بسم الله الرحمن الرحيم
اليوم الجمعه الموافق 27/05/2011
الجو اليوم لاباس به معتدل ولكن الضاهر بدايه الحر
صحيت اليوم الساعه تقريبا السادسه صباحا صليت ورجعت انام الين الساعه 9 صباحا
الساعه 9 اتى الاخ صالح وذهبنا الى احدا الاسواق نبحث عن محل لصناعه علب المجوهرات
المهم تفاجئت بسوق انه فيه كل شي يعني ملابس تحف هدايا ساعات ادوات منزليه
اكسسورات جوالات مفارش كل شي تبيه موجود في هذه السوق مو كبير حلو متوسط
ويمكن 5 ادوار سوق جدا اعجبني فيه جمله وقطاعي اي شخص معه عائله انصحه ان
يزور هذا السوق لانه كل شي فيه متوفر واسعاره معقوله المهم وصلنا للمحل اللي نبيه
عطيناهم العينات قالو نرجع لكم خبر عن الاسعار الساعه 2 الظهر وكان وقتها 11 الظهر
قلنا اوكي المهم ونا واقف قدام المحل شد انتباهي صراخ طفل يصرخ بقوة وهوا في حضن
امه اقتربت منه شوي وكان عند السلم الكهربائي ( الدرج الكهربائي ) اكرمكم الله جزمته
دخلت في احد اسنان الدرج وقف الدرج عن المشي والولد يصيح والناس تفكر انه يمكن
احد اصابع رجله مسكها الدرج ويصارخ والصينين يتفرجون مافي احد تقدم لانقاذه بس
يطالعون قام الاخ صالح وسحب رجل الولد من الجزمه اكرمكم الله ومافيها شي سليم الولد
المهم زبده الموضوع لما حصل هذا الشي وصل مدير المجمع ونائب وصاحب المجمع
ومدري مين المهم يمكن نصف الحكومه الصينيه وصلت والكاميرات والتصوير وكانه حصل
حادثه قتل .. الله ما اجمل حرصهم الله على هذا الشعب الرائع والوالد ماتركوه يمشي
لازم تحقيق وتعويض شفتو شلون
انا بجرب في احد الدول العربية بسوي نفس الولد يمكن احصل لي تعويض طيب
المهم خلصنا من المجمع ونا صورته وراح تشوفو صورة ان شاءالله وعنوانه وكل شي
بعده اتجهنا الى الفندق وكانت معي اكياس مشتريات تركتها في الفندق وتوجهنا الى
المسجد الكبير في كوانزو ماشاءالله كان مسجد جميل جدا وكانه في وسط بستان
في مكان يشبهه الحديقة مرتب ونظيف والحمامات اكرمكم الله نظيفة والماء متواجد
وكل شي 100 % المهم خطب الخطبه الصينيه وبعده انتظرنا قليلا وخطب الخطبه
العربية وكان الخطيب والمؤذن صيني المؤذن صوته ماشاءالله عليه اعجبني كثير
والخطيب ماشاءالله عليه ... المهم صلينا وخلصنا وكان المسجد مزدحم جدا
خرجنا من المسجد والباب عليه عشرات من المتسولين ويوجد ناس يقولون ان
لديهم بناء مساجد والناس ماتقصر معهم المهم خرجنا في زحمه كبيرة
ويمين ويسار المشويات الاسياخ المشاوي الدجاج المشوي واللحم المشوي
والكباب الاشكال والانواع جميعم من مسلمين الصين انا سمعت الاخوان في التقارير
يمدحونه وقلت لصالح لازم نجرب هذه الاسياخ قال اوكي المهم في واحد من الاخوان
اصحاب التقارير اضن انه اخوي اسير الدووحه او غيره ليسا متاكد يقول انا اطلب 5 اسياخ
واكلهم انا قلت لصالح اطلب لنا 15 سيخ خلينا نخربها
المهم طلب وبالعافيه لقينا كرسيين نقعد عليهم وعطانا الخبز والبيبسي وبدانا بسم الله
والله لذيذ بشكل غير طبيعي وماشاءالله اكلنا الـ 15 سيخ وخلصنا وحاسبنا 95 رممبي
المهم اخذت لكم صور رح ابدا في صور المسجد ثم مكان الاكل والاسواق اللي بجانب المسجد
ثم السوق اللي ذكرته في البدايه ... انتظرو الصور
المفضلات