الموضوع: للاخوان في الكويت مهم

السلام عليكم

اخواني انا بسافر للكويت باذن الله في مهمه للبحث عن سياره من طراز
Bmw 745 Il Model 1995 To 2001:24:

الموضوع ومافيه انا ابي اعرف عن السكن بالكويت ..

طبعا ابي اسكن ومعي شخصين

بقصد حنا ثلاث اشخاص .. يمكن ينقص واحد ونصير اثنين

طبعا ما اريد فندق نجوم .. ان شاء الله غرفه فوق السطح
كم اسعار الغرف العاديه جدا باليوم ؟
او متوسط الاسعار ..

وايضا ..
وين اماكن بيع السيارات .. اقصد الشركات اللي تستورد السيارات من المانيا او اليابان
وتبيعها باوراق جمركيه .. او مستعمله استعمال بسيط

كذلك سوق الحراج اللي يبيعون فيه الكويتيين سياراتهم .. وين مكانه بالضبط ؟

ياريت توصفون لي مضبوط ..

كذلك متوسط اسعار ايجار السيارات .. كورلا 2006 .. او شئ من كذا
بحيث تكون رخيصه ..

ومن منفذ الرقعي اللي بالسعوديه الى مدينة الكويت .. كم كيلو تقريبا ؟

وهل الاحمدي فيه مكان لبيع السيارات ؟
بمعنى اخر .. من البواخر مباشره ..
وهل فيه مزادات للسيارات بالكويت ؟

ياريت عناوينهم او ارقامهم ..

واللي عنده غرفه فاضيه ووده ياجرها تراي مستعد ..

مده الاقامه ما تتعدى يومين .. واذا كثرنا ثلاث .. لين نشتري السيارات ..

واحد عنده خلفيه عن اسعار السيارات من نفس الصنف اللي انا ابيه ؟؟

شكرا لكم ..

مواضيع عشوائيه ممكن تكون تعجبك اخترناها لك:

• الفزعة يا اهل الكويت
• استفسار عن الاقامة في الكويت
• العفاسي
• دولة الكويت
• توني راد من الكويت
• ترتيب جدول لزيارة الكويت الحبيبة
• في خبــر عااااااجل
• الاسعار بليز
• ملاهي مائية
• سوق اليهود في الكويت
• استفسار بخصوص محلات تقليد الماركات
• هل استطيع ادخل الكويت بالبطاقه
• طلبتكم يا اهل الكويت
• طيران الجزيرة تطلق برنامج المكافآت
• كويت السبيعنات صور نادرة
• الله يخليكم اول مره ازور الكويت ومحتاره
• جاين لكم وطالبين مساعدتكم
• سؤال عن الانترنت بالكويت
• اتمنى احد يساعدني يا اهل الكويت
• شاليهات منتزه الخيران الجديدة

حياك الله فى بلدك الثانى الكويت ونا بقدملك بعض المعلومات وان شاء الله تفيدك
السكن فى منتجع الهلتون بمنطقه المنقف على البحر الغرفه تقريبا من 70 الى 100 دينار وفي شقق فندقيه ممتازه جدا ( بودل للشقق الفنديه ) في السالميه شارع المطاعم موقع ممتاز جدا
اما معارض السيارات عندك منطقه الرى مقابل رئاسه الحرس الوطنى + ميدان حولى + حولى خلف مجمع المهلب + معارض السالميه بجانب سينما السالميه وقريبه من شقق بدودل وما انصحك تروح للحراج لانه اغلب السيارات هناك تعبانه الا ماندر واما اجار السيارات كورلا 2006 من 6 دنانير الى 9 بل يوم واوصيك عندما تفحص السياره افحص في الرمال الذهبيه لانه والله اعلم صادق فى الفحص وما انصحك بغيره ومن تجربه لى ترا التلاعب فى الفحص كثير وعندك المجلات الاعلانيه ( الهدف + 8080+ الصدى + الوسيط )
http://www.ewaseet.com/ar/index.php?country=KW
ودمتم سالمين

اذا تبي سكن مش حالك.. فيه شقق في ابو حليفه والمنقف والسالميه...استديواا باليوم 10 دنانير
بنسبه لمكاتب السيارات بمحافظه الاحمدي عندك في منطقه ابو حليفه تبعد تقريباً عن مدينه الاحمدي 10الى 20 كيلواا
وفيه مكاتب لبيع السيارات
بحولي...وهذا مكانه مقابل مطافي حولي
( لما تمر علي نادي القادسيه ويصير علي يسارك ومجمع المهلب يصير علي يمينك تكمل دغري لما توصل المطافي هو مقابلها)
والشويخ...مقابل مبني الحرس الوطني الجديد..منطقه الشويخ فيها شارع يدخلك علي معارض السيارات
والسالميه.... في كل مكان تحصل مكاتب للسيارات
الحراج اذا ماني غلطان..غيرو مكانه كان... بس وين مدري
ونصيحه لي اذا ودك نشتري سياره اخذها من الإمارات لانها ارخص من الكويت والكويتين يشترون من الامارات
وحرص ان السيارة ماتكون غير مطلوبه دوليا عن طريق رقم الشاصي وموصفاتها موصفات الخليج
تأجير السيارات من 5 دنانير الى 8 دنانير
منفذ الرقعي الى مدينه الكويت 120 الى 150
ما فيه بواخر بالكويت كلها تبيع سيارات
المزاد علي السيارات بالحراج... بس حاليا مادري وين مكانه قبل كان بمنطقه بالرقعي


واذا مصصم راح اقولك طريقه مفيده جداً
مثل ما قالك اخوي m7md78
تشوف مجله الوسيط او 808080 او من المجلات الاعلانيه..وتختار اللى تبي من السيارات وتتصل علي راعي السياره ونعرف الموصفات كل هذا وانت بالسعوديه ولما تعجبك الموصفات والسعر تروح للكويت الصباح وترد المساء
ولا يمنع انك تتفق مع كذا شخص بنفس الوقت

الحراج: في بداية طريق الجهراء..
استعمال بسيط :في:
شركة أعيان + التمويل+ أصول
أعيان:على الدائري الرابع
التمويل:على الدائري السادس
أصول: على الدائري الرابع

السلام عليكم و رحمة اللة


هنا تجد أكثر المعلوملت التي تحتاجها عن السيارات المستعملة و عناوين الشركات التي تبيعها, ما عليك إلي أختيار السيارة و السعر المطلوب في زاوية محرك البحث.


1- http://www.q8rpm.com/ :24:

2- http://www.q8car.com/Arabic/main.asp :24:

3- http://www.kwstreet.com/main-ar.asp?action=arabic :24:

4- موقع شركة BMW http://www.aag-kw.com/ara_index.asp


وهناك شركة متخصصة بالسيارات المستعملة تفحصها وتتأكد من سلامتها ثم تعطيك ضمان بس مأذكر أسمها.

المشاركة الأصلية كتبت بواسطة m7md78


حياك الله فى بلدك الثانى الكويت ونا بقدملك بعض المعلومات وان شاء الله تفيدك
السكن فى منتجع الهلتون بمنطقه المنقف على البحر الغرفه تقريبا من 70 الى 100 دينار وفي شقق فندقيه ممتازه جدا ( بودل للشقق الفنديه ) في السالميه شارع المطاعم موقع ممتاز جدا
اما معارض السيارات عندك منطقه الرى مقابل رئاسه الحرس الوطنى + ميدان حولى + حولى خلف مجمع المهلب + معارض السالميه بجانب سينما السالميه وقريبه من شقق بدودل وما انصحك تروح للحراج لانه اغلب السيارات هناك تعبانه الا ماندر واما اجار السيارات كورلا 2006 من 6 دنانير الى 9 بل يوم واوصيك عندما تفحص السياره افحص في الرمال الذهبيه لانه والله اعلم صادق فى الفحص وما انصحك بغيره ومن تجربه لى ترا التلاعب فى الفحص كثير وعندك المجلات الاعلانيه ( الهدف + 8080+ الصدى + الوسيط )
http://www.ewaseet.com/ar/index.php?country=KW
ودمتم سالمين








ماودي اغير سير الموضوع ولكن المنتدى مفتوح للجميع للاستفاده سواء الاخ السائل او غيره


الرمال الذهبيه((للفحص الفني ))


انا معاك شركه حريصه ودقيقه جدا بالفحص وشغلهم نظيف ولهم سمعه طيبه

ولكن انتبه هالحرص الزايد عندهم لم ياتي من فراااااااااااااااااااااغ

هم يطلعون لك عيوب الدنيا بالسياره حتى لو السياره ((((تحت كفاله الوكيل)) لان هم من صالحهم انك ماتشتري و تجيب سياره ثانيه عندهم وتدفع 30دينار وهم يطلعون فيها عيوب وتهون عنها وتجيب لهم سياره ثالثه وتدفع 30دينار ويطلعون لك برنت تقرير كله عيوب وخرابات وعلى هالطريقه 5و6سيارات والحسبه عليك

صارت معاي كثير وصرت 3شهور بدون سياره حتى نبهني احد اصحاب المعارض جزاه الله خير

اللي ينوي يشتري والسياره جديده مايهمه شغلات بسيطه مثل تهريب باور او كارتير التصليح فيهم مايتعدى 80دينار مقارنه بساره قد يصل سعرها 8000آلاف دينار ومقارنه في المقابل اعفائك من ((فحص 3سيارات بسعر 90دينار ))

ولكن في الرمال الذهبيه (((النمله يخلونها فيل عندهم))) يخوفونك من هالشغلات ويقولون لك لازم المكينه تنزل و يصلحون التهريب ويكلف 200دينار واذا بكراج موخبره احتمال يركب واير غلط او ينسى شي ويخرب السياره وتدفع دبلات السعر (((يسوون دعايه غير مباشره حق الكراج مالهم ))

بعض اصحااب معارض السيارات الان انتبهوا لهذه الشركه
وقاطعوها وحصلت معاي قالي صاحب احد المعارض عندما ذكرت له اني بافحص السياره بالرمال الذهبيه (((رووح اي مكان حتى لو توديها الوكيل وافحص السياره بس الا شركه الرمال الذهبيه اسمحلي ومايهون علي اخليك تدفع فلوس وانا عااارف شنو النتيجه من الرمال الذهبيه )))

السلام عليكم

اخوي m7md78
اشكرك يالغالي على كلامك الجميل وشرحك اللطيف ..

بس سلمك الله اخوي انا ماقدر اسكن باكثر من 200 ريال يعني 20 درهم
وشكرا اخوي على جريده الوسيط .. وانت الان وفرت علي كثير بارك الله فيك

اخوي المرام
شكرا بارك الله فيك ..
بس لو حطيت ارقام ..

اخوي الوطن
اول شئ شكرا على المواقع ..

بالنسبه للشركه .. شلون يعني تعطيك ضمان على ايش بالضبط ؟

اخوي مورسيدس بن بنز
لا بالعكس اخذ راحتك .. وانا ودي يتحول الموضوع لاشياء زي كذا .. على اساس اللي خارج الكويت يستفيد وكذلك اللي بالكويت .. وانا معاك ان الاهتمام الزايد بالسياره ماله داعي ..
يعني مثلا اعرف واحد ترك سياره ولو شراها بيوفر تقريبا 7 الاف ريال .. على اساس ان المكينه يبي لها تصفيه بس .. يعني اكثر شئ بتكلف التصفيه 2000 ؟؟
وبدي السياره من برى والبويه من اروع ما يكون ..

بانتضار المزيد ..

بارك الله فيكم

جزاكم الله خير على التوضيح