن للأسف غير مرتجعة. خط سير الرحلة .. الله لايهينكم اقترحوا علي خط سير للرحلة يبدا وينتهي من باريس .. ميزانية الرحلة 40000 بجميع الاحتياطات والهدف اني ما اصرف اكثر من 30 الف وش رايكم ؟


انا رسمت لنا خط رحلة .. بس ماعرفت اكمله .. بما ان الوصول يوم الخميس الصبح .. قلت نجلس في باريس الين يوم الجمعه العصر ونطلع على ديزني لاند .. هذي رغبة المدام الا انا ماني مقتنع بديزني اول يومين بس الشكوى على الله .. كملوا لي خط السير هذا ولا اقترحو غيره


مدة الرحلة 17 ليلة .. احسها كثيرة جدا على باريس وماحولها .. وش رايكم في 6 ليالي او اكثر في سويسرا؟ خصوصا اني قريت عن انترلاكن والطبيعه هناك


بالنسبة للفنادق ... انا قريت مشاركات للأخت المشرفة لندنيه تنصح بالفنادق حول ايفل تاور .. وانا كنت ارغب في الفنادق اللي حول الشانز .. اول الأيام بتكون في فندق5 نجوم وقريب من كل شي .. خصوصا ان ماراح نستاجر سيارة ..


وش رايكم في الريف الفرنسي ؟ هل اكتفي بالريف الفرنسي عن سويسرا ؟ انا ابي اقضي ايام كثيرة في الريف والمدن الهاديه .. الهدف الوحيد من سويسرا هو ريف انترلاكن .. وش رايكم ؟


فكرة التنقل بين 3 او 4 دول حلوه .. بس عندي مشكله في شيل العفش والشناط .. احنا 2 وش بنشيل وش بنخلي


انتظر اقتراحاتكم لخط سير الرحلة .. شكرا لكل من يرغب في المساعدة .. انا سفرتي كلها بتعتمد على اقتراحاتكم هنا .. وبإذن الله اوعدكم بتقرير عن الرحلة اذا الله يسرها

مواضيع عشوائيه ممكن تكون تعجبك اخترناها لك:

• ضريبة عمر السائق عند استئجار سيارة استفسار لاهنتوا
• ارجو المساعدة الطريق الى دزني لاند
• ترتيب رحلتي ارجو المساعدة
• مدينة ديجون ؟؟ هل يصلح مدينة للتوقف فيها بين زيوريخ وباريس
• جو باريس وديزني لاند بنهايه شهر يونيو
• خطة الرحله
• تقرير رحلتي المممتعه الىفرنساآنسي جنيف انترلاكن تفضلو وشاركونا
• موسوعتي الخاصه للندن
• استفسار عن طريقه التنقل في باريس
• عااجل ارجوكم ساعدوني سفري الاحد مارس ولم اخطط بعد للرحله ارجوكم عاجل جداااا
• أرجوكم اتمنى المساعدة منكم و خالص الشكر لمجهوداتكم الجبارة
• تكآليف ومعلومآت ي حلوين
• بخصوص رفض الفيزا جزاكم الله خيرا
• يومين في فرنسا أسوأ يومين بحياتي
• عاجل ارجو المساعده انا في باريس حاليا
• فنادق نجمة أو نجمتين بالقرب من الشانزيليزيه
• بين لندن وباريس ارجو المساعدة والاقتراح
• الى باريس
• نيس باريس وقبلهم برشلونه تقرير مصور
• شنغن فرنسا بالكويت ؟ وهل يشترط أن تكون فرنسا أول دولة؟

وعليكم السلام ورحمه الله وبركاته

تقدر تاخذ شنطه وشنطه تخليها بالفندق اللي في باري سبترجع له
نصيحتي خلي باريس وديزني بالاخير لان ديزني عن باريس مسافه اقل من ساعه ذهاب
من المطار روح علي انسي بالقطار واسكن فيها اواستخدم هناك الباصات مع اني افضل السياره لك اريح لك صحيح بتكلف عليك لكن اريح باريس خل لها اسبوع الباقي بين الريف وسويسرا (انترلاكن)

هلا فيك اخوي .. والف مبروك والله يتمم لك ع خير ..
انا اقول اسبوع بباريس بعدها جنيف ومن جنيف بنفس اليوم روح لبحيره انسي بعدها من جنيف بالسياره لانترلكن او القطار لو مالك بالسياره في اوربا
انترلكن 5 ايام فيها او اربع ايام صراحه كافيه فيها نشاطات صيفيه ممتعه وممكن تستاجر كوخ
انترلكن متعه لاتوصف من قمم وزحليقه وثلوج بالصيف بالقمم والبحيرات والشلالات انصحك فيها وبقوه

بالنسبه للفندق كل واحد وذوقه انا ليش احب ايفل لان الفنادق ع النهر وتطل ع البرج يروق لي هالجو
الشانز انا جربت الاقامه في فندق فيه الفندق يا يكون ع شارع او بين شارعين
وانت حررر لكن كعريس الافضل لك فندق قريب من ايفل
مصره اقنعك ههههههههههه
ممكن تقسمها فندق عند ايفل وفندق عند الشانز اذا حاب

يعني من القاعه علي المطار مو قادر تكملها بعد
نيس غير انسي نيس بالصيف حر

المشاركة الأصلية كتبت بواسطة لندنيه 2011
http://www.arabtravelersforum.com/tr...0/#post7610640

هلا فيك اخوي .. والف مبروك والله يتمم لك ع خير ..
انا اقول اسبوع بباريس بعدها جنيف ومن جنيف بنفس اليوم روح لبحيره انسي بعدها من جنيف بالسياره لانترلكن او القطار لو مالك بالسياره في اوربا
انترلكن 5 ايام فيها او اربع ايام صراحه كافيه فيها نشاطات صيفيه ممتعه وممكن تستاجر كوخ
انترلكن متعه لاتوصف من قمم وزحليقه وثلوج بالصيف بالقمم والبحيرات والشلالات انصحك فيها وبقوه



الله يبارك فيك ..
ممتاز .. اسبوع باريس الاول بخليه بين باريس وديزني .. بعدها جنيف وانترلاكن .. بعدين نرجع لباريس


وش رايك في بولمار؟ انا حجزت فيه اول 3 ليالي التعليقات تشجع .. الحجز قابل للإلغاء .. زين ولا اغيره؟
اذا سمحتي او سمح الاخ فيصل ... اقترحوا علي فندق في باريس بعد ما نرجع من انترلاكن .. فندق سعر الليله فيه بين 700 و 1000 بس يهمني قربه من الاسواق وكذا .. اخر يومين بتكون تسوق ان شاء الله


استفسارات سويسرا .. في منتدى استفسارات سويسرا ... لا اوصيك طلي علينا هناك


شكرا للمساعدة لندنيه ..

الف شكر يا اخ فيصل .. ماقصدت اقلل من رأيك انا .. بالعكس اي نصيحه منك على العين والراس ..

اذا في بالك فندق معين في ديزني .. الله لايهينك
اذا ممكن بعد ابيك تنصح اخوك بأماكن يبدا فيها باريس .. او جدول حق اول يومين في باريس .. مزارات ومطاعم وكذا


يسعدك ربي ع الردود .. ماتقصر

هلا اخوي
اول يومين وانت اول يوم تنزل لباريس وماسبق لك زيارتها
هو الباص السياحي
لاتاخذ جولة عامة على معالم باريس

ما قصدي تقلل والله انا مع تنوع الاراء حتي تستطيع تأخذ ما يعجبك منها
زين يا عريس خل اول يومين في سفن او سكيرت فنادق حقات عرسان
والعوده انا اشوف تسكن بالمتوسط حول اللوفر والشانز والاوابر

المشاركة الأصلية كتبت بواسطة Ahmed Matar
http://www.arabtravelersforum.com/tr...0/#post7611560

الله يبارك فيك ..
ممتاز .. اسبوع باريس الاول بخليه بين باريس وديزني .. بعدها جنيف وانترلاكن .. بعدين نرجع لباريس


وش رايك في بولمار؟ انا حجزت فيه اول 3 ليالي التعليقات تشجع .. الحجز قابل للإلغاء .. زين ولا اغيره؟
اذا سمحتي او سمح الاخ فيصل ... اقترحوا علي فندق في باريس بعد ما نرجع من انترلاكن .. فندق سعر الليله فيه بين 700 و 1000 بس يهمني قربه من الاسواق وكذا .. اخر يومين بتكون تسوق ان شاء الله


استفسارات سويسرا .. في منتدى استفسارات سويسرا ... لا اوصيك طلي علينا هناك


شكرا للمساعدة لندنيه ..



العفو اخوي وابشر بعزك
بس ليش ماتخلي الرجعه من جنيف ؟؟؟؟

الفندق عطني رابطه وبشوفه لك ...

شكرا اخ فيصل وشكرا اخ ابو طلال وشكرا اختي لندنيه

انا حجزت ودفعت تذكره غير مسترجعه من جده لباريس ومن باريس لجده .. كان عرض طيب 5000 لشخصين

عشان كذا انا مضطر لجدول رحله تكون باريس هي نقطة البداية والنهاية .. ومدة الرحلة كامله 18 يوم تبدأ 20 يونيو وتنتهي 8 يوليو

مبدئيا انا سويت لي جدول .. وابي استشيركم فيه ..

الوصول لباريس الساعه 6 صباحا .. هذي مشكله مافيه فندق بيدخلني هالوقت .. رأيكم استاجر الفندق من ليلة السفر ؟ او فيه خدمة تسجيل دخول مبكر في جميع الفنادق؟
اول ليلتين في باريس بتكون في هالفندق

Pullman Paris Tour Eiffel وش رايكم فيه ؟ يستاهل مبلغ الفين ريال لليله؟

بعد ليلتين في باريس .. التوجه الى مونتِفرا بواسطة السب وي والسكن ثلاث ليالي في فندق ( وش رايكم استاجر سياره هنا ولا الباصات تخدم من والى ديزني لاند )

park & Suites Prestige Val d'Europe

بعد مونتيفرا التوجه الى انسي ( ما اعرف الوسيله المناسبه .. طياره او قطار ؟ ) والسكن في فندق Allobroges Hotel لمدة 3 ليالي

بعد انسي التوجه الى جنيف ( ما اعرف الوسيله المناسبه .. طياره او قطار ؟ ) ثم انترلاكن ثم العودة الى باريس

العودة الى باريس بتكون ميزانيتها متوسطة .. واغلبها تسوق وزياراات .. اغلب الوقت خارج الفندق .. ابي فندق متوسط السعر ومكانه مناسب قريب من الاسواق ومحطات القطار .. وش رايكم في اللاي ديفانس .؟

اشيرو علي في مدة البقاء في سويسرا .. وباريس تسوق وتمشيات كم يكفيها يوم

شكرا لكم مررررة اخرى وربي لا يحرمكم الاجر

الفندق
http://www.novotel.com/gb/hotel-3546...el/index.shtml
جدول سياحي :
http://www.arabtravelersforum.com/travel694189-5/
اذا ودك تسكن قريب الاسواق خذ في الاوبرا

الفندق ما بستاهل الفين بالليله
فيه اعضاء دخلو وفيه ناس تستمتع تنزل اغراضها بالفندق وتشوف الباص اول يوم او تفطر في الشانز وتتمشي
بديزني ما يحتاج سياره
بعد ديزني قطار
بعد انسي فيه شركات باصات اعتقد افضلك او اذا لقيت من انسي مباشر الي جنيف قطار روح فيها
انترلاكن اشوف 4-5 جدا رائعه والبعض يمكت اكثر

هذا فندق قريب من الاسواق في الاوبرا
http://www.booking.com/hotel/fr/conc...ml?aid=1329869

كلها قريبه من بعض يعني من يدفون تطلع لها

سيبرغ عطني الاسبلينق ووينها فيه بالضبط
شاموني اعتقد يوم يكفيها العمده ابوعزيز له موسوعه بالمدن ذي اتمني تقرأها وتسأله ايضا بقسم الاستفسارات السويسريه ان احببت

هالاماكن قريبه من جنيف تقدر تروح وتجي بنفس اليوم
و3 ايام في انسي واجد

شكرا على الردود اخوي فيصل واختي لندنيه ... وجزاكم الله خير ساعدتوني كثير


اخوي فيصل انا اخذت المنطقه من اسم الفندق Hotel Seeburg .. بس الظاهر ان اسم الفندق ماله دخل في اسم المكان لان المكان اسمه Ringgenberg


الحين ابيكم تنصحوني في المواصلات .. اخوي فيصل اجابتك اللي فوق عن المواصلات غير كافيه معليش ابيك تفصل لي اكثر.. انا ابي استخدم السياره في كل مكان الا باريس .. شوف الخطه هذي وعطني المواصلات بين كل مدينه


1 من باريس الى ديزني
2 من ديزني الى انسي
3 من انسي الى لوزان
4 من لوزان الى انترلاكن
5 من انترلاكن الى باريس


انا ودي استاجر سياره في انسي واكمل الرحله الى انترلاكن بس ما ادري اذا اقدر اسلمها هناك او لا .. لان الرجوع لباريس بيكون بالطيارره


بعد الاستخاره انا قررت على الجدول الاتي .. باريس ليلتين .. ديزني ليلتين .. انسي 3 ليالي .. لوزان ليله .. انترلاكن 5 ليالي .. باريس مره اخرى 5 ليالي


محتاج خبراتكم .. اذا تشوفون ان الايام قليله او كثيره في بعض الاماكن .. اذا بضيف مدن جديده .. انا للحين مادفعت حجوزات الفنادق كلهم الغاء مجاني

1 من باريس الى ديزني قطار
2 من ديزني الى انسي قطار او سياره
3 من انسي الى لوزان سياره
4 من لوزان الى انترلاكن سياره
5 من انترلاكن الى باريس سياره او قطار

بما انك راجع مره ثانيه الي باريس انا اشوف تلغيها من البدايه وتروح لديزني 3 ايام ويوم تزيده في لوزان بس أسال في سويسرا افضل لك

المشاركة الأصلية كتبت بواسطة فــيـصـل
http://www.arabtravelersforum.com/tr...6/#post7633666

1 من باريس الى ديزني قطار
2 من ديزني الى انسي قطار او سياره
3 من انسي الى لوزان سياره
4 من لوزان الى انترلاكن سياره
5 من انترلاكن الى باريس سياره او قطار

بما انك راجع مره ثانيه الي باريس انا اشوف تلغيها من البدايه وتروح لديزني 3 ايام ويوم تزيده في لوزان بس أسال في سويسرا افضل لك





مع فيصل اوافقه الرأي 👍