عشق الفلبينيين للاكل
زرت الفلبين لاول مره عام 1996 و من ثم 10 مرات متتالية خلال الثمان سنوات الاحقة.
رغب اني اعتبر نفسي من الناس الحبوبين و المحترمين من قبل كل من اعرف في الفلبين ، ورغم اني اعتقد باني قد اندمجت مع الشعب الفبيني بشكل كامل و انه بستطاعاتي عمل تحليل كامل عن هذا الشعب الا انه هنالك شي واحد يمنعني من اعتبار نفسي من اهل و سكان الفلبين ، هذا الشي هو( البلوت) ، فعندما ياتي اليومي الذي يراني فيه احدكم اتناول فيه البلوت فرجو منه المسارعة بالاتصال على ادارة الهجرة الفلبينية و الطلب منهم ان يصدرو لي جواز سفر فلبيني لانه و بكل بساطة بعد ان اتناول البلوت فلن بيون لي مجال للتراجع عن الفلبين او تركها.
البلوت ، لمن لا يجهلة ، هو بيض الدجاج او البط المخصب و الذي لم يفقس بعد ( يكون الصوص في داخل البيضة في طور التكوين) :yuk: .
في العادة يتم بيع البلوت مع بعض الملح داخل ورقة جريدة من قبل باعة متجولون بعد مغيب الشمس ، و السبب في بيعة ليلاً على ما اعتقد هو لكي لا يقرف الشاري للبيض من شكلة.
و لكون البلوت يعتبر منشط جنسي ;s ، مثله مثل الفياقرا ، لكن انا مدري وشلون الواحد من هالفلبينيين يجية نفس يسوي اي شي بعد ما يكون توه ماكل بيضة في داخلها صوص ما بعد نما نمو كامل ، طبعاً عدم النمو الكامل ما يمنع انه يكون عنده بعض الريش و الرجلين و المنقار. :2:
اغلب الفلبينيين يقولون افضل انواع بيض البلوت هو لمن يكون يتكسر داخل اثمك كانك تاكل بطاطس و فشفاش.
؟؟؟؟؟؟؟؟؟ وعععععععععع. :baaa2:
اقو اعذروني دقيقة لاني بروح استفرغ و اجي.
و عشان ما تستفرغون زيي تراني ما حطيت صور البلوت الا في نهاية الموضوع.
المهم نرجع لموضوعنا الاساسي الا وهو الفلبين و اهل الفلبين ، انتم تدرون ان الفلبينيين اكثر شعب شفته ياكل بس ما يبين علية الاكل ، يعني ياكلون في العادة حوالي 8 وجبات في اليوم ، و الوجبات هذي اساميها بالترتيب من الصباح الين ينامون:
الفطور
وجبة خفيفة
غداء
ميرندا ( ترا هذي وجبة ما بعد الغداء مهوب مشروب)
،بيكا بيكا ( هذي نقرسة على خفيف)
،بلوتان ( هذي وجبة خفيفة ثانية قبل العشاء)
العشاء
و اخيراً وليس اخراً تسحيبت نصف الليل للثلاجة.
وعشان اثبت لكم ان الفلبينيين شعب يموت في الاكل ، ابيكم تمشون في اي شارع من شوارع مدنها و اذا عدت دقيقة وحده من مشيكم و انتم ما شفتو احد قاعد ياكل او يطبخ شي ينوكل على الرصيف او احد الباعة قاعد يبيع حلويات و مكسرات بين السيارات ( ترا هذا ما يشمل المطاعم) فلكم مني كرتون سان ميقيل.
شي اخر لاحضته على الفلبينيين لمن ياكلون ، الرز و ما ادراك ما الرز لا يمكن تكون الوجبة الفلبينية وجبة من دونه ، حتي فطورهم لازم يكون فيه رز ، حتي مطاعم الوجبات السريعة تبيع رز.
فيه شي ثاني مهم يتعلق بالاكل في الفلبين ، انا اتحدا اي واحد يزور الفلبين يشوف واحد فلبيني يشرب قارورة سان ميقيل مندون ما يكون ياكل معها اي نوع من انواع المكسرات الفلبينية ، مثل القامباس ( زي الفول السوداني و يكون متبل بطبقة خارجية بشي مدري وشو) او شرايح لحم البقر الناشفة ( التابا)
ثالث شي انا واثق منه ان الفلبيني لا يمكن و مستحيل انه يطلع من بيتهم ولا يكون معه شي ياكلة او يشربة ، يعني من الجايز ان الفلبيني يطلع من بيته من دون صروال لكن لا يمكن يطلع من بيته مندون اكل او شرب.
لكن من الاشيا الجميلة في ثقافة الاكل الفلبينية هو انك لمن تمر ناس ياكلون اول شي بيقولونه لك هو ( كاين تايو ) يعني اقلط معنا بالعربي و بيعزمونك تاكل معهم ، بس ترا العزيمة كلام تراهم ما يقصدون انك تاكل معهم بالفعل. لذلك لا يصير الواحد وجه ابن فهرة و يقلط معهم.
لكن كبادرة انهم يعزمون اي واحد على اكلهم حتي لو ما كانو يقصدون الشي هذا يعتبر شي جميل.
من اهمية الاكل عند الفلبينيين انهم اول شي يسالون عنه لمن تقابل احد منهم هو جملة ( كومان كا نا ) يعني انت اكلت ولا بعد ، بعكس مجتمع زي المجتمع السعودي اللي اول ما اثنين بتقابلون يسلمون و يبدون يسألون عن احوال بعض.
بعض العربان اللي يزورون الفلبين يعتقدون ان الاكل الفلبيني التقليدي مخيس ولا هو زين ولا يقارن بالماكولات الاسيوية الثانية مثل الصينية و التايلندي او اليابانية ، لكن خذو العلم مني والله ان اغلب اكلهم زين ، مثلاً الاكلات اللي تكون حاره بفعل الفلفل و الاكلات اللي يكون فيها حليب جوز الهند ، و فيه الادوبو ، و الكلدريتا و السيناقان.
ولا تنسون الحلويات الفلبينية ، انا متاكد ان غالبيتكم ما تعرفون الخبز الحلو الفلبيني و الايسكريم حقهم ( الهالوهالو).
هذي صور البلوت ، غمضو عيونكم ونتم تناظرون الصور:
هذي بيضة البلوت اول ما تنكسر.
و هذا اللي جوا البيضة ، بالهنا و العافية :'(
و هذا اللي عندي في الجزء هذا.مواضيع عشوائيه ممكن تكون تعجبك اخترناها لك:
- سيبو
- غادرت الوردة اليوم
- سيبو ومعلومات عنها ودراسة اللغة الانجليزية فيها
- استفسار بخصوص أرخص شرائح الجوال الأماكن السياحية في دافاو
- مشورة سفر
- رحلتي لجزيرة بوهول
- اول زيارة للفلبين واول تقرير لي في المنتدى
- أريد معلومات عن سيبو
- كيف الجو في الفلبين من إلى
- مسافر الاربعاء القادم
- كم سؤال عن الفلبين لو سمحتوا
- رحلتي بعد بكره لماكاتي الفلبينمحتاج مساعدتكم؟؟
- الفلبين القديمة عام
- ما نستغني عن اهل الخبره
- رحلة مانيلا للعوائل فقط
- السكن يالجماعه السكن
- أسئلة تنتظر أجوبة
- أستفسارات قبل العوده لارض الوطن بليز؟
- بالنسبه لاندونيســـــــــــــــــــيا من مانيـــــــــــــــلا ؟؟؟؟
- احسبوها وانصحوني
رد مع اقتباس
Y
المفضلات