الموضوع: ياشـــبـــاب هــــل هــــذا الــخــبـــر صــحـيـــح فيه مبتعثين انشاتوللــســعـــوديـ

الــــــــــســـــــلام عــــلــــيــكـــم ورحـــمــــة الله وبركاته
ياشباب انا سمعت ومو بس سمعت الا تأكدت من الملحقية قلت لا الخبر مو صحيح:114: يااخي مو معقوله
يتركون البعثة اللي جات زي الحلاوه:surf كل من جاء قدم اوراقه قالوله حياك الله حتى ولو هم شايفين
الدجه في عيونه وعارفين انه رايح سياحه الاخ عطوه تذاكر وقالو بالتوفيق. الظاهر انا رحت بعيد
خلونا نرجع لمحور الحديث المهم اتصلت على الملحقيه قلت مساكم الله بالخير قالو هلا قلت ياحبيبي
وش اللي صاير مع المكافئاه تراني طفران مانزلت واليوم 27 :112: قالو خلاص ابشر المكافئاه راح
تنزلك اليوم ان شاء الله:101: . صراحه ماقصر وانا ذاك اليوم الله سترها معي كنت طفران:36_1_25: لو مانزلت اليوم
الثاني امداني رحت فيها كنت ابي اشحذ :109: . بس الحمدلله المهم قلتله جزاك الله خير طيب والمعهد تراهم يقولون نبي نوقفك عن الدراسه قالي سلامات ليش ؟ :114:
قلتله البركه فيكم ماشاء الله عليكم ساحبين على الجامعه لكم سمسترين ماعطيتوهم حسابهم ولا رديتوا
عليهم المهم قالي ابشر بنسددهم اليوم قلت ترى بيوقفوني عن الدراسه بسبتكم ترسلون العالم بعثات
وفي الاخير لاتدفعون وتأخرون المكافئات:112: الشكوى لله . المهم في الاخير قبل لااسكر قلتله سؤال اخير
عاد هو شكله قال وش هاللزقه امتحنا يحسب مافي الا هو مبتعث فاضين له:109: . قالي تفضل قلت له
اخوي سمعت عن ناس رجعوا للسعوديه صحيح قالي عد واغلط قلت لاتعوذ من ابليس قلت لاحول ولاقوة
الا بالله قال الله يهديهم كل شهر العدد يزيد كل شهر نسمع ان واحد له شهر ماحضر المعهد ويوم نبحث
عنه والا نحصل الرجال قد انحاش للسعوديه:surf ومبسوط بعد الاخ هناك الله يبسطه ان شاء الله
المهم قال انتبه لعمرك لاتصير :36_1_30: رقم 701 قلت :36_1_7: لا ان شاء الله وهذا العدد كان قبل شهر والله اعلم الحين:114:
كم فاالله يعين ياشباب لازم الواحد قبل لايجي لايستهون بالامور لازم الجديه:11ight: :11ight: :11ight: ولازم يعرف ان شي هنا
اسمه غربه وبعد عن الوطن والاهل وغيره انه لازم يتكلم انجليزي مو يسكر على عمره بغرفه ويبي
يتعلم ولازم يحضر مو الاخ يعطيها نوم :thumb_ico والله يوفق الجميع الى مايحبه ويرضاه .
وترى ياشباب لاتحقدون على اللي رجعو ترى ماينلامون من اللي شفته هنا .:108:
:smile001:

مواضيع عشوائيه ممكن تكون تعجبك اخترناها لك:

• فيلادلفياسياتلواشنطن دي سي
• بخصوص الدراسة في امريكا والتأشيرة ؟
• ادفع الـــ ديه اخر كلمة قالتهالي الموظفة ف السفارة
• أرجوكم يالربع أرغب في قبول للغة بأمريكا
• استفسار مهم وضروري أرجو الإجابة عليه
• لغة امريكا او لغة كندا
• انا وزوجي
• مطلوب مكاتب في الرياض تساعد في جلب قبول للماجستير
• فنادق حلوه باسعار رخيصه بامريكا والعالم
• ارجو الاجابه على هذا السؤال يا اخوان
• مساعدة عاااااجله من الكل وخصوصا بنت الصقور
• تكفون شباب ابي مساعدة عاجله
• الى كل من تاجلت بعثته ويرغب في اختصار الوقتمهم
• تحويل من فيزا سياحة الي فيزا دراسية؟؟
• اخوكم محتاج مساعده
• الأخ ملبورن خاص ومن عنده خبرة تكفون قرار مصيري
• طلاب وطالبات الدرسات العليا تم أرسال رسائل لتحديد تدقيق الوثايق
• ايش رايكم ؟
• أحسن جامعات بـ لوس انجلوس
• عندي دبلوم اتصالات ابغى جامعة تعادل شهادتي

الاخ / الصقر المغترب

السلام عليكم ...

والله كلامك صحيح بخصوص الغربة ...

بس تراها فترة بسيطة يمكن اول 3 شهور ( تختلف من شخص لاخر ) .

بعد هالفترة تتعود على الديرة والاجواء وتسلك ( بس برضو عندك حنين للوطن ).

ومشكلة بعض الطلاب الله يهديهم البعثة ماهمته جته بالساهل ولا دفع فيها شي وراح يجرب لا اقل ولا اكثر ... علشان كذا صار اللي صار معهم , مايدري ان فيه بعض الناس يتمنونها ولا حصلت لهم ...

هذا ما عندي ...

ولك التحية ...

الوشيقري

والله يخوى اللى مو كفوا للبعثه يستاهل اللى يجيه ... اللى بيروح هناك يشوه صورة الوطن ومو حق دراسه المفروض انه ينطرد من البعثه ولا كرامه .... ويخلي البعثه للطلاب الى فعلا يستاهلونها
وذا ناوى على قولتكم يروح يدشر يروح على حسابه الله لايهينه

مشكوووووووووورين على المرور بس هل هذا صحيح كل هذا العدد الكبير والله السالفه يبيلها نقاش

لكي اخواننا الجدد يعرفون ماينصدمون لما يجو يعني عظة وعبره .

وين الشباب الاخوان اللي يقرون الموضوع من خلف الكواليس ورى ماتشاركونا الرأي

هذا اللي ما يقدر النعمة

والله شباب كثير كفو انا عارفهم ودهم يطلعون للبعثة بس ما قدروا بسبب تخصصاتهم الجامعية

بس وين يروح من الدولة بيدفع حق الكلفة وهو ما يشوف الطريق ولا يحجرون على الشهايد في الوزارة

والله الموضوع جدا خطير صراحه ناس من هنا متحمسه تروح وتقول لا يارجال بالعكس بتستانس هناك وتنبسط وكل شئ لكن العكس هو الصحيح تماما انك راح تلقى غربه فظيعه واللي مايقدر يتحملها راح يضيع ويرجع يعني كأنك يابو زيد ماغزيت

واللي رايح بخصوص انه بيشوف وضعه وهو مبيت النيه انه مع الخيل ياشقراء فاقوله يقعد هنا احسن له عند اهله ...

واللي شاد حيله ومن جد حاط في راسه يرجع بشهاده فاقوله رح والله يوفقك ولا عليك من احد الا راستك

وبالتوفيق للجميع

السلام عليكم
الي ما يعرف للصقر يشويه
يا جماعه بعض الناس مع الخيل ياشقراء , شاف الناس تبي تروح للدراسة وشاف البعثات قال انا معهم وتلقاه مهب راعي دراسة او مهب قد المسؤولية. المشكلة انهم يشوهون صورة البلد ويشوهون على الفئة الجادة والحريصة على العلم والشهادة.
الي رجع يستاهل ماجاه , والمثل يقول : اذا ما صرت قد المسؤولية , ياخي لا تروح لامريكا

مثل القرن الواحد والعشرينوالمثل يقول : اذا ما صرت قد المسؤولية , ياخي لا تروح لامريكا

:109: :109: :109: :109: :109: :109:

سامي....الصراحه ابدعت في نقلك لهالمثل ههههههههههههههههههههههههههههههههههههههه


والله من جد يا شباب مشكله هالمبزره اللي يروحون كذا ...على قولة واحد يقول.....اجازة طويلة الأجل مدفوعة التكاليف من قبل الحكومه السعوديه

يلعن ام القهر بس
ناس ماتقدر

يلعن ام القهر وربي

وربي كنت مسافر ولا ادري عن شي اسمه بعثاات يوم رجعت قالو ا لي انصدمت ويوم قدمت مافي امل

متاخر ابو الشباب كان مافي الا دكتوراء وماجستير بس

رحت للوزاره يا ناااس شفت اشكال الله لا يوريكم طالعه من مكتب الخطوط بالصاله

وربي الثوب ما شاف النظافه والطاقيه عشرين متر فوق يتكلم عربي ماتفهمه بالله قولو لي هالمنظر شلون يبي يدرس وينجح ويفلح هنااااك هذا عطه كامري قوله رح فحط المسكين على باله هناك في شارع تفحيط :109:

والله قهرررر قالوا مافي امل السنه هذي انشالله السنه الجايه

وربي حتى بكي بكيت وهذوول يروحون يلعبون وبكل بساطه يرجعووون

المشكله لمن يرجع مايعترف بالغلط يحط العيب بالجامعه ولا المدينه الي هو فيها

الله السمتعااان بس انشالله السنه هذي ما ياخذها الا راعيها قولو امين

اتمنى عدم الحكم على الأشخاص من خلال العمر او الشكل ! هناك اشخاص معدمين ( ماليا ) سافروا للخارج ورجعوا بأعلى الشهادات ، وهناك ابناء عوائل ذهبوا ورجعوا ومعهم شناط السفر !! خلاصة القول ان اللي ربي كاتبه للشخص راح ياخذه ، والشكل او العمر او الأصل ليس معيار للأختيار او النجاح .

لا حول ولا قوه الا بالله ..

.. ما يقدرون النعمه الي هم فيها والله .. تخيلو كم تدفع الدوله مصاريف الجامعه .. لمده سنه .. واضربوها بخمس او ست سنين دراسه للبكلريوس مثلا . غير الماستر والدكتوراه .. كم حيطلع المبلغ ؟؟ والله خيالي .. ما اتوقع ينقص عن مليون ..

رسوم الدراسه لا تقل عن 60 الف ريال في اردى جامعه .. وفوق 100 الف ريال باطلق جامعه .. هذا سنويا ..
غير الرواتب والمكافأت والبدلات والتذاكر والعلاج ... والي جايب اهله .. وبزارينه درزن معه . ومصاريفهم بعد .احسبوها واضربوو الناتج بخمس او ست سنوات .. شوفو كم حيطلع المبلغ .. مبلغ خيالي ..

خلو المبالغ هذي على جنب ...ماراح نفكر فيها .. بس حبيت اذكرها .. ولو اني عارف انكم ناس فاهمين وعاقلين ..وتقدرون هالشي ..

علينا من هالحبايب الي ما يقدرون تعب الدوله.. ولا يقدرون النعمه الي الله رازقهم فيها .. الشباب الي غيرهم يتمنوون يحصلون ولو ربع بعثه ..مو بقادرين. انا واحد منهم
لي سنه وانا احاول فيهم .. كل اسبوع على باب الوزاره .. انواع البرقيات . .. مافيه امل ..

والسبب ان شهادتي مضى عليها اربع سنوات .. ومن شروطهم ثلاث سنوات .. طيب صارت لي ضروف اول سنه بعد التخرج ولا قدرت اسجل .. والسنه الثانيه حاولت اقدم على الجامعات ورفضت : والسبب انهم يبون خرجين السنه .. قالو خلك احتياااط .. عاد انتو شوفو كم الخرجين .. وكم الاحتياط .. هل فيه امل ؟؟ مستحيل ...وعلى هالحاله للحين..

لا احد يقول ليش ما درست انتساب ..المسئله صارت نفسيه .. وانقهرت وتعقدت .. شاب بعز الشباب ..بمعدل تراكمي قوي .. اخترها يروح منتسب .!!!! فعلا نفسيتي دمار ياشباب .. لا وحاصل على نسبه 96 %

الي يقهرني .. ان فيه شباب طلعو بعثات وهم لهم اكثر من ثلاث سنوات من تخرجوو .. ونسبتهم اقل من السبعين ..
السبعين ياعالم .. والانجليزي دجه رايحين قبول مشروط .. وقدام عيني طالعين .... وانا العكس .. حاصل على التوفل .. وجايب كذا قبول من كذا جامعه .. قبول فوري .. مومشروط ..وماااااااااااااااااااااااافي امل

طيب الله يوفقهم مو بحسد بس .. على الاقل يقدرو النعمه ..ويشدو حيلهم .. ويبرزو انفسهم ..
والله يا شباب ..

فيه شاب اثق فيه كثير .. كان يسولف لي يقول :

قال دخلت مره مقهى انترنت .. وانا جالس الا واسمع اصوات شباب يضحكون ..ويزعقون بالمقهى ..
الي يقول انا بروووووح مانسوتا .. والي يقول انا بروح اوريغن..والي يقول انا برووح سياحه .. كلها شهرين وراجع .. والي يقول شباب خلونا نسجل بجامعه وحده عشان نفلها سوى .. ..

شي غريب .. انا بنفسي واجهت موضوع مثل هذا باحدى مكاتب القبول ..

طيب ليش .؟؟ حرام عليكم.. والله والله والله ماراح تحسو بالنعمه هذي الا اذا فقدتوها .. ماراح تحسوو بالغلط هذا الي تسونه الا بعد ما تذوقو مرارته ...ماراح تعرفوو انكم غلطانين الا بعد خمس او ست سنوات .

لمن تشوف زميلك معاك بالدراسه .. حاصل على الهندسه وانت جالس تحوس .. وتعض اصابعك ندم .. وتقول ياليتني وياليتني ...

الله يهديكم ... هذا الكلام اعتبره خطاب طالع من قلب اخ عزيز لكم ..
لا يريد لكم الا الخير .. لكل الشباب الي يقرون.. الموضوع . سواء كنت مبتعث .. او على ابواب الابتعاث ...

اما بالنسبه لي : فاخذت عهد على نفسي .. ما اتزوج حتى اخذ الشهاده الجامعيه طال الزمن او قصر ...
سواء على حسابي او على حساب الدوله .. وماراح ايأس ..ولا راح امل .. وباحاول يا تخيب يا تصيب .. يا بالنور او بالتنور .. وباشوف نهايتها ..

دعواتكم ..

السلام عليكم

:114: البصراحة يا اخوان الموضوع هذا موضوع مهم ولازم نحاول نلاقي ونقترح على التعليم العالي وطبعا انت اكيد راح تفيد ناس يتمنون البعثة :114:

:105: انا اقول ان المفروض على التعليم العالي انهم يفرضون تعهد على المبتعث انه اذا راح هناك وما يحضر الجامعه ولا يقدم اهتمام او يطلب العوده الى الوطن دون سبب مقنع يجب عليه دفع كامل المبلغ اللي قامت التعليم العالي بدفعه لليستفيد غيره:105:

:110: هذا الحل واللي عنده القتراح يقول نفعل خير في الطلاب المساكين اللي ناوين يطلعون في الاخير :110:
وتحياتي لكم

المشاركة الأصلية كتبت بواسطة بوينج


اتمنى عدم الحكم على الأشخاص من خلال العمر او الشكل ! هناك اشخاص معدمين ( ماليا ) سافروا للخارج ورجعوا بأعلى الشهادات ، وهناك ابناء عوائل ذهبوا ورجعوا ومعهم شناط السفر !! خلاصة القول ان اللي ربي كاتبه للشخص راح ياخذه ، والشكل او العمر او الأصل ليس معيار للأختيار او النجاح .




اخوي احب اقولك السالفه مو مسالة شكل

بس حنا عايشين وشايفين وعاارفين يعني الاشكال هذي ماره علينا وعارفين ايش هي


انا ما تكلم عن الشكل الانساااني انا اتكلم عن المظهرررر كل واحد وعارف مظهره والنوع هذا من الناااس اظن انه معروووف عندنا وما يحتااج نفكر ونقول ويبين من الكلاااام والاسلوووب

وما تكلمت انا كذا عبط الا لاني متاكد وواثق

وعارفين انه الشكل والحاجات الثانيه مو مقيااااس

أقولكم على شيء وانا طالبة بجامعة امريكية مع اهلي..... عندنا شباب سعوديين خلوني اخجل من نفسي... سكارى... يدفعون الراتب على البنات.... واشكالهم تقرف... طبعا مو الكل بس الغالبيه يعني تصورو من 70 طالب 15 العاقلين بسسسسسسسسسسسسسسس.... شيء يحز بالنفسسس.... والله ما ابالغ اني كنت اتمنى يجينا سعوديين والحين ادعي انهم يرجعون.....!!! ياجماعه افهمونا ورجعوا ذولي بلدهم.....!!

الله المستعااااااااااان


حكومه تصرف عليه اموال كثيره وهو يصرف على بنات

مشكله هالخرفان خرفان فبلدهم وبررره :109:

والله الواحد لازم ينتبه على نفسه الواحد صار حتى يخاف يصادق واحد فيهم هنااك


الله يعين بس

من جد في ناس ما يقدروا النعمة الي هم فيها ...
بس ما اعرف هل الملحقية عندها نظام عشان تتأكد من التزام الطلاب في الدراسة ؟؟ او كل واحد يلعب على كيفه والملحقية تدفع له فلوس الجامعة بغض النظر عن معدله او نجاحه ؟؟

والله اذا الحال زي مانشووووف

ماعتقد انه في نظاااام لانه نسبة كبيره من الطلاااااب جالسين يلعبووون

لو في نظام معقوله يصير كل هذا ترى مافي حل الا انه الحكومه تشرط انه الطالب في حالة عدم التزامه يجبر انه يرجع جميع الاموال الي انفقت عليه الحكومه وهذا من صالح الطالب نفسه وليس من باب البخل

وصدقوني انه الشرط هذا يجيب نتيجه لانه الفلوس الي تدفعها الحكومه ماهي بسيطه

ولو الحكومه بتشدد على الطلاااب وترفع النسب وتغير الشروط وتصعبها ماعتقد انه مناسب لانه في ناس يستاهلون البعثات وعندهم طمووح وراح ينحرمون من البعثه على شان ناس ماخافوا ربهم وراحوا يلعبون ويسرفون بالاموال من غير فائده

الله يصلحهم يارب ويكتب لنا بمافيه الخير ويوفقنا اجمعين

^
^
^ معانق الدموع المفرضون مايذددون على نسبة بعكس في طلاب مخذينها بغش واستهتار ومدارس اهليه
وبعضهم طموح وفي حكوميه ولا جانب نسبة عاليه

مفترض يكون فيه اختبار او دوره يقيمونها لمده اسبوع او حتى مقابله من مختصين

وكذالك دفع مبلغ 5 الاف على الاقل (تامين) ولو بعد الي يروح بعضات ويفشل لايقبل في

كليات والجامعات القويه السعوديه