الموضوع: ممكن مساعدة فضلاً لا امرا

السلام عليكم ورحمة الله
أنا جاية زيارة للكويت الحبيبة بعد كم يوم وحابة اسألكم عن عدة اشياء :

1/وين ألقى محلات بيع وتفصيل الدراعات ومحلات العبايات ؟
2/ وين القى محلات تقليد الماركات للشنط ؟
3/ وشو تنصحوني فية بالنسبة للمطاعم للاكلات الشعبية و المشويات ؟
مع الشكر الجزيل مقدماً,,,,

مواضيع عشوائيه ممكن تكون تعجبك اخترناها لك:

• تطوير شارع عبدالله الأحمد
• عن مهرجان هلا فبراير
• اااخر طلب لاني الخميس بالليل ماشي
• بوتيك ايف سان لوران ب
• الطريق البري من الخبر للكويت
• ستنخفض أسعار الشقق في شهر
• فــــي الكـــــــويت لـــــــؤلـــــــؤة الخــــــــليج مارس
• صالون حلاقة رجالي
• أقرب طريق لدولة الكويت
• جروبات الكويت السياحية
• ككاو
• وصف بعض الاماكن
• استفسار عن محل شوكليت
• ياهل الكويت الفزعه
• أسعار مخفضة على من مطار الكويت الدولي
• استفسارات مهمة لزائر الكويت
• لعشاق الرياضة صور جديدة من استاذ جابر الدولي
• متى اجازتكم النصفية هل بدأت التخفيضات لمحلات الماركات
• فقط للمشرفين
• ناوي أزور الكويت لمدة يومين اريد برنامج سكن

وعليكم السلام ورحمة الله وبركاته
محلات تقليد الماركات تلقين بالمباركية وفيه ان ماخاب ظني بالفحيليل (كويت ماجيك)

السلام عليكم ورحمة الله

وعليكم السلام ورحمة الله وبركاته

أنا جاية زيارة للكويت الحبيبة بعد كم يوم وحابة اسألكم عن عدة اشياء :

حياج الله ببلدج الثانية الكويت وإن شاءالله تستمتعون عندنا

1/وين ألقى محلات بيع وتفصيل الدراعات ومحلات العبايات ؟

الدراعات ( الحين موسم دراعات شهر رمضان المبارك وتلاقينها في المعارض التالية )
هيلتون الكويت بالمنقف ( أسعار علالي يبيلهم مكاسر لأنه من أعمال مواطنات كويتيات )
بيت سدرة و بيت ديفا في شرق شفتي مستشفى الأميري المقابل لسوق شرق البيتين على طرف المستشفى ( بعد الأسعار علالي يبيلهم مكاسر لأنه من أعمال مواطنات كويتيات )
وفي أرض المعارض بمنطقة مشرف بيكون هناك معرض أسمه كويتيات من تاريخ 30 \ 6 و 1 و 2 و 3 و 4 \ 7 ( بعد الأسعار علالي يبيلهم مكاسر )
ومجمع الأوقاف في منطقة شرق
وعندج البلوكات الرخيص والغالي ( سوق الأقمشة الرأئدة بالكويت محلات أقمشة نسائية و محلات كلف و في بعد بالبلوكات يسمونه سوق الصفاة فيه فوق خياطين تشوفين الموديل والخام عنده ولا تجيبين الخام أنتي لو ما عجبج بس معلومة الحين زحمة وممكن الدراعة 10 ليالي تخلص ) يفضل البلوكات أول مكان تزورونه
وفيه معرضين يبيع دراعات جاهزة وخام وكلف التراث الهندي و ميسور ويكونون في سوق الصفاة هذي صورة للبلوكات



وبعد فيه العربيد منطقة الفروانية ( نفس البلوكات بس كله خياطين الموديل والخام عنده )
وقباله مجمع مغاتير فيه محلات عبايات

والعبايات

عندج سوق الفحيحيل ( سلمان الدبوس ) فيه محلات عبايات وبعد ما أنسى فيه محل للدراعات بالسرداب أسمه حبابة وأسعاره رخيصة
و مجمع البيرق في منطقة العقيلة فيه محلات عبايات ملاحظة شفتي مجمع البيرق حوالينه مجمعات ثانية مثل الليوان وأوتاد وأوتاد فيه محلات وايد للعبي النوخذة 1 والنوخذة 2 فيهم محلات عبي وملابس رخيصة ومحلات للمواعين ومحلات مركزية عائلية مثل النصر والمعلم

2/ وين القى محلات تقليد الماركات للشنط ؟

ما قصر أخونا tab_al الله يجزاه خير
ما أعرف إلا بالفحيحيل والمباركية بالسرداب

3/ وشو تنصحوني فية بالنسبة للمطاعم للاكلات الشعبية و المشويات ؟

وماقصر بعد أخونا tab_al الله يشافي والدته ويقومها بالسلامة إن شاءالله


مع الشكر الجزيل مقدماً,,,,

لا شكر على واجب كلنا بالخدمة
ورحلة موفقة بإذن الله

شكراً لك اخوي tab_ el ماقصرت والله يعافي والدتك ويشفيها ويقومها بالسلامة
واشكرك اختي هدوء العالم كفيتي ووفيتي الله يجزاك خير