المشاركة الأصلية كتبت بواسطة مسافر مصور
http://www.arabtravelersforum.com/tr...6/#post5967996
ما شاء الله تبارك الله
الحمد لله على سلامتكم في الرحلة الاولى و الثانية
تقرير فيه تفاصيل التفاصيــل
و ادهشني كثيراً
بلــد جميل يستحق الزيـــــــارة فعلاً
++++++++++
سؤالي عن الشقق الفندقية
س 1 / ماذا لو كان عدد الاشخاص حوالي 8 ؟
هل لديهم شقق كبيرة ام نحجز شقتيـــن !!!
وهل تنصحيني ان نسكن بهذه الشقق الفندقية وبنفس المنطقة
س 2 / سعر التكاسي هناك هل هو مرتفع وكم معدل السعر اليومي ؟
س 3 / هناك منطقة اسمها ( جانج نـام ) هل الفندق يقع بنفس المنطقة ام لا ؟
أشكرك أخوي جزيل الشكر على الثناء و الإطراء
و الله اني استانست وايد لأنه تقريري نال إعجابكم
أخوي بالنسبة للشقق الفندقية ، الشقة اللي سكنا فيها عندهم شقة أربع غرف و بعد عندهم بنت هاوس pent house بس بالنسبة لعدد الأشخاص أخوي للأسف ما عندي فكرة لأنه نحن ما عرفنا عن نظامهم إلا يوم اتصلنا فيهم بس تقدر تبعثلهم ايميل و تسألهم هذا هو موقعهم .
http://seoul.frasershospitality.com/
اخوي بالنسبة للمنطقة اللي فيها الفندق و اسمها انسادونق انا ما شفت فيها غير فندقين اللي سكنا فيه و الثاني بعد شقق فندقية و اسمه سومرسيت somerset ، المنطقة بشكل عام وايد حلوة أول ما تطلع من الفندق تلاقي السوق جدامك بس ترا هذا سوق يبيع أشياء تراثية و تذكارات و أشغال يدوية كورية يعني مب محلات عادية و مراكز تسوق كبيرة ، النقطة الثانية أنه بعيد عن المطاعم الحلال أقرب مطعم هو مطعم الزعفران اللي في ميونق دونق بس الفندق مب وايد بعيد عن ميونق دونق حوالي 15 دقيقة مشي ، بس و الله نحن ارتحنا في هذا الفندق وايد نظيف و هادي و أغلب السكان اللي فيه عرب و أوروبين مبعثين للعمل أو الدراسة في كوريا ، برأيي أخوي إذا تحبون تسكنون بالقرب من المراكز الكبيرة و المطاعم الحلال يمكن ترتاحون في فندق في إيتاون أو ميونق دونق أكثر بس إذا أنتو عائلة الشقة أحسن و نحن ما واجهتنا مشكلة في الأكل كنا بعد ما نتجول الصبح نروح إيتاون نتغدى و ناخذ لنا عشا أو ناخذ أغراض من السوبر ماركت الحلال و نطبخ في الشقة و الفندق عنده باص يوصلك للسوبر الماركت الحلال ببلاش على ما أذكر مرتين في الأسبوع.
أخوي بالنسبة لسعر التكاسي أنا ما شفتها غالية إلا إذا رحتوا مكان بعيد وايد و المهم تركبون التكاسي الصح لأنه على حد علمي التكسي الأسود يكون أغلى لأنه أجدد.
لا أخوي الفندق مب في منطقة جانجنام ، حسب علمي هاي المنطقة اللي فيها كويكس و تراها بعيدة عن الفندق يعني 30 - 40 دقيقة في السيارة و يعتمد على الزحمة .
أخوي تقدر تتابع تقريري الثاني لأني إن شاء الله بتكلم عن منطقة الفندق أكثر و عن الأشياء اللي اكتشفناها فيها و في سول في زيارتنا الثانية.
و أي أسئلة ثانية أخوي أنا حاضرة
المفضلات