الموضوع: ماهي تخصصات للحاسب الآلي وأفضلها؟؟ حوار مفتوح منكم وإليكم

السلام عليكم ........


اسعد الله صباحكم جميعا((الساعة تشير إلي السادسه صباحاً .... يوم جميل لكم ولي :surf بإذن الله))


نبدأ حوارنا .....


1- تخصصات الحاسب الآلي ؟
2- ماهي افضل التخصصات ؟؟
3- ماهي التخصصات الموجوده في الجامعه المعترف فيها ؟؟



اترك الحديث لكم ........................... وبإنتظار ردودكم :24:

اخوكم ناصر

مواضيع عشوائيه ممكن تكون تعجبك اخترناها لك:

• استفســار للأخ ملبورن ومن لدية نصيحــه
• من كلية مجتمع إلى جامعة
• فزعتكم يا أهل السعوديه قطري محتاج مساعدتكم
• داهيه ماذا حصل في استمارة البعثه
• استفسار واستشاره من الاخوان المشرفين والخبراء
• كيف أراسل المعهد ،، وعدة إستفسارات
• محتاجة لردكم عاجلاً
• في غاية الاهميه
• مين يعرف المنطقة ذي في فلوريدا ميامي
• استفسار معاهد اللغة في ولاية كارولينا الشمالية
• البحث عن أفضل معاهد اللغة الانجليزية في الولايات المتحدة الامريكية
• استفسار ضروري
• اي جامعه افضل للتخصص مختبر البترولي
• عاجم عاجم عاجل وهام
• بنت الصقور
• اسئله لأهل الخبره ؟ من ناحية الوصول
• سؤال عن معهد في مدينة ساوثامبتون ؟
• سؤال ؟ ياليت احصل الاجابه
• سفارة جده والا الرياض لاهل الجنوب وايهما اسرع اخوكم المرجوج
• ارجوا المساعده بليييز

الأخ ناصر بما إنك ترغب بدراسة الحاسب الآلي حاب أتفلسف عليك حبتين (فاضي وحاطين قدامي كمبيوتر)
أولاً التخصص رااااااااااائع
لأني بالمجال من أربع سنوات وتخرجت من جامعة اللمك سعود تخصص تقنية معلومات.
ثانياً
بالنسبة لطلباتك على حد علمي التخصصات هي

1- برمجة حاسب ( وهالمقررات لاتروق لي لصعوبتها وتحتاج مخ نظيف وإنسان رايق )
2- هندسة الحاسب - الشبكات ( هدفي دراسة الماجستير بهذا التخصص لأنه الآن البلد منفتح على الشبكات بشكل فوق الوصف)
3- تقنية المعلومات طبعاً يعتبر الأسهل في نظر البعض لكن حقيقة لايختلف عن غيرة لكنه يميل للأمور الإدارية أكثر مع إنك بتدرس تقريباً أكثر المواد الأساسية

أفضل تخصص من وجهة نظري إنك تدرس شبكات وتقنية معلومات لأنك تقدر بأمريكا تسويها وياعيني عليك بيرتفع سعرك في بورصة الشركات

كل التخصصات موجودة عزيزي يعني بعض الجامعات معترف في بعض التخصصات وبعضها كل التخصصات يعني أول ماتحدد جامعة شوف التخصصات اللي معترف فيها هذا الامر بكل بساطة

أتمنى إستفدت من الفلسفة حقتي ( خذ اللي يعجبك والباقي قطه بحر)

تحيـــــــــــــاتــــــــــــــي

شباب وينكم .... افى ماهي الهقوه ...

شبكــات ومايحتاج

وبالتوفيق لك يارب

اي والله وينكم يا اهل الخبره انا حاسب بعد دبرونا يالي عندكم خلفيه

بالنسبة لأفضل تخصص وأوسعها واكثرها أهمية وطلب بالسعودية علوم الحاسب الآلي

وبما ان المملكة داخلة على سوق التأمينات الصحية فقد يكون نظم المعلومات الصحية His مرغوب مستقبلا
وعندك أيضا من التخصصات القوية أدارة نظم المعلومات Mis ونظم المعلومات Is
بس العلوم يشملها للي ما يبي يتخصص
يعني العلوم يدرس المعلومات الصحية والعامة والإدارية وما مثلها

بالنسبة للشبكات والكيبلينج أيضا الأحب لقلبي هي والهندسة
بس للأسف سوق المملكة لا يحتمل الكثير منها لأنه لا زال سوق صغير في النواحي الهندسية

هذا رأيي واتمنى أنك أستفدت منه

المشاركة الأصلية كتبت بواسطة ابن السعودية


بالنسبة للشبكات والكيبلينج أيضا الأحب لقلبي هي والهندسة
بس للأسف سوق المملكة لا يحتمل الكثير منها لأنه لا زال سوق صغير في النواحي الهندسية



معليش أقولك غلطان الشركات تدور سعوديين في هالتخصص بس ماهي محصلة إذا معك شهادة وعندك شوي خبرة فيه شركاات أن أعطيك أسمائها محتاجين شباب سعوديين مو محصلين أحد بس المشكلة إن الشركات بعضها لها نشاطات كبيرة بس ماتعرف وين مواقعها ولا فيه دعاية لها وخذ بعض الشركات والله بعضهم عرضوا علي وعلى بعض الشباب اللي أعرفهم وظائف
عندك مثلا
1- شركة الشبكات المتكاملة - الموقع برج الفيصلية - الدور السابع - عندها 50 وظيفة بس في مجال الشبكات والكيبلنق ماحصلو إلا واحد نقلاً عن أحد الشباب
رقم تلفونهم 2734474
2- شركة الإتصالات المتكاملة مقدم خدمة الواي ماكس مستثمرين 3 مليار ريال :24: ( مبلغ على كيف كيفك )يبحثون عن سعوديين
تقدر تقدم عن طريق الإيميل الخاص بالتوظيف : mailto:[email protected]
أو هاتف رقم 4058900
3- شركة بين والأخرى بيانات هذي الشركتين حصلوا على الرخصة الثانية لتقديم خدمات الإنترنت بعد شركة الإتصالات يعني لسى يأسسوا في شبكتهم توقع كمية الوظائف اللي عندهم كبيرة طبعاً
4- شركة موبايلي عندهم وظايف وعدد السعوديين يعني حلييو بس يعتبر ضعيف في مجال الشبكات
5- الإتصالات السعودية أنا موظف هناك وعندنا نسبة أجانب كبيرة ويحبها قلبك ودي يصيرون سعوديين
بس نعتبر أفضل من غيرنا اللي ماعندهم أحد
ويوجد شركات كثيرة مجال الشبكات الآن بالسعودية انفتح وراح يزيد بشكل كبير كبير بس وين السعوديين
أعترف إحنا مقصرين وندور الراحة لكن والله في شباب كانوا معانا ممتازيييين :113: الآن يستلموا مرتب أنا احصل عليه بثلاثة شهور شوف الفرق :110:
وسلامتكم
أتمنى تستفيدوا من التوضيح

والله شوف أنا ما بنكر كلامك بس من واقع تجربة

انا هندسة حاسب طبعا مساعد مهندس مو مهندس
وشغال بـ It في أحدى الجهات

اللي عنده هندسة ما نوظفه مثل اللي عنده علوم وإذا وظفناه على وظيفة محلل نظم أو مدير مشروع

انا مساعد مهندس وبدل ما أشتغل هارد وير صرت أشتغل سوفت على البرامج الصحية

فصدقني سوق الهندسة غير قوي وكبير مثل سوق العلوم
ولا تنسى الحكومة الإلكترونية اللي مقبلين عليها تحتاج إلى محللين ومبرمجين اكثر من المهندسين بكثير

وعموما لازالت الهندسة والعلوم غير ماخذه حقها في السعودية

يعني إلى الآن ما عندنا شركات قوية في برامج الكمبيوتر أو اجزائة

لكن اتوقع طفرة إن شاء الله أكبر من الآن للحاسب في السعودية في ظل توجه الحكومة الإلكترونية

تحياتي لك

طيب هندسه العلوم هاذاي وش تدرس بظبط

مافي شي اسمه هندسة العلوم

في علوم وفيه هندسة

العلوم سوفت والهندسة هارد

هذه أبسط طريقة أقدر أشرح لك فيها الفرق

طيب هندسة الاتصالات مالها سوق ؟

افضل 3 تخصصات بانسبه لي

نظم المعلومات الاداريه

تقنيه المعلومات

التأمين

اخووووي لا تفكر باي شي غير

هندسة شبكااات

تخصص قوي جدا جدا جدا جدا

فيه ثلاث تخصصات تقريباً ...

1- علوم حاسب ... و هو تخصص صعب جداً .. و يحتاج شخص يعشق البرمجه او بالاصح مخه يهوى البرمجه ...

2- هندسة الحاسب ... من اقسامها .. الشبكات .. الروبوتيه ..

3- نظم المعلومات ... تجمع بين الاداره و بين تطبيقات الحاسب الالي ... و هو تخصص مطلوب في سوق العمل بشكل كبير ....


كلها تخصصات قويه و مميزه ..

انصحك بنظم المعلومات او بشبكات الحاسب الالي ..

بالتوفيق ,,,

اممم اجل غلط مطبعي هندسه علوم شكلي خلطت بينها

لكن هندسه حاسب الي تدري البرمجه ولكن هل لها مستقبل وضيفي

مضمون و وتخصص شبكات في كليه التصلات وش رايك فيه من ناحيه وظيفيه وتكمله بكالريوس

نظم المعلومات
مطلوب وله مستقبل

يا اخوان أفضل تخصصات الحاسب هو الـ Computer since

وبقية التخصصات أغلبها تندرج من تحته مثل

Information system - IS
نظم المعلومات

Management Information system - MIS
إدارة نظم المعلومات

Health Information system - HIS
نظم المعلومات الصحية (هذا يتوقع بأن يصبح الأقوى بينها كلها في السنتين هذه بسبب وجود شركات تامين صحي مستقبلا ووجود الحكومة الإلكترونية اللي بدات من المستشفيات مثل العسكري والحرس والتخصصي والمدينة الطبية)

واللي عنده الـ Computer since
يشتغل MIS & HIS & IS
بس يحتاج له كم دورة من العمل او خارجه ويصبح معلم

بالنسبة لهندسة الشبكات والإتصالات مما لا شك فيه بانها قوية جدا وهي افضل للي ما يحب شغل البرمجة و تحليل النظم لكن لا زال سوقها ضعيف في السعودية مقارنة مع العلومComputer since