الموضوع: العزبه ياهل المكشات

السلام عليكم ورحمةالله وبركاته...

حياكم الله جميعا...
نوينا السفر وجهزنا الدراهم والشنط والتذاكر
ومابقالنا الى العزبه ....

ولأن كل شيء تعلمناه واستفنا منه بسفرنا
كان من مجهودات وخبرات اخواننا الكرماء بهذا المنتدي

فحبيت استفيد انا واخواني المسافرون الجدد
وحبيت أسأل عن اغراض العزبه والتجهيزات اللي يحتاجها الشخص بسفرته.

وراح اضمنها بنقاط عشان يسهل مناقشتها :
1- بخصوص شنطة العزبه ؟ (تكون شنطه مستقله زي حقت عزبة البر اللي عندنا ولا شنطه عاديه احسن).

2 - قدر الطبخ يكون عادي ولا كاتم احسن ؟

3- بالنسب للشاهي والقهوه (اكتفي بدله وريق شاهي) ولا اضيف بريق تلقيمه وغوري تسخين مويه وترمس ؟

4- بالنسبه للمواد حسب علمي ابحتاج (كيس رز وتمر وهيل وقهوه وشاهي) هل لازم تكون مغلفه تغليف حراري ولا اكياس عاديه ؟ وهل هناك اوزان محدده مازيد عنها ولا عادي زي مابي ؟

5- هل هناك مواد محظوره بالسفر ولا كل شي عادي ؟ وماذا عن بهارات الطبخ؟

6- بالنسبه لدبة الغاز الخاصه بالطبخ والقهوه (سمعت من الاخوان انه تاخذ معك راس الدبه وتشتري الغاز من هناك) هل هذا صحيح وماهو النوع اللي ممكن احصل حجمه هناك ويكون كافي لي ؟

7- والسؤل الاكثر اهمية بالنسبه لي هو : هل يسمح لي بالطبخ واعداد القهوه والشاهي داخل غرفتي بالفندق ولا لا ؟ طبعاً غرف الفنادق مو مخصص مكان للطبخ بها هل راح يغرموني او يعتمد علي سياسة الفندق ؟

8- بالنسبه للكاميرا يامحترفي التصوير (انا ودي اشتري كاميرا لغير للهواة وليس المحترفين) اش افضل نوع ومديل يكون تصويره شبه احترافي وسعره معقول ؟

9- طيب انا سمعت عن شطاف السفر وين احصله ؟ ووين احصل افياش الكهرباء الدوليه ؟

10- سؤال لايقل اهميه / بخصوص القارمن هل هو ضروري يكن بالسياره ولا يكتفي بالبرامج اللي بالجوال ؟ هل هي تفي بالغرض او لبد من وجود القارمن بالسياره ؟

(ياليت اللي يقدر يزودنا بصور عن بعض الاغراض الموجوده عنده مثل الافياش ودبة الغاز والشطاف)


أسئله بنظري مهمة وقد تكون كذلك بنظر غيري .
ياليت تفيدونا يامن لانستغني عنهم ابداً

مواضيع عشوائيه ممكن تكون تعجبك اخترناها لك:

• الاماكن السياحيه التي تميز سويسرا عن النمسا
• شوفو لي حل مع محتار كيف ادخلها في جدول سفرتي
• تكفووون محتاج فزعتكم
• استفسار لاهل الخبرة
• عاااجل قبل ما اتورط
• اريد مساعده في ترتيب رحلتي ل سويرسرا شهر اكتوبر
• اريد الحجز في فندق في سويسرا ،، ارجو المساعده
• يالله الوقت داهمني وانا ما قدرت اخطط لرحلتي الله يخليكم محتاجه مشورتكم
• استفسار بخصوص الشينقن فيزا سويسرا ضروري
• استفسار بخصوص السفر من لوقانو الى جنيف
• سويسرا
• اريد تسديد مخالفاتي ولا اعرف كيف ارجووووووووووووكم ساعدوني
• استفسارات بالتفصيل الممل اتمنى افادتكم ياخبراء سويسرا
• مخطط للعائلة محجبة في سويسرا
• استفسار عن اوروبا بارك في فبراير هل اهي مفتوحه
• قمم سويسرا مع اطفال اقل من السنتين
• رآيكم في اللجدول الشبه نهائي للرحلة ،،،
• مخطط سفري
• استفسار عاجل موعدي بالسفارة اليوم الصبح
• تاشيرة الشنقن

وين مشاركاتكم وردودكم يااخوان

ردو عليه اهل الخبرة
ومنكم نستفيد من الموبايل

اهم شيء عندي هو مايخص امكانية الطبخ داخل غرف الفندق
ممكن ولا لا ؟؟؟؟؟؟

من يجيبلي العلم وللاخوان
عن الاستفسارات هذي

اخي خذلك مركب كهربائي ماركة السيف ممتاز سعره55ويشتغل بالكهرب
البهارات عادي
شطاف المسافر مال امه داعي اشتريته وما استخدمته ماينفع بريال مايركب هنا عديم الفايده
واﻻفياش مر عبدالواحد وخذ فيش من عنده لونه اسود صيني ممتاز وابعد عن فيش ماركته سويسريه اشتريته واتعطل معاي
والطبخ في الفندق ممنوع في اجهزة كشف الدخان من الموبايل

وﻻ تنسى الوزن لك وزن محدد ﻻيمكن تجاوزه اذا تجاوزته يقولو لك نزل اغراضك لين توصل للوزن المسموح من الموبايل

اهلين اخوي فيصل بالنسبه للمركب الكهربائي وشهو ذا مافهمت وش تقصد
يعني الطبخ بالفندق ممنوع والشطاف ماله داعي
طيب القهوه والهيل والشاهي لازم تكون مغلفه تغليف حراري بدون هواء ولا عادي اي كيس احطها فيه
طيب راس الدافور وش النوع والحجم الكويس

بالنسبه للوزن اكيد لي وزن محدد طيب واذا زاد الوزن وماعندي مشكله ادفه وزن زياده يوافقون ولا لا
وكم سعر الكيلو بالخطوط السعوديه
علما ان تذكرتي سياحي من النوع اللتنشيطي


شكرا اخوي فيصل وماقصرت علي التوضيحات وننتظر ردودك وردود الاخوان

محد عنده صور لعزبته يورينا اياها

طيب بالنسبه للطبخ وتزبيط القهوه والشاهي بالبر
عادي باي مكان يعجبني علي الطريق اوقف وانزل عزبتي ولا لازم اماكن محدده

زي الدافور ﻻكن بالكهرب ممتاز
القهوه والهيل حطها بكيس عادي ماعندك مشكله
راس الدافور ماله داعي حوسه وغاز خذلك زي ماقتلك بالكهرب
الوزن ماعندي علم بس انا كان عندي وزن زايد2كيلو ومشوها لي اﻻ في البدايه قلي نقص الكيلووين
وان شاء الله ﻻرجعت بكره اصورلك هوا ﻻني اﻻن برا وبكره رجعتي بحول الله
ورمضان كريم من الموبايل

اخذت عزبه كامله قبل سنتيــن ، وما واجهتني اي مشكله في المطار . انصحك اسكن شقه دامك راعي طبخ .

انا سمعت عن بعض الاخوان انك تطبخ بالفندق بقدر الكهرباء وماعندك اي مشكله وماحد يدري عنك
لا وطعمه زين بعد

غير القهوه والشاهي

اذا انت راعي طبخ لاتسكن بفندق عشان تتجنب المشاكل مع إدارة الفندق ، لان القوانين ماتسمح بالطبخ وغيرة وعندهم أجهزة للدخان و و
اسكن بشقة افضل وأريح لك وتكون مجهزة بمطبخ وثلاجة

زي ماقالو الاخوان خذلك شقه افضلك واريح
واذا ناوي انترلاكن ادلك على مكان ممتاز

والله اخوي فيصل انت ماتقصر وانا ماستغني عنك وعن الاخوان
انا حجزة شقه بجنيف
بس انتر لاكن حجزة فيها ستة ليالي قسمتها بين فندق ثلاث ليالي وكوخ بمخيم ثلاث ليالي اخري
بس اذا انت عندك شي كويس خبرني انا حجوزاتي بانترلاكن قابله للالغاء المجاني
ووجودي بانترلاكن بين 8 الي 13
باكتوبر القادم

بس المشكله عندي شنو الاغراض اللي اخذها معي
انا ابي اصلح قهوتي وشاهيي وغداي معي بالشقه ولا اطلع برا واطبخ
سواءً كذا او كذا شنو اخذ عزبه
يعني انتو ياشباب شنو خذيتو معكم وايش اللي احتجتوه هناك
وهل ممكن صور للعزبه عشان اطلع عليها

وانا انتظر اسم السكن اللي تقول عنه اخوي فيصل

اذا كمان عندك بباريس وجنيف شي حلو خبرني ترا والله مانستغني يالذيب

أنا أخذت معي عين كهربائية وحطيتها بجانب الدريشة وهي مفتوحة عشان مايكفشوني ,, لكن إذا تبي نصحيتي


خذ لك شقة فيها مطبخ وغالبا الشقق اللي فيها مطابخ تكون مجهزة بأدوات الطبخ ، أخوياي أخذوا معهم عزبة كاملة ولا استخدموا أغراضها أبد
لأن مطبخ الشقة كامل مكمل


وأما الشطاف فهو فادني كثييييير تحصله عند ساكو أو السنيدي للرحلات

انا بحجز بشقق بس اوقات بضطر اسكن بفندق
بالحاله هذي اسوي الطبخ ةالقهوه قرب الشباك وانا فاتحه ولا مابتزبط
وهل بيغرموني لو كفشوني

أحد الشقق أستأجرتها ومافيها مطبخ عطوني الفندق عند الدخول تعليمات مطبوعة إنه في حالة الطبخ سنستدعي البوليس وغرامة

طيب وش الحل بالحاله هذي
يعني انا عندي حل بس مدري يزبط ولا لا
انا اول مابصحي بطلع برا حول الفندق بالخضار او حول اي طريق وانزل عزبتي واصلح قهوتي وشاهيي
تزبط كذا ولا لا
يعني باي مكان يطري ببالي لو انا علي طريق سريع انزل بالسياره عن الخط وانزل عزبتي ولا لا

المشاركة الأصلية كتبت بواسطة محمد بن عمر
http://www.arabtravelersforum.com/tr...9/#post7927869

طيب وش الحل بالحاله هذي
يعني انا عندي حل بس مدري يزبط ولا لا
انا اول مابصحي بطلع برا حول الفندق بالخضار او حول اي طريق وانزل عزبتي واصلح قهوتي وشاهيي
تزبط كذا ولا لا
يعني باي مكان يطري ببالي لو انا علي طريق سريع انزل بالسياره عن الخط وانزل عزبتي ولا لا





الحقيقة ما أدري تضبط معك وإلا لأ


بس اللي أعرفه ومو متأكد منه إنه فيه أماكن مخصصة للشوي وغيره
وبغير هذه الأماكن تعتبر مخالفة ، لكن إن شاء الله أكون غلطان
ننتظر أحد الخبراء ليفيدونك بهذا الموضوع
،،،،

ممنظر احد عنده خبر او قد جرب
مع العلم اني ماراح اشوي انا بحط الدافور وازبط القهوه والعداء وامشي

شوف هذا السكن في اتترﻻكن يبعد 3كيلو عن انترﻻكن وفيه مطبخ جاهز بعدته وغساﻻت مﻻبس وصحون بس ياخذ على كل استخدام في المطبخ 5فرنك كذلك الغسيل ونظيف مررره
وإذا بتسوي القهوه في الشقه عادي جدا بس هوا مانع ها الشي بس انا قمت اسوي داخل الشقه بس شي خفيف من الموبايل

هذا الرابط نسية اضعه
http://www.booking.com/hotel/ch/chal...FS3HtAodJh8Aqg

يعطيك العافيه اخوي فيصل
انا شفت السكن وعجبني بس للاسف بالوقت اللي بروح فيه ماحصلت غير غرفه صغيره وحمامها خارجي
يعني ماتزبط معي
بس بالمجمل موقعه وسعره مره كويس

الحين وش اسوي بعزبتي ذي
رتا بهون وبخليها بالرياض حدها بنبان وشعباننا
موب كفو لانترلاكن

لقيت موضوعك وأنا أدور عن العزبة.. سفرتي بعد اسبوعين إن شاء الله لألمانيا والنمسا وباخد معي عزبة كاملة فيها رز وشاي وقهوة وهيل وبهارات للشوي ومعلبات خفيفة بالإضافة لقدر طبخ كاتم وعادي ودلة وابريق شاهي وملاعق وكاسات للشاي والقهوة وأطباق التقديم وملاعق وأشياء كثيرة أخرى. لكن حتى الآن محتار، أدور لي عزبة لها كفرات عشان تريحني كثير بالتنقلات منب جالس أجرجر العزبة العادية بالمترو (علماً إني بستأجر سيارة). أتمنى لو أحد يعرف مكان يوفر هالعزبة يعلمنا، وبعد شوي راح أمر كذا محل للرحلات غاديه يرهّم لي أي بلية بها كفرات. والسلام

والله ياخوي فكرتك حلوه انك تحط لها كفرات شي مره حلو ومميز
بس انا قد شفت مع واحد من الشباب عزبه كنها شنطه وكفرات وممسك وتركيب عباره عن صناديق تحط فوق بعض
المشكله ماقدر اساله عنها من وين شراها بعد ماكنت اتهزا فيه واقوله انها اغراض طقاقات
بس ممكن تلقاها باحد المحلات المخصصه للرحلات
انا ودي اقترح عليك بخصوص الاغراض
لاتحاول تكثرها اكثر من اللازم عشان الوزن
يعني القدر الكاتم وزنه كبيره مره
استدبدله باحد الخيارين اما قدر عادي او قدر كهرباء (اذا كنت بتطبخ بالشقه)
او خذ الثنين معاً العادي بتلقاه عندك بالبيت
والكهربائي كل يمدحه بس انا ماجربته
فيه نوع ماركت فليبس ب 160 او السيف ب 60 ريال بس وكلها يمدحونها ووزنها خفيف الثنين مع بعض مايوصلون وزن القدر الكاتم
وبالنسبه لباقي الاغراض اكتفي بفناجيل وبيالات من الوزن الخفيف وملاس وصحن واحد يكفي
وبريق للقهوه والشاهي وبريق واحد لعلي الماء
اتوقع هذي كافيه
لانه الوزن بيبهذلك كثير وبيكلفك
بالنسبه للباقي اهم شي الرز والشاهي والقهوه والهيل والبهارات لانك مابتحصلها هناك
السكر وبهارات الشوي بتحصلها هناك والفرق اللي بتاخذه من هنا بتدفعه وزن
عموما اخوي دور العزبه وخبرني

وامانه عليك اخوي
انا سفرتي باكتوبر يعني انت قبلي
ياليت تخبرني عن عزبتك وتصورها لي استفيد انا والاخوان منك
وخصوصا بعد ماتجربها هناك
لاننا مانستغني عنك

1- بخصوص شنطة العزبه ؟ (تكون شنطه مستقله زي حقت عزبة البر اللي عندنا ولا شنطه عاديه احسن).
عاديه
2 - قدر الطبخ يكون عادي ولا كاتم احسن ؟
القدر الكهربائي مناسب للرحلات
4- بالنسبه للمواد حسب علمي ابحتاج (كيس رز وتمر وهيل وقهوه وشاهي) هل لازم تكون مغلفه تغليف حراري ولا اكياس عاديه ؟ وهل هناك اوزان محدده مازيد عنها ولا عادي زي مابي ؟
اهم شي تكون في اكياسها الاصليه

7- والسؤل الاكثر اهمية بالنسبه لي هو : هل يسمح لي بالطبخ واعداد القهوه والشاهي داخل غرفتي بالفندق ولا لا ؟ طبعاً غرف الفنادق مو مخصص مكان للطبخ بها هل راح يغرموني او يعتمد علي سياسة الفندق ؟
على حسب الفندق وشروطه ولكن في اغلب الاحيان يحطون سخان كهربائي للماء فقط ممكن تسألهم
8- بالنسبه للكاميرا يامحترفي التصوير (انا ودي اشتري كاميرا لغير للهواة وليس المحترفين) اش افضل نوع ومديل يكون تصويره شبه احترافي وسعره معقول ؟
Canon/Nikon
9- طيب انا سمعت عن شطاف السفر وين احصله ؟ ووين احصل افياش الكهرباء الدوليه ؟
في ايكيا / موجود في الجمعيات هناك


الله ييسر لكم الامور

السلام عليكم

انا بقولك عن تجربتي في احد الاكواخ في زيلامسي ،،
اصحى من النوم و اضبط لك ذيك الدله اللى يحبها راسك ، و يا سلام على الريحه اللى تفوح ،، و لا احد يقولك شي

لكن بنصحك ،، انتبه من وزن الشنط ، لاني اشوف عزبتك كثيره ما شاء الله ( يعني خلي شنطه العزبه مستقله لوحدها ،، ) و قسم باقي الشنط ،، مثلا خلي شنطه من المقاس الصغير معك في الطياره و حط فيها ملابس بس
و باقي الشنط اشحنها

و بخصوص شنطه العزبه ،، اذا تحب انها تكون لها كفرات ،،، عادي اخوي حط شنطه العزبه في شنطه ثانيه قصدي شنط السفر اللى لها كفرات ،، و صلى الله و سلم
يعني ما يحتاج تغلب عمرك و تروح تدور عزبه و لا تشتري لك كفرات و تركبها من الموبايل

بخصوص الشطاف

احتمال ما يركب في بعض الفنادق ،، لكن بقولك شي
تعرف الشطاف حق الزرع. ،، اللى شكله زي الابريق و له من فوق مكبس عشان يضغط لك الهواء
روح لاي مجمع حق ادوات نظافه للبيت و بتلاقيه هناك
قوله ابي شطاف حق مبيد الحشرات ،، و خذ الاصلي
و الله انك تستفيد منه كثيرررر كثيررر

و بالتوفيق من الموبايل

اخوي uae111
واخوي ماجد
من جد شكرا علي مروركم ومشاركتكم المفيده جدا
انا بصراحه ماخطر ببالي اني احطها بشنطه عاديه
وهذي فطره بسويها صراحتا
اما بخصوص القدر انا ناوي اخذ واحد عادي عشان لما اطبخ برا وواحد كهربائي للشقه ولا وش رايكم
بس المواد العذائيه وخصوصا القهوه والهيل
كيف اخذها باكياسها الاصليه
يعني الشاهي والرز والتمر بيكون مغلفه
بس القهوه والهيل
اغلفه حراري ولا كبس من دون هواء ولا شلون
واشكركم من قلبي علي المرور

بس القهوه والهيل
اغلفه حراري ولا كبس من دون هواء ولا شلون



أخوي الموضوع هذا بالذات بسيط .. أهم شيء يكون التغليف مغلق تماماً .. ولايفرق حراري وإلا تغليف عادي .

جزاك الله خير اخوي مرحبا
شكل هذا اللي بسويه والله يعين يارب

بقي عندي سؤال مهم جدا جدا
وهو بالنسبه لاماكن التنزه والحدائق والبحيرات
كيف افرق بين المكان اللي مسموح فيه الطبخ والشوي والنفخ وبين اللي ممنوع
فيه لوحات ولا كيف اعرف
عشان اذا عجبني محل بالحديقه او البحيره او بجال الطريق او عند شلال
اوقف واطبخ فيه ولا لا

للاخوان اللي مسافرينبهذي الاجازه او رجعو لديارهم بالسلامه قريباً
ودنا نعرف نوع العزبه واغراض السفرهاللي استخدموها وينصحونا بها
او اللي غابت عن بالهم واحتاجو لها كثير
عشان نستفيدوشكراً

الله يسهل امركم

انا بجاوبك بناء على تجاربي ووجهه نظري وممكن الاعضاء يتفقون معاي او يختلفون


1- بخصوص شنطة العزبه ؟ (تكون شنطه مستقله زي حقت عزبة البر اللي عندنا ولا شنطه عاديه احسن).
شنطه عاديه افضل لكم

2 - قدر الطبخ يكون عادي ولا كاتم احسن ؟


قدر عادي - وافضل لك قدر الكهرباء
ولو انت محتد مره هناك تنباع قدور زي حقتنا



3- بالنسب للشاهي والقهوه (اكتفي بدله وريق شاهي) ولا اضيف بريق تلقيمه وغوري تسخين مويه وترمس ؟

افضلك خذ ترمس بس للشاهي وما يحتاج شي ثاني حط سكرك وشاهيك وخله يخدر براحته هناك فيه غلايات مويه
القهوه فيه مكينه مخصصه ( غلايه ) تحصلها في طريق الامير عبدالله بالملز


4- بالنسبه للمواد حسب علمي ابحتاج (كيس رز وتمر وهيل وقهوه وشاهي) هل لازم تكون مغلفه تغليف حراري ولا اكياس عاديه ؟ وهل هناك اوزان محدده مازيد عنها ولا عادي زي مابي ؟


افضل خذها مغلفه زي ماهي



5- هل هناك مواد محظوره بالسفر ولا كل شي عادي ؟ وماذا عن بهارات الطبخ؟


بهارات الطبخ اذا هي في علبتها مغلفه ماعندك مشكله
المواد المحضوره كثير

6- بالنسبه لدبة الغاز الخاصه بالطبخ والقهوه (سمعت من الاخوان انه تاخذ معك راس الدبه وتشتري الغاز من هناك) هل هذا صحيح وماهو النوع اللي ممكن احصل حجمه هناك ويكون كافي لي ؟


هناك تنباع جاهزه مخصصه للطبخ لا تاخذ شي معك ثم يمسكونك في المطار وتبلبش ما تسوى عليكم



7- والسؤل الاكثر اهمية بالنسبه لي هو : هل يسمح لي بالطبخ واعداد القهوه والشاهي داخل غرفتي بالفندق ولا لا ؟ طبعاً غرف الفنادق مو مخصص مكان للطبخ بها هل راح يغرموني او يعتمد علي سياسة الفندق ؟


طبعا لا ، ولكن قدر الكهرباء ممكن تستخدمه بدون مشاكل
بالنسبه للشاهي والقهوه متوفره غلايات المويه تساعدك





8- بالنسبه للكاميرا يامحترفي التصوير (انا ودي اشتري كاميرا لغير للهواة وليس المحترفين) اش افضل نوع ومديل يكون تصويره شبه احترافي وسعره معقول ؟

ماعندي تصور ولا افهم في الكاميرا والتصوير اسف


9- طيب انا سمعت عن شطاف السفر وين احصله ؟ ووين احصل افياش الكهرباء الدوليه ؟


الافياش افضل نوع جربته الي ينباع في الطياره يشتغل في كل مكان


اما شطاف السفر فممكن تحصله في ساكوا او السنيدي ومو شرط يضبط معاك في كل الفنادق



10- سؤال لايقل اهميه / بخصوص القارمن هل هو ضروري يكن بالسياره ولا يكتفي بالبرامج اللي بالجوال ؟ هل هي تفي بالغرض او لبد من وجود القارمن بالسياره ؟



طبعا القارمن افضل واضمن

الله يعطيك العافيه اخوي http://www.arabtravelersforum.com/user559567/
ماقصرت باجاباتك الوافيه
وجزاك الل خير
بس ممكن تخبرني وش سالفة غلاية القهوه هذي هي مخصه للقهوه ووين احصلها وصفلي المحل الله لايهينك
ماعندك صور لعزبتك اللي سافرت بها

شوف أخوي بقولك أيش أخذت معي بسفرتي الاخيرة

أخذت شاهي وبن وهيل وسكروالسكر أخذته مكعبات يجي مفلف وينباع في كل مكان
واخذت رز من البت وحطيته بكيس عايدي وربطها بيدي لا تغليف حراري ولاهم يحزنون
واخذت معلبات جبنه كرفت وعسل و وحلاوة وخلافه
اخذت بهارات الطبخ وحطيتها باكيس عاديه وربطها بنفسي
واخذت ثلاجه صغيرة للشاهي وثلاجه صغيرة للقهوة وكنت اسويها في الغرفه بواسطه غلايه للماء صغيرة انا مشريها ماركه جيباس
وقدر صغير للطبخ في بلكونه ، الشرفه، الغرفه .
بس الدافور دققوا علية بالمطار وقالو لي وين الغاز حقه وقلت لهم بدون غاز الغاز بشتريه من هناك ومشت الامور وفعلا اشتريته من هناك بمبلغ اربعه فرنكات سويسريه

الدخول من خلال ميونخ لا دققوا على العزبه



بالنسبه للوزن في ميزان خاص للشنط في ساكوا مررررة مفيد
قسم الشنط على عدد الافراد كل فرد شنطة وحدة وشنطه صغيرة تاخذها معك بالطيارة

والله يوفقك و رحله سعيدة من الموبايل

ابو عمر .. مساك الله بالخير .. معك اخوك الاعرابي بن يعرب .. سافرت عدة مرات لألمانيا المجيدة .. وكانت عزبة القهوة ماتفارقني بدلتها والملقمه وابريق الشااي
والترامس .. والامور كلها سهالات .. والرز معي والامور فله .. وتشري الدجاج من اي افغاني ولا ايراني مسلم هناك واضبط ام الكبسه
ولايهمك (الخواجات حمر الطرابيش )


وبعدين لايهيبون عليك جيل عام 2000 بكاشف الدخان .. حنا عريبيا طال عمرك ..
كنا لابغينا نتستس بالفندق (نتستس = نطبخ بالكاتم )
نغطي كاشف الدخان بالكيسه وصلى الله وبارك
سقف الفندق ماهو هكالارتفاع


ولايهمك اطلق خواجه .. الدافور الصغير الازرقاني معروف جدا هناك .. اشتره من هناك او خذه من هنا وعلب غازه معروفه باوربا
تقدر تشريها ... ولاتخلي عزبتك باوربا .. حنا عريبيا قطاعين الديار ..
اذا ماضبطت الكبسه بقلب اوربا .. والدله الشاذليه بالزعفران وشو له رايح

اخوي ماجد العينباوي جزاك اله الف خير والله يوفقك يارب
راح اخذ بنصيحتك اللي ريحتني كثير
يعني اهم شي الدافور يكون بدون غاز من النوع الازرق اللي خابرينه وهناك احصل الغاز بكل سهوله وهذا اهمشيء
الله يوفقك يارب
.
.
.
اخوي الأعرابي ونعم فيك وفي اصلك
انا اشهد انك كفو وتقول وتطول
صدقة ماله طعم السفر بدون الدله المبهره والكبسه المحبوكه وبراد الشاي اللي يطربك
والله يوفقك يارب
بس ودي اعرف بالنسبه لتزبيط القهوه والشاهي بالحدائق والجلسات الحلوه عند الشلالات وابحيرات
عادي باي مكان ازبط دلتي ولا اماكن محدده
والشكر موصل لكم جميعا

أنا جديد على أوروبا لكني توني جيت من سويسرا

و الحقيقة على طول نطيت إلى آخر صفحة ما أدري وش وصلك من معلومات

بالنسبة للقهوة والشاي ... الغلاية تقوم بالمقام مع الترامس تأخذها من هنا ...

بالنسبة للطبخ في الفنادق ... هو ممنوع ... كما هو الحال عندنا ...لكني طبخت أكثر من مرة في الفندق ...
ابعد عن جهاز الانذار وافتح النافذة ... و لا عليك ...بإذن الله

لكن نصيحتي ... لك ...

لا تسكن فندق ... إذا تبي تسكن فندق ... رح للبحرين ....افضل وارخص ..ههه

امزح .... سويسرا ... مالها أي قيمة في الفنادق ... وندمت ندامة ... كبيرة ..

أما بالنسبة للطبخ بالخارج ... و بأي مكان .... ممنوع ... بل ممنوع تحط فرشة ...

حطيت فرشتي وجلست خمس دقايق البوليس فوق راسي ... يقولي لك خمس دقايق ...إذا مريت وشفتك ..تراك تبي ترجع لأهلك
رجلية ....

نصيحتي خذ كل شيء تبيه من هنا إلا دبة الغاز ممنوعة في الطائرة ... خذ .. فطاير لوزين إن كنت عائلة خذ نواشف .. خذ
كل أدوات الطبخ حتى لو تأخذ ساطور .... ما أحد يقول لك شيء

قوارير الماء عندهم ...شيء بغاز وشيء بدون غاز .. يعني تشرب ماء و كأنك تشرب سفن اب ..
أسأل المحل ..

علما لا تذهب إلى المحلات الصغيرة ... السعر دبل الدبلات ...فيه شركة اسمها coop كوب موجودة في كل زاوية من سويسرا
عندها كل شيء

الله يعطيك العافيه ابو سليمان
بس انا مافهمت وش تقصد بالغلايه تقوم محل الدله والبريق
ممكن توضحلي

بن عمر;8033523]الله يعطيك العافيه ابو سليمان
بس انا مافهمت وش تقصد بالغلايه تقوم محل الدله والبريق
ممكن توضحلي[/QUOTE]

في هذا الرابط مائة صورة للغالية المقصودة بأنواعها
https://www.google.com.sa/search?um=...2F%3B300%3B309

1/ حط ماء في الغالية حتى يغلي
2 / ضع السكر في الترمس المخصص للشاي
3/ بعد غليان الماء اسكبه على ترمس الشاي
4 / ضع اربع تعليقات الشاي (ليبتون ) مثلا
5/ قفل الغطاء بالهناء والشفاء

القهوة
1/ ضع ماء إلى نصف الغالية
2/ ضع القهوة المطحونة في الغالية
3 / افتح الغطاء قليلا علشان ما تقفل أتوماتيكيا
4 / اتركها لمدة خمس دقائق تغلي ..
5 / اسكب هذه القهوة في الترمس المخصص للقهوة

وبالهناء والشفاء

اي استفسار
أنا مستعد

ياحبيبي يابو سليمان
الله لايهينك تعبتك معي
.
.
.
الاعرابي والله انك صادق هذولي دقيقين بكل شيء
.
.
.
طيب وش اخذ معي نواشف جبن سايل ومعمول تمر وتمر يكفي ولا ايش كمان

إذا أنت نازل على مطار جنيف

خذ كل شيء ... نصيحتي لا تخلي شيء ... فقط الممنوع دبة الغاز

جبن البقرة الضاحكة هناك سعرها 16 ريال تقريبا اللي عندنا ب 3 ريال

و انا مستعد لأي سؤال ... خذ راحتك بأي سؤال

أنا توني راجعه من سويسرا
الوضع طبيعي وميحتاج كل هالاستعداد
كان معاي موقد والغاز اخذته من ميغروس من جنيف عباره عن علبه الي مثل علبة البخاخ هو اللي يناسب موقدي
عادي أذا انت بالطريق وعجبك مكان توقف وتسوي الي تبي بس بشرط يكون موقف السياره في مكان نظامي أما مجاني او تدفع له مبلغ
قهوه وهيل وملحقاتها باي علب بالشنطه عادي
شخصيا ماافضل شنطه للعزبه المعروفه شكلها مو حلو وانت رايح سويسرا
أي شنطه من شنط السفر الكفرات رتب اغراضك فيها وعلى الشحن
كان سكني بفندق سويت مكرونه ع الخفيف بالموقد في البلكونه الامور تماام
اهم شي الغاز لايكون معاك من هنا فقط
وتاكد من عدد الشنط المسموحه لك فرد والوزن
وربي يحفظكم

غريبه ليه الفرشه ممنوعه !!!
يمكن جالس بمكان ممنوع مثلا !!
أنا جلست بفرشه على بحيرات وانهار وسجاده واصلي والوضع تمام
عموما لاتكون مكان محط الانظار ومزدحم
طبيعتنا بالاصل نحب الامكان البعيده عن العين

المشاركة الأصلية كتبت بواسطة محمد بن عمر
http://www.arabtravelersforum.com/tr...7/#post8030577

الله يعطيك العافيه اخوي http://www.arabtravelersforum.com/user559567/
ماقصرت باجاباتك الوافيه
وجزاك الل خير
بس ممكن تخبرني وش سالفة غلاية القهوه هذي هي مخصه للقهوه ووين احصلها وصفلي المحل الله لايهينك
ماعندك صور لعزبتك اللي سافرت بها







مع التحية


بالنسبة للمحل ما يحضرني الان لكن بوصف لك المكان


انت طال عمرك في شارع الستين متجة جنوب بتجاة شارع الظهران


راح تعدى مستشفى قوى الامن ثم تعدى ماك وكلها علي يمينك وكمان تعدى شارع الجامعة لحد ماتوصل لاشارة شارع الظهران


خذ معها يمين لحد ماتجيك اشارة شارع الامير عبدالله وفيه محطة على يسارك في الزاوية
خذ يسار ( شارع الي فية محلات الانارة )


تمشي 300 متر تقريبا يجيك محل كبير على اليمين حق كهرباء باسم عائلة مو اسم تجاري


موجودة عندهم الغلاية حقت القهوة وهي نفس فكرة غلاية الي راح ينزلها الدانوب


ممكن ترجع للرابط عشان تشوف الغلاية المشابهة

اخواني ابو سليمان ومستفيد وبس
جزاكم الله الف خير علي معلوماتكم
وانتو صدقين الواحد وده ياخذ كل شيء معه بس الوزن يحكمك بالطياره
بس اخوي مستفيد وبس
بسألك عن راس الدافور ابو دبه زرقاء الي عندنا موجود له دباة غاز هناك ولا لا
وانا في بعض الاوقات ممكن اسكن بفندق بدون شرفه
يعني لو فتحت الشباك وزبط اقهوه والشاهي حول الشباك عادي مايدرون عني
واشكركم علي التفاعل

اخي http://www.arabtravelersforum.com/user559567/
شكرا لك علي التوصيف الواضح جدا بس ودي اسالك عن سعرها وهل انت جربتها او تعرف احد جربها
يعني طعم القهوه كويس فيها ولا لا

المشاركة الأصلية كتبت بواسطة محمد بن عمر
http://www.arabtravelersforum.com/tr...5/#post8037155

اخي http://www.arabtravelersforum.com/user559567/
شكرا لك علي التوصيف الواضح جدا بس ودي اسالك عن سعرها وهل انت جربتها او تعرف احد جربها
يعني طعم القهوه كويس فيها ولا لا





سعرها ماعرف بالضبط يمكن 100 او 200 او بينهم
ان شاء الله هالاسبوع بمرهم وبشتريها
حجمها مو كبير حسب ما وضح لي الي جربها انها قدر الشخص الواحد والقهوة فيها ممتازة


هي ميزتها عند السفر ماتاخذ مكان وكيفك معك

والله اخوي ال http://www.arabtravelersforum.com/user559567/
اشكرك من قلبي وياليت تصورها لي كانك شريتها قريب انا ناوي امره بعد بكره ادورها اشوف

ابو عمر الله يسعد قلبك
والله اني ضحكت ضحكت ضحكت
حتى انفقع بطني ولكن موضوعك هذا استفدت منه الكثير مع اني انسان مطنش واحب اغامر في نطاق المعقول والنظام
اللي اكتشفته من الموضوع الرايق هذا انك انسان مدمن قهوه وشكلك دب تحب الكبسه وودك فيها باي مكان
اللي انصحك فيه يا ابو عمر انك لا تكبر السالفه لانك نفسيا راح تتعب وتحس انك رايح لشغل مهو سياحه وفله
انا طال عمرك رحلتي بعد اسبوعين يعني قبلك وابشر باذن الله اني لاعلمك باللي صار كله الا +18 هههههه
المهم اللي اتضح لي ان الشباب كلهم وانت والكثير يحسب اوروبا قاعده امريكيه يمكن لاي خطأ يرسلونه لغوانتنامو وهذا خطأ
انت انسان ولك حقوق اذا كان الكلب عندهم يسوي اللي يبي وانت لا يعني الكلب الله يعزك افضل منك هههه
امزح معك وابيك تاخذ راحتك عالاخر وتاخذ العزبه اللي تبي حتى البصل والثوم والزيت والقرفه والليمون والملح لا تنساها بس الاهم رتبها بشكل جميل كل صنف في كيس والاحسن خذ الاسيام الصغيره اللي تجي يربطون فيها اسلاك الاجهزه الجديده واربطها فيها الوضع بسيط
وبالنسبة لقدر الضغط انا استغرب ان الكل خايف منه ويقول خذ قدر عادي
طيب حط القدر في العزبه بدون غطى وبلف ويصير عادي
وحط الغطاء في شنطة ابو سعود خويك هههه
والبلف ما اني معلمك هههههههههههه
وبكذا تصير نظامي شغل حيله
وما دام معك سياره اغلب اغراض الطبخ اتركها بالسياره اذا كانت موجوده بالسكن
نجي للدافور يا اخوي اقرب بقاله في زاويه تشتغل فيها عجوز ترى لاززم عجوز عشان ما تكشفك قل لها ابي دافو لا تنطق الراء عشان ما تبلغ عليك الشرطه ههههههههههه
اجلس باي مكان بس اطلع عن الخط شوي اذا بغيت بيبي خخخخ لا يشوفونك
اوروبا ليست قران نمشي على انظمته اذا اهل اوروبا كل شوي في مضاهرات وحريه والسكارى يعملوها وقافي بالشارع ولا احد ردهم يعني حنا اولى اننا نبسط سياح ونزبط اقتصادهم
الله يوفقك يا ابو عمر انت والاخوان الرائعين اللي صراحه فتحوا مخي على اشياء كثيره سوف اعتمدها في رحلتي باذن الله وسوف ازبط الدله لو في سطح الفندق هههه
السؤال اللي محيرني ودابل كبدي انا وين القى فرشه ومراكي عندهم ؟؟؟ اخوك محمد وذكرني قبل رحلتك يمدي وصلت للبلد واخبرك بكل شي واقرب مالها المناكح واجد خخخ انا ارجع 28 سبتمبر

اخوي سابق علم
بالتوفيق وتروح وتجي بالسلامه
ولاوصيل تنزل منالطياره علي الجهاز تقولي عن سوالفك كلها بالتفصيل الممل
نبي ناخذ العلوم كلها
اخوي مستفيد جزاك الله الف خير استفدة منك الكثير جعله في موازين حسناتك