الموضوع: والله محتاح خبرتكم ودي استانس

السلام عليكم ورحمة الله وبركاتة

بعدالتوكل علي الله قررت ان اصيف في امريكا مع الاهل

وبعد قراءة التقارير والدراسة فكرت بما يلي

تاريخ السفر 18/ 6 /2010
تاريخ العودة 27 /7 / 2010

الرحلة علي الخطوط القطرية

كويت واشنطن كويت
والصراحة يأخواني وخواتي انا علي الله ثم عليكم واحس اني متوهق حييييييييييل في تنظيم الرحلة مدري شلون ارتب الرحلة حسب قرب الاماكن عند بعض
(( يعني ابيكم تضبطولي خط السير))

للعلم اني أبي أجر سيارة

الاماكن المراد زيارتها
واشنطن
فلوريدا (( اورلاندو - ميامي - تامبا ))

كليفورنيا (( لوس انجلوس - سان دييقو - سان فرانسيسكو))
لاس فيقاس
نيويورك

ابي منكم خدمة كلكم الله يرحم والديكم
ضبطولي خط السير وعدد الايام في كل مكان ازورة

واذا في اماكن تنصحوني بزيارتها غير هذي الاماكن قولولي

واذا في اماكن ماتستاهل الزيارة الله يرحم والديكم قولولي

وشكرا والله لدعيلكم من كل قلبي

مواضيع عشوائيه ممكن تكون تعجبك اخترناها لك:

• استفسار صغيييير عن ال
• كروز الى الاسكا
• حجزت على الخطوط المغربيه اريد سؤالكم
• استفسار عن الممنوعات في مطار لوس انجلوس؟
• تقسيم الليالي في أورلاندو وميامي
• عضو جديد فهل من مرحب وهل التواجد في امريكا قبل احداث سبتمبر بقليل اشهر سبب لطول
• تأشيرة أمريكية للزوجة .. ؟
• اوت لت نيويورك والا لوس انجلوس
• استفسار بسيط وارجو المساعدة
• رسالة شكر وتقدير لاعضاء المنتدى
• خبراء امريكا ابي مساعدتكم افضل فنادق للسكن قي ارفاين
• دراسة في امريكاهل جربها أحد؟
• الرجاء المساعدة بخصوص الفيزا للسوريين
• مقابلتــي يوم الاثنين لكـــن
• بخصوص كشف الحساب هل يحتاج كشف الحساب ختم البنك المصدرمنه
• ساعدوني في رحلتي لامريكا
• الجوال ضرووري
• دورة في مع الدعاء للخبراء
• اورلاندوالميزانيه
• اوتلت في واشنطن و نيويوورك

أنا ما شفت امريكا ولاجيتها وناوي اروح لها في شهر 7 السنه هذي لكن من كثر ماشفت استفسارات من هالقبيل حفظت جمله يقولها المشرف الخبير امباكت..

يقول حرام عليك تروح للشرق وبعدين الغرب..نسيت التكمله

تروح وترجع بالسلامه

و عليكم السلام و رحمة الله و بركاته

العوده الأفضل تكون من نيويورك حتى ما تضطر ترجع لواشنطن مره ثانيه

واشنطن مو ذاك الزود الأفضل تستبدلها بشيكاغو لكن ما يمنع تزوروها خصوصا هي اول محطه في رحلتك

لو معاك فيزا كنديه ضروري تزور نياغرا

مدة الرحله 39 يوم تقريبا

واشنطن 3 أيام

طيران إلى

أورلاندو 11 يوم و استئجار سياره

ميامي 3 أيام تسليم السياره بمجرد الوصول

طيران إلى

لاس فيغاس 3 أيام

استئجار سياره و التوجه إلى

سان دييغو 3 أيام

نيوبورت بيتش 4 أيام

أحد ضواحي لوس انجلوس (سانتا مونيكا أو ويست وود أو هوليوود أو بفيرلي هيلز) 5 أيام

بالسياره إلى sf على الطريق الساحلي و التوقف في سانتا باربرا

سان فرانسيسكو 3 أيام و تسليم السياره بمجرد الوصول

طيران إلى

نيويورك 4 أيام

برنامج طبشورة رائع ...
وبصراحة هذا كان برنامجي بنسبة 90%
وكانت الخطة من 3 سنوات لكن لم ينفذ لكن لا زالت موجوده ومع الاهل ان شاء الله قريباً

وااله يجزاكم الف الف خير

بس ياجماعة هل الاماكن اللي انا مختارها حلوة

او في اماكن ثانية تنصحوني اني ازورها

الله يوفقكم انشألله

المشاركة الأصلية كتبت بواسطة ابو أوراد
http://www.arabtravelersforum.com/tr...0/#post3848380

وااله يجزاكم الف الف خير

بس ياجماعة هل الاماكن اللي انا مختارها حلوة

او في اماكن ثانية تنصحوني اني ازورها

الله يوفقكم انشألله



ماشاء الله عليك كفيتي ووفيتي ولا بقى لك الا شيكاكو ويكفيها 3 ليالي وبوسطن ويكفيها 3 ليالي وما انصح فيهم حيل لكن طبشوره بصراحه ابدع ابداع خيالي ..

جميع الاماكن الي ذكرتها خبيرتنا طبشورة تستاهل والايم ممتازة لها !!

بالتوفيق

الأخ ابواوراد
قوللي من فضلك بكم اخذت التذكرة على الخطوط القطرية . . ؟
ابي أقارن السعر من عندنا بقطر و عندكم بالكويت

سعر التذكرة اخوي 440 دينار

جراك الله خير يأخت طبشورة والاخوان كافة

بس حبيت اسأل هل في جزر جميلة يمكنني ان ازورها ويكون فيها نشاطات حلوة

المشاركة الأصلية كتبت بواسطة ابو أوراد
http://www.arabtravelersforum.com/tr...9/#post3848669

سعر التذكرة اخوي 440 دينار

شكرا يا أخ ابو داوود
يعني حوالي 5000 ريال قطري
و احنا نشتري نفس التذكرة من الدوحة الى واشنطن
بأكثرمن 6500 ريال
ما ادري ليش الخطوط القطرية تستغل القطريين

المشاركة الأصلية كتبت بواسطة alderhim
http://www.arabtravelersforum.com/tr...4/#post3849914

شكرا يا أخ ابو داوود

يعني حوالي 5000 ريال قطري
و احنا نشتري نفس التذكرة من الدوحة الى واشنطن
بأكثرمن 6500 ريال

ما ادري ليش الخطوط القطرية تستغل القطريين

ليس دفاعاً عن القطرية ... لكن هذا ليس بمقياس
تاريخ الحجز يفرق في سعر التذكرة ..

اخوي لو انت تشوف ايش الاماكن اللي تبي تروحها في كل مكان وعلى اساسها قرر الايام لان اللي يناسب غيرك قد لايناسبك ويعتمد عندك اطفال او لا..او انت وزوجتك بس..او انتوا عائلة كل اللي فيها كبار..او انتو اصحاب.
انصحك تتطلع على قسم التقارير حق امريكا وبتلاقي اعضاء كاتبين تفاصيل رحلاتهم وبالصور والشرح وكل شي..
واحضر معك ورقة وقلم واكتب كل منطقة ايش فيها وايش يناسبك تبي تروح له وبعدها انت قسم الايام على اللي يناسبك..مثلا فيه اعضاء راحوا كاليفورنيا بس لكنهم ماراحو فلوريدا..فتلاقيهم قاعدين فترة اطول في لوس انجلوس لانهم ممكن يقضوا يومين الى اسبوع في دزني لاند..لكن انت في حالتك تعتبر دزني اللي في فلوريدا اكبر فاكيد انك بتروح اللي في فلوريدا وبذلك مارح تروح اللي في كاليفورنيا.

المشاركة الأصلية كتبت بواسطة alderhim
http://www.arabtravelersforum.com/tr...4/#post3849914

شكرا يا أخ ابو داوود
يعني حوالي 5000 ريال قطري
و احنا نشتري نفس التذكرة من الدوحة الى واشنطن
بأكثرمن 6500 ريال
ما ادري ليش الخطوط القطرية تستغل القطريين

مو المسأله استغلال قد ما هي تسويق

ايش اللي يجبرني أروح على خطوط ثانيه و أوقف ترانزيت بعد أقل من ساعه من الاقلاع إذا ما فيها فرق في السعر







المشاركة الأصلية كتبت بواسطة الهلالي
http://www.arabtravelersforum.com/tr...1/#post3849971

ليس دفاعاً عن القطرية ... لكن هذا ليس بمقياس
تاريخ الحجز يفرق في سعر التذكرة ..




قبل شوي شيكت على الاماراتيه الرياض نيويورك و دبي نيويورك في نفس التواريخ

طلعت من الرياض أرخص

صحيح الفرق بسيط أقل من 500 ريال في التذكره

لكن لما نجي تحسبها الاماراتيه ربحانه في جميع الاحوال

إذا ما وسوست لك نفسك تجلس يومين على الاقل بما انها على الطريق و تدفع في فنادقها ألوف مؤلفه أقلها حتتسوق في السوق الحره و في كل الحالتين حتدفع أضعاف اللي وفرته

المشاركة الأصلية كتبت بواسطة الهلالي
http://www.arabtravelersforum.com/tr...4/#post3848064

برنامج طبشورة رائع ...
وبصراحة هذا كان برنامجي بنسبة 90%
وكانت الخطة من 3 سنوات لكن لم ينفذ لكن لا زالت موجوده ومع الاهل ان شاء الله قريباً



ايش كانت الـ 10% الباقيه






المشاركة الأصلية كتبت بواسطة ابو أوراد
http://www.arabtravelersforum.com/tr...6/#post3848676

جراك الله خير يأخت طبشورة والاخوان كافة

بس حبيت اسأل هل في جزر جميلة يمكنني ان ازورها ويكون فيها نشاطات حلوة




الكاتراز

فيك تزور هاواي لكن مشكلتها البعد أو الجزر الموجوده في الكاريبي البهاماز غراند كيمان الفيرجن ايلند و غيرها

'طيب يا طبشوره
مره كنت ابي احجز على فينا من الرياض ... مالقيت حجز
ونفس التاريخ ونفس الطيارة لقيت حجز على الرياض ميونخ ...
مع العلم ان جميع رحلات ميونخ في هذاك الوقت تتوقف في فينا
حتى اللي كان معي قال نحجز لميونخ وننزل في فينا .... قال موظف الخطوط والشنط يا حلو بتروح لميونخ ..
في قصة غريبة ثانية بعد صارت لي مع لوفتهانزا بس مالي خلق اشرح
على العموم عندهم طقوس وانظمة غريبه ..
،،،
بخصوص الجدول باختصار مدة الرحلة 34 يوم :
مع فتح محطات جديده لطيران الامارات تم تعديل محطة الوصول وكانت كالتالي:
1- الو صول لسان فرانسيسكو ... 3 ايام
2- الى لو س انجليس بالسيارة ... 8 ايام ... موزعه 4 ايام في شمالها و4 في جنوبها
3- الى لا س فيجاس وتسليم السيارة مباشره ... 4 ايام
4- الى اورلاندو بالطيارة .... واستئجار سيارة 12 يوم ... موزعه على فندقين
5- الى ميامي بالسيارة ... 3 ايام
6- بالطيارة الى نيويورك أو واشنطن لكن لا افضل الاخيره لاني سبق وعشت فيها ... 4 ايام والعوده منها
....

يأخوان انا كلمت محل سفريات وقالي التذكرة 540 دينار

ولما شيكت بالنت وحجزت طلعت علي التذكرة 440

أخواني وخواتي شنو شركة تأجير السيارات اللي ترشحونها لي

وهل احجز بالنت او من المطار
وهل يوجد ملاحظات اقولها لهم

الشركات كثيرة شيك على بدجت وافيز وودولار وهيرتز وخذ الارخص

الحجز المسبق عن طريق الانترنت افضل من المطار لرخص القيمة ,,

بالتوفيق

أختي طبشورة وأخوي امبيكان

انا من خلال قرائتئ لتقرير الاخ العزيز امبيكات
وجدت انة خط سيرة يختلف عن خط السير اللي تم تخطيطة من الاخت طبشورة
فياليت انكم تعلموني الافضل
وهذا تخطيط الاخ امبيكات في احدي ردودة علي احد الاخوان
التقسيم كالتالي من وجهة نظري ..

بعد الاسبوع الاول الي بيكون في واشنطن ..

انصحم بي :

3 ليالي في لاس فيقاس
ومنها بالسيارة الى لوس انجلس 6 ليالي
ومنها بالسيارة الى نيوبوت بيتش 4 ليالي
ومنها بالسيارة الى ساندييقوا ليلتين
ومنها بالطائرة الى سانفرانسيسكوا 3 ليالي
ومنها بالطائرة الى نيويورك 3 ليالي

اذا خفضتوا ليالي واشنطن ممكن تضيفوا ليلة في سانديقوا والباقي قي نيوبورت بيتش !!

خلكم دوم منورينا في تقارير المفاجئات

حلوه المدة وراح تستمتع فيها واحب استفسر منك اذا كانت الرحلة هي لمرة واحده ولا تعتزم الزيارة لامريكا مره ثانيه ؟
اذا تعتزم الزيارة مره واحده انصحك انك تخليها لجهه واحده عشان تستمتع بالمدن اللي بتزورها اكثر واكثر ,, بمعنى انك لو مثلا تخصص الرحلة للساحل الشرقي راح تزور وتكتشف المدن الجميلة والطبيعة الاجمل والغرب كذلك ..
بالتوفيق

اتمني من الاخ امباكت والاخت طبشورة الرد علي الاستفسار لعتماد الرحلة

المشاركة الأصلية كتبت بواسطة الهلالي
http://www.arabtravelersforum.com/tr...4/#post3851224

'طيب يا طبشوره
مره كنت ابي احجز على فينا من الرياض ... مالقيت حجز
ونفس التاريخ ونفس الطيارة لقيت حجز على الرياض ميونخ ...
مع العلم ان جميع رحلات ميونخ في هذاك الوقت تتوقف في فينا
حتى اللي كان معي قال نحجز لميونخ وننزل في فينا .... قال موظف الخطوط والشنط يا حلو بتروح لميونخ ..
في قصة غريبة ثانية بعد صارت لي مع لوفتهانزا بس مالي خلق اشرح
على العموم عندهم طقوس وانظمة غريبه ..
،،،
بخصوص الجدول باختصار مدة الرحلة 34 يوم :
مع فتح محطات جديده لطيران الامارات تم تعديل محطة الوصول وكانت كالتالي:
1- الو صول لسان فرانسيسكو ... 3 ايام
2- الى لو س انجليس بالسيارة ... 8 ايام ... موزعه 4 ايام في شمالها و4 في جنوبها
3- الى لا س فيجاس وتسليم السيارة مباشره ... 4 ايام
4- الى اورلاندو بالطيارة .... واستئجار سيارة 12 يوم ... موزعه على فندقين
5- الى ميامي بالسيارة ... 3 ايام
6- بالطيارة الى نيويورك أو واشنطن لكن لا افضل الاخيره لاني سبق وعشت فيها ... 4 ايام والعوده منها
....




خطوطنا شعارهم دائما رسم الابتسامه على وجوه المسافرين

وين إذنك يا جحا

بخصوص الترتيب جدا رائع حاولت أبحث عن الـ 10 % ما حصلتها اللهم اختلاف الأيام

إن شاء الله تزروها قريب

المشاركة الأصلية كتبت بواسطة ابو أوراد
http://www.arabtravelersforum.com/tr...4/#post3865474

اتمني من الاخ امباكت والاخت طبشورة الرد علي الاستفسار لعتماد الرحلة



أخوي ايش استفسارك ؟

يااخت طبشورة وياخي امبيكات
انا ابي افضل خط سير للرحلة وكم المسافة بين كل منطقة والاخري
الافضل (( واشنطن-اورلاندو-ميامي- لاس فيقاس-سان دييقو-نيوبورت بيتش-لوس انجلوس-سان فرانسيسكو-نيويورك-واشنطن))
او
((واشنطن-لاس فيقاس-لوس انجلوس-نيوبوت بيتش-ساندييقو-سان فرانسيسكو-اورلاندو-ميامي-نيويورك-واشنطن))

والله يجزاكم خير

ابي احسن تعديل حسب قرب الاماكن لبعض وياليت تحددون المسافات

أخوي الترتيب سبق و وضعته لك سابقا






المشاركة الأصلية كتبت بواسطة طبشوره
http://www.arabtravelersforum.com/tr...4/#post3847964

و عليكم السلام و رحمة الله و بركاته

العوده الأفضل تكون من نيويورك حتى ما تضطر ترجع لواشنطن مره ثانيه

واشنطن مو ذاك الزود الأفضل تستبدلها بشيكاغو لكن ما يمنع تزوروها خصوصا هي اول محطه في رحلتك

لو معاك فيزا كنديه ضروري تزور نياغرا

مدة الرحله 39 يوم تقريبا

واشنطن 3 أيام

طيران إلى

أورلاندو 11 يوم و استئجار سياره

ميامي 3 أيام تسليم السياره بمجرد الوصول

طيران إلى

لاس فيغاس 3 أيام

استئجار سياره و التوجه إلى

سان دييغو 3 أيام

نيوبورت بيتش 4 أيام

أحد ضواحي لوس انجلوس (سانتا مونيكا أو ويست وود أو هوليوود أو بفيرلي هيلز) 5 أيام

بالسياره إلى sf على الطريق الساحلي و التوقف في سانتا باربرا

سان فرانسيسكو 3 أيام و تسليم السياره بمجرد الوصول

طيران إلى

نيويورك 4 أيام



من أورلاندو إلى ميامي 4 ساعات

من لاس فيغاس إلى سان دييغو 5 ساعات

من سان دييغو إلى نيوبورت بيتش ساعه و نص

من نيوبورت بيتش إلى ويستوود ساعه

من ويست وود إلى سان فرانسيسكو على الطريق الساحلي فوق الثمانية ساعات على حسب الطريق اللي تختاره

بما انك ما راح تغير العوده و تخليها من نيويورك بعد واشنطن توجه لنيويورك بالباص أو القطار أو حتى طيران لو حاب

و بعدها بقية المدن

و في يوم السفر توجه من مطار سان فرانسيسكو إلى مطار واشنطن للمغادره من دون المبيت فيها