اذا تطيع نصيحتي ..روحوا في البدايه لدزني لاند.. وخذوا لكم فله بمسبح خاص..العبوا زي الاطفال ..قبل لايجيكم اطفال ..
اسبوع تقريبا كفايه على دزني..تصيرون عرفتوا بعض زين..
استاجر سياره.. واتجه شمال.. باتجاه شلالات نياجرا فولز .. الطريق وقيادة السياره في امريكا متعه ما بعدها متعه .. استراحات تفتح النفس.. خضره.. محطات .. مطاعم .. فنادق على طول الطريق.. اي طريق
والله ما تشعر بالملل ابد..بل احيانا ماودك انك وصلت المدينه الي انت متجه لها من متعة الطريق ..
عموما.. الطريق خذه بالراحه.. راح تحصل عدة اسواق بالجمله.. اسمها اوتلت ستورز او مولز ..هذي تبيع باسعار المصنع..يعني ارخص من المحلات المعروفه..انصحك خذ هداياك انت وعروسك لاهلكم من هذي المحلات الي على الطريق..
ولا تنسانا ( امزح )
المهم..الطريق يمكن ياخذ معك ثلاث ايام او اكثر حسب رغبتكم.. بالنسبه للنوم , في الطريق, فنادق ( موتيلات ) يحبها قلبك .. رخيصه.. امنه .. والاكل يوصلك من اي مطعم تبي ( انتبه.. اطلب اكل بدون خنزير.. خصوصا البيتزا )
اذا وصلتوا بالسلامه للشلالات.. يكفيكم فيها يومين او ثلاثه..
بعدها اتجهوا شرق .. لواشنطن العاصمه.. وهي تستحق اسبوعين.. اسواق.. متاحف.. متنزهات..وفيها اكبر اوت لت في امريكا.. اسمه ( بوتاماك مال ) ارقى الماركات بارخص الاسعار
عموما امريكا ممتعه للي يعرف يقرا الخارطه ويبحث في النت..
رحله ممتعه يالحبيب والله يوفقكم ..
اذا احتجت للمزيد من المعلومات , انا جاهز .. وفيه نصايح لك ولغيرك قبل السفر, ذكرني ازودك فيها ان شاء الله
المفضلات