الموضوع: ساعدوني على الخطوط الفلبينية

Fiesta Saver

سعرها ب 2520 ريال

Fiesta Plus

سعرها ب 3220

ابي اعرف وش الفرق بين الدرجتين safer و plus وهل يسوى فرق المبلغ هاذا وكيف مستوى الخطوط الفلبينية من كل شي
والله يعطيكم العافية

مواضيع عشوائيه ممكن تكون تعجبك اخترناها لك:

• رايح للوردة وابي فزعتكم
• أستفسارات قبل العوده لارض الوطن بليز؟
• رحلتي لجزيرة بوراكاي مقطع يوتيوب
• استفسار اي الفندقين احسن
• عاجلاريد شراء دواء من الفلبين لأهل الخبرة
• اضحكو مع قصتي مع الخطوط السعودية نعتز بشحططتكم
• جايك يالورده وتركت بلاد العمه
• الهجرة إلي الفلبين
• استقالات جماعية لطياري الخطوط الفلبينية تربك حركة السفر
• الانترنت المتنقل في الفلبين
• طيران من مانيلا الى بالي مباشرة
• الزواج في مانيلا
• استفسار عن باقيو
• هل تنفع الرحله للعائله؟
• خبراء انجلس سيتي
• استفسارات مهمه تحديد الوجهه والأماكن
• كرت الدخول للفلبين
• اول سفره لي مجموعة اسئلة
• طلب عاجل الى محبي الورده
• إستئجار السيارات في الفلبين

هلا والله أخوي شف الرابط هذا يوضح الفرق:

http://www.philippineairlines.com/fa...e_families.jsp

من توضيحهم مافيه فرق كبير بس يعطيك الامكانية إنك تقدر تسوي تعديل على وقت الرحلة وشرط جزائي أقل والفرق في الجدول الي تحت (الاستعداد في الرحالات الداخلية) يعني ما فيه فرق كبير.

سؤال يطرح نفسه أنت متى حجزك لأني اليوم حجزت وطلعت علي التذكرة بـ 4900 على عشرين ديسمبر هل ملعوب علي ؟

انا بسافر ان شالله على 3/11/2010
وشكلي بروح على الاماراتية او الاتحاد بس هاذي ميزتها مباشر تتوقع فيها شاشات طائرئتهم ايرباص 330-300

ومشكور على افادتك اخوي

المشاركة الأصلية كتبت بواسطة atf754
http://www.arabtravelersforum.com/tr...2/#post4381882

انا بسافر ان شالله على 3/11/2010
وشكلي بروح على الاماراتية او الاتحاد بس هاذي ميزتها مباشر تتوقع فيها شاشات طائرئتهم ايرباص 330-300

ومشكور على افادتك اخوي

تفكيرك صح لانه لو فكرت فيها ليه تدفع مبلغ مبالغ فيه!!
والطيران المذكور ممتاز جدا!

اخوي رجنت اقول الله يرظى عليك ياشيخ متواجد ومتعاون مع الجميع والله الواحد لما يشوف ردك يحس بالثقة
بس معليش انت تقصد الطيران المذكور وش تقصد به الفلبيني والاماراتي
وهل سبق لك تجربة الفلبينيه
وشكرا كابيان

اخوي atf754 نفس اليوم اللي بسافر فيه شرايك تخاويني على الاماراتيه مسافر لحالي وابي احد يونسني ويعرف الفلبين

اتشرف بك اخوي طارق ماعندي مشكلة بس ترا مااعرف واجد بالفلبين

هلا اخووي تسلم عزيزي طيب وش ترشح لي اسكن في فنادق ولا منتجعات واماكن مساج حلوه واماكن سهر اذا راعي سهر

طارق والله انا مو راعي سهر
ارشح لك فندق نيو وورلد ثم دوسيت تهاني ثم دايموند وكلها في بحر 450 الى 600 على حسب الموسم
المساج في كل مكان ومان لاتحاتي حتى في المطار فيه

طيب اقدر اتواصل معك باايميل في اشياء ماتنكتب بالعام وسفرتي قربت وابي اعرف كم احدود تكلفت سفرة لمدة اسبوع

وش ايميلك انت وابشر وابيك تشوف الرابط هذا
http://www.arabtravelersforum.com/travel21046/

الله يعطيك العافيه اخوي على تجاوبك معي

ولو كابيان
اللحين امسح ايميلك لان المشرف بيشيك وراح ينتف ايميلك خخخخخ

هههههههههههههههههههههه وكابيان وش تصير هاذي

يعني ماي فرند
اظنها كذا

ومنكم نستفيد ماي فريند

مرحبا بالشباب ،،
معذره يا كبيان يا ليت تبتعدون من الاميلات لانه سياسية المنتدي تمنع ذلك
واي خدمة انا اقدر اسويها ابشرو بها
رحله سيعده للجميع،،

مشكور رجنت
يالغالي سمعا وطاعة لكن هدا حصل خلسة والناس نيام هههههه ماتتكرر ان شالله

لكن ماوظحت لي انت قلت لي تفكير سليم تقصد السفر بالفلبينية ولا على الاتحاد والاماراتية

على عيني وراسي رجنت

شكرا لكم جميعا وانتم على راسي بأخلقكم الراقيه،،
اقصد طيران الاتحاد او الامارتيه ،،

من جرب الخطوط الفلبينية ياشباب انا يهمني ان فيها شاشات تضيع فيها وقت مايهمني شي ثاني

اخوي ورا ما حطيت موضوعك في قسم الاستفسارات

ههههه صح عليك

هلابك
كانك راكب الخطوط السعوديه
بخصوص الشاشه ماشتغلت نفس طائرات السعوديه حاطينها دعايه
جربتها من مانيلا لجاكرتا
تحياتي

هلابك اخوي من تجربة افضل من السعودية كاخدمة


وعيبها الوحيد الوجبات الله يديم النعمة

والخمة فيها اكثر من ممتاز


رحلة سعيدة والله يسهل امورك

الله يعطيكم العافية ياشباب
اخوي العاطل انا ماسبق لي تجربة الخطوط السعودية
اخوي فهد 33 مو مشكلة الاكل لكن هل اشاشات تشتغل تقدر تقطع الوقت

اخوي زي الزفت وخاصه مدة اكثر 9 ساعات
بالنسبة لسعر ارخص من الخوط السعودية وخاصه الدرجة الاولى ونصيحه لك دور على خطوط غيرها
وللمعلومية لايكتفون بتفيش المطار عدون تفتيشكم مره ثانية
وفي حالة تغير الحجز ياخذون نصف قيمة التذكرة ولايوجد شاشات او اي وسائل راحه ولايوجد وجبات طعام

مشكور افكاااااااااار
خلاص والله كرهتها بس وين كانت رحلتك من وين لوين هل كانت من السعودبة للفلبين اخاف تختلف الطائرات

جربتها
الخطوط زينه
و الشاشة موجودة و يعرضوا افلام
يعني لا تخاف راح تضيع وقت الرحلة سريع

hamada
انت جربتها من الرياض لمانيلا والطيارة كانت ايرباص 330-300
ياليت ترد ياخوي

وفيه سؤال ثاني مهم: هل يقدمون مشروبات احم ؟

المشاركة الأصلية كتبت بواسطة atf754
http://www.arabtravelersforum.com/tr...6/#post4393036

الله يعطيكم العافية ياشباب
اخوي فهد 33 مو مشكلة الاكل لكن هل اشاشات تشتغل تقدر تقطع الوقت





هلابك اخوي بالنسبة للشاشات موجودة ولكن مو كل مقعد له شاشة خاصة لا موجود شاشات كبر حجم التلفزيون العادي موزعة على الطائرة وفيها افلام وتقدر تتفرج براحة

بالنسبة للاكل افضل طريقة تاخذ معاك اكل خفيف قبل ما تركب



اخوي بشكل عام انا من تجربة اشوفها افضل من السعودية اتكلم عن الخدمة والمواعيد والنفوس الزينة

وهذي عن تجربة


عموما اذا تبي الراحة زد قروشك شوي

واطلع على القطرية او الاماراتية وهنا بتحس بالفرق الكبير

اما بالنسبة للفلبينية او السعودية من تجربة الفلبينية افضل


ولكنها ليست افضل من القطرية والاماراتية


الله يسهل امورك يارب

المشاركة الأصلية كتبت بواسطة zabinx
http://www.arabtravelersforum.com/tr...4/#post4395254

وفيه سؤال ثاني مهم: هل يقدمون مشروبات احم ؟



والله وانا اخوك الي اهم من السؤال انه حرام ومن كبائر الذنوب سوا في البر ولا بالبحر ولا بالجو


الله يعطيك العافية وياجعل والديك بالجنة

المشاركة الأصلية كتبت بواسطة فهد330
http://www.arabtravelersforum.com/tr...0/#post4397420

والله وانا اخوك الي اهم من السؤال انه حرام ومن كبائر الذنوب سوا في البر ولا بالبحر ولا بالجو


الله يعطيك العافية وياجعل والديك بالجنة




استغفر الله العظيم , اخوي فهد اني ما قلتها إلا من باب المزح وجت مزحة برزحة واني يوم كتبت المشاركة متحسف وما قدرت امسحها جعل والديك بالجنة زلت لسان والعذر والسموحة لك وللمشاركين وصاحب الموضوع.

المشاركة الأصلية كتبت بواسطة zabinx
http://www.arabtravelersforum.com/tr...2/#post4397502

استغفر الله العظيم , اخوي فهد اني ما قلتها إلا من باب المزح وجت مزحة برزحة واني يوم كتبت المشاركة متحسف وما قدرت امسحها جعل والديك بالجنة زلت لسان والعذر والسموحة لك وللمشاركين وصاحب الموضوع.



الله يسعد قلبك دنيا واخره

صدقني ردك هذا يدل على معدنك الطيب ياجعل مغليك بالجنة يابعدي

فهد وجميع الاخوان شكرا ماقصرتو

انواع الدمار سافرت عليها من مانيلا الى بانكوك لاشاشات ولايحزنون ومضيفات عجز ونفس شينه واكل دمار النقل الجماعى احسن