الموضوع: الدراسة في أميركا أرجو المساعدة

الأخوة الأعزاء

أشكركم بداية على جميع هذه المعلومات المفيدة والتي وجدتها متاحة في هذا المنتدى فيما يتعلق بالسفر إلى أميركا، لذلك قررت المشاركة فيه حيث أنني كنت من بين المجموعة التي تقدمت للحصول على بعثة للدراسة في أميركا، والحمدلله وفقني الله بالحصول على القبول، الآن تتعرضني مشكلة وهي تحديد الجامعة والولاية والمدينة المناسبة للإقامة والدراسة!
وبما أنني حقيقة ليس لدي خبرة سابقة مع أميركا، إلا أنني لا أنكر أنني متخوفة بعض الشيء وكنت افضل قبل الحصول على البعثة أن أتوجه بالدراسة لبريطانيا لأنها أكثر ألفة بالنسبة لي.

المهم بالنسبة للبعثة لأميركا كان الأمر شبة محبط، لأنه لا يوجد تفاعل أو أيجابية من المسؤولين في وزارة التعليم أو من المحلقية في واشنطن إذ يفترض من الطالب أن يتولى إعداد جميع شؤونه بعد حصوله على الضمان المالي، ومنها القبول والفيزا وتدبر مكان الإقامة.

شيء آخر فيما يتعلق بالبعثة.... بعد المراجعة أتضح بأن الملحقية لا تتحمل تكاليف الإقامة! وتكتفي بصرف مكافأة شهرية للطالب تبلغ الألف دولار! فهل ذلك يكفي للمعيشة في أميركا؟!

المهم حتى الآن لم أباشر بالتسجيل لأي من الجامعات، لأنني لازلت في حيرة، وأرجو أن أحصل على نصائح من الأخوة والأخوات اللذين سبق لهم الدراسة في أميركا... وأي الجامعات أفضل بالنسبة لماجستير القانون. وأي المدن أنسب للعيش... وكيف يكمن تدبر تفاصيل المعيشة وهل هنالك مؤسسات أو مكاتب تتدبر ذلك بالنسبة للطلبة الأجانب

تحياتي لكم

مواضيع عشوائيه ممكن تكون تعجبك اخترناها لك:

• محتاجه لرايكم خبراء كاليفورنيا
• انا حامل و ابي اولد في امريكا تحديداً في لوس انجلوس
• شيكاغو ؟؟؟؟؟؟؟؟؟؟؟؟؟
• صوري في سانت لويس
• مساعدتكم جدول في مدينة اورلاندو على يوم
• السفر الى بالتمور أرجو المساعدة
• هل السوائل مسموحة بالعفش
• هل يفضل تحويل رصيدي إلى دولات قبل الذهاب إلى أمريكا
• تأجيل موعد السفاره
• بورتريكو جاذبية من نوع خاص
• استفسار رحلات الكروز و القطارات
• الفيزا الامريكية وسوريا
• بنت الصقور او العارفين استفسار بسيط
• موقف لأميره سعوديه في مطار لوس انجلس
• السالم عليكم ورحمه الله الكل يتفضل خبراء امريكا
• الرحلة إلى عالم ديزني سياحة في عالم إلاحلام
• فزعتكم ياخبراء الفيزا
• استفسار بالنسبة للفيزا لشخصين
• ابحث عن شقه في سان انتونيو لمده 3 اشهر
• الف مبروك للاخوان الاعزاء و

تحياتي وبعد،

بالنسبة للأخت التي راسلتني على الخاص، فلتسمح لي أن أرد عليها هنا، وأعتذر عن ذلك مسبقاً، ولكن خدمة المراسلة عن طريق الخاص غير متاحة لي حالياً.
بالنسبة للقبول في الجامعات الأميركية، بالفعل لما وصلني الموافقة على البعثة اتصلت بوزارة التعليم العالي، صراحة حرقت تلفونهم من كثر ما اتصلت، لكن ردهم ما كان مشجع أبداً، ما حسيت في أهتمام، قالولي انتظر بعدين راح يكونون لجنة للقبول، وحسب ما فهمت أن التسجيل عن طريق الوزارة ياخذ وقت، فعرضوا علي أن أتصل بالمحلقية الثقافية في واشنطن، وبصراحة ما كذبت خبر على طول اتصلت، ولما تحدثت مع الموظف المسؤول والمشرف على تخصصي، ما حسيت في اهتمام، طلب مني أن أباشر بالتسجيل بنفسي، وقال أو إذا واجهتك صعوبة ممكن نساعد، بس يظل الأمر صعب بالنسبة لنا، لأن الولايات المتحدة كبيرة فوق الخمسين ولاية، وصعب أنه يتابعون التسجيل لكل الطلاب اللي بيجون للدراسة فيها، وبعدين مسألة ثالثة أن التسجيل عن طريق الوزارة أو المحلقية احتمال ياخذ وقت أطول ممكن 5 شهور... عشان كذا فكرت أختصر الطريق واسجل بنفسي، طبعا عن طريق واسطة مكتب مختص بشؤون التسجيل والدراسة في أميركا ويا مكثير هالمكاتب.. وترتب لك كل اجراءات السفر وتساعدك في الفيزا...

بس المشكلة بالنسبة ما هي مشكلة القبول... وإنما تحديد الجهة... أو المدينة اللي راح استقر فيها عشان كذا ما كملت الاجراءات لأني محتارة بخصوص هذا الموضوع، وأميركا كبيرة وكل ولاية عن بلد هنا!!!!!!!!!!

هذا كل ما عندي من معلومات
وأتمنى أني أكون قد أفدتك

تحياتي لك

اول شي مبروك حصولك على البعثه وبالتوفيق

بس اختي شكلك ماشاء الله عليك عندك معلومات :107:

انا برضوا وافقوا الوزارة يبعثوني اكمل ماجستير تجارة الكترونية بس مشكلتي مادري وش اسوي وكيف اجيب قبول :114:

باين من كلامك ان عندك معلومات عن كيفية الحصول على القبول وهو اخر همك فياليت تساعديني وشلون اجيب قبول ووشلون آلية المراسله لاني شايل همه واحس اني ضايع :110:

اخوي جوش

حاول تحدد لك 10 جامعات تكون مناسبة لك والديرة اللي فيها تكون مناسبة وراسلهم وانتظر الرد منهم

وبالتوفيق ان شاء الله

تحياتي لكم

بالنسبة للأخ جوش أولاً مبروك لك، والله يوفقنا جمعينا..
بالنسبة لمسألة القبول، يا أخي لا تشيل هم لأنه مثل ما ذكرت في رسالتي الماضية في مكاتب مختصة بموضوع المراسلة والتسجيل في الجامعات، وما عليك إلا تبحث في دليل التلفون عن عناوين هذه المكاتب، وهي تطلب منك الأوراق اللازمة للدراسة وتقوم بعملية التسجيل، وأحيانا ترتب لك الرحلة والسكن المناسب، وتساعدك في الفيزا، وتلاقي في مثل هذي المكاتب مستشار يساعدك في القرار طبعا في مقابل مبلغ تدفع.
وبالنسبة لي هذا الذي فعلت تماما، لكن المشلكة لدي لازلت في حيرة، ولست مقتنعة تماماً، المستشار نصحني أن ادرس اللغة في أوريغون.
بالنسبة لمرحلة الماجستير، لازم تحتاط أن يكون عندك من 2-4 شهادات تزكية من أساتذتك الذين سبق وأن درسوك، وأن تكون الشهادات مكتوبة بالأنجليزية طبعا.
ولكن قبل ما تتصل في مكتب للقبول، حاول أن تكون لديك قرار عن الجامعة والولاية التي ترغب أن تدرس فيها، وهنا المشكلة تكمن لأن الخيار أحياناً يكون صعب.
أكيد بعد الموافقة من وزارة التعليم راح يعطونك خطاب ضمان، هذا الخطاب تراسل به الجامعات، بعد ما يجيك القبول، ترجع مرة ثانية للوزارة عشان يعطونك خطاب ضمان ثاني للسفارة، عشان تكمل اجراءات الفيزا، وبعد كذا تراجع الوزارة ويصدرون القرار النهائي للابتعاث. ويعطونك حقيبة! فيها منشورات وتعليمات للسفر، مع... خطاب إركاب للخطوط السعودية يعني تكت.. فري.
والله أعلم....

بسم الله الرحمن الرحيم

اخواني انا بقولكم على الجامعات اللي اخترتها

وللعلم اللي اختار لي الجامعات عمي وعمي كان دارس بامريكا

جامعة اوريجون

جامعة كولورادو اللي في دنفر

جامعة ايستن ميتشيغن

جامعة كليف لاند

جامعة ويست فرجينيا

جامعة سان ديغو

جامعة كنت

بس اللي حسيت انه فيه تجاوب معي خاصه للقبول المشروط هم جامعة اوريجون

علما بان الجامعات المذكورة اعلاه تقع في مدن صغيره هادئه

اتمنى اني اكون افدتكم

شكرا لك اخوي المفجر
هذي الجامعات اللي عندي بس كيف اطلع الابلكيشن من الموقع؟؟؟؟؟؟؟؟؟؟؟

Carnegie Mellon University

Creighton University

Fairleigh Dickinson University

Georgia State University

Santa Clara University

تكفون يا شباب تراي حست بالمواقع وماقدرت اطلع الابلكيشن وتكفون اللي عنده وقت يطلع لي شروط القبول حقت اخر جامعه (سانتا كلارا) اهم شي يعني كم المبلغ اللي ارسله مع الابليكيشن ووش الارواق المطلوبة تكفون ياعيال هذي اهم جامعه عندي واذا لقيت قبول به ابشروا باللي يعزمكم على تيس مظبي بلاس فيجاس

اختي سوداء العينين الله يبارك بعمرك
بس لي عدة استفسارات الله لايهينك
1- وش المكتب اللي تعاملتي معه وتنصحين بالتعامل معه وكم المبلغ اللي ياخذونه؟؟؟

الأوراق المطلوبة عادة:
1- آخر شهادة حصلت عليها وهنا راح تكون شهادة البكالوريوس وطبعا النسخة الانجليزية
2- مرفق سكربت الدرجات (كشف الدرجات) مترجم.
3- شهادات تزكية من اساتذتك بالنسبة لمرحلة الماستر العادة بين 2-4 شهادات، للاحتياط روح جمع قد ما تقدر شهادات تزكية من أساتذتك...
4- يطلبون منك سيرتك الذاتية. أكتبها باللغة الأنجليزية، طبعا أكتب فيها اولا معلومات الشخصية اسمك عمرك حالتك الاجتماعية بعدين انجازاتك على المستوى العلمي، والدرجات اللي حصلت عليها، وخبرات العملية لو كان عندك، وبعد ضيف انجازات على سبيل الهواية واذكر أهم اهتماماتك
5- صورة من جواز السفر صالح على الاقل لمدة ستة شهور
6- وأخيرا مجموعة صور شخصية لك.

بس نصيحة عن طريق مكتب مختص بالقبول راح يكون التسجيل أفضل... والله أعلم

اختي سوداء العينين

وش المكتب اللي تعاملتي معهم؟

Josh
تحياتي لك مجدداً

بالنسبة لمكتب التسجيل في أميركا، في الحقيقة المكتب اللي أتعامل معه في دبي، وما أعتقد راح يفيدك لأنك بالسعودية. وأعتقد حسب علمي أنه الوحيد الموجود في الامارات بخصوص التسجيل في جامعات أميركا، ومعتمد من وزارة التعليم العالي الإماراتية، أما بالنسبة للمكاتب الموجودة في السعودية ما عندي فكرة، بس أكيد موجودة مكاتب مختصة ومثل ما نصحتك، أبسط شيء اتصل على الاستعلامات بالتلفون وأطلب منهم رقم مكتب مختص بالتسجيل والقبول بجامعات أميركا وأكيد بزودونك بلسته... مثل ما سويت أنا... ومن خلال الاستعلامات وصلت لعنوان المكتب.
وبعدين حددت موعد وقابلت المستشار، هو طلب مبلغ 3500 درهم، وقال أن هذا شامل اجراءات التسجيل والقبول والتسهيل بالنسبة للحجوزات الطيران والسكن والاستقبال من المطار وتسهيل اجراءات الفيزا بما أنه مكتب معتمد في التعليم العالي.
حتى اللحين أخذت الاستشارة مجانية وفهمت الاجراءات لكن ما حبيت استعجل، عشان كذا جالسة أجمع معلومات قبل ما أحدد وأتعاقد معهم.
بالنسبة لخطاب الضمان، هو مجرد وثيقة للجامعة تثبت فيها إن الوزارة راح تتحمل النفقات، لأنه عادة اللي يسجلون على حسابهم الخاص عشان يحصلون القبول على الاقل يقدمون وثيقة من حساب بنكي تكون عبارة عن ضمان لدفع رسوم التسجيل وهذا الخطاب يعلب نفس الدور...
يعني ما يحتاج ترسل الاصل... ارسل نسخ أفضل.
بالنسبة عن الجامعة اللي تحب تسجل فيها ودراسة كورس اللغة، كل هذه المعلومات تقدر تنسق معها مع المستشار لأنك ممكن يكون عندك تصور معين لكن لما تستشير تكتشف شيء ثاني.. خصوصا لما ما يكون عندك خلفية أو فكرة كبيرة.
مثلاً.... أول خيار بالنسبة لي كان جامعة شيكاغو، لكن بعد استشارة المكتب، نصحني أن أدرس في جامعة تكون داخل المدينة، أسهل في التنقل... وبالنسبة للمرافق الثانية الحيوية. وما كان عندي فكرة أنها اصلا تبعد عن المدينة وهكذا...

والله يوفقنا جميعا يارب...

[align=center]السلام عليكم ورحمة وبركاته
الى جميع الأخوة و الأخوات بعطيكم طريقة عامة لتقديم ليعم الفائدة
1- التقديم مباشرة للجامعة أفضل لئنك ستكون على اتصال دائم معهم بدون وسيط(المكاتب عندهم عشرات غيرك) وجهة نظرة
2-طريقة التقديم لأي جامعة عادة متشابهة جداً وهي كتالي ابحث في الصفحة الأولى عن كلمة Admission ومعناها تسجيل
عند الفتح على الصفحة ستجد كلمة International اخترها ثم هناك عادة أختيارين Graduate or UnderGraduate
أخترGraduate وهي يعني انك متخرج والثانية انك ما بعد تخرجت بعد كذاهناك غالباً شرح أختر كلمة Apply
on Line يفتح لك Application
وأكثر الجامعات يكون الرسوم من 45 - 60 قد يقل بكثير أو يزيد أيضا بكثير
بعد كذا عبئ وأدفع الرسوم بعد تقريبا أسبوع يردون عليك ويعطون التوجيهات انك ترسل الأوراق المطلوبة زي ماقالت الآخت سوداء العينين ثم اتبع الي يقولونه لك
وعلى كذا انت شبه خلصت :107:
مع تمنياتي للجميع التوفيق والسداد
أخوكم رجع الصدى :101: [/align]

تحياتي لكم

بما أننا سنكون مجموعة كبيرة، ياليت نكون رابطة بالطلبة، تهتم بمثل هذه الشؤون، وكي نكون على اتصال، لأنه لو حصل مكروه لا سمح الله أو تعرض أحد لمشكلة يلاقي معه جهة تدعمه!!!!!! هذا مجرد إقتراح وش رايكم؟

شيء ثاني سمعت أنه هناك في بعض الولايات أندية للطلبة السعوديين أو الطلبة العرب، لو كان أحد عنده عنوان الاتصال بهذه الأندية، راح يكونون داعمين لنا في هذه المرحلة، وراح يغطون على استفسارت كبيرة حنا مو عارفين اجابتها.

وشكر

اختى سوداء العينين .. انتى تقصدين مكتب امديست ؟ اللى ساعدك فى القبول ...

http://www.saudidenver.com/Home%20.html

النادي السعودي في دنفر

http://www.saudiclub.us/index.php

موقع الطلاب السعوديين بالولايات المتحدة

تحياتي بنت الصقور
بالنسبة لأسم المكتب هو: Innovation World Consultants
وإذا كنت تعرفين مكتب آخر أرجو منك تزويدي بعنوانه.

وشكرا لك يا أخ أبوداحم على هذه الوصلات.

تحياتي لكم

ممكن موقع الطلاب السعوديين بكاليفورنيا

الله يعطيكم العافية يا شباب على هالمعلومات القيمه

وبالنسبة للاخوان اللي استفسروا عن طريق الخاص للاسف ما اقدر ارد عليهم لان ميزة الخاص غير متاحه لي حاليا
وبالنسبة للضمان المالي هو عبارة عن وثيقة تتكفل فيها الوزارة بانها تبي تصرف عليك

ودمتم

انا بنظم معكم بالرابطه

بس السؤال وش الاوراق المطلوبة للضمان المالي

تحياتي
لا يوجد أوراق معينة، سوى ما هو مطلوب في الإعلان، الشهادة + جواز السفر+ البطاقة الشخصية.

هذا ما أعرفه
أتمنى لك التوفيق

الأخ الكريم JOSH

أنا تقريبا مثل وضعك.. تجارة الكترونية وحاط عيني على Santa Clara
بصراحة دخلت موقع الجامعة على النت وعندي بعض المعلومات وأتوقع ان احنا بنستفيد من بعض لو كان بيننا اتصال
اذا حبيت, أبعطيك المسنجر تبعي, وبالتوفيق للجميع
mailto[email protected]