:smile002:
الكل منكم يعرف قصتي مع السفارة ما يحتاج أكررها :101:
والحمدلله على كل حال الله ما كتب لنا رزق في البعثة هذه
رغم التساهيل اللي بدأت بها رحلة البعثة
ورغم التكاليف اللي كلفتنا علشان هذه البعثة
ويمكن تجي الفيزا ويمكن لا :114:
يمكن الشخص إذا تعلق منا بشيء ولا حصل له بسبب ما يحصل له نوع من الإحباط
ولازم يحصل الإحباط لأنه حلم تعلق به ليبني مستقبله وبلده ودينه وحياته كلها
بس صدقوني بقدر ماهي
تستاهل ما
تستاهل أبدا
كيف ما ادري؟؟
بس يمكن اللي بجامعته ما
تستاهل
يمكن اللي بوظيفته ما
تستاهل
يمكن اللي بين أهله وناسه ما
تستاهل
....
أنا كنت ناوي اوصل معاناتي بطريقتي الخاصة للإعلام لأحرج السفارة والخارجية السعودية والأمريكية
كلمت خالي طبعا دكتور وكاتب في صحيفة الرياض وقلت له وش رأيك
قال ما
تستاهل :101: ومن حقهم يرفضون أي احد وأنا رفضوني قبلك مع اني خريجهم واولادي يحلمون جنسيتهم
قلت من حقهم يرفضون أو يقبلون بس مو من حقهم يعلقون الواحد منا :108:
قال ما
تستاهل ولا تتعب نفسك وشف لك غيرها
وطلعت الشغلة ما
تستاهل التعب هذ كله
سمعنا المواطن اللي مزق فيزته في القنصلية وامام السفير
وسمعنا رجل الأعمال اللي كان ناوي يحضر حفل تخرج اولاده ولا قدر
ورأينا أن جهودهم ما
تستاهل التعب هذا كله
طيب الحل!!!
في مثل دارج بين الشباب يقول
طنش تعش تنتعش :101:
أكتشفت انه مثل ممتاز :24:
أبتسم :101: حالة ممتازة ثانية
تحصل نفسك أرتحت من هذا الهم كله
.....
غرابة تصرف السفارة
بعد ما سلمت جوازي بـ 24 ساعة قالوا تعال خذ الجواز تحتاج مزيد من الإجرائات
بعد ما أخذت الجواز اتصلوا علي وقالوا نبي منك بصمات وورقة من الأمن السعودي تثبت خلوك من الشبهات أو ما أدري وش قال :109:
طبعا الشغلة ما
تستاهل وخليها إبتسامة
قلت بصمات لأصابعي بس
ماتبون بصمات العائلة الكريمة :109:
طيب بصمات أصابع قدمي وبطن قدمي (أجلكم الله) ما تحتاجونها :109:
بسرعة علشان أسجل الطلبات في ورقة
قال لا
قلت شكرا طق على زر الجوال :106:
ما
تستاهل
طبعا يوم أستلمت الجواز مع وقفة الناس في الحر والشمس طاح هندي عند شباك الإستلام دايخ :108:
والله ما تكفلوا وما حاولوا يشوفون وش اللي طيحه او حاولوا يشوفون ليه طاح مع انه واقف أمامهم
صحي الرجال بمساعدة بعض الأخوة السعوديين والاجانب اللي برى السفارة طبعا
صاح عليه الهندي اللي داخل الغرفة قال وش فيك ووش جابك وسحب منه ورقة الإستلام بقوة
وفي الأخير رجعها له وقال ما خلصت
والهندي المسكين رحلته اليوم الثاني
طيب هنا
تستاهل ولا ما
تستاهل :114:
ما
تستاهل :109:
ما انكر الألم اللي حصلته عند الإستلام كل الشباب يستلمون الجواز بالمظاريف (الله يوفقهم) وانا لا
وكل ما سألني واحد وش لك هنا قلت فيزا سياحية :109: ويوم استلمت الجواز صلحت نفسي أني أقراها ومبسوط :109:
وهي ما فيها شي لأنها ما
تستاهل
......
عموما الله يعوضنا خير منها وسلمت راية البلد اللي مرفوعة لنا
وامريكا ما تستاهل التعب هذا
عندنا استراليا ألمانيا كندا والآن هولندا كلهم متقدمين ومحترمين ويمكن
يستاهلون
تعبير بسيط على قدي :109:
واخت ياسمينة علشانك بطلنا نعمل شيء يمكن يخرب على اخواننا البقية والشغلة ما
تستاهل التعب
واحب أقول لكم نصيحة يا اخوان اللي تسهلت اموره الله يوفقه ويعينه وان شاء الله يرفع راس بلده
واللي ما تسهلت له يحمد ربه ويدعو ان الله يعوضه خير منها ويبحث عن غيرها
والله سبحانه وتعالى يقول
اسع يا عبدي وأسعى معاك)
:smile001:
رد مع اقتباس
اخوك الحربي من جوار المصطفى عليه السلام 
المفضلات