الموضوع: رد على من يسيئ لـطلاب البكالريوس في امريكا

سلام عليكم

تحيه طيبه لجميع رود المنتدى اما بعد...

نلاحظ الكثير من الاخوان والاخوات في بعض المنتديات او في المجالس

يتفلسفون وينقلون كلام ووجهات سلبيه عن حاله الطلاب البكالريوس في امريكا

وهم بعمر 18 سنه او اقل ويعجون بـ الاخبار نقل من شخص وتحصل يتكلم كانه

شايفهم وعن خرابهم و عن سفرهم للـ بنات او النساء وعن سبب سفرهم ليس للدراسه

وعمرهم ليس مهيئ للدراسه وللسفر ولا للتحمل ...........................................الخ

طيب اول شئ الانسان بعمر الزهور او الشباب ما يستحق التعليم وهل تحرم جميع الشباب

الطموحين و الموهبين والمستعدين للدراسه بشان عيينه من الشباب الفاشل و كثير من طلاب

الان في امريكا مجتهد و مثابر و جاد في الجامعه و اخلاقه عاليه وممتازه مشاء الله .......

لانرد منه الكثير لابد من وجود عينه فاشله بقرب مثال الان في سوق الخضار لو اشترينا

10 صناديق خضار معقوله بيكون كلها سليم وكلها خالي من الخراب هل يعقل ذالك

ولو قلنا مراح نشتري خضار ابد لن فيه عينه فاشله ما تكون النتايج بطبع ماراح احد بيكل

خضار وطبعا بنضطر للستيراد من دول المقدمه كعدتنا وهاذا هو حالنا الان لو وقفنا البعثات

للبكالريوس الشئ الاخر ليش التركيز الاكبر لطلاب المبتعثين لمريكا ليش ما يروح

يشوف دوله مقاربه لنا كم شاب دخل له في الخميس و الجمعه ليش ما نضرت

وبعدين سمعنا عن رجوع 700 شخص من بعثات الاولى وانا ما انكر ذالك لكن ندعي الله

ان يحسن الوضع من بعثه لبعثه اخرى ودائمأ في البدايه يحدث عقبات وانشاء الله تنحل

ولا يجهلكم ان دائما في بدايه يكون خلل او نقص يعني معقوله بيروح 15 الاف واحد

ولايرجع منهم احد فهاذي صعبه بعض الشئ و في النهايه اتاسف بـ الاطاله عليكم

و فلسفه الزايده

مواضيع عشوائيه ممكن تكون تعجبك اخترناها لك:

• بروح ادرس في كليفلاند في اوهايو من عنده فكره عنها
• لمن لديه استفسار عن واشنطن دي سي
• طلب مساعده في دخول مكتبات
• اليوم تنفيذ الحكم في المواطنه السعوديه في اميركا
• معهد للاطفال
• الضمان المالي مدته فقط ثلاثة شهور
• فـزعــتــكــم يا أهــل الخبرة والتجارب في تعاونكم معي لاختيار المعهد
• الى الصديق الاماراتي
• ابغا مساعدتكم اخواني
• وين الوزاره
• سؤال لولبي
• محتاج مساعدتكم
• الله يعفيكم اريد الافاده عاجل
• سؤال بسييييييط لاهل الخبره
• معاهد اللغة المعترف بها من الوزارة
• استفسار عن المعاهد
• ممكن معلومات عن مدينة اكرون في ولاية اوهايو وجامعة اكرون
• طلب مساعده عاجل بخصوص ولاية يوتا
• استفسار عن معهد
• طلب المساعدة للبحث عن منحة دراسية

لو خليت خربت هذا المثال تذكرته وانا اقرا موضوعك اخي الكريم بالفعل مو كل الناس اللي رايحه تدرس كلهم خربانين بالعكس معظمهم شاد حيله ومجتهد ومقدر الوضع اللي هو فيه من غربه وابتعاد عن الاهل والوطن بس البعض يشوف الشباب خصوصا في الويك اند وهم يقضون وقتهم باي مكان يحسبون انهم خربانين وانهم مو قد المسئوليه فياليت ما نعم على الكل الاول وبعدين اصابع ايدك مو سوا مثل مايقولون والله يستر على عيالنا وبناتنا في الغربه ويردهم لاهلم سالمين غانمين

اشكرك اخوي على سردك الرائع للموضوع ..

صراحه انت تكلمت عن نقطه مهمه جداً ..

وهي عدم الثقه الكامله في طلاب البكالوريوس .. اي عدم الثقه فينا ..

صراحةً الفساد ليس في امريكا ..

ومن يقول انه في امريكا كما تطرق احد الاخوه في هذا المنتدى بطرح موضوع في قسم ( بوابة السفر الى امريكا الشماليه والجنوبيه ) ..

عنوان الموضوع كان قوي وخطير فعلاً ( بعثات الفسااد .......... ) ماابغى اذكر الاسم ..

لكن الاداره غيرت العنوان ..

صراحه ماادري ليه البعض اذا ذكرت له امريكا حط يده على راسه ..

لماذا ؟

لما فيها من فساد ؟ او لانها تهدد العالم العربي والاسلامي ..؟

اولاً البعثات لطلاب العلم ولمن يستحق هذه المنحه .. والاسلام لم يحرم ذلك ..

ثانياً لو تلتفتون من حولكم لتروون ان معظم الشعب يعمل في مجال التدريس .. ومنهم من لايفقه في تخصصه شي ..

ثالثاً بالنسبة للفساد الموجود في امريكا .. موجودٌ هنا .. ولكنه ليس علني امام الكل ..

ماهو في امريكا موجودٌ هنا .. ( وياما وياما صكت المباحث على مباني للدعاره )

اذا في المدينه المنوره يوجد فساد فكيف هي المدن الاخرى ..

لكن في النهايه ( كل واحد عقلو فراسو ويعرف خلاصو )

اسف على الاطاله ..

لكن زي ماقال الاخ ناصر .. اصابع ايدك مو سوا ..

مشكووور اخوي ..

وصدقت يالغالي .. مب كل من يروح هناك لاجل اللعب والخراب .. بالعكس

فيه ناس بيروحون عشان يكونون مستقبلهم ..

واشكرك مره اخرى ..

والله انا معاك اخوي الخراب موجود في كل مكان مو بس بامريكا ولندن وغيرهم اللي يبي الخراب ممكن يحصله وبارخص الاثمان وهو قاعد في بيته وفي ديرته. وبالعكس الي يقول ان امريكا خراب هذا انسان فاشل وماعنده هدف بالحياة . انا قبل ما اسافر لامريكا والدي قالي كلمه قالي : يبا الانسان بالغربه له دربين اما الصلاح والفلاح او الخراب ماكو واحد يقول انا بين البينين يعني انا يوم زين ويوم شين وبالفعل انا لما رحت هناك شفت ماكو غير دربين ولازم اختار واحد منهم . وطبعا في هالحاله التربيه تلعب دور مهم في اختيار الدرب
والله شاهد علي بالكلام اللي اقوله انا بامريكا التزمت اللتزام الله يعلم شلون . ولو اني قعدت بديرتي الف سنه ما اعتقد اني بيوم راح اللتزم بالدين كثر هناك مو تقليل من وضعي بديرتي ولكن هناك الجو يساعد على الالتزام والتدين للي يسعى وراء الصلاح . وحتى لما كنت ارجع بالعطله اهلى يقولون لي انتي تدرسين شريعه بامريكا ولا شنو ......
وبعدين انا اعتبر الخربان انسان غبي بالاضافه الى الصفات اللى فيه لان الخراب شنو يبي يجني من وراه والله ولاشيئ
وترى الاجانب والامريكان مايبعونها ويخربطون الابالمناسبات والاعياد الرسمه والويك اند تدرون ليش ؟؟؟ عشان مايخربون على نفسهم ويخلون المسلمين يتفوقون عليهم ويسبقونهم بالعلم والتطور .

اسفه على الاطال

.. أحسنتم جميعا بارك الله فيك وفي جهودكم ..

أعتقد أن وزارة التعليم عندها فلسفة ... ( نرسلهم جميعا إلى أمريكا و اللي يجتهد سوف يلقى نتيجة إجتهاده و الفاشل يعرف الطريق إلى المملكة مع اقرب رحلة ) ..
يأخوان البعض يطالب بعمل مقابلات شخصية .. أنا أقول ( أضمنوا لي مقابلين أذكياء و امناء أضمن لكم طلاب ممتازين ) ..

حبيت اشارك في الموضوع بس انا من ناحيتي اشوف طلاب الباشلور احسن لهم يدرسون هنا واعطيكم مثال على البعثات حقت المانيا شوفوا كم طالب رجع الظاهر 90 في المية رجعوا لية لانهم ماقدروا يتأقلموا مع الوضع ياشباتب والله ضغااااااااااااااااااار يعني اوكي هم صح يبون يدرسون ومجتهدين.

بس المشكلة انوا الطلاب هناك ماله احد يعلمة يعني يقوله سو كذا ولا كذا ولا تسوي الشي الفلاني يعني سهل انه يقول خلاص اذا رجعت السعودية بكمل دراستي وغير كذا البعثات جاية ببلاش يعني لو ان الطلاب دفعوا فلوس والله ليعرفون قيمتها.

وصراحة انا اشوف ان الملحقية الثقافية شاده حيلها يعني تلعب منا ولا منا على طول يصدرون تذكرتك ويعزمونك عندهم ويقهوونك وبعدين يقولون يالله رح لبيتكم الله لايهينك ولاعاد نشوف خشتك.....


واسف على الاطالة

صدقتو اخواني و يعطيكم العافيه على التعليقات

الرئعه ويزيد الموضوع تميزأ بدودك الكبيره

فعلا يا جماعة الحكاية المفروض ما تكون "يا تطخه يا تكسر مخه"
يعني ما نقول ارسلوا الشباب عمال على بطال .. ولا نقول لا ترسلوهم بالمرة.

لازم يصير فيه انتقاء و اعداد وتأهيل قبل الابتعاث... ومتابعة ورقابة وتحفيز خلال الابتعاث ومستقبل واضح ومخطط له بعد الانتهاء من البرنامج.
ويا ريت لو كانت أول سنة على حساب الطالب وبعد كدا على حساب الحكومة على حسب معدل الطالب في أول فصلين وبعد ما ينهي يتخرج بحد أدنى للمعدل يسترجع تكاليف دراسة السنة الأولى التي دفعها.
عشان الفئة القليلة اللي مهي مقدرة النعمة.

وأخيرا خلينا نتبع هدي نبينا صلى الله عليه وسلم ونقل خيرا أو لنصمت. لأن هذه الأخبار تحطم من معنويات الطلاب مساكين وهم عندهم اللي يكيفهم من مشاكل في الغربة.

أقول لكم على واحد ضحية هذه الأخبار :
هذا مسكين تخرج من الثانوية من جده وراح لجامعة البترول في الشرقية يدرس و عمره ما كان حق لعب وخرابيط ومعاكسات بنات و صياعة في الأسواق و لا كان جوازه معاه عشان يطلع برا البلد و يدشر. حتى ماله في الكورة ولا البلوت ولا الدخان.
ولكن للأسف الشديد ان والده متقاعد و ماله شغله ولا مشغله الا يسمع حكاوي الشياب . فلان راح الشرقية وخرب. الشرقية فيها حرية زي امريكا. أرامكو علمتهم الحياة الغربية. سهل جدا تنضم الى شلل الامريكيات والحشيش. تهريب السعوديين بدون جوازات الى البحرين على ودنه. وما الى ذلك من كلام فاضي لا أصل له ولا صحة.
وكان والده يصدق هذه الأخبار ويفترض أن ابنه المسكين فيه كل المصايب هذه ودايما يكلمه على هذا الأساس ويعنفه من غير ما يكون الولد سوى اي شيء وعندما يدافع الولد عن نفسه ويقول لأبوه أنه لا داعي للقلق والدليل أنها مرت سنتان ولم يسمع بها الأب أن ابنه مقبوض عليه أو مدمن أو حتى مدخن. يرد عليه والده " أنت ما خربتك الشرقية , أنت اللي خربت الشرقية ولا ليش فلان ولد فلان صاحبي متفوق وتصل لأبوه خطابات شكر من الجامعة وليش فلان صاحبي دعته الجامعة لحضور حفل تكريم ابنه من ضمن الطلاب المتفوقين وانت ما شفنا منك شيء"
ولما يرد عليه الابن انه ما في شيء من الكلام دا و الجامعه نا ترسل خطابات شكر ولا حاجة وانه يشوف يعرف عن هؤلاء الطلاب عكس ذلك, يتهمه أبوه بالكذب وقلة الأدب واتهام الكبار بالكذب لمداراة أخطاؤه.
وعندما يضيق الحال بالطالب لأن الجامعة أخرت المكافأة علما بأن المكافأة يستلمها ناقصة أصلا وذلك لخصم الجامعة من المكافأة بسبب مخالفات مرورية لم يقم بها الطالب ولكنها تلفيق أضف الى ذلك ان سيارته في الورشة وتحتاج فلوس. فيطلب المساعده من أبيه ويكيل له أبوه التهم بالاسراف في انفاق الماال على الصياعة وكيف فلان ابن فلان وفلان ابن فلان عمرهم ما طلبوا فلوس بل انهم يجمعوا من المكافأة ويدخروا. وطبعا ما يصدق اذا قال له ابنه ان فلان سيارته فولفو جديدة وفلان الآخر الي قلت عنه عنده موستانج كشف آخر موديل ورايحين جيين على البحرين بسياراتهم الكشخة سردادي مردادي ويفتركوا الفلوس يمين وشمال.
المهم ما أطول عليكم , نفسية الولد صارت في الحضيض فالجامعة تضغط عليه من جهة بدكاترتها المعقدين ورجال أمنها الذين يدخلون الى الغرف للتفتيش في منتصف الليل , والحالة المادية تضغط عليه من جهة أخرى فالأكل بفلوس و الماء بفلوس والغسيل بفلوس وقيمة المكالمات الهاتفية الى مدينتك نفس قيمة المكالمات الدولية في دول أخرى وتذاكر سفره قصمت ظهره , والمشكلة الأكبر ان الأخبار السلبية تضغط عليه من أهم جهة المفروض أن تسانده وهي والده.
النتيجة الولد لم يستطع الاكمال في الجامعة وانسحب منها.
فرجاءا لا تروجوا هذه الأخبار حفاظا على نفسيات الطلاب.
وآسف على الاطالة

لماذا نظرت المجتمع للفساد لماذا لاينظروا اليها نظرت الصلاح
واذا يعني صغير وعمره 18 بكرا يرجع رجال ان شاء الله واصابع اليد مو سوا ومن الاساس ترجع للتربيه والتفكير المسبق قبل السفر

كيـــــــــف الحــــال؟

تمام الله يسلمك

المشكله تكمن في ان بعض الطلاب عمره ماطلع من بيتهم ويتفاجأ بأنه في امريكا وكل شي متاح قدامه

وتبدأ بعدها رحلة الضياع وانا شخصيا اعرف احد اللذين سافروا للدراسه بأمريكا كان من البيت للمدرسه

للمسجد ورجع الاخ مدمن مخدرات والي يومك وحالته يرثى لها

وهناااا الخوووف من ان تنطبق حالة هذا الشخص على اشخاص اخرين ولا ننكر طبعا ان هناك طلاب

ماينخاف عليهم في اي مكان يدرسون فيه حتى لو كانو في وسط شيكاغو