الموضوع: اهل الكويت بعض الاستفسارات وشكرا

بسم الله الرحمن الرحيم
تحية طيبة للجميع
اخواني الكرام انا الاان في الكويت وابشركم الاوضاع ممتازة والديرة حلوة والجو ماشي حاله(رطوبة مثلنا) :101:

عندي بعض الاستفسارات الرجاء المساعدة
انا جاي مع الاهل للكويت لمدة 4 ايام
ومر يومين يعني مشيتنا يا بكرة يا بعد بكرة
بس ودي استفسر عن المجمعات التجارية اللي بالكويت لاني الى الاان رحت لمارينا و لشرق بس واليوم انشالله الفنار
لكن ما اعرف وش المجمعات اللي من نفس النوع غير اللي ذكرتها
الرجاء المساعدة لان عندنا مناسبة ولازم نقضي اغراضنا من الكويت باسرع وقت

الشغلة الثانية
اليوم مباراة الكويت واستراليا بصراحة ودي اشوف المباراة في قهوة حلوة ورايقة يعني شيشة
فما ادري وين تنصحوني اشوفها؟؟؟

شكرا جزيلا لكم
تحياتي
stinger

مواضيع عشوائيه ممكن تكون تعجبك اخترناها لك:

• مساااااعده ارجوكم
• أتمنى
• ممكن مساعدة يا اهل الكويت
• فتج باب القبول في دار القران الكويت
• في سوق الكويت الحلوه
• فندق ساس الجديد
• فندق ميسوني الكويت يفتح أبوابه للضيوف في مارس
• اسفسار حول السفر للكويت
• ياهل الكويت ابي شقق علي البحر بسرعة
• يا أهل الكويت أبي وصف لضاحية الأمير سالم مدري ضاحية سالم
• تكفون ياشباب الكويت الفزعة
• استفسار عن استئجار سيارة فنادق
• لخبراء الشحن فالكويت ممكن مساعدة ؟
• تقرير مصور لرحلتي السريعه الى الكويت هـ
• جايكم اخر الاسبوع وعندي استفسارات
• وين احصل المقاهي الرياضية ؟
• القفطان المغربي
• ايهما افضل يا اهل الكويت او من سافر للكويت
• نداء عااااجل لأهل الكويت وللخبراء بالغاليه الكويت
• يابنات الكويت ابي محلات ملابس للبنات

حياك الله بين اهلك واخوانك انت رحت للمارينا وشرق والفنار يبيلك تروح مجمع كويت ماجيك بالمنقف والكوت في الفحيحيل وهي في المنطقه الجنوبيه كويت ماجيك ينفعك علشان تقضي حوايجك وهو رخيص ومناسب وفيه كل اللي تبيه

اما بخصوص المباره اعتقد القهاوي اللي في السالميه شي مو طبيعي وتقدر تشيش على كيفك وتشوف المباراه وهي على شارع الخليج

أخوي ماشالله الكويت وخاصة منطقة السالمية وحولي والعاصة كلها قهاوي طب وتخير
واذا تبي ألارشحلك بعض القهاوي الحلوة خذ عندك
مقهى ومطعم فابي بالعاصمة مقابل حديقة الشهيد(حديقة النافورة)
حولي : مقهى الملكي بالقرب من دوار الكرد إسأل والكل يدلك على المكان
السالمية : خلف مجمع الفنار توجد قهوة جيدة
وعلى شارع الخليج العديد من المقاهي والمطاعم بها ما تريده

مطعم و مقهى : ديوان جبله
مقابل فندق الشيراتون

حياك الله وهذي الساعة المباركة بالنسبة حق المجمعات عندك:
الكوت بالفحيحيل (وايد حلو ولا يطوفك)
كويت ماجيك
اجيال
البستان
العثمان بحولي
النقرة الشمالي والجنوبي
مجمع المهلب بحولي (ضروري تزوره)

المجعات والأسواق الجميلة

سوق السالمية (دوار الجوازات)

مركز الراية (العاصمة)
مجمع الصالحية ( العاصمة)
مجمع المهلب (حولي)
البحر سنتر (حولي)
اجيال(الفحيحيل)
الكوت (الفحيحيل)
----------------------
المركز العلمي في السالمية

كان ودي اساعدك ... بس الشباب مشاالله عليهم ماخلّوا شي

وحياك الله ...

حياك الله اخوي في الكويت والخوان الله يعطيهم العافيه ماقصرو

الله يعطيكم العافية والله اني مستحي منكم
ما قصرتوا والله
شكرا مرة ثانية
تحياتي لكم
stinger

حياك الله اخوي بالكويت

الاسواق:
المهلب+ النقره + مجمع بيروت بحولي...
لا يطوفك:سوق المباركيه...

ياخوووووي انت خير علينا...
2-0 مع الرأفة....
:kashkhah:

ان شاء الله تستمتعون في بلدكم الثاني الكويت...

المشاركة الأصلية كتبت بواسطة Dhari


ياخوووووي انت خير علينا...
2-0 مع الرأفة....
:kashkhah:
ان شاء الله تستمتعون في بلدكم الثاني الكويت...



الحقيقه انا من شفت الجو ذاك اليوم قلت ان الاستراليين راحوا فيها رطوبه عاليه والجو مافيه هوا ابد بس ربعنا ماقصروا صج اللعبو والاستاليين داخو من قلب مبروك علينا الفوز الغالي