استفسار بخصوص التامين على السيارة

**ahmed3** · 02-03-2015, 06:34 PM

السلام عليكم حبايبنا ...
استأجرت سيارة عن طريق اليورب كار بمساعدة الاخ دايم وبيض الله وجهه وسويت تامين بمبلغ 1731 تقريباً
هل التامين يعلق في البطاقة لحين استرجاع السيارة ام تأخذه الشركة من الموبايل

مواضيع عشوائيه ممكن تكون تعجبك اخترناها لك:

**ahmedali** · 02-03-2015, 06:34 PM

وين الخبراء من الموبايل

**ahmedgaper** · 02-03-2015, 06:34 PM

عشان مايصير عندك خلط بالموضوعين

التأمين
فيه عدة انواع وهو غير مسترجع مثل عندنا بالسعوديه
يعني تأمين ضد الغير تأمين نص الاضرار تأمين شامل
وأكيد أغلاهم التأمين الشامل
وهذا راح يبين معك لما تحجز وأنت اللي تختار درجة التأمين
راح يطلع معك في المبلغ الأجمالي للحجز حقك

أما بالنسبه للمبلغ اللي يحجزونه عليك
عادة لايكتبونه لك ولايكتبون المبلغ لأنه مسترجع

فهذا سالفته غير
هذا يحجزونه عليك

في شركات تحجز نفس المبلغ الاجمالي لحجزك
وشركات تحجز نصف المبلغ الاجمالي لحجزك
وشركات تحجز ربع المبلغ الاجمالي لحجزك

وبما انك حجزت في اليورب كار
فعادة يحجزون من 25٪ الى 50٪ من قيمة ايجارك الاجمالي

يعني مثال
لو حجزك كانت القيمه الاجماليه له 4 الاف ريال مثلا

يورب كار ستحجز عليك مبلغ الحجز هذا ومبلغ اخر يعادل ربع او نص مبلغ الايجار
يعني لو افترضنا بياخذون 50٪ حجز مسترجع
فبيحجزون عليك 4 الاف + الفين ريال = المجموع 6 الاف
والألفين ترجع بحسابك بالفيزا متى ماسلمت السياره
بعضهم تقعد يومين وبعضهم ساعات وترجع وبعضهم تقعد اسبوع او اسبوعين تقريبا

يعني على حسب سرعة البنك اللي تتعامل معه وايضا على حسب يورب كار وانهائهم للأجراءات

بالنسبه لي رجع لي المبلغ خلال 3 ساعات بعد تسليمي للسياره
بس كانت شركتي غيرك ( سيكست) وبنكي الراجحي

اهم شيء لاتنسى رخصتك الدوليه والمحليه تراهن مطلوبات وماعليك من اي شخص يقولك اترك وحده منهن
لان الموظف ممكن يطلب الرخصه المحليه وصارت مع كثير

والرخصه الدوليه
راح تحتاجها عند
الشرطه او نقطة تفتيش
لاتطلع لهم الا الدوليه وهذا المعترف عندهم

فلاتخلي 130 ريال رسوم الرخصه الدوليه
تخرب رحلتك كلها

بطاقة الفيزا او الأئتمانيه
ورقة حجزك من الموبايل