الموضوع: دلوني وين القاها

هلا حبايبي ............
انا جايه الكويت وابي اشتري جلابيات ..يمدحون الجلبيات عندكم ....بس ابيكم تدلوني وين احصل الجلابيات الحلوه وكيف اسعارها
ولكم جزيل الشكر:
اختكم :أم العنــــــــــــــــــــــــود
:113: :113: :113:

مواضيع عشوائيه ممكن تكون تعجبك اخترناها لك:

• لأهل الكويت الطيبيبن
• مع التحيه والاحترام لاهل الكويت الكرام
• سوبر ماركت في الأفنيوز
• اخـــــــــــر و اهـــــــم سؤال
• خبراء الكويت بسرعة أيها أفضل ؟؟؟
• هلا فبراير عليكم بينادي
• مين يترجم لي هالكلام بسرعة
• أستفسار الله يوفقكم عن السكن عن أجمل العروض هذة الايام؟؟؟؟
• شاهدوو جمال وروعة مجمع الكوت لاتفوتك الصور
• نافورة الافنيوز
• إنا لله وإنا إليه راجعــون
• نداء عااااجل لأهل الكويت وللخبراء بالغاليه الكويت
• بسافر الكويت لاول مره ابي مساعدتكم بالعمله وتحويلها وخط السير وكل ما يخص الرحله
• الفزعة يا اهل الكويت
• هل يوجد شقق فندقيه تابعه للمارينا؟؟
• استفسار بخصوص العمله والبنزين
• مجمع كوبرا روعة
• بغيت فندق بسعر 30 دينار بحريني وياريت يكون مع الفطور لثالث ايام العيد
• مساعده ياأهل الكويت
• طلب تأشيرة يومياً لطالبي السفر الى بريطانيا في الكويت

المشاركة الأصلية كتبت بواسطة الحلم البعيد


هلا حبايبي ............
انا جايه الكويت وابي اشتري جلابيات ..يمدحون الجلبيات عندكم ....بس ابيكم تدلوني وين احصل الجلابيات الحلوه وكيف اسعارها
ولكم جزيل الشكر:
اختكم :أم العنــــــــــــــــــــــــود
:113: :113: :113:



حياج الله اختي ام العنود بديرتج الثانيه

الجلابيات او الدراريع تلاقينهم في :

1-العربيد (من 25 الى 50 دينار كويتي)
2-الاوقاف (من 25 الى 200 دينار كويتي تقريبا)
3-مجمع الصالحيه عندج ثوب زمان (من 100 الى 500 دينار كويتي)
وكفايه الهويدي بالطابق الثالث (من 300 الى 1000 دينار كويتي)
4-عندج بعض المصممات مثل انسام الخلف ومحلها بالجابريه او الفحاحيل وعندج نوال البعيجان
5-عندج المعارض تلاقين فيهم مثل بيت ديفا وكاريزما وبيت الشرق وبيت لوذان وبيت بدره وبيوت الوطيه بهبهاني

حياج الله يا الحلم البعيد في الكويت وماشاء الله ماقصرت روان ونشاء الله اتشارك المرام وتضيف انا في الامور هذي ما افهم شي:108:

فعلا نفس ما قالت الاخت روان...
لكن احب اضيف...العربيد فيه دراريع ارقص من ال 25 دينار...
من اسبوعين سويت لي دراعة بيت حلوه ب 10 دنانير...
انا دايما افضل العربيد لانه فيه جميع الموديلات والاقمشه المختلفه
و تقدرين انتي تجيبين القماش والموديل من عندج وهو يفصله لج...طبعا السعر يطلع اقل
طبعا هذا غير الدراريع الجاهزه بالاسواق الشعبيه والمولات....
لكن روحي الاول للعربيد أحسن...
و حياج الله بالكويت

المشاركة الأصلية كتبت بواسطة روان بنت الكويت


حياج الله اختي ام العنود بديرتج الثانيه
الجلابيات او الدراريع تلاقينهم في :
1-العربيد (من 25 الى 50 دينار كويتي)
2-الاوقاف (من 25 الى 200 دينار كويتي تقريبا)
3-مجمع الصالحيه عندج ثوب زمان (من 100 الى 500 دينار كويتي)
وكفايه الهويدي بالطابق الثالث (من 300 الى 1000 دينار كويتي)
4-عندج بعض المصممات مثل انسام الخلف ومحلها بالجابريه او الفحاحيل وعندج نوال البعيجان
5-عندج المعارض تلاقين فيهم مثل بيت ديفا وكاريزما وبيت الشرق وبيت لوذان وبيت بدره وبيوت الوطيه بهبهاني



روان بنت الكويت الاسعار الي حاطتها شوي غالية لوحدة تبي تتاجر اعتقد هناك ارخص يعني بحدود 10دنانير اعتقد:114: والراي لكم وتقبلي تحياتي

ما شالله عليكم بارك الله فيكم

ارقص=أرخص
ههههههههههه

المشاركة الأصلية كتبت بواسطة فهد2006


حياج الله يا الحلم البعيد في الكويت وماشاء الله ماقصرت روان ونشاء الله اتشارك المرام وتضيف انا في الامور هذي ما افهم شي:108:



ولو هذا اقل شي اسويه اخوي فهد

المشاركة الأصلية كتبت بواسطة تفتيش


روان بنت الكويت الاسعار الي حاطتها شوي غالية لوحدة تبي تتاجر اعتقد هناك ارخص يعني بحدود 10دنانير اعتقد:114: والراي لكم وتقبلي تحياتي



هلا اخوي تفتيش مااعتقد غاليه بالعكس بالسعوديه اغلى الدراريع لرمضان على 2000 ونص كويتي والاخت ام عنود ماقالت بتاجر اهي بتشتري وانا حطيت لها الرخيص والغالي واهي على راحتها تختار

اختي ام العنود انتي الجلابيات تبينهم للاستعمال اليومي بالبيت ولا حق مناسبه مثل رمضان او القرقيعان ؟

هلا اختي ام العنود يصير عندنا معارض للدراعات انصحج تروحين المعارض احلي واسعار مناسبه صدقني مجمع الصالحيه اسعار مبالغ فيها يريت تكون القطعه تستاهل لا وتلقين نفس الموديل في المعارض باسعار اقل بوايد اختي تكون المعارض كرزما وبيت ديفا وبيت لوذان غير المعارض تكون في المنازل وصالات وبعد نادي الفتاة اختي تكثر المعارض قبل رمضان بكثره اختي اي استفسار ثاني انا حاضره لج وتشرفينا :106:

[frame="2 80"]مشكورين على الرد وما قصرتو...
اختي روان ابي جلابيات للبيت وابي وحده حق النفاس يعني تكون كشخه....
اما التجاره مالي فيها...
والكل مشكور على المرور...[/frame]