بسم الله الرحمن الرحيم ... تحية طيبة وبعد ::..
بداية أشكر اخواني الأعضاء الذين ساعدونا وكان لهم الفضل بعد الله في تسهيل هذه الزيارة الخاطفة فلهم مني الشكر والتقدير .. وخاصة من كان معنا بالتلفون فقط ولم نتشرف برؤيته ..
فكرة زيارة الكويت موجودة من قديم لأن أهل الكويت أعزاء على القلوب فأحبينا زيارة أرضهم ووطنهم كيف لي أن لا أزور لؤلؤة الخليج .. ،، .. ،،
خرجنا من الرياض باتجاه الدمام في تمام الساعة 11:20 تقريباً ( بعد الاستماع إلى نصائح الأعضاء بخصوص أن خط السفر من الدمام أفضل من طريق القصيم ) وصلنا إلى الدمام الساعة 2:30 تقريباً اتجهنا نحو الخفجي إلى منفذ النويصب والطريق سيئ جداً من الدمام إلى الخفجي أكثر الخط تحويلات وحفر ونحوه عكس ما تعودنا عليه من الرياض إلى الدمام وأثناء الطريق
وقفنا للصلاة بعدها وصلنا إلى منفذ الخفجي وهنا أول موقف ::.. كان الخط عند الجمارك زحمة موظف واحد فقط وفيه السايد الآخر فاضي لكن الإشارة حمراء وداخل بعيد شوي فيه إشارة خضراء وادخل متوجهاً للإشارة الخضراء وأجد الجوازات ونختم جوازاتنا ونمشي
وصلنا النويصب قال الموظف ورقة الجمارك ؟ قلت سم .. ما معي ورقة جمارك ؟ قال وشلون دشيت هني ارجع للمنفذ السعودي وجب معاك ورقة الجمارك قال موظف جنبه ( جزاه الله خير ) خله يمشي بس قال تفضل لكن ما يصير كذي ولا تعودها لازم ورقة الجمارك قلت ابشر .. والحمد لله مشينا .. وصلنا الكويت هاه أروح يمين ؟ أو يسار ؟ آخذ الطريق هذا والمفرق هذا 278 أو أكمل واتبع لوحة " طريق خادم الحرمين الشريفين الملك فهد رحمه الله " المهم كملت الطريق ولله الحمد كان أكثر الطريق نصائح وهذه النصيحة كثيرة جدا
وصلنا الكويت وبدأت اللوحات تكثر وبدأت الحيرة تزيد شيئاً فشيئاً رويداً رويداً .. المهم ونطلع اللاب توب ونشوف وين أماكن الشقق آوه كلها موجودة في السالمية واسلك لوحات السالمية المهم كذا بالصدفة وصلت لوحة مكتوب شارع الخليج العربي قلت بس هذا اسمع فيه .. وادخل الشارع أدور شقق ما اشوف لوحات الدنيا عمائر لكن ماكو لوحات شقق وأشوف عمارة شكلها بايخ وصغيرة مكتوب عليها فندق ميرديان قلت خله بس واهم شيء لاتشوفه المدام .. المهم شوي وإحنا في شارع ولوحات مكتوب السالمية دخلنا شارع وأشوف ذيك العمارة مكتوب مارينا رويال .. قلت بس هذي الشقق اللي نصحوني الأعضاء فيها واتجاه إليها بعدما حوست شوي في المحلات اللي كانت حولها مسكرة وقفت السيارة وادخل السلام عليكم عندك شقق أو غرف قال موجود ممكن أشوفها ؟ تفضل شقة غرفة رئيسية وجنبها فرعية وحمام " أعزكم الله " ونص مطبخ نزلت كم ما شاء الله هذي ؟ قال 35 دينار قلت هذي 35 قال بس كل اللي عندنا عوائل سعوديين وقطريين طيب وإذا كان كذا ترفع السعر ؟ ( لعله كان يتبع قاعدة : الجار قبل الدار وكما قال الشاعر العربي القديم يلومونني ابيع بالرخص داري وما علموا أن للدار جاراً ينغصه .. ) المهم طلعت وقبلها سألته وين اقرب شقق لك ؟ وأشار على عمارة قريبة .. اتجهت اليها .. الكورنيش .. السلام عليكم عندك شقق قال لا النظام غرف قلت طيب ممكن اشوف الغرفة .. ونطلع وما شاء الله الغرفة مرتبة وإطلالتها جميلة على البحر لكنها ضيقة .. كم سعر الغرفة قال 40 د قلت متأكد أنت ؟ قال آه قلت ولا فيه خصم قال هذا بعد الخصم هي سعرها 46د لكن بعد الخصم 40 د قال مع الإفطار قلت بدون قال آه ممكن اسوي لك خمسة .. وسكت .. قلت خمسة ايش ؟ قال لا ما اقدرش .. قلت طيب شكراً لك ، نزلت ركبت السيارة قالت المدام هاه ننزل ؟ قلت لا شوي قالت اووف .. قلت الحين يجب نبدأ بالخطة س د ق م ج ..
يتبع .. .. ..مواضيع عشوائيه ممكن تكون تعجبك اخترناها لك:
- مالها حدود في ثاني ايام تطبيق الهويه الوطنيهتزور معرض الكتاب
- تاريخ جم سيقام معرض ديفا ؟؟
- المقيمون في الخليج يدخلون الكويت بدون تأشيرة
- عاااجل توظيف فورا للكويتيين من الجنسين
- اريدك فندق رخيص في الكويت
- المرزوقانجاز من مشروع مول الكويت
- ذويقات كويت الحقوني ؟؟؟؟؟؟
- ما هي مواعيد الفتح والاغلاق ل اسواق الكويت ؟
- عراقيه زوجه خليجي
- استفسار عاجل
- أين أجد ملابس شركتي بوما وأديداس الرياضية بالكويت الحبيبة
- أفضل اماكن التسوق
- استأجار السيارات بالكويت
- كم تبلغ المسافة بين الكويت والامارات براً
- استفسار يا إخواني الكويتين عن تفصال الثوب الكويتي وأفضل محلات الخياطة
- طيران الجزيرة تدشن رحلاتها إلى سوهاج مطلع ديسمبر المقبل
- أريد أن أزور الكويت والصلاة خلف الشيخ العفاسي فهل من مرشد لي هناك ؟؟؟؟؟؟؟؟؟؟؟؟
- زيارة الملك الى استاذ جابر الدولي صور
- لاحول ولا قوة إلا بالله مطلقة العريس وراء الحريق
- أها الكويت الكرام أو الأخوة عافين الكويت
المفضلات