الموضوع: البعـــــثـــــات مساحه للحوار

المبتعثين الشيبان أمثالي :110: يستغربون أشد الاستغراب من فتح مجال البعثات وتخصيصها لأمريكا بهذا الشكل و بهذا الكم، ولذلك، الا أنني ارغب مشاركتم بالحوار حول هذا الأمر وحصر الحوار بالنقاط التاليه:

1. الأقبال الكبير من فتياتنا للأبتعاث ( رغم وجود حجة المحرم التي تنتهي بمجرد الوصول الى أرض امريكا.
2. التساهل المفرط في فرز وقبول طلبات الابتعاث، فابو 65% يبتعث وكذلك ابو 95%.
3. هل فعلآً لدينا حاجه للتخصصات المعلنه.
4. كيف سيتم ابتعاث هذا الكم وظيفياً عند العوده.
5. هل ستكون الملحقيه السعوديه فعلاً قادره على التحكم و متابعة الكم الكبير من المبتعثين أم أن مآسي بعثات السبعينات ستعود.

مواضيع عشوائيه ممكن تكون تعجبك اخترناها لك:

• علم اسرائيل موجود في كل حاسب ؟؟
• لالليأس لمن لم يت رفض طلبه للبعثه
• وش مصير الي مقدم اوراقه قبل اكثر من شهر وينتظر قرار الابتعاث الى الان
• اتمنى من أي احد يساعدني
• نداء عاجل للأخ ملبوووورن
• فيزا الطالب
• إستفسار بخصوص الأبليكيشن الخاص بالسفر لدراسة كورس لغة إنجليزية فى الممكلة المتحدة
• متى تبدا الدراسه في الجامعات وكم مدة اللغه
• سؤال يا اخوااان ابي اجابه قبل لايبدا التسجيل
• ارجو النظر في الموضوع للاهميهمرافق
• كيف احصل على فيزا لمواصلة الدراسة با مريكا
• ممكن تساعدون اختكم في البحث عن معهد بالشرقية لتدريس التوفل؟؟؟؟
• السكن مع العائلة ما له وما عليه
• استفسار بخصوص الدراسة فى امريكا
• عاجل أخوي ملبورن وكانتبري وشماليه أختار كانتبري أو برايتون رأيك لمبتدئ باللغة
• استفسار ارجوكم المساعدة
• مومهم
• أخي ملبورن احتاج مساعدة من فضلك
• البعثات الخارجية في دولة الامارات
• جامعة هل معترف فيها حاليا

يا رجاااال وسع صدرك

شبتسوي يعني كل واحد بيقدم والي بتطلع له بيروح ولاهو مفكر باحد

وانت رايح تطلب علم سواء توظفت ولا لا اجرك ان ماخذيته في الدنيا بتاخذه في الاخره

مشكور اخوي على هالموضوع

الحقيقه اخالف الاخ بالراي وهو لا يفسد للود قضيه الابتعاث هو للدراسه وهذا المهم والتحصيل العلمي مهم للشباب والشابات وليس للفساد اسمحلي اخي فاصابعك يدك ليست سواء

بصراحة أنا يوم شفت فتحت الابتعاث بهالشكل أول ما طرا علي هو نفس ما طرا عليك يا سعود

والله العظيم اني متوجس خيفة من هالابتعاث , ومن نتائجه الخطيرة .

ولكن الله فوق الجميع ( إنهم يكيدون كيدا () وأكيد كيدا () فمهل الكافرين أمهلهم رويدا )

لكن على الله يكون الطلاب المبتعثين منتبهين لخطورة هالأمر ويبيضون الوجه و يردون كيد الكائدين .

نعم فالكثير من الطلاب مهتمين من موضوع الابتعاث بشكل غريب

لدرجة إني أعرف خريجين من الجامعة حصلت لهم وظائف وفضلوا الابتعاث للحصول على الماجستير أكثر من الوظيفة!!! هل تضمن عند عودتك وجود وظيفة؟؟ هل هناك فرق في الوظيفة بين حامل البكالوريوس وحامل الماجستير؟؟؟

وأكثر من ذلك أن هناك من يحاول البحث عن واسطه للحصول على هذه البعثات لأنه مضى على تخرجه أكثر من سنه والعجيب والغريب أنه لديه وظيفه الآن يتمناها الكثيييير!!!!
وتعرفون أن من شروط الابتعاث ألا تكون على وظيفه يعني خوينا ناوي يستقيل!!!!

أخوي na9erq8 وكم نسبة العقلاء الذين تتحدث عنهم؟؟؟
ألا يجب أن يكون هناك إختبارات لمعرفة تفكير هؤلاء الطلبه؟؟؟ وشطب أي طالب يكون تفكيره في موضوع الابتعاث غير التحصيل العلمي!!

يا أخي هناك نسبة كبيرة من الطلاب طلعت روح أهلهم لحد ما إتخرجوا عيالهم من الثانوية وطارت عقول هؤلاء الطلاب للحصول على الابتعاث!!! يعني كل هذا إهتمام للتحصيل العلمي؟؟؟؟

بصراحة اعترض بشدة على بعثات البكالريوس
اوافق على الدراسات العليا
طلاب البكالريوس احداث الاسنان سفهاء الأحلام اغلبهم راح يبي شي ثاني غير الدراسة
لا يقول لي احد وش يدريك اقول انا طالب جامعي الان واغلب اللي اعرفهم راحو لأمريكا قالو لي ليش راحو
المفروض السماح فقط للمتزوجين

''طيب واللي متخرج من عشر سنوات يمديه على الابتعاث

اسمحولي بس ترى العنوان قوي جدا على الموضوع ليش تقول فساد وافساد ترى التعميم غلط كبير زي ما تفضلوا الاخوان في كدة وفي كدة ولمن تقول ياماسك ليش ما يسوا اختبار لمعرفة تفكير الطلاب هذا حل غير منطقي تماما يعني الكل راح يكون مستعد للاجابة اجابات مقنعة اللى رايح دراسه والى رايح لغيره انت شوف بس مقابلة السفارة والسؤالين الى يسألوها للطلاب لمعرفة هدفهم من السفر شوف الاستعداد لها قد ايش اكثر المواضيع في المنتديات مالها غير كيف تجتاز المقابلة وايش تلبس وايش تجاوب يعني الكل فاهم الشغله ومحد راح يروح على عماه انت سهلها وبس الله يعين ويوفق كل على قد نيته

يعني بكل صراحه ،،، ومع كامل احترامي
تفكيرك هذا ،،، بصراحه انا عكسك تماما
انا انسان ادرس بجامعة الملك سعود كلية العلوم الطبيه تخصص هندسة اجهزه طبيه ،،،
انا من الناس اللي ترسبت من واحد اجنبي الله لايبارك فيه ظلما ... ظلما ... ظلما
انا من الناس اللي طفشت من شوفة نفس الدكاتره المصريين علينا ،،،
انا من الناس اللي درست ، وذاكرت ، وشديت حيلي ،،، وبالاخير القى نتيجتي f
يعني لازم اشتريله تذاكر لديرته ،،، ولا ما انجح !!!
" لعن الله الراشي و المرتشي " ،،، اروح ادرس بامريكا ،،، ولا اعطيه شي ،،،
انت درست بامريكا ،، ماجاك واحد هندي حتى مو دكتور ويرسبك !!
دكتاتوريين هذولي مو دكاتره ،،، هذولي ما جو يعلموننا ،،،
اجل فيه دكتور يرسب طالب 6 مرات ،،، ست مرات ثلاث سنين يدرس نفس الماده !!
والله لو انه حمار ،،، كان حفظها ،،،!!
اجل فيه جامعه تبدا الدراسه وتعطل مع المدارس ؟؟
فيه جامعه معدلها من خمسه ؟؟
اجل فيه جامعه ماتدرس إلا ترمين بالسنه ؟؟
وفيه جامعه مافيها ترم صيفي ،،، وحتى لو اخذت جو الدكاتره و يستحقرون درجاتها ؟؟
رئيس القسم حق تخصصنا ،،، قبل لا يجي كانو الناس يدرسون صيفي في الاردن
على حسابنا ،،، علشان مافيه صيفي بالكليه ،،، يوم جا هو راح حط اعلان بالكليه:
"الناس اللي راحو يدرسون صيفي الان ،،، لن تقبل دراستهم"
فلوس ،،، وترك اجازه ،،، وترك اهل ،،، وبالاخير يجي هذا يطلع قرار من راسه!!
طيب اقل اقبل درساتنا حنى الحين ،،، والسنه الجايه مانروح ،،،
ولكن الجدران تسمع احسن منه !!!
إذا انت تقصد البنات ،،، فانا معك ،،، ماتطلع الوحده إلا بمحرم ،، وهذا الدين اللي يقوله
ولكن إذا كانت ماتبي تطبق شريعتها ،،، فهي الخسرانه ،،، هي اللي راح تاخذ الذنب
عموما انا راح اقدم على البعثه وراح اسحب ملفي من هالجامعه اللي منيب قايل ،،،
واهم شي انك ماتكون زعلت من كلامي ،،، هذا رئيي ،،،
سلااااااااااام

اتوقع فتح باب البعثات بالشكل الكبير هذا هو لسبب رئيسي وهو اعادة العلاقات القوية بين السعودية والولايات المتحدة الامريكية وخصوصا بعد ما حدث في 11 سبتمبر ونزوح اكثر من 95% من الطلاب والسياح السعوديين
ولكن بعد الاتفاقيات بين البلدين ورغبة في تحسين العلاقات تم ابتعاث هالعدد الكبير

هذه مجرد وجهة نظر خاصة

[quote=b&&&w]اتوقع فتح باب البعثات بالشكل الكبير هذا هو لسبب رئيسي وهو اعادة العلاقات القوية بين السعودية والولايات المتحدة الامريكية وخصوصا بعد ما حدث في 11 سبتمبر ونزوح اكثر من 95% من الطلاب والسياح السعوديين
ولكن بعد الاتفاقيات بين البلدين ورغبة في تحسين العلاقات تم ابتعاث هالعدد الكبير
هذه مجرد وجهة نظر خاصة[/quote
صدقت أخوي.:113:
سلمت يمينك...والله يستر من هالبعثات العرضية.:114:

فيه طلاب تحصلهم بسن 18 سنه مشاء الله بعصل 28 سنه

لكن للأسف قريت في احد مواضيع رجوع اكثر من 700 طالب

من البعثه الاولى !!

ليش لضعف في الحضور و مشاكل و بعضهم مايتحمل وقريت رد في

موضوع الي يقول للمتزوجين معقوله يعني مايتعلم غير متزوج هاذ صعبة

وبخصوص التعليم في الخارج لو يحصر على تخصصت القليله في السعوديه

او التي تحتاج لها البلد

السلااااااااااااااااااااااااااااااام عليك انا طاااااااااااااالب مبتعث بالله ابي اسالك فيه احد تحصله البعثه ولا يروح اجل تبي نجلس عند هالدكاتره الي (سلمني نظيف اعطيك درجاااااااات )اقسم بالله الدكاتره بالسعوديه (مو كلهم بس الاغلبيه)حقين فلوس يعني تعلمت ةوالا ما تعلمت اهم شي عنده انك تبخششه تعال شف هنا اجل وش حضرته ما تكلمه ولا تناقشه عن درجاتك تعال شف هنا اذا التكتور بزوط والا لف يمين والا يسااااااار والله يمسك الباب اجل بالله وش الخرابيط هذي بالسعوديه الدكتور على مزاجه يجي والا ما يجي لا والله الله يجزي الحكومه الف خير على البعثات وبعدين وشلون ما يلقون وظايف ان شاء الله يبون يلقون اذا ما درسوابره ترى يبون يدرسون بالجامعات الي بالسعوديه لا والله خله يطلع ويتعلم ويجي فهمان وعلى سالفه البنات ترى عندك بالسعوديه الصالح والطالح مو مقصوره انه اذا طلعت بره خلااااااااص خربت والله انهم عندنا بحجااااب ومتحشمه وبعدين البنت اذا كانت متربيه بمحرم وبدون محرم صحيح الشرع قال لازم محرم بس على تربيت البنت (وجه نظـــــــــــــــــــــــــــــر

اشكر الجميع على تفاعلهم

دعوني اسرد لكم هذه القصه ولنستشف منها " أحصائياً " على افتراض أنها "عينه عشوائيه" للطلبه المبتعثين رغم أنكم قد تذكرون أن حاله واحده لا تعكس واقع الجميع ولكنها تعطي أنطباعاً عاماً. اليكم القصه:

تقابلت مع أحد الأقرباء حديثي التخرج من الثانويه العامه فكان هذا الحوار:

أنا: هلا عبدالعزيز كيف حالك وكيف الوالد و الوالده والاهل
عبدالعزيز: الحمدلله، وشلونك انت يبو محمد
أنا: تمام الله يسلمك، هاه وش عندك من علوم
عبدالعزيز: ابد الله يسلمك قدمت على بعثة أمريكا، وبمشي في مارس
أنا: ما شاء الله، الله يوفقك، وش بتدرس
عبدالعزيز: كمبيوتر
أنا: أخس يالعزي بتنافسنا
عبدالعزيز: عاد وش نسوي نبي نخش في الكمبيوتر بقوه.
أنا: طيب: يالعزي ليش أخترت الحاسب الآلي، ووش قبلت فيه علوم حاسب والا هندسة حاسب والا برمجيات.
عبدالعزيز: والله مدري بالظبط بس هو كمبيوتر، والديره اللي فيها الجامعه فله بس قالولي العيال هناك انها غويليه شوي.
أنا: بس لين الحين ما قلتلي ليش اخترت الحاسب.
عبدالعزيز: العيال اللي معي كلهم قدموا على الكمبيوتر، حتى واحد في الوزارة اول التقديم قالي احسن شي الكمبيوتر زين انك اخترته.
أنا: عموماً الله يوفقك، وشد حيلك، الا على فكره وشلون مستواك بالرياضيات
عبدالعزيز: اكره شي عندي هالرياضيات، والحمدلله اني كنت أدبي بالثانويه افتكيت منها.
أنا: انت ادبي
عبدالعزيز: ايه
أنا: بس يا عبدالعزيز الرياضيات مهمه لتخصصات الحاسب، واذا كانت خلفيتك ضعيفه فيها يمكن تتعب في الدراسه.
عبدالعزيز: اذا رحنا يسهلها الله، اهم شي نطب الديره.
أنا: طيب يا عبدالعزيز موفق وشد حيلكك وتروح وتجي ان شاء الله بالسلامه
عبدالعزيز: الله يجزاك خير

أترك التعليق لكم

لا يجني واحد ويقول بس مو كل اللي راحوا عبدالعزيز قريبيك، انا عارف بس السؤال:

هل غالبية مبتعثينا بهذه الصوره؟
اترك التعليق والأجابه لكم

تحياتي

يالله حيووووووهم
يابوووو الشباب انت رايح تدرس طيب بس دراااااااسه ههههههههههههه حلوه
لازم فرفشه وضحك ومسخره ترى هاليوووووومين مايمشي لمهبوووووول
والي الله بالخير ونت اذااااا رحت عند بووووووش وسكنت على ضيااااافته(مش بووووزك)
لازم تتعاااايش مع الامريكاااان يعني لازم تاخذ لك بنت(قرل فرند)عشاااان تتونس .
انا ما اقوووولك لا اذااااكر .ذاكر ولعب واتمسخر واطلع مع اصحاااابك وروووح وتعاااال بس لااتحسس نفسك انك ضعيف ومسكين بعيد عن اهلك .هذي ترااااهاااااا خمس سنوااااااات مو شهر ولا شهرين اتعاااايش مع الوضع والمذااااااكره ليهااااا وقت والمسخره بعد ليها وقت وبتشوووووف .

المشاركة الأصلية كتبت بواسطة Shihab


يالله حيووووووهم
يابوووو الشباب انت رايح تدرس طيب بس دراااااااسه ههههههههههههه حلوه
لازم فرفشه وضحك ومسخره ترى هاليوووووومين مايمشي لمهبوووووول
والي الله بالخير ونت اذااااا رحت عند بووووووش وسكنت على ضيااااافته(مش بووووزك)
لازم تتعاااايش مع الامريكاااان يعني لازم تاخذ لك بنت(قرل فرند)عشاااان تتونس .
انا ما اقوووولك لا اذااااكر .ذاكر ولعب واتمسخر واطلع مع اصحاااابك وروووح وتعاااال بس لااتحسس نفسك انك ضعيف ومسكين بعيد عن اهلك .هذي ترااااهاااااا خمس سنوااااااات مو شهر ولا شهرين اتعاااايش مع الوضع والمذااااااكره ليهااااا وقت والمسخره بعد ليها وقت وبتشوووووف .



الله يحييك

ربما يكون الأخ شهاب عينه عشوائيه جديده لم اسعى لها:113:

اقول يا اخ شهاب فلها على كيفك بس يكون في علمك ان لكل عمل في جزاااااء وحساااااب وانت الي بتدفع ها الحساب مو غيرك وبعدين لاتنسى انك ممكن تروح في دوامة الوناسه والفلة وماتطب الا انهم مرجعينك مع اول طيارة للسعوديه

نفس كلام الاخ hms_84 يعني اطلع وانبسط وفلها بس وقت الجد جد

احمدوا ربكم جاكم الرزق والخير والله يثيب من يعمل خير ويجازى من يعمل سوء بالدنيا والاخرا ياجماعه الى انتو فى خير منو يرفض العلم والله انا الدول تحسدكم على الملك عبدالله الله يطول عمره مقام وخش الفلوس الا يبى شعبه يطلع منه ناس تفيد الأمه والمجتمع ولاتنسه انا السعوديه بلد كبير ويحتاج الى الخريجين بدل الاجانب اسمحلى واحمد ربكم على النعمه النيه خير والى يستغل هالفرصه بالشرراح تعود على مو على الوطن يعنى هذا ينحسب اللحكومه مو عليها

السلام عليكم ورحمة الله وبركاته..................

احب اضيف رد على الموضوع الشيق واشكر إلي فتح هذا الموضوع
لدي صديق مقدم على بعثات الوزارة طبعاً بكالريوس جاء هذا قالي قدمت على البعثة ومستانس الرجل وعلى فكرة الرجال جهاز من مجاميعه وعنده قبول في جامعة قوية المهم انا شفت الرجل متحمس سألته وش بتدرس قالي اسم بالغة الإنجليزية المهم انا قلت ماشاء الله انت تحب هذا التخصص قالي وش قتله التخصص إلي بتدرسه قال وش التخصص إلي بدرسه طلع الرجل ما يعرف معنى التخصص بلغة الإنجليزية
اخوه مسجله في الوزارة وجايبله قبول ومايدري وش بيدرس تدرون وش بيدرس تجارة إلكترونية ما يعرف وش هذا التخصص الله يعين الأمريكيين على أمثاله .................................................. ..

انا ذكرت حاله بس صراحة وبكل صراحة والله في شباب اعرفهم كل تفكيره الدراسة حتى مايفكر في الدولة إلي بسافرله هم الأول قوت التعليم .

بدر 1980
شدعوه تحسدنا 0000000000000
ليه حنا اصلا نحسد بعضنا بعض ونمشي الظلم عيني عينك بحجة النظام ولا احد يتكلم

السلام عليكم
يالله انتوووو حيه
عندي سؤال ياجماعة الخير
انا ادرس ياجماعة الخير في الجامعه ونا هالترم باكمل 4 سنين من تخرجي من الثانويه
وودي اقدم على هالبعثااااااااااااااات . فلوسمحتوووووو اعطوووووونا رايكم؟
مليت من الدراسه هنا في السعوديه والدكاتره الدكتاتوريين الحسااااااااااد الظالمين

ادري تتساألوووو وين قضيت هاسنين والله انه في الدراااااسه وناااااا مليت ماناخذ حقنااا في الدرجااااات ولختبااااااارااااااات .

اخواني اسألوووو احد اي احد يدري في جامعة الملك سعوووووووووود اسألوووووووه ؟ويش الوضع والدكااااااااتره ؟ من تخصص الى تخصص يفرق فيه من الدكاتره الزين وفيه من الدكاااااتره الشين




نصيحه الدرااااااسه بالخااااارج ترااااااهاااا مفيده لانك راح تعتمد على نفسك في كل شي وراااااح تكتسب ثقافات ولغااااااااات ولهجاااااااااات العالم والدول وبتشوووووووف كيف النااااااااس عايشه






ارجوووووو التواصل؟؟؟؟؟؟؟؟؟


مليت من الدراااااسه بالسعوووووووديه وسط الظلم والجوووووووور

الدراسه في السعوديه صعبه للغايه والسبب ليس في المناهج بل في غطرسة هيئة التدريس

صديقي يخبرني عندما وصل لامريكا باسبوعين يحدثني مندهشا يقول (تصدق عميد الكليه نزل معي للاب عشان يعلمني كيف اسجل المواد عن طريق الانترنت )

للمعلوميه صديقي كان يدرس بافضل جامعات السعوديه اللي هي البترول والمعادن

اتمنى ان تتحرك وزارة التعليم العالي وتشوف صرفه بالدكاتره اللي هبلوا في الطلاب عندنا

:x1: :x1: :x1: :x1: :x1: :x1: :x1: :x1: :x1: :x1: :x1: :x1: :x1: :x1: :x1: :x1:
اشكركم على هذا الموضوع المفيد وبصراحه الأبتعاث له نقاط سلبيه وإيجابيه يعني انت لو رايح تدرس وحاط في باللك الدراسه انشاء الله بتمشي وانت ان حاط في باللك الصياعه والتمشيه يعني قالبها سياحه في هذه الحاله انت اللي جنيت على نفسك يعني هذي فرصه ما تتعوض والله يا اخوان اعرف ناس تخرجوا من الثانويه نسبتهم 69 علمي في ادنى من هاذي النسبه يعني كأنه ناجح بدف والله راح امريكا وتخصصه علوم حاسب والله يعلم انه اللحين من الأوئل في الجامعه ليش؟ انا اقولك انسان لما كان بالثالث ثانويه كان مجتهد بس الأمور النفسيه في هذي المرحله بالذات التي يتحدد فيها مصير الشخص تتغلب عليه وعوامل الخوف من الأسئله والنسبه ولو تخرج ايش يسوي يا ترى تقبله جامعه وله لا وعشان كذا تكون إنتكاسه لهذا الشخص..وللعلم درس في الكليه التقنيه واخذ دبلوم فيها في مجال الحاسب ومعدله ما شاء الله 4.14
وانت قيس الأن على المستوى
وعشان كذا يا شباب لا تجمع على الشباب كلهم انهم رايحين سياحه ترى في ناس في الثانويه امتياز وان جاء للجامعه يبلط فيها كم سنه وفي ناس يا دوب نجح في الثانويه والحمد لله اللتفت لنفسه ومشى في الجامعه على احسن ما يكون ..
:x1: :x1: :x1: :x1: :x1: :x1: :x1: :x1: :x1: :x1: :x1: :x1: :x1: :x1: :x1: :x1:


ودمتم لمحبكم،،،،،:113: